Как привлекать от 1000 пдп ежедневно?

Запустить рекламу в MiniApp с оплатой за пдп по 15 руб

Энергетические итоги 2024 Uz

Изучили отчет и собрали самые важные показатели

Что такое малые АЭС?

В Узбекистане построят малую АЭС в Джизакской области

Статистика Избранное

Bektosh Khatamov

@bektoshkhatamov

Гео и язык канала: Узбекистан, Узбекский

Категория: Блоги

Do not prepare to live a life, just live it.
Advokat xizmati: +998935096663
Have an idea? I’m here 👉 @BektoshKhatamovBot
instagram.com/khatamov.bektosh

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Bektosh Khatamov

17 Jan, 11:04

Эркинлик буғилган таълим.

Аслида таълимга чегара қўйиш янгиликларга, ривожланишга чегара қўйиш билан тенг десам ҳам бўлади. Таълим қанчалик чегаралар билан буғилиб борар экан, нафас олиш қийинлашади. Тасаввур қилинг, сизга нафас олишга чегара қўйдим, кунига 1000 марта нафас олишингиз мумкин, 1000 мартадан ошиб кетса, нафасингизни қисиб қўяман.

Мана шу ҳолатда сиз нафас олишни санашдан бошқа нарсага фокус қарата оласизми? Йўқ, чунки ҳар қандай иш қилаётган пайтингизда асосий эътибор нафас сони бўлиб қолаверади.

Таълимда ҳам ҳар хил форма, соч-соқол, калта-узун пайпоқ орқали тизим буғилганда асосий фокус шу бўлиб қолаверади, яъни ижод қилиш, янгилик яратиш, изланиш деган тушунчалар орқа планга ўтиб қолаверади.

Юқоридаги скриншотни Навоий давлат кончилик ва технологиялар университети талабалари юборишибди. Формада келишнинг, соч-соқолнинг олинган ҳолатда келишнинг якуний назоратга қандай боғлиқлик жойи бор?

“Оврўпа халқи осмонға учар экан, бизда соч ва соқол низолари. Оврўпаликлар денгиз остида сузар экан, бизда узун ва қисқа кийим жанжалллари. Оврўпа шаҳарлари бутун электрик билан иситилур ва ёритилур экан, бизда мактабларда жуғрофия ва табиат ўқутиш ва ўқутмаслик ихтилофлари давом этади”, деганди Мунавварқори Абдурашидхонов 1923 йилда.

Орадан 100 йилдан ошиқ вақт ўтди, ҳеч нарса ўзгармади.

@bektoshkhatamov

2.2k 0 26 125

Bektosh Khatamov

17 Jan, 09:18

Репост из: u.azizov_rector

Принстон ва Мичиган Давлат Университети (MSU)

Билим олиш нуқтаи назаридан нима фарқи бор?

Албатта, АҚШдаги бу икки университетларни фарқли томонларини солиштирадиган халқаро мезонлар мавжуд. Times Higher Education халқаро рейтинг ташкилотининг мезонлари 2024-йил якунлари бўйича дунёда Принстон 4-ўринни, Мичиган Давлат Университети эса 122-ўринни эгаллади. Ушбу ўринларни эгаллашда “таълим бериш муҳити”, “тадқиқот учун яратилган шароитлар”, “тадқиқот сифати”, “халқаро ҳамкорлик” ва “тадқиқотдан келган даромадлар” мезонларга эътибор берилган.

Ушбу мезонларни шубҳа остига олмаган ҳолда, масалан, “компьютер технологиялари” бакалавр таълим йўналишига кирган талабанинг таълим олиши нуқтаи назаридан уларнинг аҳамиятини кўриб чиқамиз.

Масалан, “таълим бериш муҳити” мезони профессор-ўқитувчиларнинг ўқиётган талабаларга бўлган нисбатини кўрсатади. 2024-йил якунлари бўйича Принстонда бу нисбат 7.8ни ташкил этса-да, MSUда эса 16.1ни ташкил этди.

Бироқ АҚШда, хусусан, бу икки университетда билим олиш асосан талабанинг ҳаракатига боғлиқлиги (student-centered education), билим бериш манбалари ҳозирги технологиялар ривожланган даврда фақат профессор-ўқитувчига боғлиқ эмаслигини инобатга олсак (талаба университет таълим бериш порталида берилган вазифаларни мустақил бажаради, маърузаларни онлайн тинглайди ва ҳоказо), кўрсатилган нисбат таълим олиш нуқтаи назардан унча ҳам аҳамият касб этмайди.

Яна бошқа мезонлар бу “тадқиқот учун яратилган шароитлар” ва “тадқиқот сифати”. Ушбу мезонлар доирасида университетда мавжуд лабораториялар, ушбу лабораторияда ўтказилган тадқиқот натижаларни обрўли журналларда чоп этилиши ва бу мақолаларга дунёдаги бошқа олимлар томонидан келтирилган иқтибосларга эътибор қаратилади.

“Компьютер технологиялари” таълим йўналиши нуқтаи назаридан лабораторияларнинг мавжудлиги бу асосан замонавий компьютерларни мавжудлиги (барча АҚШ университетларда бундайлари бор), тадқиқотлар асосан талабаларнинг ташаббусларига ва синчковлигига (мавжуд ижтимоий муаммоларни кўра билиш ва уларга компьютер технологиялари ёрдамида ечим бериш) боғлиқ бўлганлигини инобатга ослак, ушбу тадқиқотларнинг марказида талаба асосий ўринни эгаллайди.

Талаба сифатли таълим олишда энг асосийси ўз билимига ишонишлиги (билим бўлмаса кейинги босқичга ўта олмаслик тушунчаси) ва дарсларни мустақил ўрганиш ҳамда ўзлаштириши лозимлиги ҳиссини бошиданоқ унга сингдирилиши муҳим омиллардан бири ҳисобланади.

Ушбу жиҳатлар (психологик муҳит) иккала университетда – Принстонда ва MSU – ҳам мавжуд.

Фикр биздан, хулоса сиздан.

@azizovulugbek

2.1k 0 7 25

Bektosh Khatamov

15 Jan, 12:29

Ҳали соққа қиладиган жойи кўп.

Отабек Бакиров ва Комил Жалилов мактабларда соққа қилинмаган нима қолди дейишмоқда.

Мактабларда ҳали соққа қилиш имкониятлари жуда катта, биринчидан форма масаласи кун мавзусидан тушиб қолди, ҳаммага бир хил форма тиктириш ва бутун Ўзбекистон ўқувчиларига формани тикишни ҳеч қандайдир тендерларсиз битта ширкатга бериш.

Энди форма бир хил бўлгандан кейин ўз-ўзидан мактаб сумкалар ҳам бир хил бўлиши керак, битта ширкат бир хил сумкаларни олиб кириш билан шуғулланиши керак, албатта субсидиялар, солиқ ва божхона имтиёзлари берилиши керак.

Мактаблар бир хил тарздаги методик қўлланмалар, деворий газеталар билан бойитилиши керак, булар билан ҳам битта фирма шуғулланса, яхши бўлади, ахир ҳаммага ҳам бундай масъулиятли ишни топшириб бўлмайди-ку.

“Яшил мактаб” умум бирлашмаси тузилиши керак ва бутун мактабларда 1000 донадан терак экиш кампаниясини бошлаш керак. Теракларни етказиб бериш ҳам фақат битта ширкат шуғулланиши керак.

Ээҳҳҳҳ, акалар, ҳали соққали жойлар кўп, мен бундан ҳам соққалироқларини биламан, майли, энди айтдим-қўйдим-да.

@bektoshkhatamov

Айтамиз ва қайтамиз: Мактаб ошхоналарининг ижара ҳуқуқи аукционда сотилади Ўқув йили бошланиши арафасида мактабларнинг ошхоналари ҳеч бир ҳуқуқий асос бўлмасада, аукцион орқали сотишга мажбурлаш бошланганди. Ҳатто аукцион орқали бир неча мактабнинг ошхонаси сотилган ҳам. Жамоатчиликнинг эътирозлар...

3.5k 0 21 149

Bektosh Khatamov

14 Jan, 16:16

Репост из: Profi University | Rasmiy kanal

02:37

Видео недоступно для предпросмотра

Смотреть в Telegram

🎉 Bayramingiz muborak bo‘lsin!

Ayollarni odatda oyga o‘xshatishadi, ular nurlari bilan tunga o‘xshash hayotimizni oydinlatishlari bor gap. Ammo oy nurini qayerdan oladi? Albatta, quyoshdan. Bu hayotdagi quyoshlarimiz esa mard yigitlarimizdir.

Jamoamizning hurmatli yigitlari, Quyosh singari olamni yoritishda davom eting.

Siz bor ekansiz, biz xotirjamlikda ertangi kunga ishonch bilan olg‘a qadam bosaveramiz.

🤗 Bayramingiz muborak bo‘lsin!

——-
🎉 С праздником!

Женщин часто сравнивают с луной, которая освещает своим светом нашу ночную жизнь. Но откуда Луна берет свой свет? Конечно, от солнца. Наши солнца в этой жизни — наши храбрые молодые люди.

Дорогие ребята из нашей команды, продолжайте освещать мир, как Солнце.

С Вами мы сможем двигаться вперед со спокойствием и уверенностью в завтрашнем дне.

🤗 Счастливого праздника!

@profiuniversity

3.4k 0 13 63

Bektosh Khatamov

14 Jan, 14:01

Доллар мазах қилганда деган расм!

@bektoshkhatamov

4k 1 19 109

Bektosh Khatamov

14 Jan, 11:10

Гамбаримасу.

- 12 йил Японияда яшаяпсан, бу ерда жуда кўплаб нарсалар ўргандинг, лекин кетиш керак бўлса ва ўрганган нарсаларингдан фақатгина биттасини олиб кетишга мажбур бўлсанг, нимани олиб кетган бўлар эдинг?

- Гамбаримасу.

- Нима у?

- Бир ишга, бир ҳунарга, бир бизнесга, умуман олганда ҳаётдаги ўзинг севган ишнинг ҳақиқий соҳиби бўлиш учун ўзингни максимум даражада шу ишга бағишламоқ. Таксичимисан? Шу иш сенга ёқадими? Энг зўри бўлишинг керак. Қассобмисан? Шу ишдан завқ оляпсанми? Шу ишнинг энг зўр мутахассиси бўлишинг керак.

Японлар айнан “гамбаримасу” туфайли урушдан кейинги энг қашшоқ давлатдан дунёнинг энг бой давлатига айланди. Агар инсон ичида гамбаримасу бўлса, ҳар қандай қийинчилик, ҳар қандай муаммо оддий бўлиб қолади.

@bektoshkhatamov

4.5k 0 94 127

Bektosh Khatamov

14 Jan, 05:56

Фокус.

Бир ишни севиб бажарсангиз, унга қанча вақт ва маблағ кетиши сизни умуман қизиқтирмайди, асосийси қилиш керак деган хаёл тўлиқ қамраб олади. Уйқудан олдин, уйқуда, турганингизда, ётганингизда шу иш ҳақида ўйлайверасиз.

Ана шунақа иш учраб қоладиган бўлса, уни асло қўйворманг, чунки у ҳаёт мазмунига айланиб қолади, шу ишга фокусни қаратинг, пул ва бошқа нарсалар ўзи сизни қувиб келаверади. Асосийси фокусни йўқотиб қўйманг.

@bektoshkhatamov

6.4k 1 49 141

Bektosh Khatamov

12 Jan, 15:04

Ишончлар жанги.

Биласизми, ишончлар қанчалик инсонларни бир-биридан узоқлаштиради? Маълум бир ҳикояга ишонган одамлар бошқа бир ҳикояга ишонган инсонларни душман каби кўра бошлашади.

Чунки бизни бир ҳақиқат бор, ундан бошқа ҳақиқат йўқ деб ўстиришган, бизникидан бошқа ҳикояга ишонадиганларни ўзимизга душман деб кўрамиз. Буни кичик бир ҳудудий бўлинишдан тортиб давлатлар бўлинишигача, динлар, миллатлар, ирқлар бўлинишигача олиб келади.

Масалан, яҳудий деган ҳикояга ишонганлар мусулмон ҳикоясига ишонганларни қирмоқда. Оддий бир кичик мисол айтаман: талабалик давримизда талабалар вилоят, вилоят, ҳатто туман-туман бўлиниб олишар эди. Ҳозир ҳам шундай. Биров билан танишсак, биринчи саволимиз: қаердансиз? бўлади.

Чунки биз бир вилоятлик бошқа бир вилоятликни қўллаб-қувватлайди, бир жойдан бўлса, ёрдами тегади деган ҳикояга ишонамиз.

Икки фарқли дин вакили бўлган икки севишган ҳаётини барбод қилганлиги ҳақида эса мана бу 👉 видеода батафсил айтиб бердим.

Умуман олганда биз инсон сифатида мутлақ ягона ҳақиқат бор деган тушунчадан узоқ бўлишимиз керак деб ҳисоблайман.

@bektoshkhatamov

5.6k 7 19 81

Bektosh Khatamov

12 Jan, 12:33

Прокурордан чиққан ҳокимлар.

Саидали ака прокурор ёки ички ишлар органларидан чиққан ҳокимлар қисқа вақтда ўзини оқлаши мумкин, лекин узун вақтда барибир ўзини оқламайди деб ёзибдилар.

Мен эса прокуратура ёки ички ишлардан чиққан ҳокимлар умуман ўзини оқламайди деб ҳисоблайман. Бунга асосий сабаб биздаги ҳуқуқни муҳофаза қилиш органларидаги инсонларнинг миясида шаклланган “жиноятчини топиш” деган фокус. Хоҳлайдими ёки йўқми тизимнинг ўзи уларда ҳамма нарсадан ёки ҳар кимдан шубҳаланишга ўргатиб қўяди.

Уларнинг наздида ҳамма жиноятчи, ҳаммани жазолаш керак. Масалан, ҳозир ва шу ерда жазоланиши керак деган таомил билан иш кўришади. Умуман олганда узоқни кўра оладиган ҳокимларни тайёрлаш дастури зарур деб ўйлайман. Масалан, ривожланган давлатларда ҳуқуқни муҳофаза қилиш органларидан бошқарувга қўйиш амалиётини умуман учратмайсиз, чунки ундай одамларни халқнинг ўзи сайламайди.

Бизда эса ҳокимлар ҳозиргача ҳам тайинланади холос, сайланадиган бўлса, ишончим комилки, бирорта ҳам ҳуқуқни муҳофаза қилувчи орган вакили ҳокимликка сайлана олмайди, чунки халқ уларни фақат жазоловчи позициясида қабул қилган.

Бу аслида ёмон эмас, ҳуқуқни муҳофаза қилувчи одам ҳар нарсадан шубҳаланиши табиий ҳолат, аммо ёмон томони шундаки, улар ҳокимликка ўтган пайтларида мияни олдин ишлаган жойида ташлаб кета олмайдилар.

Шунинг учун биз ҳозир ҳам баъзи ҳокимларни “қама буни, беш йиллигини текшир, ҳозир аризасини ёзсин, бўшат ишдан, йўқот буни” деган хитобларини эшитамиз, асосий муаммо шундаки, “мутлақ ҳокимият чексиз қонунсизликни келтириб чиқаради”.

@bektoshkhatamov

Прокурор ёки ички ишлар каби органлардан чиққан шахсларни ҳокимликка қўйиш ўзини оқлайди деб ўйламайман. Уларда жазолаш позицияси кўпроқ бўлади ва шундан келиб чиқиб улар халқни асосан жазолаш тахдиди билан бошқаришга интилади. Бу вазиятни вақтинчалик ушлаб туриш мумкиндир, лекин умумий ҳисобда а...

5.3k 3 30 92

Bektosh Khatamov

12 Jan, 08:26

Репост из: u.azizov_rector

Илм, таълим ва сунъий интеллект

Яқин ярим йил ичида ChatGPTдан фойдаланиш ва дарс бериш жараёнида ChatGPTни талабаларга таълим беришдаги имкониятларини шахсан ўрганиб чиқдим. Интернет, ҳусусан, ChatGPT таълимни ташкил қилиш мазмунини ва шаклини тубдан ўзгартириб юборди, десам ҳеч ҳам хато қилмаган бўламан.

Таълим олиш манбалари ҳозирда ўқитувчидан (домладан) ўқувчи (талаба)ларга ўтиб (“марказда талаба” тамойили), ҳозирги даврда талабаларнинг ўзлари томонидан (масалан, ChatGPTдан) маълумот/билим излаш имкониятлари анча кенгайди. Бу борада ўқитувчининг (домланинг) мақоми “таълим берувчидан” “мотивация берувчига” айланиши даркор.

Юқоридагиларни эътиборга олиб, республика олий таълим муассасаларида 1-босқич (foundation year)даги (таълим йўналишидан қатъий назар) барча фанларни қуйида кўрсатилган фанларга алмаштирилишини истардим:

1. Мотивация бериш ва олиш асослари;

2. Маълумот йиғиш ва уларни таҳлил қилиш методологияси

3. Мен ва сунъий интеллект: методологик тавсиялар;

4. Таълим олишга ўзим масъулман: методологик тавсиялар;

5. Тўғри ўқишга 100 қадам: методологик тавсиялар;

6. Тўғри эссе/илмий маъқолалар ёзишга 100 қадам: методологик тавсиялар.

Сиз қайси фанларни яна қўшган бўлар эдингиз. Изоҳларда фикрингизни ёзиб қолдиринг.

@azizovulugbek

4.6k 0 31 82

Bektosh Khatamov

11 Jan, 17:26

Ҳусанов тўлқини.

Абдуқодир Ҳусанов ростан ҳам жуда катта тўлқинни олиб келади, Ўзбекистон ҳам инсон капитали, истеъдоди билан дунё етакчилари қаторида тура олишини исботлаша олади.

Бу катта тўлқинни олиб келади, яъни энди футбол скаутлари Ўзбекистондан ҳам талант топиш мумкинлигини англаб етиша бошлашди. Энди Европа скаутлари фақат Африкадан эмас, Ўзбекистондан ҳам талант қидиришни бошлайди.

Бу эса нафақат футбол, балки бошқа соҳаларни ҳам жалб қилишни бошлайди.

@bektoshkhatamov

5.2k 0 19 314

Bektosh Khatamov

10 Jan, 16:11

Огоҳлик.

Грузияга борадиганлар учун эслатма, биз келган самолётда эрталаб борган 9 киши қайтиб келди. Грузияда Ўзбекистон фуқароларига нисбатан паспорт текшируви қаттиқ олиб борилмоқда.

Келаётган Ўзбекистон фуқароларидан қайтиш билети, меҳмонхона брони, неча кунга келганлиги сўралмоқда, бирор меҳмонхонани айтсангиз, ўша меҳмонхонага телефон қилиб ростан ҳам брон бор ёки йўқлиги текширилмоқда.

Бир ўзбекистонлик эркак дўстининг олдига келаётган экан, лекин дўстининг фамилиясини билмас экан, шунинг учун қайтариб юборишибди. Дўстларингизнинг фамилиялари билан билиб юриш кони фойда экан.

Бундан ташқари кўринишга ҳам қарашмоқда, ўранган, ҳижобли ёки қандайдир диний атрибутлар кийиб ёки тақиб олган одамларни ўтказиши жуда қийин бўлмоқда, ўтказган тақдирда ҳам сўроқ қилиб, аниқ барча фактларни текшириб кейин ўтмоқда.

@bektoshkhatamov

17k 1 116 159

Bektosh Khatamov

10 Jan, 03:46

Кичик, аммо катта ўзгариш.

Саакашвили Грузия президентлигига келишидан бироз ўтиб пойтахт Тбилисидан Батуми томон мошинада йўлга чиқади. Йўлда бир АЁҚШ (автомобилларга ёқилғи қуйиш шаҳобчаси), яъни халқ тилида заправкада тўхтайди ва ҳожатхонага кирмоқчи бўлади, аммо заправкадагилар янги президентни танимайди ва ҳожатхона фақат ходимлар учун дея жавоб беради.

Шу воқеадан кейин Саакашвили кичик, аммо жуда катта ўзгаришларга олиб келган қарор қабул қилади, бу қарорга кўра ҳар қандай заправка олдида албатта жамоат ҳожатхонаси бўлиши, у текин бўлиши ва тўлиқ санитария қоидаларига жавоб бериши шарт қилиб қўйилди.

Ундан ташқари заправкалар туристлар учун қулай бўлиши, ҳар бир заправка олдида озиқ-овқат дўкони бўлиш талаби қўйилди.

Ўзи кичкина ўзгаришдек туюлган қарор бутунлай мамлакатнинг туристга бўлган муносабатини ва туристларнинг мамлакатга бўлган муносабатини ўзгартириб юборди.

Халқнинг ҳар бир вакили турист қанчалик муҳим эканлигини, хизмат кўрсатиш юқори даражада бўлиши кераклигини тушуниб етди.

P.S. Қизиқ буларда ҳам метрога сийиб кетадиганлар бормикан-а?

@bektoshkhatamov

6.6k 1 34 207

Bektosh Khatamov

9 Jan, 15:50

Грузия валюта бозори.

Грузияда валюта икки хил усулда сотилади, биринчиси бизники каби банк, унда валюта алмаштириш учун паспорт кўрсатишингиз шарт, иккинчиси маҳаллик кичик тадбиркорлар томонидан сотилади, унда паспорт кўрсатиш шарт эмас.

Иккинчи усул биздаги қора бозорнинг қонуний варианти десак ҳам бўлади. Кичик тадбиркор лицензия олади, давлатга солиқ тўлайди ва истаганча валюта олди-бердиси билан шуғулланаверади.

Банкдан афзаллиги 24 соат ишлайверади, банк эса ҳафтада беш кун фақат иш соатларида ишлайди, бундан ташқари паспорт кўрсатиш шарт эмас. Валюта нархи эса деярли банк билан бир хил, салгина арзон ҳам юради.

@bektoshkhatamov

6.4k 1 12 86

Bektosh Khatamov

9 Jan, 14:46

Казино бизнеси.

Ҳозир Батумидаман, бу ер Қора денгиз бўйидаги Лас-Вегас дейилади. Умуман Грузияда ўз халқи казинога кира олмайди, казино фақат туристлар учун ташкил қилинган.

Дунёнинг турли давлатларидан турист Грузияга казинога кириш учун келишади. Батумига асосан Туркия, Қозоғистон ва Ўзбекистондан казинога кириш учун келишар экан, урушдан олдин Россиядан келувчилар сони жуда кўп бўлган экан, лекин ҳозир сал камайиб қолибди.

Бизда ҳам Мўйноқда шунақа жой қилишни режалаштирилган эди, аммо кейинчалик бу режа қолиб кетди. Менимча бу мамлакатга жуда пул ва турист оқимини олиб келади, бу масалани ҳам ўйлаб кўриш керак менимча. Худди Грузия каби фақат туристлар учун рухсат берилса, анча жойлар ўз-ўзидан ривожланиб кетар эди.

@bektoshkhatamov

5.7k 0 14 150

Bektosh Khatamov

7 Jan, 10:42

Энергия тақсимоти.

Танамизда мия энг катта энергия олар экан, у ҳатто уйқуда ҳам ишлайди, агар биз бутун танага энергияни тўғри тақсимламасак, мия бизни кемиришга тушади ва бутун энергиямизни еб битиради, натижада ҳолсизлик, ҳар хил негатив фикрлар, асабийлашиш, стресс каби нарсалар келиб чиқади, чунки мия зуриқиш билан ишлайди.

Энергияни тана бўйлаб тўғри тақсимлай олганлар эса ҳаётда анча позитив, стресслардан ҳоли тарзда яшар экан. Harvard Business Review (HBR) нашрининг маълумот беришича энергия тақсимотини тўғри йўлга қўя олган бизнесменларда пул оқими енгил шаклланар экан, чунки қарор қабул қилиш анча самарали бўлар экан.

@bektoshkhatamov

7.3k 0 66 109

Bektosh Khatamov

3 Jan, 19:27

Ғайрат Дўстовнинг озод қилиниши…

Ҳозир ростини айтсам, жуда кўпчилик Ғайрат Дўстовни озод қилинди деб ёзмоқда, лекин аслида озод қилинмади, шунчаки жазо муддати 15 суткадан 8 суткага қисқартирилди ва Ғайрат Дўстов ўзи 8 сутка ўтириб қўйгани учун суд залидан чиқариб юборилди десак тўғрироқ бўлади.

Бунда суд ҳали ҳам Ғайрат Дўстовнинг ҳаракатларини майда безорилик деб малакаламоқда, бу эса умуман бошқа нарса. Мен ҳали ҳам тушунмаган жойим: Ғайрат Дўстов кимни ҳақорат қилди? У ҳақорат қилган инсонлар даъвогар сифатида судда қатнашдими? Улар ИИБга ариза билан мурожаат қилдими? Шаҳобча ходимлари деган мавҳум одамлар ўзи кимлар? Айнан қаерда ҳақорат бор?

Кейин жамоат тартиби бузиш, жамиятда юриш-туриш нормаларини бузиш деганда ўзи аниқ бир рамка борми? Мана бундай қилсанг, рамкангдан чиқасан, мана бу рамканинг ичи деган тушунча борми? 183-модда билан аслида хоҳлаган одамни 15 суткага тиқиш мумкин.

Бу ўзига хос “дежурний” модда бўлиб қолган, агар биз ростан ҳам ҳуқуқий-демократик жамият қуриш истагида бўлсак, бунақа мавҳум жумлаларга тўла навбатчи моддалар қонунчилигимизда бўлмаслиги керак.

@bektoshkhatamov

15.7k 2 55 359

Bektosh Khatamov

3 Jan, 13:07

Ҳа, айтганча бугун Грузияга етиб келдик. Грузияда тоғ-чанғи курортига кетмоқдамиз, у ердан жуда ҳам ажойиб контентларни сизлар билан бўлишиб бораман.

Барча контентни мана бу линк орқали кузатиб боринг. Грузияни умуман бошқа томондан кашф қиламиз.

https://www.instagram.com/khatamov.bektosh?igsh=MTNmZzV1ejBiMHFhdg==

@bektoshkhatamov

8.5k 0 7 67

Bektosh Khatamov

3 Jan, 12:59

Бекликни йўқотмайлик.

Белгиянинг пойтахти Брюсселда airbnb орқали уй ижарага олдмм, ростини айтсам, олдинлари қаерга борсам, рейтинги юқори меҳмонхона олар эдим.

Бу сафар қандайдир айнан уй ижарасини синаб кўрай деб олдин Парижда, кейин эса Брюсселда Airbnb платформаси орқали уй ижарага олиб кўрдим, ҳам ўзимга тажриба, ҳам контент учун деб ўйладим.

Парижда олган уйимизда ҳеч қандай воқеа содир бўлмади, Париждаги уй ҳақида мана бу 👉 видеода ҳаммаси гапириб берганман.

Аммо Брюсселда бизни биз кутмаган воқеа кутиб турган эди. Брюсселда тарихий бир уйни ижарага олдик, биринчи куни ҳаммаси яхши ўтди, аммо иккинчи куни турмуш ўртоғим билан айланишга чиқиб қайтиб келсак, уйга ўғри кирибди, сал кам 5000 долларга яқин нарсаларни ўғирлаб кетибди.

Airbnb платформаси зарарни қоплаб берди, аммо барибир ёмон бўлди. Шу бекликни йўқотмасдан синалган меҳмонхоналарда яшаб юравер дегандай бўлди-да.

Брюсселда қандай уйни ижарага олганим ҳақида мана бу 👉 видеода айтиб бердим.

@bektoshkhatamov

8.6k 0 16 64

Bektosh Khatamov

3 Jan, 05:13

Мободога.

Аэропортда учиб кетиш терминалида “Pie Republic” деган овқатланиш шаҳобчаси бор. Кассада жуда эҳтиёт бўлинг, долларни 14500 сўмдан ҳисоблашади, нега ундай деган саволга секин елка қисиб қўяверашади. Олмаган нарсангизга ҳам қўшиб юбориши мумкин. Карта аппарат ишламаяпти деб фақат нақд пул қабул қилди.

Билиб қўйган яхши.

@bektoshkhatamov

6.7k 0 22 232

Показано 20 последних публикаций.

11 741

подписчиков

Статистика канала

Популярное в канале

Огоҳлик. Грузияга борадиганлар учун эслатма, биз келган самолётда эрталаб борган 9 киши қайтиб ...

Ғайрат Дўстовнинг озод қилиниши… Ҳозир ростини айтсам, жуда кўпчилик Ғайрат Дўстовни озод қилинд...

183-модда. Майда безорилик Майда безорилик, яъни жамоат жойларида уятли сўзлар билан сўкиниш, ф...

2024-йилдан ўзим учун олган 10 сабоқ. 1. Катта стратегияларни кичик одамлар билан қилишни ўйлаб...

Her şeye rağmen. Мен бу йилни ўзим учун “her şeye rağmen” деб номламоқчиман, туркларнинг “her ş...