Bahodir Aminov

#mulohaza

Hozir koʻpchilik asosan sarlavhasi nihoyatda jimjimador, noodatiy boʻlgan kitoblar oʻqiyapti. Asosan turk adabiyoti.

Lekin bu narsani qoʻllab-quvvatlamayman. Bir nechta kitoblarni(Mehmet Yildiz "Izlash", Nabi Yildiz "ogʻir damlar katta imkoniyatlar eshigini ochadi", James Klir "Atom odatlari", Mark Menson "Beparvolikning nozik sanʼati") oʻzim ham oʻqidim.

Shuningdek yana bir nechta kitoblar( "Dunyodagi eng baxtli ayol", "Oʻzingga xush kelibsan", "Qaqtuslar ham gullaydi", "Baʼzilar olisdan sevarlar" kabi trentdagi koʻplab kitoblar...) ayolimga sovgʻa qilgandim. Uyda yotibdi.

"Atom odatlari" kitobi nisbatan pichoqqa ilinadigan kitob. Qolganlari bir tiyinga qimmat ochigʻi. Bu kitoblar "yengil".

Eski kitoblarni oʻqish kerak. Asrlar osha kelayotgan kitoblar, oʻlmas asarlarni oʻqish kerak. Haqiqiy ilm sarlavhasi yaltiroq biroq quruq gapdan iborat kitoblarda emas, eski kitoblarda mujassam.

Oʻtkir Hoshimov aytganidek:

Eng yaxshi kitob - vaqt va kitobxon sinovidan oʻtgan kitobdir.

Eski kitoblar "ogʻir". Juda katta va koʻp tomonlama foydali bilimlar beradi.

Va nihoyat oʻzim ham vaqt ajratib, bu yil hisobidan ilk kitobim Imom Gʻazzoliyning "Mukoshafatul qulub" - "Qalblar kashfiyoti" asarini oʻqiy boshladim.

Oʻzi Alisher Navoiyning "Lison Ut-Tayir" kitobini oʻqimoqchi edim. Lekin uni ayolim oʻqiyapti ekan.

Avval ham taʼkidlaganimdek ayolim oʻzi bilan olib kelgan hali ancha oʻqishim kerak boʻlgan qimmatli, nodir kitoblar bor.

@aminovblogi

#day_30 #hayotiy

Yerni ostida tinch yotish uchun yerni ustida tinch yurish kerak!

@aminovblogi

#mulohaza #hayotiy

Farosat - ulugʻ neʼmat!

Bugun telegramimni Universitetda komputer(Desktop)ga ulagandim.

Shoshib ish bilan chiqib ketgandim telegramni oʻchirish esdan chiqib qolib ketibdi.

Shu bilan telegramni uyga borib ochdim. Orada 2 soatlar oʻtdi.

Qaysidir bir farosatsiz meni telegramimga kirib kavlabdida.
Qaysidir guruhlarimni oʻchiribdi, chiqib ketibdi. Hozir yozishyapti nima qilib tashlabsan deb.

Eng qiziq joyi:

Qaynonam bayram bilan tabriklab yozgan ekanlar. Unga ham javob yozibdida.

Toʻgʻri ayb oʻzimdadir, oʻchirmay chiqib ketganman. Lekin zarur ish bilan shoshilib esimdan chiqib qolgan. Har kim bilan ham shunday holat boʻlishi mumkin.

Insonlar, xaloyiq sizdan iltimos, ozginnaa judaaa ozgina boʻlsa ham miyangizni, farosatingizni ishlating iltimos. Axir sizga Hudo miyani bekorga bermagan.

@aminovblogi

Shu gap hali ham aktual! 😁

@aminovblogi

#repost #mulohaza

To'p ortidan quvish

1982-yili Vayne Gretzkiy xokkey bo'yicha dunyodagi eng ko'p to'p kiritgan sportchiga aylanadi.

Muvaffaqiyatining siri — oddiy.

Barcha to'pga yetish uchun raqobatlashganda — men to'p qaerga kelishini ko'rib, o'sha yerga turib olardim, deydi Vayne.

Menimcha, ta'lim tizimi orqada qolayotganining sababi ham shu — maktablar to'p uchun kurashadi.

Ma'no muhim emas, bellashuv muhim:

Minglab bolalar taqdiri qiziq emas — 4-5 tasi olimpiadada o'rin olsa bo'ldi;

Tushunganining ahamiyati yo'q — testda yaxshi natija ko'rsatsa bo'ldi;

O'quvchilar tarbiyasi muhim emas — o'qishga ko'proq kirib, maktab reytingini ko'tarsa bo'ldi.

Reyting uchun kurashish = xokkey to'pini ortidan quvishdek gap:

Maktablar bellashuv bilan band — lekin kelajakda bu ko'nikmalarga jamiyatda ehtiyoj yo'q.

Ishsizlik sonining yildan-yilga ortib borishining asosiy sababi ham shu.

2008 yil, 150 ta korxona rahbarlari ularga testni yaxshi ishlovchi emas, balki tarbiyali, tez ko'nikishga moyil va tashabbuskor bitiruvchilar kerakligini aytib o'tadi.

YA'ni zamonaviy bozor iqtisodiyoti uchun — o'quvchilarning qizil diplomi, test natijalari, faxriy yorliqlari qiziq emas. Ularning ko'nikmalari qiziq.

Maktab esa bu ko'nikmalarni o'ldiryapti, afsuski..

Xulosa

To'g'ri yo'lda bellashing!

@Ustoz_kundaligi
@aminovblogi

#day_29 #hayotiy

Oilada shunday vaziyatlar boʻlar ekanki, bu vaziyatlar erkakka qaraganda ayolni shunaqangi burchakka tiqib, koʻmib tashlar ekanki, asli qoʻyaverasiz.

Bunday vaziyatlarda ayolni bu burchakdan yorugʻlikka olib chiqa oladigan inson bu uning yonidagi turmush oʻrtogʻi yaʼni erkak kishi.

Koʻpchilik ilmli yoshi katta tanishlarim, domilalarim ayollarni hurmat qilardi, ularga juda hurmat, izzat koʻrsatardi.

Hayron boʻlardim. Ayrimlarini gapiga quloq solib oʻyalamsdan ular xotinidan qoʻrqsa kerak, yoki harakteri, tabiati yumshoq deb oʻylardim.

Hozir esa oʻzim amalda amin boʻlayapmanki haqiqiy erkak sifatida shakllanganing sari ayyolar hurmatini joyiga qoʻyib borar ekansan.

P.s.: Men feminist emasman. Miyani ishlatib shunchaki postni takroran yana bir marta oʻqing:)

@aminovblogi

#day_28

Sabr qiling!
Shukr qiling!

@aminovblogi

#day_27

Doim nolib yurardim. Keyin kasbim, ish, oʻqish bilan bogʻliq turli vaziyatlarda asta-sekin turli insonlarni koʻrdim, taqdirlarni koʻrdim, eshitdim.

Va bildimki dunyodagi eng baxtli inson oʻzim ekanman.

Ishim, oilam, uyim bor.
Tinchman. Sogʻlomman.

Adashmasam paygʻambarimiz Muhammad Mustafo sollallohu alayhi vasallamning mazmuni quydagicha hadislari bor:

Bandaga IYMONdan keyingi berilgan eng ulugʻ neʼmat SOGʻLIKdir.

Sogʻ boʻlinglar!

@aminovblogi

#day_26

James Klirning "Atomic habits" (Atom odatlari) kitobini oʻqigandan keyin nisbatan ishlarimda unumdorlik oshdi.

Kitobning asosiy mazmuni oz-ozdan yaxshilanish. Barcha katta va qiyin ishlarni mayda qismlarga va detallarga ajratib bajarish.

Boshida oʻzim ham mayda narsalar bilan qachon biron narsaga erishib boʻladi deb oʻylagandim.

Biroq amalda qoʻllab koʻrganimdan keyin amin boʻldimki bu juda oddiy biroq nihoyatda samarali usul.

Amal qilib, sinab koʻring.

@aminovblogi

#day_25 #hayotiy

Har yili maʼlum maqsadlarni oʻz oldimga qoʻyaman. Va shu maqsadlarga erishsam keyingi yil albatta endi bemalol boʻlaman erkin yashayman deb oʻylayman.

Biroq har yilda yangi missiyalar paydo boʻladi. Bir tomondan olib qaralganda bu juda ajoyib.

2025-yilda oʻzim uchun quyidagi missiyalar belgilangan:

1. Tarix fanidan milliy sertifikat olish. (Fevral)

2. Attestatsiya. (Aprel-may)

a) Attestatsiyadan oʻtib I toifaga oʻtish.

b) Attestatsiyada 86 balldan yuqori olib 70 foizlik ustamaga erishish.

3. Doktoranturaga hujjat topshirish uchun IELTS yoki milliy sertifikat olish. Shu yil Yanvarda IELTS sertifikatim muddati tugaydi. (Iyun - Dekabr)

4. Dastlabki shogirdlar/abituriyentlarim bilan ijobiy natijalar qayd etish.(Avgust - Sentyabr)

Hozircha shular. Qolgan boshqa qoʻshimchalar boʻlsa yoʻl-yoʻlakay koʻramiz.

@aminovblogi

#day_24 #hayotiy

Faqat Liverpulning oʻyini va APL(Angliya Premyer Ligasi) yagona yupanchim boʻlayapti...☝️

@aminovblogi

#day_23 #hayotiy

Husayn Buxoriy aytganidek:

“Ilm ayollarni ikki oyog‘i orasida kesiladi”.

@aminovblogi

#day_21 #hayotiy

Savol: Qanday qilib siz dunyoni sevmasdan, dunyo sizni sevishi mumkin?

Javob: Dunyoni sevmang, shunda dunyo sizni sevadi!

@aminovblogi

#day_20 #hayotiy

Hamma narsani faqat 31-dekabrda yeyib tugatish yoki toʻrtni roppa-rosa soat 12 da kesib yeyish shart emasligini bu yil ancha koʻpchilik tushunib yetibdi.

@aminovblogi

#day_19

2024-yil ham yakunlanib bormoqda. Yil ajoyib oʻtdi, Allohga behisob shukr.

Har yilgi yil yakunida yozgan sarhisob poʻstlarimni oʻqisam har yil oʻtgan yilgisidan yaxshiroq boʻlayapti.

2024-yilda nimalarga erishdim.

1. Avvalo chet elga oʻqish uchun turli grantlar va scholarshiplar uchun hujjat topshirishni yuqori saviyada oʻrgandim. Hujjatlarimni oʻzim tayyorlab topshirdim.

Shu hujjatlarni topshirish berishni narxini surishtirsam oʻrtacha 500 $ dan 1000 $ gacha.

2. Qiz fotihaladim. Jarayon menga oson tuyilgandi. Biroq juda katta qiyinchiliklar yuzaga keldi.

Kattalar orasidagi turli eski urf-odatlar va boshqa narsalar borasida kelishmovchiliklar...

Xullas, oila maʼsuliyati oila qurishga qaror qilgan kunimdan boshlanganini tushundim.

3. Maktabda amaliyot oʻtadim. Turli xarakterdagi bolalar bilan ishladim. Ilk pedogogik jarayonlarni boshimdan oʻtkazdim.

Pedagog oʻqituvchining inson hayotida qanchalik muhim shaxs ekanligi va pedagogik masʼuliyatni aniq va tiniq his qildim.

4. Turli Stipendium Hungaricum, Turkiya burslari, National Slovac Scholarship, DAAD, Latvian State Scholarship kabi scholarshiplarga hujjat topshirdim.

Va nihoyat Latvian State Scholarship gʻolibligini qoʻlga kiritdim. Biroq toʻyim munosabati bilan Latviyaga keta olmadim.

5. Bakalavriatni tugatdim.

Bakalavriat davrida kimning davlat grantida kimning kontaktda oʻqigani emas kimning koʻproq harakat va mehnat qilgani, hard va soft skillari ustida ishlagani koʻp narsani hal qildi.

6. Magistratura talabasi boʻldim.

Magistratura boshqa daraja. Endi haqiqiy ilmiy salohiyat, izlanuvchanlik sizdan talab etiladi. Bundan tashqari bakalavr talabalariga ham maʼruza ham seminar mashgʻulotlari oʻtaman.

Jarayonda esa oʻzimning bakalavr davridagi qiyofamni ayrim talabalarda koʻrib xulosa chiqarish mumkin boʻldi.

7. Katta hayotga qadam - OILA.

Oila qurdim. Toʻgʻrisini aytaman oila qurishimdan oldin oilaga doir koʻplab kitoblar oʻqidim va ayolimga ham oʻqitdim. Bayramlarda shirinlik yoki boshqa shunga oʻxshash keraksiz narsalar emas, kitob sovgʻa qilardim.

Aynan mana shu jihatlar muhim rol oʻynadi. Oila aslida oson koʻringani bilan ancha ancha ancha chuqur ilmni, mushohadani, masʼuliyatni talab qiladigan jarayon ekan.

Oʻylaymanki 2025- yil ham xayrli, barakali va fayzli yil boʻladi

Yangi yil muborak!

2022-yil uchun yil yakuni posti
2023-yil uchun yil yakuni posti

@aminovblogi

#day_18 #hayotiy

Odamlar baʼzan hammani aldayman deb oʻylaydi.

Aslida esa oʻzini hamma aldaydi.

@aminovblogi