вдохновляющие истории

вместе исследуем красивые уголки Канады и не только.

Залью подписчика по 3 рубля

В любую тематику, с мелких регионов. 5% за работу.

Интернет Магазин HaN

Зайди посмотри что у нас есть интересного

Статистика Избранное

Aziz Rahimov

@azizrakhimov_blog

Гео и язык канала: Узбекистан, Узбекский

Категория: Блоги

Bog’lanish uchun: azizrahimov@rahimovschool.uz
Reklama olmaymiz.

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Aziz Rahimov

10 Apr, 06:55

Oxirgi besh yilgi voqealarga qarang:

Butun dunyo uyida oylab qulflanib o’tirdi. Ajdodlarimiz noma’lum vabodan qanchalik qo’rqqanlarini tanamizda his qildik.

Rossiya va Nato o’rtasidagi urushni real vaqtda kuzatib turdik.

G’azodagi qirg’in sabab, g’arbning asl yuzini va Amerika kimning changalida ekanligini bilib oldik. Ungacha dalil yetishmas edi, xolos.

Yangiliklarning kamida 50 foizi yolg’on ekanligini bilib qoldik. Tarix ham shunday, yarmi yolg’on emasligiga kim ishonadi endi?

Kennedi kabi Amerika prezidentga suiqasdni ko’rdik. Kim qilgani hali ham noma’lum.

Pax Americana (Amerika imperiyasining) tugatilayotganiga guvoh bo’lib turibmiz. Global savdoga hujum. Mahalliychilik kuchayishi.

p.s. Yaxshiyam maktabimizda muhandislar chiqarishga e’tibor beribmiz.

2000-2025 tarixi yozilayotganda, 80% joyni shu besh yil egallasa kerak.

Atrofni kuzatayotganga netflix va filmlar kerak emas. Popkorn yetarli. Eh. Ajoyib davrlarda yashayapmiz.

25.6k 12 307

Aziz Rahimov

9 Apr, 12:09

Gollandiya (va Norvegiya)da deyarli hamma ingliz tilini biladi.

Asosiy sabab – film va seriallarni tarjima qilib o’tirishmaydi. O'z tilida subtitr qo'yishadi xolos.

Farzandimizga til o'rgatish uchun, o'sha tildagi maktabga berib, madaniyatini riskka qo'yishimiz shart emas.

Film va seriallarni originalida qo'yib berish eng yaxshi foyda beradi.

Ingliz tilida bilmadim, Rus tilida “Смешарики” yaxshi tanlov ekan. G'oyaviy ta'siri yo'q. Kim subtitrlarini qilib chiqsa, har qanday rus tili o'qituvchisidan ko'proq yaxshilik qilgan bo'ladi.

28.2k 6 652

Aziz Rahimov

7 Apr, 17:26

Kompyuter, telefonim qotib qolsa, o’chirib yoqish eng yaxshi yordam beradi.

Organizm bilan ham shunday bo’lib turadi. Siqilish. Qarorga qiynalish. Charchash. Qotib qoladi.

Bitta o’chirib yoqish yordam beradi. Och qorin + qorong’u joy + vaqtli uxlash = o’chirib yoqish formulasi.

43.6k 21 1.3k

Aziz Rahimov

30 Mar, 06:20

Ramazon hayiti boshqacha kun.

Bu kun siz albatta yoshlikni eslaysiz. Necha yosh bo’lsangiz ham. Hayit namozi, shirinliklar, qarindoshlarni yo'qlash, kelin-salom, hamma hammasi yoshlikni eslatadi.

Bu kun siz kunni yarmini tabriklash va tabriklarni qabul qilish bilan o’tkazasiz.

Bu kun sizga yaqin va uzoq insonlarni ajratib olasiz. Birinchilar tabriklash uchun shaxsiy xabar yozib yoki qo'ng'iroq qilsa, ikkinchilar shablon tabrik yoki rasm jo'natishadi.

Bu kun siz aslida qancha qarindoshingiz borligini bilib oladigan kun.

Bu kun sizni asl hayotiy qadriyatlarga qaytaradi: Oila, silai rahm, ehson, namoz. Deyarli hech kimni ish haqida gapirganini ko’rmaysiz.

Bu kun biron narsa yeyishdan oldin, har safar ikkilanib, o’zingizdan "Ro'zamasmidim o'zi? " deb so'raydigan kun. 😊

Bu kunni hamma yaxshi ko'radi, yosh bolalar ham, kattalar ham ,qariyalar ham. Biz ham bu kunni yaxshi ko'ramiz. Ramazon hayitini yaxshi ko'rganlarga hayit muborak aziz do’stlar!

92.8k 36 690

Aziz Rahimov

29 Mar, 11:51

Ko’chadaman. Begona joyda.

Telefonim quvvati 1%. Ishim bitishi telefonimga bog’liq.

Power Bankim yonimda bo’lishi uchun ko’p narsaga tayyor bo’ldim.

Boshqa paytlari chang bosib yotar edi.

Narsalarni kerakli bo’lishi, narsaning o’zidan emas, bizning ehtiyojimizdan.

Yillardan beri til/kasb o’rgana olmayotganlar bor.

Balki muammo rostdan ham xohishimiz yo’qligidadir?

Axir, talaba degani - so’rab oluvchi degani.

Bundan yana bir dars olsak bo’ladi:

Buyuk o’qituvchilar nafaqat o’rgatadi, balki xohlatadi ham.

68.7k 14 482

Aziz Rahimov

24 Mar, 16:40

Ovqatdan ro’za tutganda, hujayralar tozalanadi. Alzgeymer, saraton oldi olinadi. Jarayonni autofagiya deyishadi.

Ma’lumotdan ro’za tutish ham bor. Yangilik va ijtimoiy tarmoqdan cheklanib, o’rniga tafakkur qilganda – siqilish kamayadi, yangi g’oyalar keladi. Meditatsiya deyishadi.

Boshqalar kamchiligi(ya’ni g’iybat)dan ro’za tutganda, o’z kamchiliklariga e’tibor oshadi. Taftish ko’payadi. Kibr kamayadi.

Qorin, miya, quloq.

Idish bo’sh turibdi degani, to’ldirishimiz shart degani emas. Bo'sh turishi shu idishlarning egasiga foydali bo'ladi.

100.9k 22 853

Aziz Rahimov

15 Mar, 20:57

6 yoshida boyish haqida YouTubeda videolar ko’ra boshlaydi.

7 yoshida quyon boqishni boshlab, fermaga aylantiradi.

8 yoshida daromadiga qo’shnisining mashinasini sotib oladi.

9 yoshida o’z puliga 40 sotix yer sotib olib, fermasiga echkilarni ham qo’shadi.

10 yoshida eski uy sotib oladi. YouTubedan o’rganib o’zi ta’mirlab chiqadi. To’rt barobar qimmatiga xaridor chiqadi.

12 yoshida qishlog’idagi suv yo’qolib borish muammosini hal qilishga kirishadi.

14 yoshida kitob yozadi. O’qib tugatdim. Qiziqarli.

Bu yutuqlarga asosiy sabab qilib, ota-onasinig puli yo’q nogironlar bo’lgani va qiladigan ishlarida unga ishonishganini aytib o’tadi.

Bu Cole Summers hikoyasi edi.

Oladigan darsimiz:

Ota-onaning ishonchi qanot bo’ladi. Har qanday cheklovlarni kesib chiqishga yordam beradi.

127.5k 39 1.5k

Aziz Rahimov

13 Mar, 11:01

Mashhur afsonalar.

Suvni sekin qizdirsa, qurbaqa sakrab qocha olmay, qaynab o’lar ekan.

Unday emas. Sekin qizdirsa ham, sakrab chiqib ketadi.

Odamlar miyasining 10 foizini ishlatadi deyishadi. Ko’prog’ini ishlatsa daho bo’lar ekan.

Unday emas. Inson miyasining hamma joyini ishlatadi.

Odam millioner bo’lsa maqtanar ekan. Millilarder kamtar bo’ladi. Ana Zukerberg oddiy kulrang futbolkada yuradi.

Unday emas. Har bitta futbolkasi 300$ turadi.

91.8k 15 581

Aziz Rahimov

12 Mar, 10:02

TikTok, YouTube, Instagram. Uzoq ishlatdim. O’zgartiradigan darajada narsa olmadim.

Ulug’lar suhbati, eski kitoblar, do’stlar tanbehi, Telegram bloglar. Ozginasi ham o’zgarish olib keldi.

Keyin tushunib qoldim.

Bittasi eshitishni xohlagan gaplarimizni ko’rsatadi. Algoritm.

Ikkinchisiga esa nima xohlashimizni farqi yo’q. Borini aytadi. Algoritm yo’q.

Shu sabab, balki odam o’zgaradi.

Chunki eng katta o’zgarishlar – eshitgimiz kelmayotgan gaplarni eshitganimizda keladi.

123.2k 47 1.2k

Aziz Rahimov

27 Feb, 19:21

Kechqurun to’yib ovqatlangan, uyquga to’ymaydi.

Uyquga to’ymagan, ovqat yegisi kelaveradi.

Ovqat ko’p yesa, semirib ketaveradi.

Semirsa, kechasi ham yegisi keladi.

Kechasi ovqat yesa…

Och uxlashda hikmat ko’p.

Ramazondan oldin bir eslatay dedimda.

125.4k 25 1.6k

Aziz Rahimov

25 Feb, 20:32

MDHning eng kuchli neyrofiziologi, akademik aytyapti:

Ko’rgan narsangiz miyangizda qoladi. Umringiz oxirigacha turadi. O’lgandan keyin ham saqlanadi.

Bu degani: foydali narsa o’qisak, unutsak ham foyda olamiz.

Bema’ni narsa ko’rsak, unutsak ham zarar beradi. Chiqib ham ketmaydi.

Sumkamizga tushgan narsa qaytib chiqmasligini bilsak, o’ylab narsa solgan bo’lardik.

Tanishgan odamimiz bilan do’st bo’lishga majburlansak, hamma bilan ham tanishmasdik.

Balki kontentni tanlash payti ham kelgandir. Atrofdagilarni ham.

Bema’ni narsa ko’rgan ko’z, balki hech narsa ko’rmagani yaxshi.

Chunki qulog’i va nazarini saqlagan, miyasini saqlabdi.

172.3k 57 2k

Aziz Rahimov

22 Feb, 18:31

Bir bloger masjid haqida storis qo’ygani uchun, “men quryapman” deb chiqibdi.

“Maktabda to’lovga qiynalganlar bo’lsa, ayting men qarashib yuboraman” dedi bir akamiz.

"Mana 100 mln. Laboratoriyaga ishlatasiz" dedi yana boshqalari.

200 mln so’m jo’natib, “iqtidorli talabalarga qarashing dedilar” bir otamiz.

Hech birlari shaxslari ochiqlanishni xohlamadilar.

"Men qilyapman" deganlarga aldanib qolmaylik.

Eng katta yaxshiliklar bilintirmasdan qilinadi.

86.5k 14 254

Aziz Rahimov

21 Feb, 08:44

Yomon xulq-atvor(xarakter)ni ko‘rish oson.

Yaxshisini ko‘rish qiyin.

Sababi, yaxshi xulq asosan qilinmagan ishlardan iborat.

Qilinmagan g‘iybat, xo‘mraymagan chehra, aytilmagan so‘kish, qaralmagan nazar…

Buning ustiga ular “mening fe’lim chiroyli” deb yurmaydi ham.

Demak, chiroyli fe’llik odamlar kamligidan tashqari, ularni sezib olish ham qiyin.

Bundan 2 ta xulosa shuki:

Yaxshi fe’llik deb o‘ylagan odamlarimiz, biz o‘ylagandan yaxshiroq bo‘lishi ehtimoli yuqori.

Shundaylarni topganlarning vazifasi – qo‘yib yubormaslik bo‘ladi.

95.2k 34 1.1k

Aziz Rahimov

12 Feb, 15:39

Zo‘r o‘qituvchi fanga qarab emas, o‘rganuvchiga qarab dars o‘tadi.

Zo‘r shifokor kasallikni emas, bemorni davolaydi.

Zo‘r sotuvchi mahsulotini bilganidek, mijozini ham taniydi.

Zo‘r yozuvchi so‘zlardan ko‘ra, o‘quvchi dunyosini yaxshiroq tushunadi.

Odamlar tabiatini tushunish, odamlar bilan ishlashda kuchli qiladi.

Odamlar tabiatini tushunish – o‘zimizni tushunishdan boshlanadi.

O‘zimizni tushunish, o‘zimizni aldamaslikdan boshlanadi.

O‘zingizni aldamang, kuchli mutaxassis bo‘lasiz.

122.8k 33 1k

Aziz Rahimov

5 Feb, 09:48

Tongim bekor ketsa, kun bo’yi ishlarga ulgura olmayman.

Tong yutilsa, kunni yutish osonlashadi.

Umr bilan yam shunday.

Yoshlikda ulgurib qolmaganlar, keyin ham qila olmaydilar.

Buni o’qib kimdur bekorchilikni tashlar.

Kimdur esa afsus qilishi mumkin.

Afsus qiladiganlar uchun eslatma:

O’zR qonunchiligida 30 yoshgachalar yosh hisoblanadilar…

150.5k 60 1.8k

Aziz Rahimov

3 Feb, 13:38

Kitob sotib oladiganlar kam.

Sotib olganini ochadiganlar kamroq.

Ochganini tugatadiganlar undan ham kam.

Tugatganini eslab qoladiganlar yanada kamroq.

Eslab qolganiga amal qiladiganlar eng kami.

Kamchilik erishayotgan narsalarga erishish uchun, kamchilik qilayotgan ishlarni qilish foyda beradi.

200.6k 91 2.4k

Aziz Rahimov

29 Jan, 05:57

Xitoyliklarning bepul DeepSeek sun’iy intellektini ishlatib ko’rdim.

OpenAIning pullik ChatGPTsidan yaxshiroq.

OpenAI shu holga 18 mlrd$ bilan kelgan.

Xitoyliklar esa bir necha million bilan erishishdi. Qanday qilib?

Amerika nVidia chiplarini Xitoyga import qilishga ruxsatlari bermagandi. Asosiy xarajat ham shu edi. Shu chiplardan ko'p ishlatmasdan yechim qilishga majbur 'https://t.me/NewGosplan/1614 https://t.me/NewGosplan/1614' rel='nofollow'>bo'lishdi.

Buni kuzatib 1993 yilda Kaliforniyalik Professorning Yaponlar haqida yozgani esimga tushib ketdi:

“Yaponlar tejamkor, ko’p ishlab, ko’p mahsulot ishlab chiqarishadi. Bizlar esa ko’p iste’mol qilamiz, kam tejaymiz, ko’p pul ishlatamiz. Yaponlarga oson, ularning raqobatchilariga qiyin bo’lib boryapti.”

Ha, ba’zan imkoniyatlarimiz cheklanganligi ham imkoniyat bo’ladi.

118k 24 846

Aziz Rahimov

19 Jan, 17:39

“Daromadim ikki marta ko‘paysa, yetadi” — deymiz.

“Pul yigʻishni boshlayman” — deymiz.

Ha-ha.

Daromad ko‘paysa, yig‘ish ko‘paymaydi. Xarajat ko‘payadi.

Avval e’tibor berilmagan matohlar – “muhim” boʻlib qoladi.

Biz ham “odamlardek” yashaylik endi: ichkaridan ovoz keladi.

Housel aytganidek: “Pul yigʻa olish moliya emas, psixologiya”.

Xohishlarini boshqara olgan — pullarini boshqara oladi.

114.9k 25 1.4k

Aziz Rahimov

11 Jan, 11:10

Rulda ishlatish - avtohalokatga

Ertalab ishlatish - diqqat yo’qolishiga

Uxlashdan oldin ishlatish - sifatsiz uyquga

Ovqatlanishda ishlatish - ko’p yeyishga

Suhbatlashganda ishlatish - nizolarga

Hojatxonada ishlatish - gemorroyga olib boradi.

Telefon jonivorni shu joylarda ishlatmay qo’ysak nima bo’larkin?

126k 39 2k

Aziz Rahimov

30 Dec 2024, 15:18

1- yanvardan o‘zgarmoqchi bo’lganlar diqqatiga:

O‘zgarishni ertadan yoki bugundan ham boshlasa bo‘ladi.

Buning uchun Sezar belgilab bergan yil boshini kutish shart emas.

Baribir kutaman deganlar uchun eslatma:

Aynan kutuvchilarning o‘zgarishlari odatda yil oxirigacha ham yetib bormaydi.

144.2k 55 807

Показано 20 последних публикаций.

52 603

подписчиков

Статистика канала

Популярное в канале

6 yoshida boyish haqida YouTubeda videolar ko’ra boshlaydi. 7 yoshida quyon boqishni boshlab, f...

TikTok, YouTube, Instagram. Uzoq ishlatdim. O’zgartiradigan darajada narsa olmadim. Ulug’lar su...

Ovqatdan ro’za tutganda, hujayralar tozalanadi. Alzgeymer, saraton oldi olinadi. Jarayonni autofa...

Ramazon hayiti boshqacha kun. Bu kun siz albatta yoshlikni eslaysiz. Necha yosh bo’lsangiz ham....

Mashhur afsonalar. Suvni sekin qizdirsa, qurbaqa sakrab qocha olmay, qaynab o’lar ekan. Unday...