Bahodir Aminov

#repost

Mening hayotim — mening oʻyinim!

Sudxoʻrlik bilan shugʻullanayotgan kishilarni koʻraman. Koʻzimni oldida xor boʻlgan. Baribir ishini tashlamagan.

Kredit olib, yigʻlaganlarni koʻrdim. Vaqt oʻtishi bilan yana bankda yurganiga guvohi boʻldim.

Qimor oʻynab, uyini yutqazgan amakini eshitdim. Hozir ham oʻynab yurgan emish.

Bu turdagi insonlarni koʻrib, meni savollar qiynab kelgan:

— Nega baʼzi kattalar 60 yoshga chiqsada aqli kirmaydi?

— Yosh bolalar kabi xato qiladi?

— Nega xatolarini qayta-qayta takrorlayveradi?

Nassim Taleb kitoblarini oʻqib, ayrim sabablarini topdim:

1. Ularning hayotida “qutqaruvchi” rolidagi yaqinlari boʻladi.

Masalan, agar ular qimor oʻynab katta pul yutqazib qoʻysa — “qutqaruvchi” rolidagi ota-onasi, akasi, doʻsti, amakisi va shunga oʻxshagan oʻzicha “mujik” qutqaruvchilar ular qilgan xatolarni yopib ketadi.

Natijada, bu kishilar oʻz qilmishlari zararini oʻz tanalarida his qilmaydi. Xulosa ololmaydi.

2. Ular aybni doimo oʻzgalardan qidiradi:

— Nega pora olding?
— Koʻryapsanku davlat bergan oylik hech narsaga yetmaydi.

— Nega kredit olding?
— Bitta menmas hamma olyaptiku!

Oqibatda, “men shundoq ham yaxshi odamman, oʻzgarishimga hojat yoʻq. Boshqalar oʻzgarsin”, degan fikrlashda boʻladi. Va xatolarini bir umr qaytaraveradi.

Qanday xulosa olamiz?

Inson oʻz xatolari zararini birinchi navbatda oʻzi koʻrsin!

• Oʻgʻrilik qilgan bolani “mehribon” oilasi emas, oʻzi qilmishiga javob bersin
• Giyohvandlikka qadam qoʻyayotgan oʻsmirning qilmishlarini “bosdi-bosdi” qilish emas, joyida jazolash kerak
• Kredit olib, qarzga botgan inson qarzini oʻzi toʻlasin
• Oʻqishga dangasalik qilib kirolmagan bola, ota-ona yordamisiz yana tayyorlansin

“Har bir inson oʻz ahmoqligi toʻlovini oʻzi toʻlasin, aks holda uni hech qachon aqli kirmaydi” Toni Montana

Ustoz_kundaligi

@aminovblogi

#hayotiy #mulohaza

Salom 23!

Mana 2-fevral ham tugayapti. Bugun 23 yoshga toʻldim. Albatta Allohning har bir bergan lahzasiga shukur qilish kerakligi shu oʻtgan bir yil ichida olgan eng katta xulosam boʻldi.

Shuningdek, katta olamshumul voqealardan emas lahzalardan, kichik-kichik voqealiklardan hayot zavqini tuyishni oʻrgandim.

Oʻtgan 2024- yil 2-fevraldan bugungacha yaxshi xotiralar yarata oldim. Inson oʻzi xotiralardan iborat ekan.

23 yil umrim oʻtdi. Qanday oʻtdi? Buni shu umrni bergan zotning oʻzi aniq bilguvchidir.
Men esa aniq bilamanki bugun umrim minorasidan yana bir gʻisht koʻchdi.

Mavhumlikdan aniqlikka yana bir qadam tashladim. Zero, bugunimiz mavhum, ertamiz aniq.

Qaysidir kun oʻsha aniq boʻlgan erta keladi hamda minoramizning soʻnggi gʻishti ham olinadi va u qulaydi. Mening vazifam esa shu minoramni har bir gʻishtini chiroyli tarzda koʻchirishdir.

Zeroki shu bilan umrim minorasi chiroyli tarzda "qulasa"...

@aminovblogi

#foydali

"Alibaba" yangi kuchli AI platformasini taqdim etdi —

Qwen2.5-Max!

Bu sun’iy intellekt DeepSeek kabi taniqli platformalarni ham ortda qoldirmoqda. Xitoyliklar Yangi yil munosabati bilan haqiqiy texnologik yangilikni taqdim etishdi.

Qwen2.5-Max nimalarga qodir?

Matnli so’rovlarga tez va aniq javob berish;

Fotorealistik suratlar yaratish;

Yuqori sifatli videolarni generatsiya qilish;

Senior dasturchi darajasida kod yozish;

Internetdan kerakli ma’lumotni tezda qidirib topish.

Eng yaxshi tarafi:

Barcha imkoniyatlar BEPUL va bitta platformada to‘plangan!

Sinab ko‘rish uchun link:

https://chat.qwenlm.ai

Magistrlar official

@aminovblogi

#hayotiy

Inson doimo oʻlimdan qoʻrqib yashaydi.

Lekin inson oʻlimdan ham koʻproq xavotir oladigan va juda qoʻrqadigan bir narsa bor.

Sizningcha U nima?

_

Tushuncha: Bu yerda savol oʻlim bilan nisbatda olingan. Och qolish, pulsiz qolish va hokazolar nazarda tutilmagan.

Savol mazmuni: Nima insonni oʻlimdan ham koʻproq tashvishga soladi?

@aminovblogi

#mulohaza #oila

"Farzand tarbiyasida 700 saboq" kitobining 2-qismi ham nashr etilibdi. Men 3 yil oldin 1-qismini sotib olib oʻqigandim. Juda zoʻr kitob. Har qanday yoshdagi insonga mutolaa qilishni tavsiya qilaman.

Oʻshanda yonimdagi sherigim doʻkondan chiqqach:

- Nima uchun 60 ming soʻmga shu kitobni sotib olding. Hali farzanding yoʻq. Hali Oila ham qurmagansanku - degandi.

Oʻsha payt 60 ming talaba uchun ancha-muncha pul edi. Oʻz hayotimdan misol orqali tushuntiraman.

Bundan adashmasam 4 yil oldin Shayx Muhammad Sodiq Muhammad Yusuf xazratlarining "Baxtiyor oila" kitobini oʻqiy boshlagandim. Undan keyin oilaga doir bir nechta kitoblar maqolalar oʻqidim.

"Baxtiyor oila"ni har yili qaytadan oʻqishga harakat qilaman. Sababi har yili oʻqiganimda boshqacha tajriba olaman.

Chunki oldingi yil 21 yoshli Bahodirni hayotdagi tajribasidan kelib chiqib oʻqigan va xulosalar qilgan boʻlsam, bu yil oʻqiganimda 22 yoshli Bahodirni hayotdagi tajribasidan kelib chiqib xulosa qilaman. Asl mohiyatiga oldingi yilga qaraganda yaxshiroq kiraman.

Ayolimga ham mana shu shayxni kitobini turli xil keraksiz narsalar oʻrniga 8-martga sovgʻa qilganman. Shuningdek har bayramda faqat oilaga doir kitoblar sovgʻa qilgandim.

Hozirga kelib mana shu oʻqiganlarim va ayolimga ham oʻqitgan kitoblarim oilaviy hayotimizda juda muhim roʻl oʻynayapti.

Xohlaysizmi yoʻqmi vaqti-vaqti bilan har bir oilada barbir katta-kichik kelishmovchiliklar uchraydi.

Imtihonga tayyorgarlikni imtihondan keyin emas, oldin boshlash kerak!

Umuman olganda, har qanday muhim ishga va shubhasiz hayotimizning eng muhim qismi boʻlgan OILAga ham.

P.s.: Oila haqida yozishga hali yoshim, tajribam kam. Lekin imkon qadar meni yoshimdagi oila qurgan yoki qurish arafasida turganlar ham albatta katta ehtimol bilan men duch kelgan holatlar bilan yuzlashadilar. Postlar ularga kichik shaxsiy tavsiya oʻlaroq yozilyapti xolos.

@aminovblogi

#mulohaza

Hozir koʻpchilik asosan sarlavhasi nihoyatda jimjimador, noodatiy boʻlgan kitoblar oʻqiyapti. Asosan turk adabiyoti.

Lekin bu narsani qoʻllab-quvvatlamayman. Bir nechta kitoblarni(Mehmet Yildiz "Izlash", Nabi Yildiz "ogʻir damlar katta imkoniyatlar eshigini ochadi", James Klir "Atom odatlari", Mark Menson "Beparvolikning nozik sanʼati") oʻzim ham oʻqidim.

Shuningdek yana bir nechta kitoblar( "Dunyodagi eng baxtli ayol", "Oʻzingga xush kelibsan", "Qaqtuslar ham gullaydi", "Baʼzilar olisdan sevarlar" kabi trentdagi koʻplab kitoblar...) ayolimga sovgʻa qilgandim. Uyda yotibdi.

"Atom odatlari" kitobi nisbatan pichoqqa ilinadigan kitob. Qolganlari bir tiyinga qimmat ochigʻi. Bu kitoblar "yengil".

Eski kitoblarni oʻqish kerak. Asrlar osha kelayotgan kitoblar, oʻlmas asarlarni oʻqish kerak. Haqiqiy ilm sarlavhasi yaltiroq biroq quruq gapdan iborat kitoblarda emas, eski kitoblarda mujassam.

Oʻtkir Hoshimov aytganidek:

Eng yaxshi kitob - vaqt va kitobxon sinovidan oʻtgan kitobdir.

Eski kitoblar "ogʻir". Juda katta va koʻp tomonlama foydali bilimlar beradi.

Va nihoyat oʻzim ham vaqt ajratib, bu yil hisobidan ilk kitobim Imom Gʻazzoliyning "Mukoshafatul qulub" - "Qalblar kashfiyoti" asarini oʻqiy boshladim.

Oʻzi Alisher Navoiyning "Lison Ut-Tayir" kitobini oʻqimoqchi edim. Lekin uni ayolim oʻqiyapti ekan.

Avval ham taʼkidlaganimdek ayolim oʻzi bilan olib kelgan hali ancha oʻqishim kerak boʻlgan qimmatli, nodir kitoblar bor.

@aminovblogi

#day_30 #hayotiy

Yerni ostida tinch yotish uchun yerni ustida tinch yurish kerak!

@aminovblogi

#mulohaza #hayotiy

Farosat - ulugʻ neʼmat!

Bugun telegramimni Universitetda komputer(Desktop)ga ulagandim.

Shoshib ish bilan chiqib ketgandim telegramni oʻchirish esdan chiqib qolib ketibdi.

Shu bilan telegramni uyga borib ochdim. Orada 2 soatlar oʻtdi.

Qaysidir bir farosatsiz meni telegramimga kirib kavlabdida.
Qaysidir guruhlarimni oʻchiribdi, chiqib ketibdi. Hozir yozishyapti nima qilib tashlabsan deb.

Eng qiziq joyi:

Qaynonam bayram bilan tabriklab yozgan ekanlar. Unga ham javob yozibdida.

Toʻgʻri ayb oʻzimdadir, oʻchirmay chiqib ketganman. Lekin zarur ish bilan shoshilib esimdan chiqib qolgan. Har kim bilan ham shunday holat boʻlishi mumkin.

Insonlar, xaloyiq sizdan iltimos, ozginnaa judaaa ozgina boʻlsa ham miyangizni, farosatingizni ishlating iltimos. Axir sizga Hudo miyani bekorga bermagan.

@aminovblogi

Shu gap hali ham aktual! 😁

@aminovblogi

#repost #mulohaza

To'p ortidan quvish

1982-yili Vayne Gretzkiy xokkey bo'yicha dunyodagi eng ko'p to'p kiritgan sportchiga aylanadi.

Muvaffaqiyatining siri — oddiy.

Barcha to'pga yetish uchun raqobatlashganda — men to'p qaerga kelishini ko'rib, o'sha yerga turib olardim, deydi Vayne.

Menimcha, ta'lim tizimi orqada qolayotganining sababi ham shu — maktablar to'p uchun kurashadi.

Ma'no muhim emas, bellashuv muhim:

Minglab bolalar taqdiri qiziq emas — 4-5 tasi olimpiadada o'rin olsa bo'ldi;

Tushunganining ahamiyati yo'q — testda yaxshi natija ko'rsatsa bo'ldi;

O'quvchilar tarbiyasi muhim emas — o'qishga ko'proq kirib, maktab reytingini ko'tarsa bo'ldi.

Reyting uchun kurashish = xokkey to'pini ortidan quvishdek gap:

Maktablar bellashuv bilan band — lekin kelajakda bu ko'nikmalarga jamiyatda ehtiyoj yo'q.

Ishsizlik sonining yildan-yilga ortib borishining asosiy sababi ham shu.

2008 yil, 150 ta korxona rahbarlari ularga testni yaxshi ishlovchi emas, balki tarbiyali, tez ko'nikishga moyil va tashabbuskor bitiruvchilar kerakligini aytib o'tadi.

YA'ni zamonaviy bozor iqtisodiyoti uchun — o'quvchilarning qizil diplomi, test natijalari, faxriy yorliqlari qiziq emas. Ularning ko'nikmalari qiziq.

Maktab esa bu ko'nikmalarni o'ldiryapti, afsuski..

Xulosa

To'g'ri yo'lda bellashing!

@Ustoz_kundaligi
@aminovblogi

#day_29 #hayotiy

Oilada shunday vaziyatlar boʻlar ekanki, bu vaziyatlar erkakka qaraganda ayolni shunaqangi burchakka tiqib, koʻmib tashlar ekanki, asli qoʻyaverasiz.

Bunday vaziyatlarda ayolni bu burchakdan yorugʻlikka olib chiqa oladigan inson bu uning yonidagi turmush oʻrtogʻi yaʼni erkak kishi.

Koʻpchilik ilmli yoshi katta tanishlarim, domilalarim ayollarni hurmat qilardi, ularga juda hurmat, izzat koʻrsatardi.

Hayron boʻlardim. Ayrimlarini gapiga quloq solib oʻyalamsdan ular xotinidan qoʻrqsa kerak, yoki harakteri, tabiati yumshoq deb oʻylardim.

Hozir esa oʻzim amalda amin boʻlayapmanki haqiqiy erkak sifatida shakllanganing sari ayyolar hurmatini joyiga qoʻyib borar ekansan.

P.s.: Men feminist emasman. Miyani ishlatib shunchaki postni takroran yana bir marta oʻqing:)

@aminovblogi

#day_28

Sabr qiling!
Shukr qiling!

@aminovblogi

#day_27

Doim nolib yurardim. Keyin kasbim, ish, oʻqish bilan bogʻliq turli vaziyatlarda asta-sekin turli insonlarni koʻrdim, taqdirlarni koʻrdim, eshitdim.

Va bildimki dunyodagi eng baxtli inson oʻzim ekanman.

Ishim, oilam, uyim bor.
Tinchman. Sogʻlomman.

Adashmasam paygʻambarimiz Muhammad Mustafo sollallohu alayhi vasallamning mazmuni quydagicha hadislari bor:

Bandaga IYMONdan keyingi berilgan eng ulugʻ neʼmat SOGʻLIKdir.

Sogʻ boʻlinglar!

@aminovblogi