❗️ЖССТ томонидан менингитни ташхислаш ва даволаш бўйича йўриқнома эълон қилинди

🧠 Менингит — бош ва орқа миянинг яллиғланиши ҳамда умумий интоксикация белгилари билан кечадиган ўта юқумли касаллик.

📌 Ҳозиргача унинг баъзи турларига нисбатан самарали даво чоралари, ташхис усуллари ва вакциналар яратилганига қарамай, ҳамон бу патология инсонлар саломатлиги учун жиддий хавф бўлиб қолмоқда.

🖥 Шундан келиб чиқиб, Жаҳон соғлиқни сақлаш ташкилоти менингитни ташхислаш, даволаш ва унга чалинган беморларни парваришлаш бўйича илк глобал кўрсатмаларини эълон қилди.

💬 Қайд этилишича, 2019 йили дунё бўйича бу хасталикка чалинган 2,5 миллион нафар бемор рўйхатга олинган. Улардан 1,6 миллион нафарида касалликнинг энг хавфли тури — 24 соат ичида ўлимга олиб келувчи бактериал менингит аниқланган. Оқибатда 240 минг киши ҳаётдан кўз юмган.

✅ ЖССТнинг янги кўрсатмалари энг сўнгги тадқиқот ва далилларга асосланган. Қўлланма ушбу касаллик билан боғлиқ ўлим ҳолатлари ҳамда ногиронликни камайтиришга доир муҳим тавсияларни ўз ичига олади.

➡️ Ташкилот бош директори доктор Тедрос Гебрейесуснинг таъкидлашича, бактериал менингитни юқтирган ҳар олти бемордан бири ҳалок бўлаётгани ачинарли. Омон қолган аксарият кишилар ҳам узоқ муддат касалликнинг оғир асоратларидан азият чекади.

‼️ Янги йўриқнома менингитни юқтирган бир ойликдан ошган болалар, ўсмирлар ва катталарни клиник даволашга қаратилган.

🔎 Тавсиялар тиббий ёрдамнинг барча жабҳаларини қамраб олади. У бирламчи ва иккиламчи тиббиёт муассасалари, жумладан, шошилинч, стационар ва амбулатория ёрдамини кўрсатувчи мутахассислар учун мўлжалланган.

🟣 Йўриқнома ЖССТга аъзо давлатлар томонидан қабул қилинган 2030 йилгача менингитга барҳам беришга доир ҳаракатлар режаси мақсадларига мосдир.

📉 У орқали бактериал менингит эпидемиясини бартараф этиш, хуусан, эмлаш орқали касалланиш кўрсаткичини 50 фоизга ва ўлим ҳолатларини 70 фоизга камайтириш кўзда тутилган.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram