ССВ матбуот котиби| Эмланиш – соғлик кафолати!

Ўзбекистон Республикаси Президентининг “Янги йил байрамини нишонлаш даврида қўшимча ишланмайдиган кунни белгилаш ва дам олиш кунини кўчириш тўғрисида”ги қарори

🌐@ssvuz  | 🌐@ssvmatbuotkotibi |🌐 Facebook | 🌐Instagram

Президент Шавкат Мирзиёев ҳузурида соғлиқни сақлаш соҳасида қилинган ишлар ва 2025 йилга мўлжалланган устувор вазифалар кўриб чиқилди.
—
На совещании при Президенте Шавкате Мирзиёеве рассмотрена проделанная работа в сфере здравоохранения и определены приоритетные задачи на 2025 год.

@ssvuz  | @ssvmatbuotkotibi | Facebook | Instagram

🔴 2⃣0⃣2⃣4⃣: 🟦🟦🟦

❗️ТИББИЙ ТАЪЛИМ: Соҳа учун жаҳон стандартлари асосида мутахассислар тайёрланмоқда

✅ Сўнгги йилларда юртимизда тиббиёт йўналишида илғор таълим стандартлари асосида юқори билимга эга мутахассислар тайёрлашга алоҳида эътибор қаратилмоқда.

📊 Ҳозир мамлакатимиздаги 12 та давлат тиббиёт олий таълим муассасасида соҳа учун мутахассислар тайёрланяпти. Шунингдек, Россия, Корея, Германия, Беларусь, Туркия, Украина, Ҳиндистон, Италия, Хитой, Польша давлатларининг 25 та университети билан бакалавриат йўналиши, магистратура ва клиник ординатура мутахассислиги бўйича халқаро қўшма таълим дастурларига мувофиқ 1,5 минг нафардан зиёд талаба таҳсил олмоқда.

📍 Шунингдек, тиббиёт олий ўқув юртларимиз талабалари орасида Россия, АҚШ, Ҳиндистон, Покистон, Туркманистон, Қозоғистон каби 20 дан зиёд давлатлардан келиб билим олаётган 5,7 минг нафарга яқин ёшлар ҳам бор.

🏢 Бундан ташқари, давлатимиз раҳбарининг тегишли қарорига мувофиқ тиббиёт коллежлари негизида ташкил этилган 72 та Абу Али ибн Сино номидаги жамоат саломатлиги техникумида 7 та йўналиш бўйича ўрта тиббиёт ходимлари тайёрланяпти.

📌 Ўз навбатида, Чилонзор Абу Али ибн Сино номидаги жамоат саломатлиги техникуми негизида Ҳамширалар академияси ташкил этилди. Мазкур муассаса қошида Туркиянинг соғлиқ билимлари университети факультети ҳам очилди.

📋 Президентимизнинг 2023 йил 20 июндаги тегишли қарорига мувофиқ, тиббиёт олий таълим муассасалари талабаларининг билимларини (асосий, клиник ва амалий кўникмаларини) икки босқичли баҳолаш ва уларнинг малакасини тасдиқлашнинг миллий тизими шакллантирилди.

🔎 Тиббиёт ходимларининг малакасини ошириш учун узлуксиз касбий таълим портали жорий этилди.

🟢 Муҳими, ана шу соҳадаги ютуқларимиз халқаро миқёсда ҳам тан олиняпти, эътироф этилмоқда.

🏢 Чунончи, Тошкент тиббиёт академияси, Самарқанд давлат тиббиёт университети, Абу Али ибн Сино номидаги Бухоро давлат тиббиёт институти, Андижон давлат тиббиёт институти, Тошкент педиатрия тиббиёт институти, Тошкент давлат стоматология институти ва Фарғона жамоат саломатлиги тиббиёт институтининг бакалавриат, магистратура, клиник ординатура мутахассисликлари халқаро аккредитациядан ўтказилди ва махсус сертификатни қўлга киритди.

📈 Бинобарин, Ўзбекистоннинг 8 та тиббиёт олий ўқув юрти дунёнинг ТОП-1000лик рейтингига кириш учун халқаро “reporter” мақомига эга бўлди.

➡️ Ўз навбатида, Н.И.Пирогов номидаги Россия миллий тадқиқот тиббиёт университетида мазкур ўқув юртининг Тошкентдаги филиали учун 30 нафар ўзбекистонлик клиник ординатор тайёрланаяпти.

✔️ Республика ихтисослаштириган илмий-амалий тиббиёт марказларидан 8 таси халқаро аккредитациядан ўтказилди.

📊 2024 йилда 520 нафар маҳаллий мутахассис 37 та хорижий давлатнинг етакчи тиббиёт ва таълим муассасаларида малака оширди. Бунда малака ошириш жараёнига 168 нафар етакчи хорижий мутахассислар жалб этилди.

🖥 Мамлакатимизда клиник ординатура мутахассисликлари бўйича кириш имтиҳонлари бир босқичли тест синовлари ва шаффоф тизим асосида ўтказилиши йўлга қўйилгани ҳам жорий йилдаги муҳим янгиликлардан бири бўлди. Ўз навбатида, кўп тармоқли тиббиёт муассасаларида иш ҳақи тўланадиган интернатура ташкил этилиши белгиланди.

✅ Олий таълим муассасаларининг 200 нафар битирувчиси магистратура ва клиник ординатура дастурлари асосида етакчи хорижий университетларда ўқиш имкониятига эга бўлди. Шунингдек, Ўзбекистонда илк бор юқори салоҳиятга эга хусусий шифохоналарга клиник ординаторларни тайёрлаш учун рухсат берилди.

‼️ Буларнинг барчаси тиббиёт соҳасини янги босқичга кўтаришга қаратилган изчил ислоҳотлар самарасидир.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

2024 йилнинг энг намунали соғлиқни сақлаш ҳудудий органига овоз беринг!


Сўровномада иштирок этиш учун қуйидаги 👉 ҳавола устига босинг.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 ТАЙИНЛОВ

🖥 Соғлиқни сақлаш вазирлигининг тегишли буйруғи билан Разаков Азамат Джураевич Республика ихтисослаштирилган педиатрия илмий-амалий тиббиёт маркази директорининг даволаш ишлари бўйича ўринбосари — бош шифокор лавозимига тайинланди.

✅ А. Разаков 2013 йилда Тошкент тиббиёт академиясини тамомлаган. 2013 – 2015 йилларда Украинанинг П.Л. Шупик номидаги дипломдан кейинги таълим миллий тиббиёт академияси таянч докторантурасида таҳсил олган.

🔎 Меҳнат фаолиятини Республика ихтисослаштирилган педиатрия илмий-амалий тиббиёт марказида навбатчи шифокор сифатида бошлаб, кейинчалик ушбу муассасада сурдолог шифокор, қабул бўлими мудири каби вазифаларда ишлаган.

❗️Тиббиёт фанлари бўйича фалсафа доктори (PhD), олий тоифали шифокор А.Разаков тайинловга қадар Республика ихтисослаштирилган педиатрия илмий-амалий тиббиёт маркази маслаҳат-ташхис поликлиникаси мудири лавозимида фаолият кўрсатиб келаётган эди.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

📆 2025 йил 1 январдан:

🖥 Қонунчиликка мувофиқ, босқичма-босқич барча тиббиёт муассасалари томонидан марказлашмаган тартибда харид қилинадиган фармацевтика маҳсулотлари хариди марказлаштирилган тартибга ўтказилади.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Фарғона жамоат саломатлиги тиббиёт институти дипломи хорижда ҳам тан олинади

✅ Янги Ўзбекистон тиббиётини дунёнинг ривожланган давлатлари даражасига олиб чиқиш — устувор мақсад. Бунга эришиш учун халқаро стандартларга мос кадрлар зарур. Чунки соҳа трансформациясида илғор ташаббуслар, креатив ёндашувлар, инновацион услубларнинг аҳамияти катта.

📋 Президентимизнинг 2020 йил 3 декабрдаги қарори асосида Фарғона жамоат саломатлиги тиббиёт институтининг ташкил этилишидан кўзланган асосий мақсад шу эди.

📌 Яъни бу орқали соғлиқни сақлаш, санитария-эпидемиологик осойишталик ва жамоат саломатлиги борасида юқори малакага эга олий маълумотли кадрларни тайёрлаш, ходимларни касбий ривожлантириш тизимини такомиллаштириш ҳамда тиббиёт ташкилотлари, жумладан, бирламчи тиббий-санитария ёрдами муассасаларини профессионал мутахассислар билан тўла таъминлаш режалаштирилган эди.

🟢 Ўтган даврда институт жамоаси томонидан бу борада кўламли ишлар амалга оширилди ва салмоқли натижалар қўлга киритилди.

📊 Айни пайтда муассасада 5 та факультет, 29 та кафедра, 9 та бакалавриат йўналиши, 11 та магистратура ҳамда 37 та ординатура мутахассислиги бўлиб, уларда жами 6 мингдан зиёд талабалар таҳсил олмоқда. Уларга 318 нафар юқори малакали профессор-ўқитувчи сабоқ бериб келаётир.

🏢 Институт жамоаси эришаётган ютуқлар ҳақида гапиришдан олдин бунга асос бўлган ташкилий чора-тадбирлар хусусида тўхталиш ўринли. Аввало, институт моддий-техник базасини мустаҳкамлаш мақсадида унинг замонавий қиёфага эга бўлган 2 та кампуси барпо этилди.

☑️ Биринчи кампус таркибидан конференциялар зали, 2 минг ўринли 3 та 4 қаватли ўқув биноси, спорт майдони, симуляция маркази, илмий лаборатория ҳамда ошхона ўрин олган.

✅ Иккинчи кампусни ишга тушириш учун эса 20 миллиард сўмлик маблағ сарфланди. Натижа шунга яраша бўлди. Бугун институт талабалари бу ерда барпо этилган 300 ўринли конференция зали, 3 қаватли ўқув биноси, волейбол, футбол ва баскетбол майдони, 150 кишилик ёзги амфитеатр, шунингдек, 300 ўринли ошхонадан фойдаланиб келмоқда.

🇺🇸 Институтдаги муҳим янгиликлардан яна бири сифатида 2022 — 2023 ўқув йилидан бошлаб АҚШнинг USMLE (United States Medical licencing examination) дастури асосида “Даволаш иши” йўналиши очилганлиги ва унда 3 минг талаба таҳсил олаётганлигини келтириш мумкин.

🔎 Муҳими, институт Ўзбекистон бўйича АҚШнинг қатор ташкилотлари томонидан рўйхатга олинган ва тегишли сертификатларга эга бўлган ҳамда USMLE дастури асосида ўқитаётган ОТМ ҳисобланади. Бу ўқув юрти дипломи АҚШда ҳам тан олинади, деганидир.

🇩🇪 Шунингдек, ушбу муассаса 2024 йил ноябрь ойидан Германиянинг ZAB ташкилоти томонидан Германияда дипломи тан олинадиган олий таълим муассасаси сифатида эътироф этилди. Эндиликда институт битирувчилари дипломи Германияда ҳам тан олинади.

⏩ Бундан ташқари, Фарғона жамоат саломатлиги тиббиёт институтида Бирлашган Араб Амирликларининг Gulf medical university ҳамкорлигида “Doctor of medicine” (терапия) мутахассислиги бўйича 4 йиллик магистратура қўшма таълим дастури жорий этилди.

💵 Шунга мувофиқ ҳар йили 100 нафар магистрант БАА томонидан берилган дипломни олиб, Фарғонада ўқийди. Бу йилига қўшимча 500 минг доллар сармоя кириб келади, деганидир.

📚 Институт жамоасининг саъй-ҳаракати билан3 дарслик, 89 ўқув қўлланмаси ва 67 монография тайёрланиб, чоп этилди.

➡️ Табиийки, олий ўқув юрти талабалари ҳам қолишаётгани йўқ. Улар фан олимпиадаларида ўзларнини кўрсатиб келишаётир. Агар 2021 йилда жами 11 та талаба фан олимпиадаларида ғолибликни қўлга киритган бўлса, 2022 йили 15, 2023 йили 65, 2024 йили эса 72 нафар талаба халқаро ва республика олимпиадаларида ғалабага эришди.

📆 Ўтган 4 йил мобайнида 10 га яқин Президент ва номдор стипендиялар ғолиблари етишиб чиққани ҳам таҳсинга лойиқ.

‼️ Айтиш жоизки, институтга хорижий талабалар сонидан келиб чиқиб, ҳар йили 5 млн. АҚШ доллари миқдорида инвестиция киритиб келинмоқда ва бу маблағлар олий ўқув юрти салоҳиятини янада юксалтиришга йўналтириляпти.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 2⃣0⃣2⃣4⃣: 🟦🟦🟦

❗️НОДАВЛАТ СЕКТОР: Юртимизда хусусий тиббиёт муассасалари сони 9 мингдан ортди

✅ Бугун соғлиқни сақлаш тизимида кечаётган кенг кўламли трансформация жараёнлари соҳада соғлом рақобат муҳитини яратиш, бу орқали аҳолига кўрсатилаётган тиббий хизматлар сифати ва қамровини янада оширишга қаратилган.

📌 Хусусан, сўнгги саккиз йил давомида тиббиёт йўналишида хусусий сектор улушини ошириш, нодавлат тиббиёт муассасалари фаолиятини ҳар томонлама қўллаб-қувватлаш ва ривожлантириш борасида кенг кўламли ишлар амалга ошириляпти.

📊 Натижада 2017 йилда хусусий шифохоналар сони қарийб 3,5 мингтани ташкил этган бўлса, бугунга келиб уларнинг сони 9 мингдан ортди.

📈 Тиббиётнинг нодавлат секторида ихтисослик турлари 50 тадан 225 тага ошди. Шунингдек, хусусий шифохоналарнинг тиббиёт ихтисосликлари бўйича лицензия олишига имкон яратилди.

➡️ 3 700 дан кўпроқ мавжуд нодавлат клиникалар янги тиббий ихтисослик ҳисобига ўз фаолиятларини кенгайтирди.

🔎 Таъкидлаш лозимки, айни пайтда юртимиздаги барча тиббиёт муассасаларида ташкил этилган ўрин-жойларнинг 35 фоизи хусусий сектор улушига тўғри келмоқда. Яъни сўнгги йилларда нодавлат тиббиёт клиникаларида стационар шифо ўринлари сони сезиларли даражада ортиб, 2024 йилда 42 750 га яқинлашди.

➡️ Шунингдек, хусусий тиббиёт муассасаларининг барчасида амбулатор, 1530 дан ортиғида стационар хизматлари ташкил этилиб, улар томонидан кўрсатилаётган тиббий хизмат турлари 726 тадан 2 251 тага ошди.

‼️ Албатта, бундай ижобий ўзгаришлар туфайли бугунги кунда соғлиқни сақлаш тизимида нодавлат тиббиётнинг улуши 30 фоизга етди.

🟢 Жумладан, лаборатория хизматларининг 40 фоизи, офтальмология ва оператив офтальмологиянинг 60 фоизи, ЛОР ва эндоскопик ЛОРнинг 70 фоизи ва стоматологик ташхис ҳамда муолажаларнинг 91 фоизи айнан хусусий клиникалар томонидан кўрсатиляпти.

➡️ Яқин келажакда мазкур йўналишда янги нодавлат тиббиёт муассасаларини ташкил этишда халқаро стандартларни жорий этиш;

➡️ хусусий секторда тиббий хизматлар сифатини ошириш, “хавфсиз тиббиёт” принципини амалиётга татбиқ қилиш;

➡️ тиббий хизматлар истеъмолчиларининг ҳуқуқларини ишончли ҳимоя қилиш ҳамда соҳада сифат кўрсаткичларини янада ошириш кўзда тутилган.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 2⃣0⃣2⃣4⃣: 🟦🟦🟦

❗️ТИББИЁТДА ТРАНСФОРМАЦИЯ: Туркиялик мутахассислар соҳани ислоҳ қилишга кўмаклашмоқда

✅ Ҳозир Ўзбекистон соғлиқни сақлаш тизимида кенг кўламли трансформация жараёнлари давом этмоқда. Президентимиз бу борада соғлиқни сақлаш тизими мутасаддилари олдига тегишли вазифаларни қўйган.

📌 Хусусан, аҳолига кўрсатилаётган тиббий хизматлар сифатини жаҳон стандартлари даражасига олиб чиқиш — энг асосий талаблардан бири. Бунинг учун эса, биринчи навбатда, халқаро тажрибани чуқур ўрганиш ва амалиётга самарали татбиқ этиш талаб қилинади.

🇹🇷 Ана шу эҳтиёждан келиб чиқиб, Вазирлар Маҳкамасининг тегишли қарорига кўра, Соғлиқни сақлаш вазирлиги томонидан туркиялик мутахассислар гуруҳи жалб этилди. Ҳозир хорижлик экспертлар юртимиз вакиллари билан ҳамкорликда барча бўғиндаги тиббиёт муассасаларида ўрганишлар олиб бормоқда. Шу мақсадда тузилган ишчи гуруҳлар тасдиқланган режа асосида ҳудудларда бўляпти.

📍 Туркиялик мутахассислар еттита йўналиш — бирламчи тиббий-санитария ёрдамини такомиллаштириш, тиббий суғурта тизимини жорий этиш ва тизимни рақамлаштириш, шифохоналарда тиббий хизматлар самарадорлигини ошириш, тиббий хизматларни режалаштириш, фармацевтикани ривожлантириш ва дори воситалари таъминоти, тиббий асбоб-ускуналар самарадорлигини ошириш, шошилинч ва тез тиббий ёрдамни ривожлантириш бўйича иш олиб бормоқда.

📊 Туркиядан таклиф этилган мутахассислар сони ҳам етти нафар. Улар юқоридаги еттита йўналиш бўйича катта халқаро тажриба ва малакага эга экспертлар. Ҳар бири тегишли йўналиш бўйича масъул этиб белгиланган.

📍 Ҳозиргача чет эллик экспертлар Жиззах, Фарғона, Хоразм, Сирдарё, Самарқанд вилоятлари ва Қорақалпоғистон Республикасида бўлиб, соғлиқни сақлаш муассасалари фаолиятини чуқур ўрганган ҳолда, уни янада ривожлантириш борасида ўз тавсияларини беряпти.

‼️ Келгусида ана шу таҳлил, таклиф ва тавсиялар умумлаштирилиб, соғлиқни сақлаш тизимининг босқичма-босқич ислоҳотига оид қисқа, ўрта ва узоқ муддатли “Йўл хариталари” ишлаб чиқилиши ва амалга оширилиши режалаштирилган.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 2⃣0⃣2⃣4⃣: 🟦🟦🟦

❓Cоғлиқни сақлаш тизимида қандай янги тузилмалар ташкил этилди?

✅ Поёнига етаётган 2024 йил соғлиқни сақлаш тизимида янгиликларга бой бўлмоқда. Янги тузилмалар ташкил этилди, замонавий шифо масканлари очилди.

📆 Хусусан, соҳада амалга оширилаётган ислоҳотларни чуқурлаштириш, аҳолига кўрсатилаётган тиббий хизматлар сифатини тубдан яхшилаш мақсадида давлатимиз раҳбарининг 2024 йил 22 январдаги тегишли қарорига мувофиқ Соғлиқни сақлаш вазирлиги тузилмасида “Соғлиқни сақлаш лойиҳалари маркази” лойиҳа офиси ташкил этилди.

📌 Унга давлат тиббий суғуртаси тизимини ва давлат томонидан кафолатланган бепул тиббий хизматлар ва дори воситалари пакетини тўлиқ жорий этиш, тиббий хизматлар сифати ва хавфсизлиги устидан назорат тизимини такомиллаштириш ҳамда давлат харидлари самараси ва шаффофлигини ошириш, фармацевтика соҳасини ислоҳ қилиш, санитария қоида ва нормаларини замонавий талаблар асосида янгилаш каби қатор вазифалар юклатилди.

➡️ Болалар гематологияси, онкологияси ва клиник иммунологияси маркази ҳузурида Онкологик ва гематологик касалликларга чалинган болаларни соғломлаштиришга кўмаклашиш жамғармаси ташкил этилди.

🔬 Муассасанинг болалар онкогематологияси, гематология, онкология, реанимация, гемодиализ ва плазмоферез бўлимлари, стационар ва маслаҳат поликлиникаси замонавий жиҳозланди. Муассасага энг сўнгги русумдаги асбоб-ускуналар келтириб ўрнатилди.

🔎 Даволаш ва диагностика стандартлари янгиланди. Яна бир муҳим жиҳати, молекуляр генетика, иммуногистохимия каби мураккаб лаборатор текширувлар шу ернинг ўзида йўлга қўйилди.

💻 Бинобарин, жорий йилда Соғлиқни сақлаш вазирлиги электрон платформасининг “Вазиятлар маркази” очилди. У орқали соғлиқни сақлаш соҳасидаги барча ахборот тизимларини ягона мажмуа орқали назорат қилиш механизми йўлга қўйилмоқда.

🖥 Марказ жойлардаги ахборот тизимларининг узлуксиз ишлашини таъминлайди, унда республикадаги 1700 дан ортиқ тиббиёт муассасаларининг маълумотлар базасини реал вақт режимида кўриш ва таҳлил қилиш имконияти мавжуд.

✅ Шу билан бирга, Тиббиёт ташкилотларини лицензиялаш ва аккредитациялаш маркази ташкил этилди.

🏥 Пойтахтимизда амалга оширилган навбатдаги мега лойиҳалардан бири Республика ихтисослаштирилган онкология ва радиология илмий-амалий тиббиёт марказининг янги бирлашган комплекси барпо этилиши бўлди.

📊 Бу ерда Европа ва АҚШ стандартлари асосида 17 та янги клиник бўлим, 18 та жарроҳлик хонаси, 42 та реанимация ва интенсив терапия хоналари ташкил этилди. Улар жаҳон тиббиётида қўлланилаётган энг сўнгги техникалар билан жиҳозланди.

📈 Бундай замонавий техникаларни ишлатиш учун юзга яқин мутахассис 8 та хорижий давлатда малака ошириб қайтди.

📊 Жарроҳлик бўлимида йилига 6 мингта юқори технологик амалиётлар ўтказиш имконияти бор.

➡️ Янги ускуналар ёрдамида кўз, ҳалқум ва қизилўнгач қисми ўсмаларини кесмасдан олиб ташлаш мумкин. Қовуқ ўсмалари кам инвазив усулда бартараф этилади. Буларнинг самарасида беморлар тезроқ тузалиб, 3-5 кунда уйига қайтиши мумкин.

✅ Шу билан бирга, Республика шошилинч тиббий ёрдам илмий маркази Қорақалпоғистон филиали минтақада “нолдан” қурилган биринчи кўп тармоқли шифохона бўлди.

‼️ Бундай мисолларни яна кўплаб келтириш мумкин. Барчасидан кўзланган пировард мақсад эса ягона — халқни тиббиётдан рози қилиш!

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 2⃣0⃣2⃣4⃣: 🟦🟦🟦

❗️ОНА ВА БОЛА САЛОМАТЛИГИ: Соҳадаги ютуқлар халқаро даражада эътироф этилмоқда

🤱🏻Оналар ва болалар саломатлиги ҳар бир мамлакатнинг иқтисодий-ижтимоий ривожланиш индикатори ҳисобланади. Ўзбекистонда ҳам кейинги йилларда бу соҳа мутлақо янгича ёндашувлар асосида ислоҳ қилинмоқда.

📌 Янгиланишлар, энг аввало, тиббиётнинг бирламчи бўғинидан бошланди. Президентимиз ташаббуси билан ушбу тармоқда 8500 нафар доя ҳамшираси штати жорий этилди.

✅ Улар тиббий бригада таркибига киритилиши ҳомиладор аёлларни скрининг текширувларига йўналтириш, тиббий назорат қилиш, соғлом фарзандлар дунёга келиши, чақалоқларни туғуруқдан кейин тўғри парваришлаш борасида ижобий натижалар учун асос бўлмоқда.

➡️ Ҳозир патронаж дояси ўз участкасидаги ҳар бир ҳомиладор аёлнинг уйига кириб бориб, амбулатор ва стационар шароитдаги текширув ва даволаш жараёнларини назоратга олиб, шахсан кузатиб боряпти.

🗂 Ҳар бир доя ўзининг “Муваффақиятлар архиви”ни яратаяпти, яъни унинг кўмаги билан саломатлиги яхшиланган, ҳатто ўлимдан сақлаб қолинган аёллар ҳақида батафсил ёзиб боради. Шунингдек, уйма-уй юрган ҳолда “Муаммоли ҳомиладорлар рўйхати” шакллантирилиб, шифокорлар ёрдамида бундай аёллар саломатлиги тикланмоқда.

🏥 Яна бир ислоҳот: 2023 йили давлатимиз раҳбарининг тегишли қарорига асосан учта алоҳида марказ негизида Республика ихтисослаштирилган она ва бола саломатлиги илмий-амалий тиббиёт маркази ташкил этилиши ҳам бу соҳадаги энг муҳим янгиликлар сирасидан.

🤰 Ҳозир аёллар ва янги туғилган чақалоқларга барча зарур хизматлар, хусусан, ўсмир қизларга ёрдам кўрсатиш, ҳомиладорликка тайёргарлик ва антенатал парваришдан бошлаб, туғуруқ, туғуруқдан кейинги парваришгача бўлган жараёнлар ушбу марказ ва унинг филиалларида амалга оширилмоқда.

📉 Натижада кейинги йилларда оналар ва гўдаклар ўлими сезиларли даражада камайди. Бир ёшгача бўлган болаларда кўкрак сути билан озиқлантириш улуши ошди, беш ёшгача бўлган болалар ўртасида ортиқча вазн 4,2 фоизга камайди.

📊 Марказда 36 турдаги юқори технологик операциялар жорий этилиб, бундай амалиётлар улуши сўнги 3 йил давомида 3 баробарга оширилди, вилоятларда 10 турдаги, туманларда эса 8 турдаги янги амалиётлар йўлга қўйилди.

➡️ Марказнинг “Фетал тиббиёт” бўлимида ҳомиладор аёлларнинг нуқсонли ҳомиласи жарроҳлик йўли билан бартараф этилиб, соғлом болалар дунёга келтирилаётгани ҳам қисқа даврда эришилган ютуқларимизга бир мисол бўла олади.

📍 Бундай саъй-ҳаракатлар натижасида марказ ва унинг Хоразм ҳамда Андижон филиаллари биринчилардан бўлиб халқаро стандартларга мувофиқлик сертификатини қўлга киритди.

🖥 Бинобарин, Президентимиз муассаса ташкил этилганига 50 йил тўлиши муносабати билан меҳнат жамоаси номига алоҳида табрик йўллаб, бир гуруҳ ходимлар юксак давлат мукофотларига лойиқ кўрилгани барча акушер-гинекологларга катта куч-ғайрат бағишлади.

🩺 Замонавий тиббиёт ютуқлари чақалоқларда юзага келиши мумкин бўлган турли нуқсон ва хасталикларни ҳомиладорликнинг дастлабки босқичидаёқ аниқлаш ҳамда бартараф этиш имконини беряпти.

🔎 Бундай илғор диагностика ва муолажа усуллари ҳозир Республика перинатал марказида ҳам кенг қўлланилмоқда. Бу эса оналар ва болалар саломатлигини таъминлаш йўналишида ижобий натижаларга асос бўляпти.

🟢 Муассасада эрта туғилган чақалоқлар реабилитацияси, туғма нуқсонли болаларда ўтказиладиган неонатал амалиётлар сони йил сайин кўпаймоқда. Бу ерда илк бор ўзбек шифокорлари томонидан қўшни Қирғиз Республикасида туғилган сиам эгизаклари ўта ноёб операция натижасида ажратиб олиниши муҳим тарихий воқеа сифатида эътироф этилганди.

🔬 Шу билан бирга, марказда айрим касалликларни гўдакнинг ҳомилалик даврида, яъни она қорнидаёқ бартараф этишга имкон берувчи фетал тиббиёт тажрибасидан ҳам самарали фойдаланиб келинмоқда.

‼️ Албатта, бундай янгиланишлар мамлакатимизда оналар ва болалар саломатлиги давлат сиёсати даражасига кўтарилганининг яна бир яққол тасдиғидир.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

❗️Минздрав: Будут созданы централизованные лаборатории для оказания медико-лабораторных услуг поликлиникам

🔬 Лабораторная диагностика – одно из важнейших направлений медицины. Она облегчает процесс постановки диагноза и позволяет выбрать наиболее эффективные методы лечения.

✅ В целях дальнейшего повышения эффективности и качества медико-лабораторных услуг, оказываемых населению, повышения показателей лечения заболеваний в системе первичной медико-санитарной помощи запускается новая практика.

🗓 С 1 января 2025 года будет реализован проект создания централизованных лабораторий, оказывающих лабораторные услуги учреждениям первичной медико-санитарной помощи. При этом в качестве пилотных территорий были выбраны 3 региона – город Нукус Республики Каракалпакстан, Баяутский район Сырдарьинской области и Яшнабадский район города Ташкента.

📍 В настоящее время лаборанты из этих 3 регионов перед внедрением данного опыта проходят обучение в Ташкентском городском медицинском консультативно-диагностическом центре. Они посещают специальные занятия у опытных специалистов и совершенствуют навыки работы на новейшем современном лабораторном оборудовании.

📈 Не секрет, что качество лабораторных исследований и анализов во всех семейных поликлиниках страны неодинаково. И не всегда качество и объемы имеющегося лабораторного оборудования и расходных материалов удовлетворительны.

🔎 Например, бывают случаи, когда врачи специализированного центра с недоверием смотрят на результаты анализов, выполненных в поликлинике, и направляют пациента для сдачи повторных анализов в другую лабораторию. Этот новый проект реализуется именно для того, чтобы избежать подобных хлопот и чрезмерных расходов, а также предоставить удобства пациентам.

📌 Во всех поликлиниках трех выбранных регионов будут организованы пункты приема биоматериалов от населения. Они будут доставляться на специально оборудованных транспортных средствах в современно оборудованные централизованные лаборатории. Анализы будут выполняться на высококачественном оборудовании. В результате будет возможно поставить точный диагноз пациенту и избавить его от лишних хлопот.

🖥 Результаты лабораторных анализов будут переданы в поликлиники через электронную информационную систему и автоматически занесены в электронную карту пациента. При необходимости лечения не в первичном звене, а в других специализированных медицинских учреждениях можно будет получит результаты анализов через эту систему.

📃 В рамках проекта в централизованных лабораториях населению, прикрепленному ко всем учреждениям первичного звена региона, услуги будут оказаны на основании направления в рамках гарантированного пакета. Расходы будут покрыты со стороны Фонда государственного медицинского страхования.

🔗 Самое главное, даже в отдаленных территориях граждане, сдавая анализы в своей поликлинике, могут быть уверены, что их результаты будут качественными и они получат эффективное лечение.

Пресс-служба
Министерства здравоохранения.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Поликлиникаларга хизмат кўрсатувчи марказлашган лабораториялар ташкил этилади

🔬Лаборатория диагностикаси — тиббиётнинг энг муҳим соҳаларидан бири. У ташхис қўйишни осонлаштириб, энг самарали даволаш усулларини танлаш имконини беради.

✅ Аҳолига кўрсатилаётган тиббий лаборатория хизмати самарадорлиги ва сифатини янада ошириш, бирламчи тиббий-санитария ёрдами тизимида касалликларни муолажа қилиш кўрсаткичларини ошириш мақсадида янги тажриба йўлга қўйилмоқда.

🗓 2025 йил 1 январдан бирламчи тиббий-санитария ёрдами муассасаларига лаборатория хизматлари кўрсатувчи марказлашган лабораториялар ташкил этиш лойиҳаси амалга оширила бошлайди. Бунинг учун тажриба-синов тариқасида 3 та ҳудуд — Қорақалпоғистон Республикасининг Нукус шаҳри, Сирдарё вилоятининг Боёвут тумани ҳамда Тошкент шаҳрининг Яшнобод туманлари танлаб олинди.

📍 Ҳозир ушбу 3 та ҳудуд лаборантлари Тошкент шаҳар тиббий маслаҳат-диагностика марказида бу тажрибани ҳаётга татбиқ этиш учун тайёргарлик кўришмоқда. Улар етук мутахассислар томонидан махсус дарсларда қатнашиб, янги лаборатория ускуналарида ишлаш кўникмаларини эгалламоқда.

📎 Сир эмас, айни пайтда республика бўйлаб барча оилавий поликлиникаларда лаборатория ва таҳлиллар сифати бир хил эмас. Мавжуд лаборатор жиҳозлар ҳамда сарфлов материаллари сифати ва ҳажми ҳар доим ҳам қониқарли даражада бўлмайди.

🔎 Масалан, поликлиникада топширилган таҳлил натижаларига ихтисослашган марказ шифокорлари ишончсизлик билан қарайдиган ва беморни қайта таҳлил топшириш учун бошқа лабораторияга йўналтирадиган ҳолатлар ҳам учраб туради. Бундай оворагарчилик ва ортиқча харажатларнинг олдини олиш ҳамда беморларга янада қулайлик яратиш учун ҳам бу янги тажрибага қўл урилди.

📌 Танланган 3 та ҳудуддаги барча поликлиникаларда аҳолидан биоматериалларни қабул қилиш хоналари ташкил этилади. Улар махсус жиҳозланган автотранспорт воситаларида замонавий марказлашган лабораторияларга етказилади. Ушбу натижалар жаҳон стандартлари асосида илғор усулларда текширилади. Шу тариқа беморга аниқ ташхис қўйиш имкони яратилади ва ортиқча сарсонгарчиликка чек қўйилади.

🖥 Лаборатор таҳлиллар натижаси тиббиёт муассасаларига электрон ахборот тизими орқали жўнатилади ва автоматик равишда беморнинг электрон картасига киритилади. Бемор бирламчи тизимда эмас, бошқа ихтисослашган шифо масканларида даволаниши керак бўлган тақдирда ҳам ушбу база орқали ўз натижаларни олиши кафолатланади.

📃 Лойиҳа доирасида марказлашган лабораторияларда ҳудуддаги барча бирламчи бўғин муассасаларига бириктирилган аҳолига йўлланма асосида кафолатланган пакет доирасида хизмат кўрсатилади. Харажатлар Давлат тиббий суғуртаси жамғармаси томонидан қоплаб берилади.

🔗Асосийси, олис ҳудудда яшайдиган фуқаро ҳам ўз поликлиникасида топширган таҳлилларининг натижалари юқори сифатли эканига ишонч ҳосил қила олади ва самарали даволаш орқали шифо топади.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 2⃣0⃣2⃣4⃣: 🟦🟦🟦

❗️ИХТИСОСЛАШТИРИЛГАН ТИББИЙ ХИЗМАТ: Инновацион диагностика ва даволаш усуллари туманлар даражасида йўлга қўйилмоқда

✅ Ихтисослаштирилган тиббий хизмат халққа янада яқинлашмоқда. Бир пайтлар илғор хорижий мамлакатлар, кейинчалик асосан пойтахтда бажарилган юқори технологик операциялар, инновацион диагностика усуллари эндиликда ҳудудларда ҳам босқичма-босқич жорий этиляпти.

🏥 Хусусан, сўнгги йилларда Республика ихтисослаштирилган тиббиёт марказлари сони — 10 тадан 25 тага, уларнинг ҳудудий филиаллари 2 тадан қарийб 300 тага етказилди.

📈 Касалликларни даволаш самарадорлигини ошириш мақсадида 2017–2024 йилларда диагностика усуллари — 70 тадан қарийб 550 тага, даволаш усуллари — 60 тадан 800 тага кўпайди.

📊 Ҳудудларда юқори технологик операциялар улуши 61 фоизга етказилиб, пойтахтга келиб даволаниш кўрсаткичи 24 фоизга қисқарди.

🔬 Жумладан, Республика ихтисослаштирилган гематология илмий-амалий тиббиёт марказида донордан олинган суяк кўмиги ўзак ҳужайралари трансплантацияси йўлга қўйилди.

🫀Республика ихтисослаштирилган кардиология марказида юрак нуқсонидан азият чекувчи беморларда 3D-эндоскопик усулда мураккаб жарроҳлик амалиёти ўтказиш ўзлаштирилди.

🚑 Энди замонавий кардиохирургик хизмат олис ва чекка туманларга ҳам кириб боряпти. Шу мақсадда фаолият бошлаганига кўп бўлмаган Миллий тиббиёт марказига Европадан замонавий кўчма кардиожарроҳлик мажмуалари олиб келинди.

📌 Ушбу уникал техника олис ҳудудларда истиқомат қиладиган, айниқса, ногиронлиги бор, касаллик сабаб тўшакка михланиб қолган оғир беморларни яшаш жойининг ўзида кўрикдан ўтказиш ва уларда зарур операцияларни бажаришга хизмат қиляпти.

🟢 Бундай амалий саъй-ҳаракатлар Республика ихтисослаштирилган тиббиёт марказларининг туманлар даражасига тушиб ишлаётгани, ушбу муассасалар етакчи шифокорларининг жойлардаги тор соҳа мутахассислари билим кўникмаларини оширишга яқиндан кўмаклашаётгани далолатидир.

💬 Бу каби ютуқларимиз жаҳон миқёсида ҳам муносиб эътироф этилмоқда. 2024 йилда Болалар миллий тиббиёт маркази халқаро даражадаги JCI сертификатини олди.

✅ Республика ихтисослаштирилган она ва бола саломатлиги илмий-амалий тиббиёт маркази ҳамда Республика ихтисослаштирилган дерматовенерология ва косметология илмий-амалий тиббиёт маркази ҳам халқаро аккрдетациядан ўтди.

⏩ Бундан ташқари, қуйидаги муассасаларга ISO 9001:2015 ва ISO 7101:2023 халқаро сифат стандартлари жорий этилганлиги муносабати билан махсус сертификатлар топширилди:

➡️ Республика ихтисослаштирилган хирургия илмий-амалий тиббиёт маркази;

➡️ Республика ихтисослаштирилган эндокринология илмий-амалий тиббиёт маркази;

➡️ Республика ихтисослаштирилган педиатрия илмий-амалий тиббиёт маркази;

➡️ Республика ихтисослаштирилган дерматовенерология ва косметология илмий-амалий тиббиёт маркази.

✅ Бинобарин, Миллий тиббиёт марказида ISO 9001:2015 халқаро сифат стандартлари жорий этилди.

Ўзбекистон 2026 йил охирига қадар ОИВ, сифилис ва гепатит В нинг онадан болага юқишини йўқ қилиш бўйича "йўл харитаси"ни ишлаб чиқиб, гепатит В га қарши курашиш бўйича оралиқ мақсадли кўрсаткичларга эришиш учун салмоқли ишлар олиб борди.

📋 Натижада Жаҳон соғлиқни сақлаш ташкилотининг Европа минтақавий бюроси Ўзбекистоннинг гепатит В га қарши курашиш бўйича минтақавий мақсадли кўрсаткичларга эришганини тасдиқловчи сертификатни тақдим этди.

🗂 Айтиш жоизки, айни пайтда юртимиздаги ихтисолаштирилган тиббиёт марказлари ва уларнинг филиалларида ҳар йили ўртача 100 минг нафар имтиёзли тоифага мансуб беморлар имтиёзли йўлланма асосида даволанмоқда.

➡️ Бу орқали қанчадан-қанча беморлар ортиқча вақт ва маблағ сарфлаб, чет элдаги клиникаларга бориш ташвишидан қутиляпти.

‼️ Эндиликда бу кўрсаткичларни янада яхшилаш учун юқори технологик инновацион дигностика ва илғор даволаш усулларини туманлар даражасига тушириш чоралари кўрилади.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

❓Кимлар дори воситаларини оилавий шифокорнинг электрон рецепти асосида бепул олиши мумкин?

📃 Ўзбекистон Республикаси Вазирлар Маҳкамасининг "Касалликларни амбулатор шароитда даволашда дори воситалари харажатларини қоплаш бўйича реимбурсация дастури тўғрисидаги низомни тасдиқлаш ҳақида" қарорига кўра, дори воситаларини оилавий шифокорнинг электрон рецепт асосида бепул олиш мумкин.

✅ Реимбурсация (reimbursement) инглиз тилидан олинган бўлиб, “харажатларни қоплаш” маъносини англатади.

💊 Реимбурсация дастурида бирламчи тиббий-санитария ёрдами муассасаларида сурункали касалликларни амбулатор шароитда даволаш учун қабул қилинадиган дори воситалари учун дорихона харажатларини Давлат тиббий суғуртаси жамғармаси қоплайди.

⬇️ Қуйидаги сурункали касалликларга чалинган, диспансер назоратида турувчи беморлар оилавий шифокор электрон рецепти асосида бепул дори воситаларини олиш ҳуқуқига эга:

➡️ гипертония;
➡️ юрак ишемик касаллиги;
➡️ қандли диабетнинг иккинчи тури;
➡️ бронхиал астма;
➡️ ўпканинг сурункали обструктив касаллиги.

❗️Дори воситалари Давлат тиббий суғуртаси жамғармаси билан шартнома асосида хизмат кўрсатувчи дорихоналарда берилади.

Манба

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 2⃣0⃣2⃣4⃣: 🟦🟦🟦

❗️ТЕЗ ТИББИЙ ЁРДАМ: Автоматлаштирилган бошқарув тизими қандай натижа бермоқда?

🚑 Кутилмаганда содир бўладиган ҳар қандай кўнгилсиз ҳодиса инсон ҳаёти ва саломатлигига жиддий хавф туғдириши мумкин. Табиийки, бундай паллада энг биринчи бўлиб “Тез ёрдам” ходимлари кўмакка ошиқади.

✅ Шундан келиб чиқиб, кейинги йилларда “103” хизмати фаолиятини такомиллаштириш, соҳа амалиётига энг сўнгги илмий-техник воситалар ва ахборот-коммуникация технологияларини жорий этишга алоҳида эътибор қаратиляпти.

➡️ Бунда давлатимиз раҳбарининг 2022 йил 16 июндаги “Аҳолига тез тиббий ёрдам кўрсатиш тизимини такомиллаштириш тўғрисида”ги қарори муҳим аҳамият касб этмоқда. Унга мувофиқ, республикамиз бўйича тез тиббий ёрдамнинг ягона вертикал бошқарув тизими йўлга қўйилди.

📊 Бундай янгиланишлар натижасида марказнинг 14 та ҳудудий филиали, 167 та станцияси, 63 та подстанцияси ва 1 436 та таянч пункти ташкил этилди. Тез тиббий ёрдам бригадалари сони 2 853 тага етди.

📉 Электрон автоматлаштирилган бошқарув тизими жорий этилиши натижасида чақирувни қабул қилиш вақти 6-8 дақиқадан 1-2 дақиқагача,чақирувни тез тиббий ёрдам бригадасига узатиш вақти Тошкент шаҳрида 10-20 дақиқадан 1-2 дақиқагача, чақирувга етиб бориш муддати пойтахтимизда 20-30 дақиқадан 10-15 дақиқагача, ҳудудларда (олис, тоғли ва чўл зоналарни инобатга олган ҳолда) 10-40 дақиқагача қисқарди.

📞 Тошкент шаҳри тажрибаси асосида марказнинг ҳудудий филиалларида ягона “Call-марказ”лар фаолияти йўлга қўйилди.

💊 Соҳани рақамлаштириш жараёни ҳам изчил давом эттирилмоқда. Жорий йилда ахборот тизимида “Дорихона” модули ишга туширилди ва ҳозир барча ҳудудларда синовдан ўтказилмоқда. Ушбу модуль орқали барча дори воситаларини қайд қилиш, уларни тарқатиш, ҳисобини юритиш ва тез тиббий ёрдам бригадалари томонидан фойдаланиш жараёнларини мониторинг қилиш имконияти бор.

“Автохўжалик” модули эса тез тиббий ёрдам автопаркидаги 3 мингдан зиёд автомобиль ҳисобини юритиш, уларни ёқилғи билан таъминлаш, эҳтиёт қисмларни ажратиш ҳамда автомашиналар ҳолатини кузатиб боришда катта самара бермоқда.

📌 Охирги йилларда тизимда узоқ йиллар фойдаланиб келинган, эскириб қолган ва зарур тиббий жиҳозлар билан таъминланмаган автотранспорт воситалари янгиланиб, соҳага минг дона замонавий “Volkswagen Caddy” русумли автомобиль етказиб берилди ва тизимдаги барча автотранспорт воситалари GPS-трекер билан таъминланди.

🟢 Албатта, бундай ижобий ўзгаришлар туфайли мазкур йўналишда беморларга юқори сифатли тиббий хизмат кўрсатиш имконияти яратилиб, "103" хизмати халқаро талабларга тўлиқ жавоб берадиган муҳим бўғинга айланмоқда.

‼️Тез тиббий ёрдам хизмати фаолиятида халқни рози қилиш, инсон манфаатлари устуворлигини таъминлаш бош мезон ҳисобланади. Соҳада олиб борилаётган трансформация жараёнлари ана шу мақсадга хизмат қилади.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram