ССВ матбуот котиби| Эмланиш – соғлик кафолати!

❗️Тадқиқот: Эпилепсияни сунъий интеллект ёрдамида аниқлаш усули яратилди

📊 Жаҳон соғлиқни сақлаш ташкилоти маълумотига кўра, сайёрамиз бўйича 50 миллиондан ортиқ киши эпилепсия касаллигидан азият чекмоқда. Ачинарлиси, кейинги даврда улар сони йилига 5 миллион нафарга ортяпти.

🧠 Бу патология – бош миянинг сурункали хасталиги. У 70 фоиз ҳолатда 20 ёшгача бўлган даврда ривожланади.

🩺 Бироқ эпилепсия ҳар доим ҳам яққол аломатлар билан намоён бўлмайди. Бу эса хасталикни эрта босқичда аниқлаш имконини пасайтиради. Оқибатда турли асоратлар келиб чиқиши мумкин.

📌 Масалан, фотостимуляция — касалликка ташхис қўйишнинг асосий усулларидан бири. Бу жараёнда тиббий технология ёрдамида бемор кўзига ёрқин нур чақнашлари йўналтирилади.

🔎 Аммо мазкур усул фақат фотосенситив эпилепсияни аниқлашда қўл келади. Хасталикнинг ёруғликка сезувчанлиги бўлмаган турига ташхис қўйишда эса янги диагностика усулларига эҳтиёж бор эди.

💻 Россиянинг Болтиқ федерал университети ҳамда Н.И. Пирогов номидаги миллий тиббий жарроҳлик маркази олимлари электроэнцефалография таҳлилининг янги усулини ишлаб чиқди. Бу жараёнда сунъий интеллект технологиясидан фойдаланилади.

📹 Тадқиқотчилар янги турдаги текширувни 108 нафар кишида синовдан ўтказди. Уларнинг ярми фотосенситив бўлмаган эпилепсия билан оғриган беморлар, қолган қисми эса соғлом инсонлар эди.

‼️ Маълум бўлишича, янги таҳлил усули эпилепсиянинг фотосенситив бўлмаган турига 71 фоиз аниқликда ташхис қўйиш имконини беради. Келгусида мазкур янгилик кенг қамровда синовдан ўтказилиши кутилмоқда.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

❓Септопластика операцияси: Кимларга мумкин, қандай беморларга тавсия этилмайди?

✅ Кейинги пайтларда ижтимоий тармоқларда септопластика операцияси ўтказишни таклиф этаётган кўплаб хусусий клиникаларнинг рекламаларига кўзимиз тушмоқда.

❓Хўш, ўзи бу – қандай амалиёт? Мазкур муолажа ҳақида нималарни билиш муҳим? У кимларга мумкин, қандай беморларга тавсия этилмайди?

👨‍⚕️Шу каби саволларга Республика ихтисослаштирилган оториноларингология ва бош-бўйин касалликлари илмий-амалий тиббиёт маркази директори Улуғбек Ҳасанов жавоб берди.

👃— Бурун тўсиғи қийшиқлиги – оториноларингологияда энг кўп учрайдиган муаммолардан бири бўлиб, септопластика ушбу хасталикни бартараф этишга қаратилган жарроҳлик амалиёти ҳисобланади, — дейди мутахассис.

➡️ — Шу ўринда буруннинг асосий вазифалари ҳақида қисқача айтиб ўтсак. Ушбу тана аъзоси нафас олиш тизимининг "дарвоза"си бўлиб, у ўпкага кирувчи ҳавони иситиб, тозалайди.

📌 Бурун тўсиғи эса унинг ўнг ёки чап томонини ажратиб турувчи девор бўлиб, тўқималар ва суякдан ташкил топган. Оддий ҳолларда у ўртада бўлиши ва бурун ичидаги ҳавони икки қисмга тақсимлаши лозим.

🔴 Аммо турли сабабларга кўра, бурун тўсиғи бир ёки иккала томонга қийшайиб қолади. Бу эса унинг фаолиятига салбий таъсир этиб, кўп ҳолларда организмда жиддий ўзгаришларни келтириб чиқаради. Жумладан, юрак-қон томир, асаб, нафас олиш ва бошқа тизимлар фаолиятига салбий таъсир кўрсатади.

✅ Бурун тўсиғи қийшиқлиги аҳолининг 94 фоизида учрашига қарамасдан, фақатгина 10-12 фоизида септопластика амалиёти ўтказилади. Бурун тўсиғининг қийшиқлиги кўпинча нафас етишмовчилигига олиб келади. Ҳаво оқими тўғри бўлмагани боис, инсон фақат оғиз орқали нафас олишга мажбур бўлади. Бу эса юз шаклининг ўзгариши, жағнинг нотўғри ўсиши, тишлар қаторининг бузилишига олиб келади.

🧠 Шунингдек, бурун тўсиғи қийшиқлиги сабабли хуррак отиш, бурун ва қулоқлар битиши, бош оғриғи, томоқ қуриши, ҳид билишнинг пасайиши, бурун қонаши, уйқу апноэси, нафас олиш органларининг аллергик ва сурункали яллиғланиш касалликлари, тумов ва тез-тез шамоллаш пайдо бўлади.

🩺 Ушбу хасталикни болаларда эрта аниқлашга эътибор бериш керак. Чунки уларнинг организми ўсувчи бўлганлиги боис нафас олиш қийинлиги сабабли ривожланадиган гипоксия кўп аъзолар фаолиятига таъсир этади. Шу сабабли бурун тўсиғи кескин қийшайганда жарроҳлик амалиёти ўтказиш талаб этилади. Ҳозирги кунда мазкур муолажани оғриқсиз ва асоратларсиз эндоскопик тизим ёрдамида ўтказиш имкони мавжуд.

💉 Ҳомиладорликни режалаштираётган аёлларга ҳам бурун ва бурун ёндош бўшлиқлари текшируви ўтказилиб, эҳтиёж бўлганда септопластика амалиёти тавсия этилади. Боиси, бу муаммо ҳомилада кислород етишмаслигига ва ҳомиладор аёлда оғир асоратларга олиб келиши мумкин. Бироқ ҳомиладорлик ва ҳайз пайтида ушбу жарроҳлик амалиётини бажариш мумкин эмас.

‼️ Операция муваффақиятли ўтиши учун бемор, албатта, унга тўғри тайёргарлик кўриши керак. Яъни, бир нечта тиббий кўриклардан ўтиш, септопластикадан 2 ҳафта олдин қонни суюлтирувчи дори-дармонларни қабул қилишни тўхтатиш, ёмон одатлардан воз кечиш зарур.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦🟦🟦

❗️ССВ: Юртимизда болалар ўртасида саратон касалликларини ташхислаш ва даволаш даражаси ошиб бормоқда

✅ Пойтахтимизда “Болаларда онкологик ва онкогематологик касалликлар диагностикасининг янги уфқлари” мавзусида халқаро илмий-амалий анжуман бўлиб ўтмоқда.

📍 Соғлиқни сақлаш вазирлиги ҳамда Болалар онкологияси, гематологияси ва иммунологияси илмий-амалий тиббиёт маркази томонидан ташкил этилган ушбу тадбирда ўзбекистонлик соҳа вакиллари билан бирга, АҚШ, Россия, Австрия, БАА, Туркия, Ҳиндистон, Озарбайжон, Қозоғистон, Тожикистон каби давлатлардан етакчи олимлар ва мутахассислар қатнашмоқда.

📌 Тажриба алмашиш майдонига айланиши кўзда тутилган мазкур анжуман офлайн ва онлайн, яъни гибрид форматда ўтказилмоқда.

🔎 Мақсад шифокорларнинг ўзаро тажриба алмашиши, янги ёндашув ва технологияларни ўрганиш, болалардаги онкологик касалликлар ташхиси ҳамда уларни даволашни такомиллаштириш имкониятларини муҳокама қилишдан иборат.

📆 Таъкидлаш жоизки, 15 февраль – Халқаро саратонга чалинган болалар куни олдидан ташкил қилинган ушбу анжуманда маҳаллий мутахассисларимиз хорижлик ҳамкасблари билан биргаликда болаларнинг онкологик, гематологик ва иммунологик касалликларини ташхислаш ва даволашдаги йўналишлар ҳамда самарали чораларни муҳокама қилмоқдалар.

🔬 Жумладан, бугунги кунда долзарб бўлиб турган иммунотерапия ва таргет терапиясидаги янгиликлар, болаларда саратон касалликларини даволашда генетикадан фойдаланиш, тиббий технологияларни такомиллаштиришда сунъий интеллектнинг ўрни, инқирозли вазиятлар ва бунда оилани қўллаб-қувватлаш, даволашдан кейинги реабилитация ҳамда психологик ёрдам каби масалаларга диққат қаратилмоқда.

➡️ Анжуман Ўзбекистонда болалар саломатлигини муҳофаза қилишни қўллаб-қувватлаш ва ривожлантириш бўйича давлат сиёсатини юритишда муҳим қадам бўлиб, мамлакатимизнинг юқори сифатли тиббий ёрдамни ташкил этиш, даволаш самарадорлигини ошириш ва бунда энг сўнгги усуллардан, стандартлардан фойдаланишни таъминлашга интилишини ифодалайди.

❗️Ушбу тадбир эртага ҳам ўз ишини давом эттиради.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

❗️“Бу операцияни ҳеч қаерда қилиб бўлмайди” дейишганди...”

✅ Юртимиз тиббиётида амалга оширилаётган трансформация жараёнида янги турдаги мураккаб жарроҳлик амалиётлари ўзлаштирилаётгани, айниқса, эътиборга молик.

🔬 Болалар миллий тиббиёт маркази жамоаси томонидан жигар ва буйрак кўчириб ўтказиш амалиётлари муваффақиятли йўлга қўйилгани буни яққол тасдиқлаб турибди.

🫀Куни кеча мазкур муассасада яна бир ноёб операцияга қўл урилди. Яъни кардиохирургия бўлими мутахассислари қашқадарёлик 13 ёшли беморда дунё миқёсида кам кузатиладиган юрак нуқсони, яъни эбштейн аномалияси бўйича жарроҳлик амалиётини муваффақиятли ўтказишди.

🔎 Бу хасталик барча юрак нуқсонларининг 0,5 фоизида учраши билан ҳам ажралиб туради. Бу ҳолатда трикуспид қопқоқ, яъни юракнинг учта пардаси нотўғри ривожланади ва натижада қон айланиши бузилади.

‼️ Юқори малака ва юксак технологияларни талаб қиладиган ушбу амалиёт усули орқали юрак қопқоғи тикланиб, унинг тузилмаси ва фаолияти меъёрий ҳолатга келтирилди.

✅ Бемор ҳозирги пайтда ўзини яхши ҳис этяпти. Табиийки, бундан унинг онаси Наргиза Султонова жуда бахтиёр.

💬 — Боламнинг касаллиги 4 ёшида маълум бўлган эди, — дейди она. — Шундан буён кўп жойларга мурожаат қилдик. Ҳатто, “Бу операцияни ҳеч қаерда қилиб бўлмайди”, деганлар ҳам топилди. Мана, қилса бўларкан-ку. Биз вилоятдаги шифокорлар тавсияси билан пойтахтга, бу марказга келдик. Келиб тўғри қилган эканмиз. Болам ҳозир жуда яхши. Бундан шодман. Фарзандим тузалишига сабабчи бўлаётган барча тиббиёт ходимларидан миннатдорман...

📹 Соғлиқни сақлаш вазирлиги Матбуот хизмати томонидан тайёрланган шу хусусидаги видеолавҳа билан яқин вақтларда танишишингиз мумкин.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

❗️Чет тили имтиҳонлари бўлиб ўтади

📆 Чет тилини билиш даражасини аниқлаш бўйича бўлиб ўтадиган навбатдаги имтиҳон санаси эълон қилинди.  Унга кўра:

➡️ имтиҳоннинг ёзма қисми — 15-16 февраль кунлари;

🎤 гапириш кўникмасини баҳолаш имтиҳонлари — 17 февралдан 11 мартга қадар бўлиб ўтади.

📲 Талабгорлар имтиҳон жойи, куни ва аниқ вақтини my.gov.uz сайтининг "Менинг аризаларим" бўлимидан билишлари ва рухсатномани юклаб олишлари мумкин.

‼️ Талабгорлардан тест синовига белгиланган вақтдан камида бир соат олдин шахсини тасдиқловчи ҳужжат (паспорт ёки ID-карта) билан келишлари сўралади.

🌐@ssvuz  | 🌐@ssvmatbuotkotibi |🌐 Facebook | 🌐Instagram

Президент Шавкат Мирзиёев раислигида олимпия ва паралимпия ҳаракатини янада ривожлантириш, оммавий спортни янги босқичга олиб чиқиш ҳамда аҳоли жисмоний фаоллигини ошириш чора-тадбирлари юзасидан видеоселектор йиғилиши бўлиб ўтмоқда.

Унда қайд этилганидек, аҳоли орасида соғлом турмуш тарзини тарғиб қилишда нафақат спорт, балки тўғри овқатланиш ҳам долзарб аҳамиятга эга.

Ўтказилган ўрганишларга кўра, аҳолимизнинг 44 фоизи жисмоний фаол эмаслиги, 36 фоизи тўғри овқатланиш қоидаларига амал қилмаслиги аниқланган.

Аҳоли ўртасида бошоқли, донли маҳсулот, мева-сабзавотлар истеъмоли кескин камайиб, туз ва шакар истеъмоли ортиб бораётгани хавотирларни янада кучайтиради. Оқибатда одамларнинг 56 фоизида ортиқча вазн, 38 фоизида қон босими билан боғлиқ муаммо бор. Юқумли бўлмаган касалликлар эрта ўлимга сабаб бўлмоқда.

Шу боис, “Соғлом инсон – соғлом миллат” умуммиллий ҳаракати бошланади.

Мутасаддиларга соғлом овқатланиш ва жисмоний фаоллик тарғиботи билан ҳар бир оилани қамраб олиш зарурлиги кўрсатиб ўтилди. Бу йўналишда халқчил ва таъсирчан ижтимоий роликлар тайёрлаб, ҳар куни марказий телеканалларда намойиш этиш лозимлиги таъкидланди.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦🟦🟦🟦🟦

🇺🇿🇹🇷 Бухоролик шифокорлар Туркияда малака оширади

✅ Туркия — соғлиқни сақлаш соҳасида дунёнинг етакчи давлатлардан бири. Айниқса, тиббий таълим, юқори технологик операциялар, шошилинч тиббий ёрдам ва фармацевтика каби йўналишларда қардош юрт вакиллари эришаётган натижалар салмоқли.

📌 Шу боис сўнгги йилларда ушбу мамлакат билан тиббиёт соҳасида ҳамкорликни янада мустаҳкамлашга алоҳида эътибор қаратилмоқда. Хусусан, тизим учун кадрлар тайёрлаш, мутахассислар малакасини ошириш, талабалар алмашинуви борасида қатор қўшма лойиҳалар амалга ошириляпти.

📍 Айни кунларда Туркия давлатида бўлиб турган Бухоро вилояти соғлиқни сақлаш бошқармаси бошлиғи Элёр Олтиев бошчилигидаги делегация қардош малакатнинг Соғлиқ билимлари университети ректори Кемалиддин Айдин билан учрашиб, ушбу йўналишда навбатдаги келувга эришди.

📊 Унга кўра, жорий йилда бошқарма маъмурияти ҳамда ҳудуддаги даволаш-профилактика муассасаларидан 25 нафар раҳбар тиббий менежмент бўйича 7 кунлик ўқув дастурида қатнашади. Шунингдек, 75 нафар мутахассис бир ойдан тўққиз ойгача Туркияда малака ошириш имкониятига эга бўлади.

‼️ Вилоятнинг бир гуруҳ ёш шифокорлари Соғлиқ билимлари университетига ўқишга юборилади. Шу аснода Бухорода трансплантация, кардиохирургик, нейрохирургик, онкогематологик, эндокринологик операциялар ва бошқа юқори технологик жарроҳлик амалиётларини йўлга қўйиш режалаштирилган.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram