ScaleUp | UZ

#Tavsiya

Sizga tavsiya qiladigan 5 ta kitobim :

💭"Правило 10Х" – Grant Kardon
💭"Парадокс выбора" – Barry Schwartz
💭"Почему лучше покупать именно у вас" - Aleksey Objerin
💭"Performance Маркетинг – заставьте интернет работать на вас" – Zagrebelniy Grigoriy
💭"Партизанские продажи" – Murat Turgunov

Sotuv hamda marketing haqida bilimlaringizni yangilash va kuchaytirish uchun kitoblar ro'yhati;

@scaleupuz

📊Brend qiymatini qanday o‘lchash mumkin?

Brend qiymatini qanday o‘lchash mumkin?

Brendning qiymatini o‘lchash – biznes uchun muhim jarayon.
Ammo bu jarayon logotip yoki tashqi ko‘rinishga asoslanmaydi.
Brend qiymati sizning logotipingizning qanchalik chiroyli ko‘rinishida emas.

❗️Brend qiymati – bu moliyaviy va hissiy aloqa.
Bunga mijozlarning tan olishi, sadoqati va bozordagi ta'sir kuchi ta'sir qiladi.

Biz ko‘rib chiqadigan asosiy performance ko’rsatkichlar:

🔖Brend tan olinishi (Brand Awareness)
Mijozlarning brendni qanchalik yaxshi tanishi va yodda saqlashi.
Buni so‘rovlar, ijtimoiy tarmoqlardagi eslatmalar va izlash hajmi orqali o‘lchash mumkin.

🔖Brend kapitali (Brand Equity)
Mijozlar sadoqati, assotsiatsiyalar va obro‘ orqali brendning bozorda egallagan o‘rni.

🔖Mijozlar sadoqati (Customer Loyalty)
Mijozlarning qayta-qayta xarid qilishi, saqlanish ko‘rsatkichlari va umr bo‘yi qiymatini kuzatish.

🔖Bozor ulushi (Market Share)
Brendning umumiy savdolar ichidagi ulushi.

🔖Brend hissi (Brand Sentiment)
Mijozlarning brend haqidagi hissiy munosabatlari.

🔖Muloqot ko‘rsatkichi (Engagement Rate)
Ijtimoiy tarmoqlar va veb-saytlarda foydalanuvchilarning faollik ko‘rsatkichlari.

🔖Daromad o‘sishi (Revenue Growth)
Brendning moliyaviy ta'sirini va vaqt davomida o‘sishini kuzatish.

Har bir biznes o‘z qiymatini oshirishni maqsad qiladi.
Brend – bu nafaqat ko‘rinadigan, balki strategik aktiv.
Uni asrab-avaylash va rivojlantirish har bir biznesning asosiy vazifasi.

❓Ushbu ko’rsatkichlardan qay biri sizning KPI giz ?
Siz qaysi ko’rsatgichni o’lchab turasiz ?

@scaleupuz

⚠️Brand awareness uchun eng samarali reklama uslubi !

Ozgina loyihalar bilan chalg’ib foydali ma`lumotlar ulasha olmadim. Keling sizga qiziq statistikani ulashaman,bu o’ylaymanki yillik startegiyangiz uchun foydali bo’ladi:

✨Brand awareness uchun eng samarali reklama vositasi bu – Tranzit reklama. Nega ?

Tranzit reklama aynan katta auditoriyaga qisqa vaqt ichida yetib borish uchun juda samarali. Keltirilgan raqamlar orqali bu strategiya bizneslar uchun qanday imkoniyatlar yaratishini yanada yaxshiroq tushunib olish mumkin.

Mana, statistik ma'lumotlar bo'yicha qisqa tahlil:

🔥Aeroportlar: 13,5 million yo'lovchi – bu ko'p sonli turli davlatlardan va shaharlar ichidagi yuqori darajadagi maqsadli auditoriyani anglatadi. Aeroport reklamalari ko'pincha premium brendlar uchun yaxshi ishlaydi. Ayniqsa, yuqori daromadli va xizmat safarlariga chiqqan mijozlar e’tiborini tortadi.
🔥Metro: 270 million chipta sotuvi – metropolitenni kundalik hayotining bir qismi qilgan odamlar uchun katta imkoniyat. Reklama platformalarda yoki yo'lovchilar o'qib ko'rishi mumkin bo'lgan joylarda joylashgan bo'lsa, maksimal ta’sir ko'rsatadi. Aloqa cheklovlari sabab e'tiborning reklamalarga ko'proq bo'lishi ham bir afzallik.
🔥Avtobuslar: 323 million chipta sotuvi – transport harakati bo'yicha eng katta oqimlardan biri. Ayniqsa, shahar atrofidagi reklama panellari va avtobus ichidagi vizual materiallar brend awareness uchun juda mos.

❗️Mijozlarga qanday ta'siri bor:

🔖Ko‘p martalik ko‘rinish: Mijoz bir joyda va bir vaqtning o'zida bir necha bor brendingizni ko‘rsa, uni yodda saqlab qolish ehtimoli ortadi.
🔖Aeroport hududi: Kamida 2 soat davomida yo'lovchilar kutish holatida bo'lgani uchun ular reklama bilan yaqin aloqada bo'ladi. Bu ularga xabarni yaxshi singdirish imkonini beradi.
🔖Metroda: Signal yo‘qligi sabab yo‘lovchilar ko‘pincha reklama panellariga e’tibor berishadi, chunki boshqa chalg‘ituvchi vositalar kam.

⚠️Marketingda ishlaydigan tanishlaringizga yuborib qo'ying !

Shunga o'xshash qiziq ma'lumotlardan habardor bo'lish uchun, communityimizga qo'shiling !

⚡️Yangi qo’shilganlar ushbu postlarni o’qishini tavsiya beraman:

Qimmat sotish texnikasi

1 soatingiz narxi nech pul ?

O’zbekistondagi eng katta ijtimoy tarmoq

SWOT Tahlili

@scaleupuz

💵Nega mahsulot yoki xizmatni aynan bizdan sotib olish kerak? (Quyida USP aniqlashdagi 15 qadam ilovasi mavjud, sizga juda yordam beradi)

📌Aleksey Objerin kitobidan olgan insightlarim asosida fikrlarimni keltiraman. Bu kitobning asosiy yechimi – unikal tijorat taklifi (USP) ishlab chiqishdir.

🔖USP har doim aniq bitta jumla bo‘lishi kerak.
Uzun va chalkash gaplar mijozni e’tiborini yo‘qotadi. Bitta aniq jumla sizning mahsulotingiz yoki xizmatingizni raqobatchilardan ajratib beradi.

🔖USP – bu slogan emas.
Ko‘pchilik USP’ni oddiy reklama shiori deb o‘ylaydi. Aslida esa USP to‘g‘ridan-to‘g‘ri mijozning qaror qabul qilishiga ta’sir ko‘rsatadigan real taklifdir.

🔖USP’da faqatgina mijoz manfaatiga emas, harakatga urg‘u berishdir.
Taklifingizda mijoz uchun foyda ko‘zlangan bo‘lsa ham, uni amalda qanday yechim yoki qulaylik berishini ko‘rsatish zarur. Bu mijozni harakatga undaydi.

🔖Strategik USP’ni ko‘chirishning iloji yo‘q.
Agar USP chuqur strategiya asosida yaratilgan bo‘lsa, raqobatchilar uni o‘zlashtira olmaydi. USP faqat sizning biznes modelingizga mos bo‘ladi.

🔖Reklama – bu sotuv, o‘yin-kulgi emas.
Objerinning fikriga ko‘ra, reklama kampaniyasi ko‘ngilochar kontent emas, sotuv uchun xizmat qilishi kerak. Agar reklama mahsulot haqida gapirsa – bu yaxshi reklama. Faqat reklama o‘zini reklama qilsa – bu yomon reklama.

🔖USP har doim sayt yoki reklamaning ko‘zga ko‘rinadigan joyida bo‘lishi kerak.
Mijozlar saytga tashrif buyurganda yoki reklama ko‘rganda taklifni zudlik bilan tushunib olishi zarur.

💎Ushbu kitobdan olgan hulosalarim shuni ko‘rsatadiki, sizning USP biznes muvaffaqiyatingizni belgilovchi asosiy omillardan biri hisoblanadi. Shu sabab, "Nega bizdan sotib olish kerak?" degan savolga to‘g‘ri va samarali javob beradigan USP yaratish zarur.
Ushbu USP ni ishlab chiqish uchun Aleysey Objerinni USP ni aniqlash uchun “Olmos” 15 qadamini sizga qulay holatda beraman. Men o’zimni loyihalarimda qo’llaganman.

🛡Endi siz ham o‘z biznesingiz uchun USP ishlab chiqish haqida o‘ylab ko‘ring.

@scaleupuz

ℹ️Mijozlar mahsulot emas, o‘zlariga mos brend xarakterini tanlashadi. Sizning brendingiz qaysi xarakterga mos?

Yaponiyaning katta reklama va kommunikatsiya holdingi Dentsu tadqiqotiga ko‘ra, xaridorlar ongli ravishda yoki emotsional o‘z shaxsiyatiga mos brendlarni tanlaydi:


🔖62% mijozlar o‘z qadriyatlariga mos kelmagan brendlardan voz kechadi;

🔖45% iste’molchilar brend o‘z g‘oyalari bilan ilhomlantirsa, sodiq mijozga aylanadi;

🔖72% xaridorlar mahsulot emas, brendning o‘ziga bo‘lgan ishonchi asosida xarid qiladi;

@scaleupuz

🔥"Kliplar,tadbirlar,kafe,hususiy maktab va maishiy texnika – sohalar qanchalik farq qilmasin, ularni nima birlashitiradi? "
(Oxirida berilgan testdan o'tishni unutmang va natijani ulashing 🔖)

📊Har bir muvaffaqiyat ortida qanday raqamlar va kechinmalar yotadi? Mening tajribamda bular nafaqat muvaffaqiyatlarni, balki muvaffaqiyatsizliklarni ham aks ettiradi. Keling, ular haqida qisqacha aytib o’taman:

✔️Video production (2015–2021): Bu sohada sekin astalik bilan yillik 450,000$ aylanmaga erishganmiz. Bir dona musiqiy klipning 15.000$ , bir dona tadbir narxi esa 9.000$, bir dona commercial video esa 23.000$ narxga sotishga erishdik. Har bir loyiha ijodiy yondashuv, qat’iyat va doimiy o‘zgarishlarga moslashishni talab qilgan.

✔️Umumiy ovqatlanish (2019 - h.k.): Hozirgi brendimizning yillik aylanmasi 400,000$ ga yetdi. Ammo bu yo‘lda 170,000$ dan ortiq omadsiz yopilgan loyihalar va hozirda ushbu aylanma qilib berayotgan kafe uchun 150,000$ investitsiya kiritilgani sabab. Bugungi muvaffaqiyat ana o‘sha xatolar va saboqlardan shakllangan.

✔️Ta’lim (2021 - h.k.): Hususiy maktab loyihamiz yillik 2,000,000$ aylanmaga ega va o‘z segmentida eng yuqori narxdagi hususiy maktablardan biri hisoblanadi. Bu loyiha kuchli USP (unikal savdo taklifi) va jamoaning professional yondashuvi tufayli bozorda yillar davomida o‘z o‘rnini saqlab qolmoqda.

✔️Maishiy texnika (2024 - h.k.): Bugungi kunda loyihamizda yillik 2,200,000$ marketing budjetni kuchli jamoa bilan boshqarib, raqobatbardosh strategiyalarni amalga oshirib, har xil gipotezalarni qilib kelmoqdamiz. Har bir loyiha yangi bilimlar va ko‘nikmalarni olib kelmoqda.

Ushbu tajribalar nafaqat kasbiy o‘sishimga, balki shaxs sifatida shakllanishimga ham katta hissa qo‘shdi.

🔖Siz bilan bo‘lishmoqchi bo‘lganim:

Bu postda o‘zimning tajribalarimni sizlarga yetkazishni istadim. Mening maqsadim – raqamlar va natijalar ortidagi real hayot saboqlari, strategiyalar, o’sish nuqtalari va xatolarni siz bilan bo‘lishishdir. Shu orqali siz o‘z yo‘lingizda bu bilimlardan foydalanishingiz mumkin.

🔥P.S.: Men "X" avlod vakiliman,"Komandir" (ENTJ-A) tipidagi shaxsman – ya’ni, tabiatan boshqaruvchi va lider. Har bir loyihaga yondashuvim quyidagi kuchli fazilatlarimga tayanadi:
❗️Ekstravert (72%) – Men energiyamni odamlar bilan muloqot qilishdan olaman. Jamoa bilan ishlash, g‘oyalarni birlashtirish va yangi loyihalarni hayotga tatbiq etish menga energiya beradi.
❗️Intuitsiya (59%) – Men har bir qarorimda kichik detallarni emas, katta «картина» ni ko‘raman. Bu esa har bir loyihaning kelajagini o‘ylab, uzoq muddatli strategiyalarni ishlab chiqishga yordam beradi.
❗️Mantiqiy tahlil (58%) – Men uchun har bir harakat faktlar va asosli dalillar bilan mustahkamlanishi kerak. Emotsiyaga asoslangan qarorlarni emas, o‘zaro muvozanatli va aniq yondashuvni tanlayman.
❗️Rejalash (56%) – Mening kuchim strategiya tuzishda. Loyihalarimda hamma narsa oldindan rejalashtirilgan: har bir qadam, har bir bosqich aniq belgilangan.
❗️Ishonch (61%) – To‘g‘ri qaror qabul qilishga va oldinga borish qobiliyatimga ishonaman. Bu ishonch menda qo‘rquvni kamaytiradi va muammolarni hal qilishga undaydi.

Ha aytgancha, sizning shaxsiy tipingizni aniqlash qiziqmi?

Mening "Komandir" (ENTJ-A) sifatidagi xarakterim mening yutuqlarimga qanday ta’sir qilgani haqida gapirdim. Endi navbat sizda!
Siz ham ushbu testdan o‘tib ko‘ring va natijangizni izohlarda ulashing. Balki siz jamoangizning asosiy qadr-qimmatlarini yoki to‘g‘ri rolda ishlamayotgan xodimlaringizni aniqlash imkoniga ega bo‘larsiz. Test nafaqat o‘zingizni, balki jamoangizni ham yaxshiroq tushunish uchun ajoyib vosita.

Unutmang: Hayotda hech narsa o‘z-o‘zidan sodir bo‘lmaydi. Har bir muvaffaqiyat mantiqan tuzilgan strategiya va chuqur tahlil natijasi. Keling, har birimiz o‘zimizni yaxshiroq tushunaylik va o‘z imkoniyatlarimizni to‘liq ishga solaylik!

@scaleupuz

🔥Emotsiya tufayli 80 000$ yo‘qotdim...

🔖2023-yilda vaznim 101,5 kg edi. Atrofimdagi hamma “ozish” haqida gapirardi, men ham emotsiyaga berilib, 3 oy ichida 84 kg bo‘ldim. Shu ruhda sheriklar bilan sog‘lom ovqatlanish kafe ochishga qaror qildik. “Hamma dietada, demak katta bozor!” deb o‘yladik-da, 300 000$ investitsiya kiritdik. Kafe, shakarsiz va glyutensiz mahsulotlar do‘koni, 5 mahalik taom yetkazib berish, o‘z distribyutsiyamiz — barchasini birdaniga boshladik.

Lekin bozor real tahlili boshqacha chiqdi: “Hammaning gapirayotgani” — aslida kichik bir network ekan. Xarajat katta, foydaga chiqish muddati uzoq, yana qo‘shimcha sarmoya kerak bo‘lib qoldi. Oxir-oqibat barchasini yopishga majbur bo‘ldik.

❗️Menga saboq bo‘ldi:

Barcha aytayotgan “trend”ni sinovdan o‘tkazmasdan ish boshlash — xatolik.
Katta investitsiya kiritishdan oldin avval MVP qilish, haqiqiy talabni tekshirish kerak.
Emotsiya biznesda qimmatga tushadi, lekin ratsional yondashuv va aniq bozor tahlili — eng yaxshi himoya.

Siz-chi?

Shu kunlarda yangi g‘oya boshingizni qotiryaptimi? Kichik test qiling, xarajatlar va foyda kutilishini hisoblang. Emotsiya sizga ilhom berishi mumkin, ammo qarorni aql bilan qabul qiling!

📊Bugunoq rejangizni qayta ko‘rib chiqing va “bozor + mahsulot + investitsiya” uchligini sinchiklab o‘rganing. Xatoni keyin tuzatishdan ko‘ra, boshida oldini olgan yaxshi!

👀Oldingi Postlarni ko'ring:

Narx va qimmat sotish;
G'oya vs. Instrument;
1 soatingiz nech pul turadi ?

@scaleupuz

SWOT analizi bilan bog’liq qiziq faktlar (Oxirida savollar to'plami mavjud):

☄️Strengths

Fakt:
Apple o‘z kuchli tomonlaridan biri sifatida mijozlarga yuqori darajada qulaylik va mukammal tajriba yaratishni belgilagan. 2022-yilda o‘tkazilgan tadqiqotlarda shuni aniqlashdi: mijozlarning 92% Apple’ni boshqa brendlardan yuqori baholagan, chunki ular mahsulot sifatiga 100% ishonishadi.

O‘ylab ko‘ring:
Sizning kompaniyangiz mahsulot yoki xizmatga bo‘lgan ishonchni qanday oshirishi mumkin ?

🚨Weaknesses

Fakt:
Tesla kompaniyasi 2017-yilda o‘zining zaif tomoni – ishlab chiqarish hajmini oshira olmaslik muammosiga duch keldi. Elon Musk bu muammoni “ishlab chiqarish do‘zaxi” deb atagan. Ammo ular bu muammoni robotlashtirish orqali hal qilib, 2020-yilda yirik yetkazib beruvchilardan biriga aylanishdi.

O‘ylab ko‘ring:
Sizning kompaniyangiz zaif tomonni qanday strategiya bilan kuchli tomonlarga aylantira oladi?

⚠️Opportunities

Fakt:
Netflix DVD-distribyutordan onlayn striming platformaga aylanish orqali imkoniyatlardan foydalandi. Ular 2007-yilda onlayn strimingga o‘tishni boshladi, bu esa kompaniyani dunyodagi eng katta ko‘ngilochar platformaga aylantirdi.

O‘ylab ko‘ring:
Sizning kompaniyangiz yangi texnologiyalardan qanday imkoniyatlar yaratib, foydalanishi mumkin?

⚠️Threats

Fakt:
Coca-Cola uchun eng katta tahdid – shakar iste’molining zararli ekanligi haqidagi global kampaniyalar. Shu sababli, kompaniya o‘z ichimliklarining kaloriya miqdorini kamaytirgan va sog‘lom mahsulotlar segmentiga kirib, “Coca-Cola Zero” kabi ichimliklarni yaratgan.

O‘ylab ko‘ring:
Sizning kompaniyangiz uchun hozirgi eng katta tahdid nima va bu tahdidni qanday qilib imkoniyatga aylantirishingiz mumkin?

‼️Bu yerda esa savollar to’plami siz o’z korxonangizni ushbu savollar qiyosida tahlil qilishingiz va strategiya tuzishingiz mumkun !

“Ko‘proq chegirma – kamroq daromad?”

Chegirmalar mijozlarni jalb qiladi, lekin mahsulot qiymatini pasaytirishi mumkin.

💭Gipoteza: Doimiy chegirmalar mijozlarda mahsulot sifatiga shubha uyg‘otadi.

💡Sinov: Chegirma o‘rniga qo‘shimcha xizmat taklif qilib ko‘ring.

@scaleupuz

Bir tugma orqasidagi million dollarlik g‘oya
(“Maishiy texnika” sohasidagi tajribamdan)

💬Taklif va dastlabki muammolar

2024-yil keng qamrovli reklama kampaniyasi bo‘yicha strategik hamkorlik rejasi tug’ildi. Ushbu kompaniya bilan birgalikda bizning mahsulotni olgan mijozlar uchun 3 oydan 12 oylik tarif asosida bepul online ilova, ya’ni ular uchun bu “Data” biz uchun esa “Qulaylik”. Taklif dastlab jozibador tuyuldi, lekin ular har bir mahsulot uchun 4 dollardan servis to‘lovini talab qilishdi. Bu esa mahsulotning tannarxini ko’tarib yuborar edi. Natijada bir necha marta muzokara o‘tkazishga to‘g‘ri keldi. Har safar muzokaradan chiqib, “Qanday qilib bu xarajatni kamaytirsak bo‘ladi?” degan savol tug‘ilar edi.

❓Muammo yechimi

Muzokaralar davomida innovatsion yechim taklif qilindi: brendni televizor pultidagi asosiy tugmalardan biriga joylashtirish. Ushbu taklif orqali kompaniya servis to‘lovidan voz kechib, uzoq muddatda foydalanuvchilarni o‘z platformasiga jalb qilish imkoniyatiga ega bo‘ldi. Bu strategik yondashuv qisqa muddatli daromadni cheklasa ham, uzoq muddatda barqaror marketing afzalligini ta'minladi.

Bir tugma = Brendni mustahkamlash

Statistik ma'lumotlarga ko‘ra, 2024-yil Sentabr-Oktabr oylarida har 100 ta oila uchun 177 ta televizor to‘g‘ri kelgan, bu esa aksariyat oilalarda kamida 2 ta televizor borligini anglatadi. O‘rtacha televizor almashtirish muddati 8-10 yil bo‘lib, bu vaqt davomida brendning iste'molchi ongida saqlanib qolishi ta'minlanadi.

Pult tugmasining joylashuvi orqali quyidagi afzalliklar yaratildi:

📌Brend logotipi muntazam ravishda foydalanuvchi ko‘z oldida bo‘ladi.
📌Tugma orqali foydalanuvchilar to‘g‘ridan-to‘g‘ri platformaga o‘tish imkoniga ega bo‘ladi.

Bu strategiya ularga qisqa muddatli moliyaviy foydadan voz kechgan holda, uzoq muddatda yuqori samarali marketing imkoniyatini yaratib berdi. 1,300,000$ miqdoridagi servis to‘lovini yo‘q qilish evaziga ular millionlab uy xo‘jaliklarida o‘z brendini mustahkamlash imkoniyatini qo‘lga kiritishdi.

✔️Asosiy saboq

Mahsulot tannarxi saqlanib qolganligi sababli, xaridorlar uchun narx qulay bo‘lib qoldi. Kompaniya esa pultdagi tugma orqali uzoq muddatli reklama maydonini qo‘lga kiritdi. Ushbu yondashuv ikki tomon uchun ham foydali bo‘ldi.

‼️Tavsiyalar

🔔Muzokaralar jarayonida quyidagilarni hisobga olish tavsiya etiladi:
📌Hamkor tomonning qiziqishlarini aniqlash va ularga mos takliflar ishlab chiqish.
📌Ularning investitsiya maqsadlarini aniqlash va uzoq muddatli strategik rejalarga moslashish.
📌O‘zaro manfaatli yechimlar ishlab chiqish orqali resurslarni optimallashtirish.

Innovatsion yondashuv va ratsional qarorlar bilan moliyaviy resurslarni tejash va bozorda uzoq muddatli ustunlikni qo‘lga kiritish mumkin. Televizor pulti oddiy aksessuar emas, balki samarali marketing platformasi sifatida o‘zini isbotladi.

@scaleupuz

💡"Work-Life Balance: Benjamin Franklin usulining realistik talqini"

🔖Kecha Benjamin Franklinning kun tartibiga ko’zim tushib, uni o’z kunimga moslashtirish haqida o’ylab qoldim. Lekin hozirgi holatimiz bilan bu jadval qanchalik real ?

Bugungi hayot va Franklinning kun tartibi o’rtasidagi jang:

Franklinning kun tartibi ideal ko’rinadi: tongdan mulohaza, kunduzi natija, kechqurun esa dam olish va o’z-o’zini tahlil qilish. Lekin bugun-chi? Bizning hayotimizda uyg’onishimiz bilanoq telefonlar ovozi, shoshilinch ishlar va oxiri ko’rinmaydigan majburiyatlar bor.
Men Franklinning kun tartibiga nazar solib, savol berdim: buni qanday qilib o’z hayotimga moslashtira olaman?

Javob shunday: yaxshi tartib, mukammal emas, balki ishlaydi va balki hayotiy tartibga solish kerak.

⚡️Shahsiy hayotim bilan moslashtiramiz:

Kun tartibini ko’rib, uni o’z hayotimga qanday moslaganimni siz bilan bo’lishaman. Bu nafaqat ishlash, balki yashash uchun ham samarali tizim yaratish haqida.

🔴Ertalab: Tongni qadriga yetish (5:00-8:00)
Franklin ertalabni savol bilan boshlaydi: “Bugun yaxshilik uchun nima qilaman?” Bu kuchli savol, lekin zamonaviy hayotda 5:00 da uyg’onish har kimga ham mos emas. Siz uchun qulay bo’lgan vaqtni tanlang. Mening versiyam:
• 6:30 – Uyg’onish.
• 6:45 – Qahva yoki choy bilan tonggi rejalarni ko’zdan kechirish.
• 7:00 – 10 daqiqalik mashqlar yoki yurish yoki bir joyda tinch holatda o’tirish (shunchaki aqliy uyg’onish uchun).
Tavsiya : Ertalabki 15-20 daqiqani ongli ravishda reja tuzishga ajrating. Bu sizni kun davomida tartibda ushlab turadi.

🔴Kunduzi: Ishni qoidalar bo’yicha boshlash (9:00-18:00)

Franklin kun tartibi bo’yicha ishlash aniq vaqt oralig’ida bo’lib o’tadi. Lekin bizning real hayotda vazifalar shoshilinch, tezkor qarorlar esa kundalik normadir. Mening moslashgan yondashuvim:
• Ishingizni 90 daqiqalik segmentlarga bo’ling (fokus vaqt).
• Kichik tanaffuslarni rejalashtiring (5-10 daqiqa).
• Muhim ishlarni ertalabki soatlarga belgilang.

Tavsiya : Har bir vazifa uchun oldindan vaqt ajrating va o’zingizga cheklov qo’ying. Har narsaga vaqt topish shart emas – prioritet muhim.

🔴Kechqurun: Chegarani O’rnating (18:00-22:00)

Franklin kun tartibiga ko’ra “dam olish va mulohaza” davrini zamonaviy ish hayotiga qanday moslashtirish mumkin?
Mening usulim:
• 18:30 – Ish kunini tugatish (haqiqatan “yopish”).
• 19:00 – Oila bilan vaqt o’tkazish yoki sevimli mashg’ulot (men uchun bu Toshkent City maydonida sayr qilish).
• 21:30 – Kunni qisqacha tahlil qilish: “Bugun qanday yutuqqa erishdim? Ertaga nimani yaxshilayman?”

Tavsiya: Ish va shaxsiy hayot o’rtasida chegarani torting. Ishni uyga olib kelmang. Va kechki vaqtni texnologiyalardan uzoqroq, o’zingiz uchun ajrating.Ushbu tavsiyani o’zim ham intizom bilan ushlab tura olmayman. Bu mening kunim qanday stress va mashg’ulotlarga boyligidan kelib chiqadi; Lekin intizom bilan yondashgan paytim albatta ruhim atrofdagi emotsiyalardan ozuqa oladi.

⚡️Xulosa:

Franklinning jadvali menga shuni ko’rsatdiki: vaqtni boshqarish nafaqat maqsadga erishish uchun, balki hayotning o’zidan zavq olish uchun ham muhim. Biz ko’pincha ishda shunchaki “tirikchilik qilamiz”, lekin o’z hayotimizga vaqt ajratishni unutamiz. Har kuni kichik qadamlar bilan mukammallikka yaqinlashish mumkin.

❗️Bugundan Boshlang!

Bugun Franklin usulining bitta qismini sinab ko’ring.

Masalan:
• Tongda 10 daqiqa o’zingizga vaqt ajrating.
• Ish vaqtida shoshilinchni emas, muhimni bajaring.
• Kechqurun texnologiyadan tanaffus oling va kunni mulohaza bilan tugating.

Bu shahsiy o’sish nuqtangiz !

@scaleupuz