"Piskent hayoti" gazetasi rasmiy kanal

Буюк шоир, Ўзбекистон Қаҳрамони Абдулла Орипов ҳикоя қилади:—
“Жаннатга йўл” асарим ёзилганда мени жуда қийнашди. Совет даври эди. У пайтлар жаннат, дўзах деган гаплар умуман ишлатилмасди. Давлатни коммунистлар бошқарарди. Табиийки, уларга бундай гаплар ёқмас эди. Асарни ҳали қўлёзмалик пайтидаёқ ўғирлаб кетишди. Хотирам шу қадар кучли эканки, юз бетлик шеърий драмани қайта ёзиб чиқдим. Мен ким , совет мафкурасининг қаршисида жимитдеккина жоним бор, “пуф” деса учиб кетардим. Зўрға омон қолганман. Халқимиз, шеърият мухлислари мени қўллаб туришди. “Муштум” журналида “Жаннатга йўл” асарим кетма-кет босилди. 17 киши тўпланиб олиб устимдан юқорига ёзишди:” Асарда нега порахўрлик сўзини ишлатдинг, совет тузумида порахўрлик нима қилади, сен атайин фаровон турмушимизни бузиб кўрсатаётирсан, бузғунчи ва жамиятимизга ёт кимсасан”, дейишди.

Қаттиқ тошбўрон остида қолдим. Аммо, не ажабки орадан вақт ўтиб, Қарши Давлат драматик театри ушбу асарни саҳналаштирди. Мени ҳам асар тақдимотига таклиф этишди. Тўғрисини айтсам, тақдимотга қатнашишга юрагим дов бермас эди. Лекин, ҳаммадан журъатлироқ чиққан театр жамоасининг таклифини рад қилолмас эдим.
Буни қарангки, спектаклга ўша пайтда Қашқадарё вилояти обкомининг биринчи секратари бўлиб ишлаётган Ислом Абдуғаниевич қатнашиш истагини билдирибдилар. Баттар оғир аҳволга тушдим. Ислом Абдуғаниевич бу асарни қандай қабул қилишини билмас эдим. Коммунистларни танқид қиламан-у, коммунистларнинг каттаси мени омон қўярмиди, деб хавотирлана бошладим.
Ислом ака билан биринчи қаторда ёнма-ён ўтирибмиз, саҳнадан “юлғичлар, порахўрлар, диёнатсизлар, худосизлар” деган гаплар дамба-дам эшитилиб турибди. Мен эса, ҳозир Ислом Абдуғаниевичнинг жаҳли чиқиб кетса, нима қиламан деб, юрак ҳовучлаб ўтирибман. Асар тугади. Бир пайт Ислом Абдуғаниевич ўринларидан турдилар. Мен ҳам секин турдим. У киши қулочларини кенг ёзиб, мени махкам қучоқладилар. “Раҳмат шоир, айни ҳақиқатни ёзибсиз !” – дедилар. Елкамдан тоғ ағдарилгандай бўлди. Кўзимдан ёш чиқиб кетди. “Раҳмат, Ислом Абдуғаниевич раҳмат !” деяолдим. Ўпкам тўлиб кетган эди, ортиқ гапираолмадим. “Жуда яхши асар ёзибсиз! Бу спектаклни ҳамма кўриши керак. Одамлар оилаларини, бола-чақаларини олиб келиб кўриши керак. Курсида ўтирган ҳар бир амалдор кўриши керак. Одамлар ҳақиқатни билсин!”-дедилар. Сўнг асарни саҳналаштиргани учун театр жамоасига миннатдорчилик билдирдилар.
Ислом аканинг даъвати билан қашқадарёликлар ушбу драмани кўп вақт томоша қилиб юришди...
@piskenthayoti

.

Пушкиннинг ўлими

1823 йил Пушкин ёш адиб Иван Руссони дуэльга чақиради.
Сабаби: Пушкиннинг бу ёш ижодкорга бўлган шахсий нафрати эди.
Натижа: дуэль бекор қилинади.

1826 йил Пушкин аслзода "Шимолий жамиятнинг фароғат иттифоқи" аъзоси Николай Тургеневни дуэльга чақиради.
Сабаби: Тургенев Пушкиннинг шеърларини ва айниқса эпиграммаларини танқид остига олган эди.
Натижа: дуэль бекор қилинган эди.

1827 йил Пушкинни артиллериячи офицер Владимир Соломирский дуэльга чақиради. Сабаби: Пушкин офицернинг Софи исмли хонимига шилқимлик қилган эди.
Натижа: дуэль бир амаллаб бекор қилинади.

1828 йил Пушкин Россия империяси маориф министри Александр Голицынни дуэльга чақиради.
Сабаби: Пушкин Голицынни танқид қилиб эпиграмма ёзганди. Министр шоирни бу сурбетона эпиграммаси учун вазирликка чақиртириб қаттиқ сўроққа тутади ва бунга чидай олмаган шоир министрни дуэльга чақиради.
Натижа: дуэль юқори доирадагиларнинг аралашуви билан бекор қилинади.

1828 йил Пушкин француз элчихонаси котиби Лагренни дуэльга чақиради.
Сабаби: балда бу иккови номаълум қизни талашиб қолгандилар.
Натижа: дуэль бекор қилинган эди.

1829 йил Пушкин ташқи ишлар вазирлиги амалдори Хвостовни дуэльга чақиради.
Сабаби: Хвостов Пушкиннинг у хақидаги танқидий эпиграммасидан ғазабланиб шоирни чўчқа деб атаган эди.
Натижа: дуэль бир амаллаб бекор қилинади.

1836 йил Пушкин князь Николай Репинни дуэльга чақиради.
Сабаби: Репин Пушкиннинг ўзи хақидаги шеърларидан норози бўлиб у хақида хақоратли сўзларни айтганида бўлганди.
Натижа: дуэль бекор қилинган эди.

1836 йил Пушкин ташқи ишлар вазирлиги амалдори Семён Хлюстинни дуэльга чақиради. Сабаби: Хлюстин Пушкиннинг шеърларини кескин танқид қилганида бўлганди.
Натижа: дуэль бекор қилинади.

1836 йил Пушкин Владимир Сологубни дуэльга чақиради.
Сабаби: Сологуб катта бир даврада Пушкиннинг хотини Наталья Гончерова хақида илмоқли гап қилган эди. Натижа: дуэль бекор қилинади.

1837 йил Пушкин француз ажнабий офицери Голландиянинг Россиядаги элчисининг тутинган ўғли Жорж Дантесни дуэльга чақиради.
Сабаби: Пушкин ўз хотинининг Дантес билан дон олишиб юргани хақидаги имзосиз хатни олган эди.
Натижа: Дантес дуэльда Пушкинни отиб ўлдиради.

@piskenthayoti

#ИҚТИБОС

• Илм ўрганишга кетган вақт нафл ибодатларига сарфланган вақтдан минг карра афзалдир!

"Илм ва ҳикмат китобидан"
@piskenthayoti

#тадбир

Халқимизда қиз боланинг бахти, кўп жиҳатдан она тарбиясига боғлиқ эканлиги уқтирилади. Қиз бола уй ишларини бажаришда онасига дастёрлик қилади. Унга ўхшаб иш қилишга тиришади. Она қизини кучи етган ишларга солиб, ёши ўсган сари юмушларнинг тури, ҳажмини кенгайтириб боргани маъқул. Қизга иш буюрилганида, уни осон ва тез бажариш йўли кўрсатилса, яна ҳам яхшироқ бўлади. Бунда оила билан хамнафас бўлган мактаб тарбиясининг ўрнини алохида эътироф этиш ўринли.
"Мингтепа" маҳалласи биносида "Мингтепа" маҳалласи худудида жойлашган 40-мактаб ўқувчи қизлар оналарига қизлар тарбияси бўйича оналар мажлиси давра сухбати ўтказилди. Ушбу давра сухбатига Республика маънавият ва маърифат маркази туман бўлим бошлиғи С.Азимова, МФЙ оқила аёли аъзоси Қ,Мирхолиқова ва 40-мактаб ўқув тарбия ишлари бўйича директор ўринбосари М,Исаматова, ОШП туғруқ хамшираси Д.Шахобиддиновалар иштирок этди.
Республика маънавият ва маърифат маркази туман бўлим бошлиғи С.Азимова сўзга чиқиб, оналарга қиз болани тарбиясига бефар бўлмасликни ва кийиниш одоблари, муомала маданияти, пазандаликни қиз болага мунтазам ўргатиб бориш кераклигини айтиб ўтди.
Оқила аёли аъзоси Қ,Мирхолиқова сўзга чиқиб, эрта никох, эрта туғруқ хақида тўхталиб, қиз бола эртами, кечми униб-ўсган хонадонидан бошқа жойга келин бўлиб тушиши,у ерга борганида қоқилмаслиги, гап эшитмаслиги, ували-жували бўлиб кетишини ўйлаб иш тутиши муҳимлиги ва қиз бола уйида одобни яхши олса, мулойим, ширинсухан бўлса, борган жойида ҳам шундай муносабатларга риоя қилади ва оила ҳурмат-иззатига эришишини айтиб ўтди. Шунинг учун қизларни касб хунарга ўқитиш мухимлиги уларни дунёқарашини кенгайтириш лозимлигини ўз сўзида айтиб ўтди.
ОШП туғруқ хамшираси Д.Шахобиддинова оналарга ўзлининг ва қизларининг тиббий гигиена қоидаларига амал қилиш кераклиги, қариндошлар ўртасидаги никох, эрта никох, исталаганхомиладорликларни олдини олиш бўйча хотин-қизларга тушунча берди.

Нодира Бегматова
"Мингтепа" маҳалла хотин- қизлар фаоли.
@piskenthayoti