Yosh huquqshunos protsessualistlar

Қарздорнинг зарарни тўлаш мажбуриятини таъминлаш тартиби қандай?

Қарздор мажбуриятни бажармаганлиги ёки лозим даражада бажармаганлиги туфайли кредиторга етказилган зарарни тўлаши шарт.

Агар қонунчиликда ёки шартномада ўзгача тартиб назарда тутилган бўлмаса, зарарни аниқлашда мажбурият бажарилиши керак бўлган жойда, қарздор кредиторнинг талабларини ихтиёрий қаноатлантирган кунда, борди-ю, талаб ихтиёрий қаноатлантирилган бўлмаса, — даъво қўзғатилган кунда мавжуд бўлган нархлар эътиборга олинади. Суд вазиятга қараб, зарарни тўлаш ҳақидаги талабни қарор чиқарилган кунда мавжуд бўлган нархларни эътиборга олган ҳолда қаноатлантириши мумкин.

Бой берилган фойдани аниқлашда кредитор томонидан уни олиш учун кўрилган чоралар ва шу мақсадда кўрилган тайёргарликлар ҳисобга олинади.

Агар мажбуриятни бажармаганлик ёки лозим даражада бажармаганлик учун неустойка белгиланган бўлса, зарарнинг неустойка билан қопланмаган қисми тўланади.

Қонунда ёки шартномада зарарни эмас, балки фақат неустойкани ундириб олишга йўл қўйиладиган; зарар ҳам неустойкадан ташқари тўла ҳажмда ундириб олиниши мумкин бўлган; кредиторнинг танловига кўра ёки неустойка ёхуд зарар ундириб олиниши мумкин бўлган ҳоллар белгиланади.

Агар тўланиши лозим бўлган неустойка кредиторнинг мажбуриятини бузиш оқибатларига номутаносиблиги кўриниб турса, суд неустойкани камайтиришга ҳақли.

Бунда қарздор мажбуриятни қай даражада бажарганлиги, мажбуриятда иштирок этаётган тарафларнинг мулкий аҳволи, шунингдек кредиторнинг манфаатлари эътиборга олиниши керак.

Суд алоҳида ҳолларда қарздор ва кредиторнинг манфаатларини ҳисобга олиб, кредиторга тўланиши лозим бўлган неустойкани камайтириш ҳуқуқига эга.

https://t.me/fuqarolikvaiqtisodiyprotsess

Toshkent davlat yuridik universiteti talabalari uchun yangi stipendiya joriy etildi.

Toshkent davlat yuridik universiteti rektorining buyrug'i bilan universitet talabalari uchun yuridik ta’lim va fan sohasi fidoiylari bo‘lgan faxriy professorlar nomiga atab nomli stipendiyalar joriy etildi.

Xususiy huquq fakulteti talabalari uchun – yuridik fanlari doktori, professor, “O‘zbekiston Respublikasida xizmat ko‘rsatgan yurist” faxriy unvoni hamda “Mehnat shuhrati” ordeni sohibi Shoraxmetov Shoakbar Shorustamovich nomidagi stipendiya;

Stipendiyalar fakultetlar kesimida quyidagi tartibda tashkil etiladi:
Ommaviy huquq fakulteti talabalari uchun – yuridik fanlari doktori, professor, “Mehnat shuhrati” ordeni sohibi, davlat arbobi Azizxo‘jayev Alisher Abbosovich nomidagi stipendiya;
Jinoiy odil sudlov fakulteti talabalari uchun – O‘zbekiston Respublikasi Fan arbobi, yuridik fanlari doktori, professor, “Shuhrat” medali sohibi Abdumajidov G‘afur Abdumajidovich nomidagi stipendiya;
Xususiy huquq fakulteti talabalari uchun – yuridik fanlari doktori, professor, “O‘zbekiston Respublikasida xizmat ko‘rsatgan yurist” faxriy unvoni hamda “Mehnat shuhrati” ordeni sohibi Shoraxmetov Shoakbar Shorustamovich nomidagi stipendiya;
Xalqaro huquq va qiyosiy huquqshunoslik fakulteti talabalari uchun – O‘zbekiston Fanlar akademiyasining Akademigi, O‘zbekistonda xizmat ko‘rsatgan fan arbobi, “Jasorat” medali sohibi, yuridik fanlar doktori, professor Rahmonqulov Hoji-Akbar Rahmonqulovich nomidagi stipendiya.

👉Stipendiyalar sharti bilan batafsil bu yerda tanishing.👈

Iqtidorli talabalar uchun yana bir imkoniyat!

https://t.me/fuqarolikvaiqtisodiyprotsess

Опцион шартномаси нима учун керак?

Опцион — сотувчи ёки харидорга қимматли қоғозлар ёки товарларни муайян муддат давомида белгиланган нархларда сотиб олиш ёки сотиш ҳуқуқини берадиган шартнома ҳисобланади. Шартноманинг бу тури мазмунан фючерс шартномалари қаторига киритилади. Аммо ҳозирда шартноманинг бу тури Ўзбекистон Республикасининг фуқаролик кодексида алоҳида шартнома тури сифатида қайд этилмаган. Фуқаролик кодексининг 354-моддасида “келишув шартномаси” ҳақида гап боради, яъни келажакда шартнома тузиш мажбурияти. Опцион шартномаси ҳам шунга ўхшаш — бу потенциал асосий шартномага киришдан олдинги ҳуқуқий келишув деб ҳам ҳисоблаш мумкин. “Қимматли қоғозлар бозори тўғрисида”ги Ўзбекистон Республикаси Қонунида опцион тушунчасига қуйидагича таъриф берилади:

опцион — эмиссиявий қимматли қоғоз бўлиб, у ўз эмитентининг муайян миқдордаги қимматли қоғозларини унда назарда тутилган муддатда, қатъий белгиланган нарх бўйича сотиб олишга бўлган ҳуқуқини тасдиқлайдиган ҳаракатдир.

Опцион шартномасининг бир нечта ўзига хос хусисиятлар мавжуд бўлиб, унинг аҳамиятини оширади. Булар қуйигалардан иборат:

1) ҳуқуқ, лекин мажбурият эмас. Опцион эгаси истаса битимни амалга оширади, истамаса рад этиши мумкин;

2) нархнинг аввалдан белгиланиши. Шартнома тузилган пайтда келажакдаги нарх аниқ белгиланади (бу “опцион нархи” дейилади).

3) муддатнинг мавжудлиги. Опцион шартномаси маълум бир муддатгача амал қилади. Шу муддат ичида унинг эгаси ҳуқуқидан фойдаланиши мумкин. Агарда фойдаланмаса шартнома ўз-ўзидан бекор бўлади.

4) олдиндан тўловнинг мавжудлиги. Кўпинча опцион ҳуқуқи учун олдиндан пул тўланади ва бу “опсионц ҳақи” деб аталади. Бу тўловнинг мавжудлиги бир томондан ушбу шартномага бўлган ишончни мустаҳкамласа, иккинчи томондан опцион эгасининг (сотувчи) ҳуқуқларини ҳимоя қилади. Агарда опцион олувчи келажатда бу ҳуқуқдан фойдаланмаса, у томонидан қилинган тўлов қайтарилмайди.

Опцион шартномаси нима учун керак? Бу шартнома келажак имкониятларни қўлдан бой бермасликка восита сифатида қаралади. Одатда тадбиркорлар томонидан кўп қўлланилади. Агар кимдир бирор мулкни сотмоқчи бўлса, лекин сиз ҳозир уни сотиб олишга тайёр бўлмасангиз, опцион сизга шу мол-мулкни кейинроқ сотиб олиш ҳуқуқини кафолатлайди. Масалан, янги туризм марказлари бўлиши кутилаётган ҳудудлар тадбиркорлар томонидан аввалдан сотиб олиниши мумкин. Агар ушбу ҳудуд туризм марказига айланса ўз-ўзидан ернинг нархи ошади.

Қисқача айтганда, опцион шартномаси рисксиз қарорлар қабул қилиш имконини беради ва келажакдаги молиявий фойдани кўзлайди. Шунингдек, бу турдаги шартнома, бирор нарсани сотиб олиш ёки сотиш ниятида бўлган шахслар учун ўзаро келишувни энг яхши тарзда таъминлашга ёрдам беради.

https://t.me/fuqarolikvaiqtisodiyprotsess

Бугун Президент Шавкат Мирзиёев Хоразм вилоятига ташриф буюради

https://t.me/fuqarolikvaiqtisodiyprotsess

Коррупциянинг олдини олиш, коррупциявий омилларни аниқлаш ва бартараф этиш борасида прокуратура органлари фаолияти самарадорлигини ошириш ва ташкилий-ҳуқуқий тизимини такомиллаштириш

Бош прокуратуранинг Қонунийлик ва ҳуқуқ-тартиботни таъминлаш муаммоларини таҳлил қилиш бошқармаси таркибида мавжуд штат бирликлари доирасида 3 та штат бирлигидан иборат коррупциявий омилларни таҳлил қилиш бўлими фаолиятини йўлга қўйиш, мазкур бошқарманинг ҳудудий прокуратуралардаги бўлинмаларини жойларда коррупциявий омилларни таҳлил қилишга масъул этиб белгилаш.

Муддат 2025 йил май

https://t.me/fuqarolikvaiqtisodiyprotsess

Сунъий интеллект асосида аҳолининг саволларига мобил телефон орқали содда ва қулай шаклда жавоб олиш имкониятини берадиган онлайн платформани ишга тушириш.

Муддат 2025 йил май

https://t.me/fuqarolikvaiqtisodiyprotsess

Фуқароларга сифатли юридик ёрдам кўрсатилишида адвокатлар фаолиятига тўсқинлик қилаётган омилларни бартараф этишга қаратилган қонун лойиҳаси ишлаб чикилади.

Муддат 2025 йил июнь

https://t.me/fuqarolikvaiqtisodiyprotsess

Cекторлар фаолияти билан шуғулланишга прокурор, ички ишлар ва солиқ органлари ўрнига Бош вазир ўринбосарлари, Ўзбекистон маҳаллалари уюшмаси ва уларнинг тизими масъул этиб белгиланиши назарда тутилади

Муддат 2025 йил июнь

https://t.me/fuqarolikvaiqtisodiyprotsess

O‘zbekiston Respublikasi xalqaro investitsion arbitraj ishida yutib chiqdi

2024-yil 10-oktabr kuni Investitsion nizolarni hal qilish xalqaro markazining (ICSID) arbitraj tribunali “Bursel Tekstil Sanayi Ve Diş Ticaret A.Ş.” (Turkiya) kompaniyasi va Turkiya Respublikasi fuqarolari (Bursel kompaniyasi) da’vosi bo‘yicha O‘zbekiston Respublikasiga qarshi ochilgan xalqaro arbitraj ishi bo‘yicha qarorini chiqardi.

Da’vo miqdori taxmiman 700 million AQSh dollarini tashkil etgan.

Ushbu chiqarilgan arbitraj tribunali qaroriga ko‘ra, Bursel kompaniyasining barcha da’volari rad etilib, ularga O‘zbekiston tomonining arbitraj xarajatlarini qoplab berish belgilangan.

Arbitraj ishi Bursel kompaniyasi tashabbusi bilan 2017-yilning iyul oyida boshlanib, qariyb 7 yil davom etgan.

Arbitraj qoidalariga ko‘ra, arbitraj tribunali qarori yakuniy va majburiy hisoblanadi.

Mazkur arbitraj ishida O‘zbekiston Respublikasi manfaatlarini himoya qilish O‘zbekiston Respublikasi Adliya vazirligi hamda White&Case xalqaro yuridik firmasi (Vashington, AQSH) tomonidan ta’minlandi.

Bursel kompaniyasining manfaatlarini himoya qilish «Başpinar & Partners Law Firm», «Beckett Law LLC», «Cooley LLP», «Cooley LLP» (2020-yilga qadar), «Freshfields Bruckhaus Deringer LLP» (2022-yilga qadar) xalqaro yuridik firmalari tomonidan ta’minlandi.


https://t.me/fuqarolikvaiqtisodiyprotsess

Ўзбекистон Республикаси Президенти Шавкат Мирзиёевнинг футбол бўйича ўн етти ёшгача бўлган Ўзбекистон терма жамоаси аъзоларига табриги

финалда мусобақа мезбони – Саудия Арабистони каби ғоят кучли жамоага қарши кескин беллашувда турли босимларга қарамасдан, ўн бир ўйинчига қарши тўққиз футболчи шиддатли кураш олиб борганингиз чинакам жасорат ва матонат намунаси бўлди. Сизлар намоён этган юксак мардлик ва маҳорат ҳар қандай таҳсинга сазовордир.

https://t.me/fuqarolikvaiqtisodiyprotsess