Adliya yangiliklari/Новости юстиции

#Adliya_tabrigi

❗️9-may — Xotira va Qadrlash kuni

Adliya vazirligi jamoasi umumiy tarixiy xotira orqali birdamlik va hamjihatlikka chorlovchi ushbu kun bilan barchani samimiy muborakbod etadi!

Xotira o'zlikni anglatib turadi, qadr insonni yuksaklikka ko'taradi.

Telegram | Instagram | Facebook | YouTube | Bot

#Adliya_xabari

Tadbirkorlik subyektlariga o'z brendiga ega bo'lishning afzalliklari to'g'risida huquqiy tushuntirishlar berildi.

🔘Аdliya vazirligi va Qashqadaryo adliya boshqarmasi xodimlari tomonidan intellektual mulk huquqiga rioya qilish, kontrafakt mahsulotlarga nisbatan qarshi kurashish va oʼz brendini yaratish boʼyicha bir qator ishlar amalga oshirildi.

🔘Xususan, Qashqadaryo viloyati Koʼkdala tumanidagi “Yettitom” kichik sanoat zonasida faoliyat yurituvchi “Fazliddin Botirovich” MChJ tomonidan ishlab chiqarilayotgan ichimlik suvida ishlatilayotgan “7 tom suvi” logotipini va Chiroqchi tumanida faoliyat koʼrsatuvchi “Chiroqchi buyursin tekstil” MChJ tomonidan ishlab chiqarilayotgan kiyim-kechak mahsulotlarida qoʼllanilayotgan logotipni tovar belgisi sifatida roʼyxatdan oʼtkazishning huquqiy asoslari batafsil tushuntirilib, talabnoma topshirishda amaliy yordam koʼrsatildi.

Telegram | Instagram | Facebook | YouTube | Bot

#Adliya_hudud

Hududiy adliya organlari: kun davomida

🖥 Andijon viloyati: Paxtaobod tuman adliya bo‘limi tomonidan tumandagi 37-umumiy o'rta ta'lim maktabida o'qituvchilar va yuqori sinf o'quvchilari ishtirokida davra suhbati tashkil etildi.

🖥 Farg'ona viloyati: Farg'ona shahar FHDY bo'limining amaliy yordami bilan "Hech bir shaxs hujjatsiz qolmaydi" huquqiy aksiyasi doirasida 1-guruh nogironligi bo'lgan 2016-yilda tug'ilgan E.A 9 yil deganda tug'ilganlik haqidagi guvohnomaga ega bo'ldi.

🖥 Jizzax viloyati: Do'stlik tuman adliya bo'limi tomonidan tumanning “Saritepa” mahallasida uyma-uy yurgan holda fuqarolarning huquqiy muammolari o'rganildi.

🖥 Xorazm viloyati: “Huquqiy mahalla” loyihasi doirasida 9 ta sayyor qabullar tashkil etilib, 357 nafar fuqaroga bepul birlamchi huquqiy yordam ko'rsatildi.

🖥 Namangan viloyati: Yangi Namangan tumani FHDY bo'limi tomonidan bir oilaning bir necha yillardan buyon hujjatsiz yashab kelayotgan 5 nafar a’zosiga tegishli hujjatlar rasmiylashtirilib berildi.

🖥 Navoiy viloyati: Zarafshon shahar adliya bo’limi tomonidan Zarafshon shahar 21-sonli davlat maktabgacha ta'lim tashkilotida tashkilot xodimlari ishtirokida davra suhbati tashkil etildi.

🖥 Qashqadaryo viloyati: Yakkabog' tuman adliya bo'limi tomonidan tumanning "Do'stlik" mahallasida "Adliya kuni" tadbiri tashkil etildi.

🖥 Samarqand viloyati: Paxtachi tuman adliya bo'limi tomonidan tumanning "Hayit Elbegi" mahallasida mahalla aholisi uchun sayyor qabul tashkil etildi.

🖥 Sirdaryo viloyati: Sirdaryo viloyat yuridik texnikumida “Gender tengligi va ayollarning saylovlardagi o‘rni” mavzusida davra suhbati tashkil qilindi.

🖥 Toshkent shahri: Mirobod tumani adliya bo‘limi tomonidan tumanning "Oltinko‘l", "Qorasuv" va "Sariko‘l" mahallalari yoshlari o‘rtasida “Mening mahallamda jinoyat bo'lmaydi” dasturi doirasida “Zukko kitobxon” tanlovi o‘tkazildi.

Telegram | Instagram | Facebook | YouTube | Bot

🎼 "Azizim" qo‘shig‘i muallifi Ali Niyazimbetov mualliflik huquqini tiklab berishni so'rab Adliyaga murojaat qildi....

🎙 Muallif huquqi buzilgan yana bir holatda xalqimiz orasida "Azizim" qo‘shig‘i bilan tanilgan Ali Niyazimbetov o‘zi muallifligidagi “Azizim” nomli musiqiy asar uning ruxsatisiz ijro etilganligi holati yuzasidan huquqiy chora ko'rilishini so'rab qilingan murojaat Adliya vazirligi tomonidan o‘rganilib chiqildi.

O‘rganish mobaynida xalqimiz orasidagi taniqli ijodkor Manzura va Murodjon Yo'ldoshev ijrosidagi “Azizim” nomli musiqiy asar muallif ruxsatsiz foydalanganligi aniqlanib, holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177 prim 1-moddasi bilan maʼmuriy huquqbuzarlik to‘g‘risidagi bayonnomalar rasmiylashtirilib, tegishli sudga yuborildi.

Toshkent shahar jinoyat ishlari bo‘yicha Yunusobod tuman sudining qaroriga ko‘ra, huquqbuzar Murodjon Yo'ldoshevga nisbatan O‘zbekiston Respublikasi MJtKning 177 prim 1-moddasining birinchi qismi bilan bazaviy hisoblash miqdorining 1 (bir) baravari miqdorida – 375 000 (uch yuz yetmish besh ming) so‘m jarima jazosi tayinlandi.

⚠️ Hurmatli ijod vakillari! Mualliflik huquqingiz buzilganda Adliya vazirligining "1008" ishonch telefoni orqali xabar berishingiz yoki info@adliya.uz elektron pochta manzili orqali murojaat qilishingizni so'raymiz!

Telegram | Instagram | Facebook | YouTube | Bot

#Ochiq_adliya

⚠️ Adliya organlari tizimida korrupsiyaga qarshi murosasiz kurash e'lon qilingan.

📲 Bunda Adliya vazirligi tizimidagi, jumladan:

▫️adliya boshqarmalari va bo‘limlari;
▫️yuridik xizmat ko‘rsatish markazlari;
▫️FHDY organlari;
▫️davlat xizmatlari markazlari;
▫️"O‘zarxiv" agentligi va uning hududiy tuzilmalari;
▫️X. Sulaymonova nomidagi Respublika sud-ekspertiza markazi va uning hududiy bo‘linmalari;
▫️“Adolat” milliy huquqiy axborot markazi;
▫️Adliya organlari va muassasalarida axborot-kommunikatsiya texnologiyalarini rivojlantirish markazi;
▫️Intellektual mulk markazi;
▫️davlat notarial idoralari va arxivlari;
▫️Yuridik kadrlarni qayta tayyorlash instituti;
▫️Toshkent davlat yuridik universiteti;
▫️TDYU qoshidagi akademik litseydagi korrupsiya holatlari haqida ma'lumotlarni Telegramdagi @antikorbot botiga, (71) 207-04-64 (1321 yoki 1323) telefon raqamiga yoki vazirlik rasmiy veb-saytidagi maxsus platformaga yuborish mumkin.

❗️Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

📌 Kanalga ulanish

#Adliya_xabari

Respublika ishchi guruhi, shu jumladan Adliya vazirligi mas’ullari tomonidan Qoraqalpog‘iston Respublikasining chekka va chegara oldi hududlarida o'rganishlar olib borildi.

✅Respublika ishchi guruh tarkibida Adliya vazirligi mas'ullari, dastlab, Amudaryo tumani hokimligida aholi murojaatlari bilan ishlash, mahallalarda xalq bilan muloqotni tashkil etish orqali ularning muammolarini aniqlash va hal etish, hududlar infratuzilmasini yaxshilash va boshqa ijtimoiy-iqtisodiy masalalar bo'yicha amalga oshirilayotgan ishlar bilan tanishdi.

✅Tashrif davomida tumandagi ijtimoiy soha obyektlari, xususan, umumta’lim maktablari, maktabgacha ta’lim tashkilotlari, masjid va qabristonlarda olib borilayotgan obodonlashtirish, ko‘kalamzorlashtirish ishlarini ko‘zdan kechirdi.

✅Shuningdek mazkur tumanning “Xolimbeg” qishlog‘ida qishloq aholisi uchun sayyor qabul tashkil etildi.

Sayyor qabulda fuqarolardan suyultirilgan gaz ballonlarini yetkazib berish, fuqarolik pasportini olish, tadbirkorlik uchun yer maydonini ajratish va shu kabi turli masalalar bo‘yicha murojaatlar qabul qilinib, mas’ul tashkilotlarga ushbu murojaatlarni ijobiy hal etish choralarini ko'rish yuzasidan ko‘rsatmalar berildi.

Telegram | Instagram | Facebook | YouTube | Bot

#Adliya_hudud

Hududiy adliya organlari: kun davomida

🖥 Andijon viloyati: Andijon tuman adliya bo'limi tomonidan tumandagi "Zangibobo" mahallasida  uyma-uy yurgan holda aholiga qonunchilik hujjatlarining mazmun-mohiyati tushuntirildi.

🖥 Farg'ona viloyati: Bag‘dod tuman FHDY bo‘limi tomonidan “Hech bir shaxs hujjatsiz qolmaydi” huquqiy aksiyasi doirasida 10 yildan ortiq shar’iy nikoh asosida birga yashab kelayotgan oilaning nikohi qonuniylashtirilib, nikoh guvohnomasi topshirildi.

🖥 Jizzax viloyati: Jizzax shahar adliya bo'limi tomonidan tumanning "Sangzor" mahallasida energiya resurslaridan noqonuniy foydalanish va behuda sarflanishining oldini olishga qaratilgan huquqiy targ'ibot tadbiri tashkil etildi.

🖥 Xorazm viloyati: Xiva shahar, Yangibozor va Shovot tumanidagi mahallalarda Adliya boshqarmasi rahbariyatining fuqarolar bilan uchrashuvi tashkil etildi.

🖥 Namangan viloyati: Uychi tumanida Respublika ishchi guruhi, shu jumladan, Namangan viloyat adliya boshqarmasi boshlig'ining sayyor qabuli tashkil etildi.

🖥 Navoiy viloyati: Respublika ishchi guruhi Navoiy viloyatida ishsiz va otaliqqa olingan yoshlar bilan olib borilayotgan ishlar holatini o'rganmoqda.

🖥 Qashqadaryo viloyati: Adliya boshqarmasi rahbariyati tomonidan uyma-uy yurgan holda otaliqqa olingan yoshlarning muammolari o'rganildi.

🖥 Samarqand viloyati: Toyloq tuman "Davlatobod" mahallasida “Huquqiy targ‘ibot kuni” doirasida mahalla aholisi bilan ochiq muloqot o'tkazilib, sayyor qabul tashkil etildi.

🖥 Sirdaryo viloyati: Oqoltin va Mirzaobod tumanlarida otaliqqa olingan yoshlarning muammolari individual tarzda o‘rganilmoqda.

🖥 Toshkent shahri: Bektemir tuman adliya bo'limi tomonidan korrupsiyaga nisbatan murosasiz munosabatni shakllantirishga qaratilgan targ'ibot tadbiri o'tkazildi.

Telegram | Instagram | Facebook | YouTube | Bot

#Adliya_xabari

Huquqshunoslik yo‘nalishida darsliklar va qo‘llanmalarni O‘zbekiston Respublikasining Konstitutsiyasi asosida yangilash ishlarini amalga oshirish holati va kelgusidagi vazifalarni belgilash bo‘yicha davra suhbati o'tkazildi.


✅ Joriy yilning 7-may kuni Adliya vazirligi, Oliy ta’lim, fan va innovatsiyalar vazirligi hamda Maktabgacha va maktab ta’limi vazirligining mas’ul xodimlari, shuningdek, Toshkent davlat yuridik universiteti professor-o‘qituvchilari ishtirokida huquqshunoslik yo‘nalishida darsliklar va qo‘llanmalarni O‘zbekiston Respublikasining Konstitutsiyasi asosida yangilash ishlarini amalga oshirishga qaratilgan davra suhbati o'tkazildi.

Davra suhbatida huquqshunoslik yo‘nalishida darsliklar va qo‘llanmalarni Konstitutsiya asosida yangilash bo‘yicha ishlarni tashkil etish hamda idoralararo ishchi guruhlar tomonidan belgilangan vazifalarni bajarish holati tahlil qilinib, umumiy o‘rta ta’lim, akademik litseylar va professional ta’lim tashkilotlari hamda oliy ta’lim tashkilotlari kesimida ishlarni tashkil etish yuzasidan ishchi guruh a’zolari tomonidan axborotlar tinglandi va takliflar berildi.

✅ Davra suhbati yakunida ta’lim tashkilotlarida sifatli huquqiy ta’lim berishni yo‘lga qo‘yish va bunda darsliklar va o‘quv adabiyotlarining tutgan o‘rni xususida fikrlar bildirilib, huquqshunoslik yo‘nalishidagi darsliklar va o‘quv qo‘llanmalarni yangilash ishlarini samarali tashkil etish yuzasidan vazifalar belgilandi.

Telegram | Instagram | Facebook | YouTube | Bot

#Adliya_xabari

“Mini traktor” sanoat namunasi sifatida SAP 2674-son bilan davlat ro‘yxatidan o‘tkazildi va huquqiy muhofazaga olindi.

✅“Mini traktor”ning asosiy belgilaridan biri uning o‘lchamlari va g‘ildiraklarining o‘ziga xosligi hisoblanadi.

Chunki ushbu хususiyatlar mini traktorga barcha turdagi qishloq va uy xo'jaligi ishlarini bajarishda to‘liq og‘ir vaznli traktorning o'rnini bosish imkonini beradi.

✅“Mini traktor”ning dizayni - tashqi ko‘rinishi odatdagi traktorlarni yodga soladi, biroq o‘lcham jihatidan odatiy traktorlardan ancha kichik va ixchamroq.

✅Buyumning tashqi ko‘rinishini ifodalaydigan badiiy-konstruktorlik yechimi sanoat namunalari jumlasiga kiradi.

📌Sanoat namunasini ro‘yxatdan o‘tkazish uchun Adliya vazirligining im.adliya.uz sayti orqali ariza topshirishingiz mumkin.


Telegram | Instagram | Facebook | YouTube | Bot

Mehmonxonalarda taniqli brendlardan noqonuniy foydalanilmoqda

🔍 O‘tkazilgan monitoring natijalarida 35 ta holatda mehmonxonalar sayyohlarni chalg‘itib, ularni ko‘proq jalb qilish niyatida sohada taniqli bo‘lgan “Hyatt”, “InterContinental” kabi brendlarga o‘xshash nomlardan foydalanib kelayotganligi ma’lum bo‘ldi.

⚖️ Brend egalarining murojaatlari asosida 5 ta holatda huquqbuzarliklarga chek qo‘yilib, huquqbuzarlarga o‘z berndlarini yaratish bo‘yicha huquqiy tushuntirishlar berildi.

⭕️ Qolgan holatlar bo‘yicha ish yurituv davom etmoqda.

Hurmatli tadbirkorlar! Intellektual mulkka bo‘lgan huquqingiz buzilganda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni so‘raymiz!

Telegram | Instagram | Facebook | YouTube | Bot

#Adliya_xabari

Nukus, Kegeyli, Chimboy tumanlari va Nukus shahrida Davlat xizmatlari markazlari va FHDY organlari faoliyati o'rganildi.

✅Adliya vazirligi ishchi guruhi Qoraqalpogʻiston Respublikasining Nukus, Kegeyli, Chimboy tumanlari va Nukus shahrida Davlat xizmatlari markazlari va FHDY boʻlimlari tomonidan koʻrsatilayotgan xizmatlarning sifatini hamda bu borada fuqarolar uchun yaratilgan sharoitlarni koʻzdan kechirdi.

✅Shuningdek mazkur tuman (shahar) larda davlat xizmatlari markazlari va FHDY organlarida foliyat olib borayotgan xodimlar bilan bevosita muloqot qilib, ularning fikrlari va takliflari tinglandi.

✅Mas’ullarga aholining huquqiy muammolarni aniqlash va hal etish, davlat xizmatlarini koʻrsatish sifatini yanada samarali tashkil etish yuzasidan tegishli ko'rsatmalar berildi.

Telegram | Instagram | Facebook | YouTube | Bot