Farg'ona viloyati soliq boshqarmasi

#barqarorlik_reytingi

Ijtimoiy himoyaga muhtoj shaxslar bandligini ta’minlagan tadbirkorlik subyektlari Barqarorlik reytingida qo‘shimcha ball oladilar

Farg‘ona viloyati soliq boshqarmasi mas'ul xodimlari tomonidan'https://t.me/ferganasoliq/5040https://t.me/ferganasoliq/5040' rel='nofollow'> Barqarorlik reytingi mazmun-mohiyatini tadbirkorlarga yetkazish va ularni yuqori toifaga olib chiqish maqsadida joylarda uchrashuvlar davom ettirilmoqda.

Xususan, mas’ul xodimlar "A.Akbarali" MChJ vakillari bilan uchrashdilar hamda reytingdagi mezonlar tahlil qilinib, mavjud kamchiliklarni jamiyat hisobchisiga batafsil tushuntirdilar.

Shuningdek, tadbirkorlik subyekti xodimlarining umumiy sonida “Yagona ijtimoiy reyestr”, “Temir daftar”, “Ayollar daftari”, “Yoshlar daftari”ga kiritilgan va nogironligi bo‘lgan shaxslar ulushi 20 foizdan yuqori bo‘lganda — rag‘batlantiruvchi 10 ball; 10 foizdan 20 foizgacha bo‘lganda — 5 ball berilishi yetkazildi.

Telegram I Facebook I Instagram I Youtube

Kredit tarixini shakllantirishda soliq, elektr, gaz kabi boshqa to‘lovlar ham inobatga olinadi

Ayni daqiqalarda Prezident Shavkat Mirziyoyev raisligida bank xizmatlari orqali mahallalarda kambag‘allikni qisqartirish bo‘yicha joriy yilda amalga oshirilgan ishlar va 2025-yil uchun asosiy rejalar yuzasidan videoselektor yig‘ilishi bo‘lib o‘tmoqda.

Kelgusi yilda loyihasi bor, lekin kredit tarixi “o‘rta” baholangan 100 mingta mijozning soliq, elektr, gaz kabi boshqa to‘lovlarini ham inobatga olish, moliyaviy bilimini oshirish va loyihalarini yaxshilash orqali ularni tadbirkorga aylantirish taklif qilindi.

Telegram I Facebook I Instagram I Youtube

Marg‘ilon shahrida korrupsiyaning oldini olishga qaratilgan targ‘ibot tadbirlari o‘tkazildi

Soliq organlarini korrupsiyasiz tizimga aylantirish maqsadida Farg‘ona viloyati soliq boshqarmasi Shaxsiy xavfsizlik bo‘limi xodimlari tomonidan targ‘ibot-tashviqot ishlari davom ettirilmoqda.

Xususan, Marg‘ilon shahrida chakana savdo hamda umumiy ovqatlanish sohasida faoliyat yurituvchi tadbirkorlar bilan yuzma-yuz muloqotlar o‘tkazildi.

Uchrashuvlarda tadbirkorlarning soliq majburiyatlarini bajarish chog‘ida kuzatilishi mumkin bo‘lgan korrupsion holatlar, bunday vaziyatda mas'ullarga xabar berish qulayliklari tushuntirildi va flayerlar tarqatildi.

Eslatib o‘tamiz, soliq organlarida korrupsiyaga oid huquqbuzarliklar va noqonuniy harakatlar to‘g‘risida maʼlumotlarni @dsq_anticorrupciya_bot maxsus telegram boti, org@soliq.uz elektron pochtasi orqali yuborish, shuningdek, ishonch telefoni (73-241-70-61) ga xabar qoldirish mumkin.

#antikorrupsiya

Telegram I Facebook I Instagram I Youtube

Soliq organlarida korrupsiyaning oldini olish maqsadida “Sirli mijoz” tadbirlari o‘tkaziladi

Soliq xizmati organlarida korrupsion huquqbuzarliklarning oldini olish, sabab bo‘luvchi omillarni bartaraf etish hamda jamoada korrupsiyaga nisbatan murosasiz munosabatni shakllantirish maqsadida huquqni muhofaza qiluvchi organlar vakillari hamda boshqarmaning Shaxsiy xavfsizlik bo‘limi mas'ullari tomonidan profilaktik tadbirlar davom ettirilmoqda.

Navbatdagi tadbir Farg‘ona shahar soliq inspeksiyasida o‘tkazildi.  Unda so‘zga chiqqanlar Soliq qo‘mitasining “Korrupsiyaga qarshi kurashish siyosati” tasdiqlanganligi hamda mazkur siyosatda belgilangan chora-tadbirlar egallab turgan lavozimi, bajaradigan vazifa va funksiyalardan qat’i nazar barcha xodimlar uchun majburiyligi, belgilangan tartibni buzgan har bir xodim shaxsan javobgar ekanligi ta’kidlandi.

Shuningdek, soliq tizimidagi xizmatlar sifati va tezligini, shuningdek, mas’ul xodimlarning huquqbuzarlik sodir etishiga moyilligini aniqlash maqsadida mustaqil tashkilotlar orqali “Sirli mijoz” tadbirlari o‘tkazilishi, mazkur jarayonda xodimlar tomonidan belgilangan odob-ahloq qoidalariga rioya qilinishi, ularning pora olishga moyilligi o‘rganilishi ogohlantirib o‘tildi.

Tadbir yakunida korrupsiyaga nisbatan murosasiz bo‘lish muhitini yaratishga har bir xodim mas’ul ekanligi eslatib o‘tildi.

#antikorrupsiya

Telegram I Facebook I Instagram I Youtube

16-dekabrga qadar suv resurslaridan foydalanganlik uchun soliqni to‘lash va hisobotni taqdim etishni unutmang!

Qishloq xoʻjaligi korxonalari suv resurslaridan foydalanganlik uchun soliq hisobotini yilda bir marta -15-dekabrdan kechiktirmay taqdim etadi

👉 Soliq kodeksi 447-modda

2024-yil uchun 10601_14-sonli hisobot shakli my.soliq.uz portaliga joylashtirilgan.
📑 Hisobot shaklini to‘ldirish bo‘yicha qo‘llanma

Soliq toʻlash muddati:
▫️1-oktabrga qadar — yillik soliq summasining 70 foizi;
▫️15-dekabrga qadar — soliqning qolgan summasi.
👉Soliq kodeksi 448-modda

Ushbu soliq hisoboti suv iste'moli sohasidagi vakolatli organ tomonidan taqdim etilgan ma'lumotlar asosida shakllanadi.

❗️15-dekabr dam olish kuni (ishlanmaydigan kun) bo‘lgani uchun hisobot taqdim etish va soliq to‘lash muddati 16-dekabrga ko‘chiriladi.

#suv_resurslaridan_foydalanganlik_uchun_soliq

Telegram I Facebook I Instagram I Youtube

#AOS

2024-yil 15-dekabrga qadar aylanmadan olinadigan soliq to'lovchilar soliq rejimini o‘zgartirishi mumkin!

Aylanmadan olinadigan soliq (AOS)ni qatʼiy belgilangan summada to‘lovchi tadbirkorlar 2025-yil 1-yanvardan AOSni 4% (yoki boshqa soliq stavkalarida) to‘lashga o‘tish uchun 2024-yil 15-dekabrgacha (shu kuni ham) soliq organini xabardor qilishlari kerak.
👉 Soliq kodeksi 5-modda
👉Soliq kodeksi 470-prim 1-modda

Buning uchun my3.soliq.uz dagi shaxsiy kabinetidan “Aylanmadan olinadigan soliq toʻlovchilar uchun qatʼiy belgilangan summadagi soliq stavkasiga oʻtish (rad etish)” boʻlimidagi havola orqali rad qilish xabarnomasi yuboriladi.

📌 https://my3.soliq.uz/login?type=legal

Telegram I Facebook I Instagram I Youtube

Hamdardlik

Farg‘ona viloyati soliq boshqarmasi jamoasi Soliq qo‘mitasi raisi Kudbiyev Sherzod Davlyatovichning padari buzrukvori Davlatboy otaning vafoti munosabati bilan oila a'zolari va barcha yaqinlariga chuqur hamdardlik bildiradi.

Iqtisod fanlari doktori, professor Davlatboy Kudbiyev oliy o‘quv yurtlarida uzoq yillar samarali faoliyat yuritib, o‘ziga xos maktab yaratgan, el-yurt hurmatiga, eʼtirofiga sazovor bo‘lgan ustoz sifatida tilga olinadi.

Davlatboy Kudbiyev fidoyi olim, ilm-fan va taʼlimning haqiqiy jonkuyari sifatida o‘zidan o‘chmas iz qoldirib ketdi.

Farg‘ona viloyati soliq boshqarmasi jamoasi

Telegram I Facebook I Instagram I Youtube

8-dekabr – O‘zbekiston Respublikasi Konstitutsiyasi qabul qilingan kun

63-modda.
Fuqarolar qonun bilan belgilangan soliqlar va yig‘imlarni to‘lashi shart.

Soliq va yig‘imlar adolatli bo‘lishi hamda fuqarolarning konstitutsiyaviy huquqlarini amalga oshirishiga to‘sqinlik qilmasligi kerak.

149-modda.
O‘zbekiston Respublikasi hududida yagona soliq tizimi amal qiladi. Soliqlarni joriy qilish huquqi O‘zbekiston Respublikasining Oliy Majlisiga tegishlidir.

#8_dekabr

Telegram I Facebook I Instagram I Youtube

Hurmatli yurtdoshlar!

Barchangizni O‘zbekiston Respublikasi Konstitutsiyasining 32 yilligi munosabati bilan chin qalbimdan muborakbod etaman!

Konstitutsiya milliy davlatchiligimiz, suverenitetimiz, shu bilan birga, Prezidentimiz boshchiligida shu kunga qadar erishgan barcha yutuq va marralarimiz, demokratik huquqiy davlat barpo etish yo‘lidagi sa’y-harakatlarimizning mustahkam poydevori hisoblanadi.

Ta’kidlash joiz, yangi tahrirdagi Konstitutsiyamizda O‘zbekistonning besh ustuni, ya’ni suveren, demokratik, huquqiy, ijtimoiy va dunyoviy davlat ekani qat’iy belgilab qo‘yildi, uning mazmuni tubdan takomillashtirilib, yangi bob va moddalar bilan boyitildi.

Fursatdan foydalanib, Bosh qonunimizning qutlug‘ bayrami bilan yana bir bor samimiy tabriklab, barchangizga sihat-salomatlik, xonadonlaringizga tinchlik-xotirjamlik, fayzu baraka tilayman!

Hurmat bilan,

Maqsudxon MAMATXANOV,
Farg‘ona viloyati soliq boshqarmasi boshlig‘i

Telegram I Facebook I Instagram I Youtube