Soliq xizmati xabarlari - Rasmiy kanal

#uchrashuv

Hududlar potensial imkoniyatlari va samaradorlik ko‘rsatkichlarini kengaytirish masalalari muhokama etildi

Soliq qo‘mitasi Raisi Sherzod Kudbiyev hududlar potensial imkoniyatlarini oshirish, mavjud imkoniyatlaridan to‘liq foydalanish yuzasidan muloqotlar o‘tkazmoqda.

Kuni kecha uchrashuvlar Namangan viloyatida o‘tkazildi.

Yig‘ilish «mahallabay» ishlash tizimi bo‘yicha viloyatda samaradorlik ko‘rsatkichi past bo‘lgan Mingbuloq tumanidan videokonferens aloqa orqali olib borildi.

Dastlab, viloyat ko‘rsatkichlari respublikada yetakchi o‘rinlarda ekanligi va bunda albatta xodimlar mehnati mujassamligi alohida eʼtirof etildi.

O‘tgan oy yakunlariga ko‘ra, xodimlarning o‘rtacha ko‘rsatkichi (KPI) 80,3%ni tashkil etgan. 79 nafar xodim 90 balldan yuqori natijaga erishgan bo‘lib, shulardan 19 nafari 100 ball olgan, 48 nafar xodim 75 balldan past natija ko‘rsatgan.

Faoliyatida kamchiliklarga yo‘l qo‘ygani uchun Uchqurg‘on tumani soliq inspeksiyasi boshlig‘i va Mingbuloq tumani soliq inspeksiyasining 1 nafar xodimi lavozimidan ozod etildi.

Shuningdek, Davlatobod tumani “Yuksalish” kichik sanoat zonasida viloyatdagi to‘qimachilik hamda yengil sanoat bilan shug‘ullanuvchi eksportyor korxonalar bilan Soliq qo‘mitasi rahbariyati uchrashuvi bo‘ldi.

Ma'lumki, Namangan viloyati kalava ip va matolarni qayta ishlashni chuqurlashtirish va yuqori qo‘shimcha qiymatga ega tayyor mahsulot ishlab chiqarish hisobiga to‘qimachilik sanoatining eksport salohiyatini oshirish zaxiralariga ega.

Ochiq muloqotda 2025- yil soliq siyosatidagi o‘zgarishlar hamda “To‘qimachilik va tikuv-trikotaj sanoatini rivojlantirishni yangi bosqichga olib chiqish chora-tadbirlari toʻgʻrisida”gi Prezident Farmoni bilan kiritilgan yangi tartiblar to‘g‘risida ma'lumot bеrildi.

Tadbirkor va hisobchilar tomonidan bеrilgan barcha savollarga javob bеrish bilan bir qatorda muammo va takliflari ham o‘rganildi.

Тelegram |Facebook |Youtube| Instagram |X| Threads

Soliq xizmati organlari jamoasi nomidan Jizzax viloyati soliq boshqarmasi boshlig‘i Bekzod Toshpo‘latov Turg‘unovichning Zarbdor tumani hokimi lavozimiga tayinlanganligi munosabati bilan tabriklaymiz hamda kelgusi ishlarida omad va muvaffaqiyatlar tilaymiz.

Bekzod Toshpo‘latov 2008-yildan buyon soliq tizimida turli lavozimlarda faoliyat yuritib kelayotgan edi.

Тelegram |Facebook |Youtube| Instagram |X| Threads

#seminar #soliq_siyosati_2025

Soliq va budjet siyosatining 2025-yilga mo‘ljallangan asosiy yo‘nalishlariga bag‘ishlangan seminarlar bo‘lib o‘tdi

🗓Joriy yilning 13–17-yanvar kunlari respublikamizning barcha hududlarida 2025-yilga mo‘ljallangan soliq va budjet siyosatining asosiy yo‘nalishlariga bag‘ishlangan seminarlar o‘tkazildi.

Seminarlar Soliq qo‘mitasi hamda hududiy soliq boshqarmalari rahbarlari va mas’ul xodimlari ishtirokida bo‘lib o‘tdi.

Unda soliq to‘lovchilar va tadbirkorlik subyektlari o‘zlarini qiziqtirgan savollarga javob olishib, soliq ma’murchiligidagi o‘zgarishlar hamda qo‘shimcha imtiyozlar haqida ma’lumotlar bilan tanishdi.

Quyidagi viloyatlarda seminarlar o‘tkazildi:
📱 Xorazm viloyati
📱 Qashqadaryo viloyati
📱 Navoiy viloyati
📱 Samarqand viloyati 
📱 Surxondaryo viloyati
📱 Jizzax viloyati
📱 Buxoro viloyati
📱 Qoraqalpog‘iston Respublikasi
📱 Farg‘ona viloyati

Bu kabi seminarlar soliq to‘lovchilar va tadbirkorlik subyektlarining murojaatlarini tezkor hal etishda va ularga uslubiy ko‘mak ko‘rsatishda katta ahamiyatga ega.

Тelegram |Facebook |Youtube| Instagram |X| Threads

#onlayn_seminar

"Yuridik shaxslar yer va mol-mulk soliqlari" mavzusidagi onlayn seminar-trening boshlandi.

📱Seminarga havola 👉 https://youtube.com/live/yJwxEDBz0zg?feature=share
___________
#онлайн_семинар

Начался онлайн семинар-тренинг на тему "Налоги на имущество и землю юридических лиц".

📱Ссылка на семинар 👉 https://youtube.com/live/yJwxEDBz0zg?feature=share

Тelegram |Facebook |Youtube| Instagram |X| Threads

#onlayn_seminar

Hurmatli soliq to'lovchilar❗️

Soliq qoʻmitasi mutaxassislari ishtirokidagi navbatdagi onlayn seminar-trening

🗓 17-yanvar kuni
"Yuridik shaxslar yer va mol-mulk soliqlari" mavzusida boʻlib oʻtadi.

Jonli efir 📱 YouTube platformasida.

🕙 Boshlanish vaqti – 15:00
_______
#онлайн_семинар

Уважаемые налогоплательщики❗️

Очередной онлайн семинар-тренинг при участии специалистов Налогового комитета состоится

🗓 17 января
Тема: Налоги на имущество и землю юридических лиц

Прямой эфир - на платформе 📱 YouTube

🕙 Начало – 15:00

Тelegram |Facebook |Youtube| Instagram |X| Threads

#uchrashuv

Surxondaryolik soliqchilar faoliyati tahlil qilindi

Soliq qo‘mitasi raisi Sherzod Kudbiyev rahbarligida Surxondaryo viloyati soliq xodimlari faoliyati, erishilgan natijalar, yo‘l qo‘yilgan xato va kamchiliklar muhokamasiga bag‘ishlangan yig‘ilish bo‘lib o‘tdi.

Baholash axborot tizimida sohalar bo'yicha tahlil qilinib, har bir yo‘nalish xodimlarning faoliyati samaradorlik ko‘rsatkichlariga ko‘ra muhokama qilindi.

Kameral soliq tekshiruvlari bo‘limi umumiy samaradorlik ko‘rsatkichlari (KPI) bo‘yicha respublikada birinchi o‘rinda ekanligi e’tirof etilib, mazkur yo‘nalishda mehnat qilayotgan xodimlarga minnatdorlik bildirildi.

“Korxonabay” va “mahallabay” ishlash tizimi doirasidagi inspektorlar faoliyati tahlil qilinib, joriy oy, shu bilan birga 2024-yilning so‘nggi oylarida samaradorlik ko‘rsatkichi (KPI) past bo‘lgan xodimlar lavozimidan ozod etildi.

Ilgari xabar qilinganidek , Surxondaryo viloyatidagi 724 ta mahallaga 265 nafar soliq inspektori biriktirilgan. O‘tgan yilning dekabr oyi yakunlariga ko‘ra, ularning o‘rtacha ko‘rsatkichi (KPI) 85,1 ballni tashkil etgan. 105 nafar xodim 90 balldan yuqori natija ko‘rsatgan bo‘lib, shulardan 31 nafari 100 ball olishga erishgan. 29 nafar xodim 75-80 ball orasida, 32 nafari esa 75 balldan past natija ko‘rsatgan.

Shunga ko'ra, zimmasiga yuklatilgan xizmat vazifalarini yetarli darajada bajarmagan, ish faoliyatida xato va kamchiliklarga yo‘l qo‘ygan soliq boshqarmasi boshlig‘i o‘rinbosarlari va boshqarma hamda hududiy soliq inspeksiyalari xodimlariga intizomiy choralar qo‘llanildi.

Soliq to‘lovchilarni ma’murchilik yo‘nalishidagi kamchiliklarni bartaraf etish va “mahallabay” tizimida yuqori samaradorlikni (KPI) ta’minlash bo‘yicha aniq muddatli vazifalar belgilab berildi.

Тelegram |Facebook |Youtube| Instagram |X| Threads

#imtiyoz

Kontrakt uchun to'lov soliqqa tortilmaydi

Ta'lim uchun to‘lov qilinganida soliq imtiyozidan quyidagi hollarda foydalanish mumkin:
▫️o'zingiz uchun;
▫️farzandlaringiz uchun;
▫️26 yoshgacha bo'lgan turmush o'rtog'ingiz uchun.

1. To'lovni to'g'ridan-to'g'ri ish joyingizdagi ish haqidan o'quv yurtiga o'tkazishingiz mumkin, bunda ushbu daromadga soliq hisoblanmaydi.

2. Mustaqil ravishda elektron, naqd yoki naqdsiz ko‘rinishda to'langanda yil yakuni bo'yicha soliq organlariga deklaratsiya topshirib, avval to'langan soliq summasini qaytarib olish mumkin.

👉Batafsil
____________
#льготы

Оплата за контракт не облагается налогом

Воспользоваться льготой можно, если оплачиваете обучение:
▫️за себя;
▫️за своих детей;
▫️за супруга (супругу) до 26 лет.

1. Оплату можно перечислять в учебное заведение сразу с заработной платы со своего места работы и тогда налог на эти доходы не начисляется.

2. Либо можно оплатить самостоятельно наличными, безналичными или электронно, а затем подать в налоговые органы декларацию по итогам года и вернуть сумму уже уплаченного налога.

👉Подробнее

Тelegram |Facebook |Youtube| Instagram |X| Threads

#uchrashuv

Eksportyorlarni qo‘llab-quvvatlash orqali hudud iqtisodiy salohiyatini oshirish masalalari muhokama qilindi

Soliq qo‘mitasi Raisi Sherzod Kudbiyevning Surxondaryo viloyatidagi eksportyor korxonalar vakillari bilan ochiq muloqotlari davom etmoqda.

Jarqo‘rg‘on tumanida tashkil etilgan navbatdagi uchrashuvda to‘qimachilik hamda yengil sanoat bilan shug‘ullanuvchi eksportyor korxonalar vakillari o‘z faoliyatlarida bugungi kunda erishilgan natijalar, yaratilgan sharoitlar bilan bir qatorda yuzaga kelayotgan ayrim muammolar haqida to‘xtalib o‘tdi.

Mamlakatimizda tadbirkorlikni rivojlantirish, eksport salohiyatini oshirish va tashqi bozorga chiqish jarayonlarini soddalashtirishga qaratilgan islohotlar alohida e’tirof etildi.

Tadbirkorlarni har tomonlama qo‘llab-quvvatlash, ularga transport-logistika bilan bog‘liq masalalarda zarur yordam ko‘rsatish orqali eksport salohiyatini oshirish bo‘yicha mavjud imkoniyatlarni to‘liq ishga solishda uchrayotgan ayrim to‘siq va muammolar muhokama qilinib, ularni bartaraf etish yuzasidan takliflar bildirildi.

Termiz shahrida joylashgan Xalqaro savdo markazi qo‘shni Afg‘oniston bilan savdo iqtisodiy aloqalarini rivojlantirish, mamlakatlarimiz va xalqlarimiz o‘rtasida do‘stona munosabatlarni mustahkamlashda muhim strategik ahamiyatga ega hudud sanaladi. Bu yerda eksportyorlar bilan birga xaridorlar uchun yaratilgan sharoitlar, savdo faoliyatini amalga oshirish uchun mavjud imkoniyatlar bilan tanishildi, biznes muhitini yanada yaxshilash bo‘yicha takliflar o‘rganildi.

Navbatdagi manzil - Qumqo‘rg‘on tumanidagi Jayxun klasterida ishga tushirishga tayyorlanayotgan to‘qimachilik korxonasi. Soliq qo‘mitasi raisi Sherzod Kudbiyev korxona ishlab chiqarish jarayonlari bilan tanishar ekan, hudud iqtisodiy potensialini ko‘tarishda shuningdek, mahalliy aholining bandligini ta’minlashda mazkur klasterning ahamiyati yuqori ekanini ta’kidladi.

Bu kabi uchrashuvlar yengil sanoat sohasida yangi tashabbuslar va qo‘shma loyihalarning amalga oshishida hamda eksport bilan shug‘ullanadigan korxonalar safining yanada kengayishiga xizmat qiladi.

Тelegram |Facebook |Youtube| Instagram |X| Threads