Абубакр қўлидаги "Марварид" ни жанозасига имзо қўйилган ҳужжатга қараб тиржайди. Иш битди ҳисоб. Аҳмоқ Бурхон ҳеч нарсани сезмади ҳам. Энди Раксанани қизини бир ёқлик қилиш керак.
Абубакр София билан тўйидан анча олдин танишган. Қиз тушмагур олов. Онасини биринчи турмуши бўлгани учун, бувиси тарбия қилган. Россияда яшаган қиз, Ўзбекистонга бўлган саёҳатини бирида Абубакр билан танишиб қолди. Йигит уни жуда тез ўраб ташлади. Шунчалик ишончига кириб олдики, камералардан пана бўлиб, Артём Ортиқовични уйигача кира олди. Ўгай қизи билан иши йўқ Артём Ортиқович ўз майлида юрар экан, ўтмишдаги ишлари учун бадал тўлатишни истайлиганлар қаторлаштириб тузоқ қўйиб ташланганини билмасди. Янги хотини Мелеса билан ёшлик чоғларига қайтгандек ҳис этарди ўзини. Ўртада Раксана хоним қаттиқ тушкун аҳволда қолганди. Бир тарафда эрини хиёнати, бошқа томонда бебош қизини чакки қадами. Камига собиқ кундошини куёви билан.
- Ойим тезроқ бувимни олдига қайтишимни истаяпти,- деди София Абубакр билан навбатдаги пинҳона учрашувларида.
- Қайтавер,- пинак бузмади Абубакр кийинар экан.
- Мени сени ҳаётингда ўрним йўқми?- ранжиди қиз.
- Бор,- Абубакр ётоққа ишора қилди,- мана бу ерда холос.
- Нима дединг?- София ўрнидан туриб Абубакрга тарсаки солмоқчи эди, у қизни қўлини тутиб қолди.
- Қўлинг ўзингга керак бўлса, унга эрк берма.
- Нега ўзгариб қолдинг?- энди йиғилашга тушди қиз,- Ахир бошида ҳаммаси яхши эди... Анави қизга шунчаки пул учун уйландим дегандинг. Ёки энди ёқиб қолдими?
- Бу сени ишинг эмас.
- Қандай мени ишим эмас. У билан ажрашиб менга уйланмоқчи эдинг! Ёки у билан ажрашмоқчи эмасмисан.
- Ҳеч нарса ўзгармади жонгинам,- Софияни иягини қисди Абубакр,- февраль ойи ҳамма нарсага нуқта қўяман. Мени ишларим кўплиги учун бир кун кўп бўлиб, 29 кун бўлган бу ой ҳам.
- Шунда... Март ойида ўзинг айтгандек ҳамма нарсангни сотиб, янги ҳаёт бошлаш учун Россияга кетасанми?
- Ҳа... Ҳаммасини сотиб кетаман.
София тиржайиб қўйган Абубакрга бир оз шубҳали қараб уст бошини кийиб, кетишга тайёрланди.
🌹🌹🌹
Ҳабиб бувасини кўргани келиб, кетишга чоғланиб турган пайт, калта келин либосидаги Сулҳидага дуч келди. Уни моделларникидек қоматида бирон ўзгариш сезилмасди ҳали.
- Ассалому алайкум,- деди у беписанд.
- Ваалайкум ассалом,- турқи ёқмаган келинидан тезроқ узоқлашгиси келди.
- Сизда гапим бор эди,- аммо Сулҳида уни тўхтатди.
- Қандай экан?
- Онангиз ҳақида. Илтимос уларга айтинг, кўп мени ҳаётимга аралашмасин. Ўзимни ақлим ўзимга етади.
- Кечирасиз мени аёллар орасига тушадиган одатим йўқ,- Ҳабибни қошлари чимирилди.
- Орага тушинг демадим, Ҳабиб ака. Фақат айтинг. Келсалар буважонни кўриб қайтиб кетаверсинлар. Жаа қайноналик қилгилари келса сизни уйлантириб қўйсинлар. Менга ҳозир асабийлашиш мумкин эмас. Лекин ойингиз...
- Келин,- Ҳабибни овози кескинроқ чиқди,- Мен бунақа ишларга аралашмайман.
- Ахир ўғлисиз... Бурун бўлишни бас қилсинлар,- Сулҳидани қошлари асабий чимирилди.
- Оғзингизга қараб гапиринг!
- Бу ерда нима бўляпти?!
Келинойисини кўриб Ҳабиб жаҳлини босди.
- Ҳеч гап келинойи кетаётган эдим.
- Унда яхши боринг,- келини билан гап талашиб турганини ёқтирмаганини яширмади келинойиси.
- Яхши қолинглар.
Ҳабиб асабий кетиб борар экан, холаси бекорга чиқиб кетмаганини тушунди. Аммо бу танноз онасини билмайди шекилли. Машҳура опа бунақа гапларни ўла қолса кўтармайди.
Самина хонасида тунаб қолишни истаган куни Абубакр қачон қандай дорини ичирганини билмай ҳам қоларди.
- Сизни судга бераман,- деди Самина дори таъсирида кайфияти кўтарилиб қиқирлаб кулар экан.
- Нима учун?- Саминани ҳеч нарсани ўйламай, ўзини эркин қўйиб қилаётган қилиқларини кузатиб турар экан, Абубакр жилмайди.
- Мени заҳарлаяпсиз,- Самина кўрсатгич бармоғини Абубакрни кўксига нуқиди.
- Бу нима деганинг ғамҳўрлик қиляпман.
- Ёлғончи,- Самина эрини қучоғида эканини сезиб кўзларини юмди,- сиз аблаҳ одамсиз.
- Ишон, буни ўзим ҳам жуда яхши биламан...
Осмонларга парвоз этаётган Саминани онги бу гаплар мазмунини англамади...
