Aql mexanizmi 🧠

#ibrat

IDROK
Ta'lim yo'lida qiyinchilikning samarasi

Bangladeshlik Idrok butun umri davomida qizining sifatli ta’lim olishi uchun o‘z kasbini undan yashirib keldi. U ko‘chalarning eng iflos joylarini va hojatxonalarni tozalovchi bo‘lib ishlardi.
— Farzandlarim men tufayli tengqurlari orasida uyatga qolishlarini hech qachon istamaganman. Kichik qizim mendan ishim haqda so‘raganida, unga qora ishchi ekanligimni aytganman xolos", — deydi u.

Idrok har oqshom uyga qaytar ekan, jamoat hojatxonasida o‘ziga, ust-boshiga qarar, o‘zini tartibga keltirar edi. O‘z kasbini o‘ta zakiylik bilan berkitardi.

Uning bu qadar qiynalishi sababi bor edi: jamiyat, qizi o‘qiyotgan maktab tabaqaga ajralgan edi. O‘qituvchilar, o‘quvchilar va hatto avtobus haydovchilari ham o‘quvchilarning qanday oiladan ekanligiga qarab muomala qilishardi, ta’lim berishardi. Idrok bu holat bilan juda ko‘p to‘qnash kelgandi.

Uning qizi maktabni bitirib, kollejga o‘qishga kirdi. Kunlardan bir kun o‘qish uchun to‘lovga pulni hech qayerdan topa olmagach, chiqindilar ichra uvvos solib yig‘ladi. Boshlarini tizzalari orasiga olib uzoq o‘tirdi. Uni qalban tushungan hamkasblari, oz-ozdan bo‘lsa-da, unga pul yig‘ib berishdi. Ular bor-budlarini Idrokka berishar ekan, shunday deyishdi: "Mayli, bir kun och qolarmiz, ammo qizimiz o‘qishni davom ettirsin!.."

Bugungi kunda Idrokning qizi Bangladesh Xalq maorifi vazirligida faoliyat yuritadi. Uning qistovi bilan otasi boshqa ishlamay qo‘ydi. Ammo Idrok qora mehnat ortidan sariq chaqa topib, bu pullarga o‘z farzandlarini o‘qitayotgan ota-onalarni juda qadrlaydi va ularga tez-tez yordam berib turadi.

©️Sarvar RAHIMIY

Yaqinlarga ulashib qo’ying!📬

👉 Telegram sahifamiz
👉 Instagram sahifamiz

Shayxul Azhar hasrati

«Al-Azhar» universitetining sobiq rahbarlaridan biri haydovchisi bilan birga odatda soat yettida ishta kelar ekan. Ish sakkizda boshlanadi. Ish vaqti
boshlangunga qadar bir soat Qur’on qiroati bilan
mashg’ul bo’lar ekan. Agar biror oyatni unutib, eslay olmasa, yig’lar va o’rindikni ushlab, hasrat chekar
ekan. Haydovchi ko’p yillar Shayxga xizmat kilgani bois jur’at qilib savol beribdi: «Nega yig’layapsiz?»
Shayx yuqoridagi hadisni aytib debdi: «Alloh taolo
oxiratda menga: «Uqi!» desa va men bir oz uqib, tutilib qolsam, u yerda menga kim luqma beradi?!» Shayxul Azhar shu darajada hasrat chekkan ekan! Biz esa u
zotning hoki poylariga ham arzimaymiz. Biz ko’proq
takror qilishimiz lozim. Bir pora yodlaganlar ham:
«Bu hadis Qur’oni Karimni to’lik yodlagan qorilarga aytilgan ekan», deb noumid bo’lmasliklari kerak.
Zero, jannatning darajalari oyatlarning soniga qarab belgilanishi hakida ishonchli rivoyatlar mavjud.
Bu degani, Qur’oni Karimdan oz bo’lsada yod olganlar
mazkur darajalardan o’z nasibalarini oladilar.

📚Shayx Alijon qori Fayzulloh Maxdum o’g’li. “Qur’oni Karim shafoati”.

Yaqinlarga ulashib qo’ying!📬

👉 Telegram sahifamiz
👉 Instagram sahifamiz

#mulohaza

Qarshingda turib, senga go’zal tarzda, xush muomalalik qilayotgan kishilarning aksariyati sen ketganingdan keyin sen haqingda nimalar deyishlarini bilganingda edi, ularning maddohligiyu shirin so’zlariga umumman e’tibor bermas eding!

Yaqinlarga ulashib qo’ying!📬

👉 Telegram sahifamiz
👉 Instagram sahifamiz

#biroztabassum

Har kuni ertalab ishga ketar ekanman, ostonadan chiqishim bilan xotinim menga albatta nimanidir unutganimni eslatardi. Ba’zan moshinaning kalitini, ba’zan uyning kalitini, ba’zan esa qo‘l telefonimni, ba’zan yana nimanidir unutganimni aytib, eslatib turardi. Har kuni shu ahvol. Nima emish, yoshim o‘tgani sari xotiram susayib borayotganmish. Endi usiz o‘zimni eplashim qiyin ekan. Gapidan jahlim chiqdiyu o‘ziga indamadim.

Bir kuni ertalab turdim-da, avval olishim lozim bo‘lgan hamma narsaning ro‘yxatini bir qog‘ozga yozib oldim keyin o‘sha ro‘yxatga qarab narsalarimni o‘zim bilan ovoldim; kalit, telefon, qo‘l soati, xamyon… Hech narsani unutmaganimga ishonch hosil qilish uchun oxirida birma-bir ro‘yxatga va olingan narsalarimga qarab chiqdim. Bu gal endi hech narsani unutmagandim, miyig‘ida kulib ham qo‘ydim, chunki hali qarimaganimni, xotinim eslatmasa ham bemalol o‘zimni o‘zim eplay olishimni unga isbotlab qo‘ymoqchi edim. Bo‘ldi. Hamma narsa taxt. Ko‘chaga chiqib moshinaga o‘tirsam, o‘ydan xotinim telefon qildi, ko‘tardim, kulib javob berdim:
— Xotinjon, bu safar hamma narsamni olganman, nimanidir eslataman deb ovvora bo‘lmay qo‘yaqol. Hali qirchillama yigitman, yigit!

Hotinim qisqa qilib gapirdi:
— Dadasi, uyga kiring, bugun yakshanba — dam olish kuni!

Yaqinlarga ulashib qo’ying!📬

👉 Telegram sahifamiz
👉 Instagram sahifamiz

#biroztabassum

Ikki nasroniy — Devid va Maykl — sahroda adashib qolibdi. Ochlik va tashnalikdan o‘lay deganda birdan uzoqda masjid ko‘rinibdi.

Devid:
— Maykl, kel o‘zimizni musulmonga solamiz, shunda ular bizga taom va ichimlik berishadi, aks holda, ochlik va tashnalikdan halok bo‘lamiz. Mening ismim Ahmad bo‘ladi, sen-chi, kim bo‘lasan?
Maykl:
— Men rostini aytib qo‘ya qolaman.

Masjidga yetib borishgach imom ularni iliqlik bilan kutib oldi va ismlarini so‘radi.
Devid:
— Mening ismim Ahmad.
— Meniki — Maykl. Imom yordamchilariga:
— Iltimos, Mayklga taom va suv keltiring, — deya, Devidga o‘girilib, — Birodar Ahmad, Ramazon muborak! — degan ekan...

Yaqinlarga ulashib qo’ying!📬

👉 Telegram sahifamiz
👉 Instagram sahifamiz

#eslatma

RAMAZON TAVSIYALARIM

1. Dasturxonni rasmga olib, ijtimoiy tarmoqlarda "Iftorga kelinglar" deb, rasmlarni joylamang.

Sizning nima kavshanib, nima chaynashingizning boshqalarga sariq chaqalik ham ahamiyati yo‘q! Ro‘za deganda iftorda bo‘kishni tushunsangiz — Ramazondan topganingiz faqat ochlik bo‘ladi.

2. Taroveh namozidagi turli video va rasmlarni ijtimoiy tarmoqlarga joylamang.

Siz kelmasangiz ham masjid ahli namozini o‘qiydi. Sizning bor yoki yo‘qligingiz hech kimga sezilmaydi ham. Boshqa vaqt besh daqiqalik farzni o‘qishga erinib, Ramazonda esa ikki soatlik naflda indamay tik turishingiz sizni taqvoli qilib ko‘rsatmaydi.

3. Namoz, saharlik va iftor vaqtini ijtimoiy tarmoqlarda hammaga eslatishingiz shart emas.

Mo‘minlar buni sizdan ham yaxshi biladilar. Siz g‘aflat bosib uxlab yotgan vaqtlaringizda ham mo‘minlar amallarida bardavom edilar.

4. Birovga qilayotgan ehsoningizni hammaga oshkor qilishingiz shart emas.

Odamlar sizni qachon ehson qilishingizni ko‘rishga mushtoq yurmagandilar. Ularning mehri va e’tibori uchun o‘zingizni bu qadar kuyintirishingizga xojat yo‘q. Ramazondan so‘ng yana avvalgi hayotingizga qaytishingizni hamma yaxshi biladilar!

©️Nishondagi gaplar

Yaqinlarga ulashib qo’ying!📬

👉 Telegram sahifamiz
👉 Instagram sahifamiz

🌙Xush kelding ey muborak Ramazon!

🌙Hammangizga Ramazon oyi muborak bo’lsin, azizlarim!

Yaqinlarga ulashib qo’ying!📬

👉 Telegram sahifamiz
👉 Instagram sahifamiz

#ibrat

Hayrli ishning mukofoti

Hikoya qilishlaricha, bir ayol tushida bir odamni zaharli ilon chaqib, o‘ldirganini ko‘rdi. Bu tush ayolni juda qo‘rqitdi. Tong otgach, ayol o‘sha tushida ko‘rgan odamning uyiga borib, ko‘rgan tushini uning o‘ziga aytib berdi. Undan ehtiyot bo‘lishni, xushyorroq bo‘lib yurishni iltimos qildi. Ayol ketgach, haligi odam Alloh uchun ikkita qo‘y so‘yib, sadaqa qilishni nazr qildi. Shoyad, o‘sha so‘ygan qo‘ylari sababli xaligi qo‘rqinchli tushning xataridan salomat bo‘lsa.

O‘sha kuni kechga yaqin ikkita qo‘yni so‘yib, qo‘shnilar va qarindoshlarni uyiga chaqirdi. Ular uchun shohona ziyofat uyushtirdi. Hamma go‘shtni tarqatib, o‘zida qo‘yning birgina oyog‘i qoldi. Qalbini to‘ldirgan qo‘rquv, tinchini buzgan bezovtalik sababli o‘zi hali taom va go‘shtdan totib ko‘rmagan edi. Boyagi oyoqni nonga o‘radi-da, yeyish uchun endi og‘ziga olib kelgan ham edi, bir qari kampir qo‘shnisi esiga tushib qoldi. U zaifligi va qariligi tufayli ziyofatga kela olmagan edi. Boyagi kishi o‘zini malomat qilib: “Sen u kampirni esdan chiqaribsan. Mana shu oyoq uning nasibasi bo‘ladi” dedi-da, tezda o‘sha kampirning uyiga chopdi. Borib, quy oyog‘ini kampirga tutqazdi va bundan boshqa go‘sht qolmaganini aytib, uzr so‘radi. Qariya ayol bundan juda sevindi va go‘shtni yeb, suyagini tashqariga uloqtirdi. O‘sha kechasi xaligi oyoq suyagidan kelayotgan yoqimli hidga bir ilon sudralib keldi va suyakda qolgan go‘sht qoldiqlarini yeya boshladi. Bir payt suyakning bir uchli joyi ilonning bo‘g‘ziga tiqilib qoldi. Har qancha urinsa ham ilon undan qutula olmadi. Uning barcha urinishlari besamar ketdi. Suyak uning tomog‘iga sanchilib qolgan edi.

Ertasi kuni tong otgach, xaligi odamning o‘g‘illari uylarining orqasida bir narsaning harakat qilganini va shitir-shitir qilgan ovozini eshitdilar. Otalariga buning xabarini yetkazdilar. Boyagi kishi darhol voqeaning tafsilotini bilish uchun uyining orqa tarafiga o‘tdi. Qarasa, bir ilon yerda tipirchilab yotibdi, og‘zida esa tiqilgan suyak. Darrov uni o‘ldirdi va undan qutqargani uchun Allohga hamdu sanolar aytdi.

Xulosa shuki, doimo miskinlarga ehson qiling, ochlarning qornini to‘ydiring. Shoyadki Alloh ham sizni balolardan asrasa...

©konspektor

Yaqinlarga ulashib qo'ying!📬

👉 Telegram sahifamiz
👉 Instagram sahifamiz