Севимли ТВнинг мухбири томонидан эфирга берилган табиб ҳақидаги лавҳада маҳалла раисига берилган савол жавоблар тўлиқ эфирга узатилмаган.
Ўрнига инсонларни ғазабига учрайдиган жавобни қисқа берилган яъни перашка... 👇
Бугун ижтимоий тармоқларда мухокамаларга сабаб бўлаётган Табиб фаолиятига оид видеолавҳаларни кўриб, тармоқ фойдаланувчиларининг маҳалла раиси шанига билдираётган асоссиз коментарилардан виждоним ва орим чидамай ўз фикрларимни билдираман.
Биринчидан: Табиб масаласи бўйича фуқаролар йиғини томонидан кенгаш аъзолари иштирокида тегишли хужжатлар расмийлаштириб борилади ва доимий профилактик сухбатлар ўтказилади.
Иккинчидан: Табибни фаолиятини тартибга солувчи тегишли ва жавобгар ташкилот томонидан берилган лицензия ва гувоҳномаси мавжуд.
Учинчидан: Унинг Бионур қўл харакатлари билан беъморларга кўрсатаётган даволаш усуллари қай даражада таъсир этади ёки этмайди унга жавобгар мутахассис ҳам эмасман.
Ман, маҳалламизга келаётган меҳмонларга ҳоҳ табибни кўчасида хизмат қилаётган шахслар бўлсин, ҳоҳ уй меҳмонхонаси ташкил этган фуқаро бўлсин ё савдо шахобчалари бўладими ҳаммасига меҳмон учун яхши шароит ва ширин муносабатда бўлишликларини, озодалик ҳамда тартиб-интизомни талаб қиламан.
"Севимли" телеканалининг мухбири берган "чалғитувчи" саволларига ҳам тўлиқ ва мантиқий жавобим бўлган. Афсуски, видеомонтаж жараёнида сўзларимни қирқиб қўйган хамда бошқача талқинда эфирга узатилган. Ўзим хам матбуот соҳасини вакили бўлганман. "Ахборот олиш ва тарқатиш" принципларини қўпол равишда бўзганлик учун жавобгарлик муқаррар. Ман билан суҳбат сюжетини оммага шаффоф ва холис ёритиши керак эди, аммо... унинг мақсади нима эканлигини вақт хукмига ҳавола этаман.
Ҳар бир маҳалла раисининг мақсади аҳоли тинчлиги, даромадини ошириш ва фаровонлигини таъминлаш. Маҳаллам фуқаросини ўз меҳнати билан уй шароитида тайёрлаётган таоми келган меҳмонларни ўз ихтиёрида, ҳохласа ейди, ҳохламаса йўқ. Кўчада овқатланиш қанча туради? Ўзоқдан келган мусофирларни кимидадир шароити бор кимникидир йўқ. Ёки, хусусий меҳмонхоналар бир киши учун палон пул...(?) а, маҳалла аҳолиси меҳмонлар учун арзимаган пулга ўз уйларидан ётоқ беришади. Буни нимаси ёмон? Ё, кўчада тунасинми? Уларни "табибга келинг"- деб, ман ё маҳалламдагилар чақирмаганмиз?!
Ножоиз бўлсаям айтаман: Маҳалла қабристонимиз ва кўчаларимизни ҳар хил чиқиндиларга тўлдириб хатто, памперсларниям улоқтириб кетаётганлар ҳам шу баъзи бир меҳмонлар.Ўнг келган жойга сийиб ташлашади. Шундаям айтаманки, "Ҳа майли мусофир, беъмори бор, дилини оғритманглар"-дейман. Шу юртни одамлари тозалайди. Тартибсизликни кўриб тишимни-тишимга қўйиб зўрға чидаб тураман. Биздан нима ёмонлик кўрибди? Ўз уйига меҳмон киритган маҳалладошларимни уч-тўрт сўм топган даромади кўп кўринибдики, ўзига яраша қанча ташвишиям етарли эканлигини билиш керак, аҳир. Вақти келса ўша узоқдан келган меҳмонга иссиқ нон-чой беришади, меҳмондўстлик қилишади. Қўли юпқароқ одам бўлса, ётган жойига пул ҳам олмаганларини эшитаман. Майли, ҳаммасини худо кўриб турибди.
Беш йилдирки маҳалла раиси бўлиб хатто битта велосипед ҳам сотиб ололганим йўқ. Ҳамма қатори оддий яшайман. Бу борада мани таниган ва билганлар яхши билади. Бировни ҳаққидан қўрқаман. Ўзим мусофирчиликни кўп кўрганим учун маҳалламга келаётган меҳмонларга қўлимдан келганча ёрдам беришга ҳаракат қиламан. Кўчада қийналиб юрган нотаниш инсонни кўрсам, раҳмим келади. "Нима ёрдам керак"деб, дарров сўрайман. Мани табибдан моддий манфаатдорлигим умуман йўқ. Бировни азоби эвазига кун кўрадиган виждонсиз зотдан эмасман. Ундан кўра очимдан ўлганим яхши. Билиб-билмай маломат қилиш яхши иш эмас! Оллоҳ ўзи кўргувчи ва билгувчи.
Илоҳим, фарзандлариз маҳалла раиси бўлсин!
Ғайратжон Тошпулатов
Мингтут МФЙ раиси
Қўқон шаҳар
https://t.me/Nigora_Alimova
