Laylo Rustamova

Фарғоналик йигит маҳалласидаги ёшларни замонавий касбларга бепул ўқитмоқда

Бир йил давомида ўқиган ёшлар сони 150 нафарни ташкил қилди.

Фарғона вилоятининг Фарғона туманидаги Водил қишлоғида яшовчи Исломжон Муҳаммаджонов 24 ёшда. У Тошкент ахборот технологиялари университетитинг Фарғона филиалида “Телекоммуникация” йўналишида таҳсил олади. Муҳаммаджон ўз ҳудудида ёшлар етакчиси бўлиб, қишлоқдаги ёшларни замонавий касбларни пухта эгаллашлари учун “Обод” номли маҳаллада ўзи бир вақтлар орзу қилган “Обод таълим” ўқув марказини ташкил этган. Бугунги кунда Марказ замовий жиҳозлар, компьютер жамланмалари билан таъминланган.
Бу ерда дастлаб маҳалланинг кам таъминланган оила фарзандлари, билим олишга иштиёқи баланд, замонавий касбларни ўрганишга қизиқувчи ёшларни бепул ўқита бошлади.

Марказ ташкил этилганига 1 йилгина вақт тўлиб, бу ерда ўқиш истагида бўлган ёшлар сони орта бошлади. Шу вақтга қадар ёшлар компьютер саводхонлиги, график дизайнер, веб дизайн, инглиз тили, мобилаграфия каби кўплаб замонавий касбларни мутлақо бепул ўрганишмоқда.

2023 йилда “Келажак касблари” лойиҳаси асосида давлат грантида ғолиб бўлиб, ушбу маблағлар эвазига ташкил этилган ушбу марказ ўтган вақт давомида 150 нафар ёшларнинг замонавий касбларни эгаллашига сабаб бўлди. Курсларда таълим олган ёшлар орасида бугуннинг ўзида даромад топаётган ёшлар ҳам бор.

“Бугун маҳалламиз ёшларида замонавий касбларни ўрганишга қизиқиш ортиб бормоқда. Бугун ҳаётимиз бевосита ахборот технологиялари, компютерлар ва интернет тизими билан боғлиқ бўлиб қолди. Чунки IT ёрдамида масофадан туриб билим доирани мустаҳкамлаш, дунёдаги энг нуфузли дастурчилар билан алоқа ўрнатиш, ҳаттоки бир жойда туриб юқори даромад топиш мумкин. Биргина бугун Водилни ўзида туриб, биз Америка ва бошқа чет эл йирик компания вакиллари билан шартнома тузишимиз, ҳамкорликни олиб боришимиз мумкин”,

— дейди Исломжон.

Исломжон яқин орада ҳудудда сунъий интелект асосида “Устоз AI” лойиҳаси таклиф этилмоқда. Ушбу лойиҳа ишга туширилса, сун]ий устоз ногиронлиги сабаб ҳаракатланишида муаммо бўладиган ёшлар ҳам замонавий касбларни мукаммал ўрганиб, ақлий салоҳиятларини ўстиришлари, билим тажрибаларини ошириб, ишлашлари мумкин, — дейди Исломжон Муҳаммаджонов.

Исломжон ушбу ҳудудда коворкинг ҳудуд ташкил қилиб, ўзи таълим берган ёшлар билан чет эл компанияларига масофадан хизмат кўрсатадиган Марказ ташкил этишдан иборат.

Исломжон нима орқали даромад топиши ҳақида сўраганимизда АйТи соҳаси орқали ўзининг бошқа лойиҳалари кўплиги, буюртмага дастурий маҳсулотлар ишлаб чиқиб тақдим этишини маълум қилди.

Шахло билан бир муҳим жараёнга тайёргарлик кўряпмиз, амалга ошмагунича айтмай тураман нималигини. Сизнинг дуоларингиз бизга ҳозир жуда ҳам зарур, дуо қилиб қўйинг🤲

Шу боисдан куни кеча қизим Шахлонинг устози билан суҳбатда бўлганимда имкон қадар унга планшет олиб беришимни илтимос қилдилар, бир он ҳам иккиланиб ўтирмадим, муддатли тўловга планшет олиб келдик.

Планшет нима учун керак? Жуда кўп материаллар электрон тарзда эканлиги, видео дарслар, электрон китоблар ва таълимий иловалар унга жуда зарурлигини айтдилар. Смартфон бу ўринда кичкиналиги ва мактабда ундан фойдаланиш мумкинмаслиги, ноутбукни ҳар куни мактабга кўтариб бориб келиш оғирлигини айтдилар.

Аслида энг муҳим ва даромадли сармоя – бу фарзанд таълимига киритилган инвестиция.

Ўзимга ҳам онам қачондир барча зарур шароитларни яратиб беришга имконлари йўқ бўлса ҳам ҳаракат қилганлар.

Таълимга инвестиция орқали биз фарзандимиз учун Келажакдаги барқарорлик, яъни мустаҳкам карьера ва молиявий мустақилликни таъминлашга ёрдам берамиз.

Юқори малакали мутахассисларга ҳар доим талаб катта бўлади. Билимли инсонлар ўз жамиятига катта ҳисса қўшади.

Мени ҳар ойлик маошимда фарзандларим таълими учун алоҳида сумма ажратилган ва мен бу суммани уларнинг тил ўрганишидан тортиб, замонавий касбларни ўрганишигача ҳеч оғринмай сарфлайман, ва энг аҳамиятли томони ҳозирни ўзидан бу ўз мевасини бера бошлаган.

Шу учун фарзандингиз таълимига бугун сармоя киритинг – эртанги куни муваффақиятга тўла бўлади!

👨‍👩‍👧‍👦 Хўш, Сиз фарзандингиз таълими учун қандай инвестиция киритаяпсиз ёки киритгансиз? Фикрларингиз билан бўлишинг! Эҳтимол бу бошқаларга ҳам ас қотиб қолар⬇️

Хоразмлик 11-синф ўқувчиси фрилансерлик ортидан 500 доллардан зиёд даромад топмоқда

Урганч шаҳридаги 5-сонли умумий ўрта таълим мактабининг 11-синф ўқувчиси Жавохир Мақсудов ёш бўлишига қарамай бугун замонавий касбларни ўрганган ҳолда ўқиш билан бир маромда фрилансерлик ортиқдан даромад топмоқда.

Жавохир 15 ёшидан замонавий касбларни ўрганиш мақсадида дастурлаш, копирайтинг, график дизайн, мобилография, монтажёрлик, визуал пиар ҳамда СММ соҳаларини мукаммал ўрганишни бошлаган.

“9 ёшимда отам уйимизга ноутбук олиб келиб, уни бошдан оёқ тушуниб, компьютерда бемалол ишлайдиган бўлинг, мабодо компьютер ишдан чиқиб қолса ҳам, ўзингиз таъмирлаб, барча дастурларни қандай ишлашини ўрганиб олинг, деб қўлимга топширган эдилар. Шу мендан IT соҳасини жиддий ўрганишга киришишимга туртки бўлди” — дейди қаҳрамонимиз.

Айни вақтда Жавоҳир замонавий касбларни ўрганиш ортидан, креатив фикрлаш қобиляти, ижодий салоҳияти сабабли “KHISO Olympiads School, "Урганч соҳил бўйи уйлари" қурилиш компанияси, “Unify” ўқув маркази ҳамда Ёшлар ишлари агентлигининг Хоразм вилояти бошқармасида фрилансер сифатида фаолият юритиб келмоқда.

Иш берувчиларга Жавохирнинг ишига ёндошувчи ёққани сабабли унга фойдаланишўи учун энг замонавий технология воситаларини ҳам олиб беришган.

Жавохирдан тил билиш даражаси ҳақида сўраганимизда, IELTS'дан 6,5 балли борлигини айтди. Ҳозирда эса Жавоҳир Westminster Халқаро Университига ўқишга кириш учун тайёргарлик кўрмоқда. Унинг мақсади АйТини янада чуқур ўрганиш, унинг янги қирраларини кашф этиш ва ёшларга ўргатишдан иборат.

Жавоҳир сингари ёшларимиз эрта ёшдан замонавий касбларни ўрганиб даромад топаётгани жудаям қувонарли, ва уларни бошқа тенгдошларига ҳам ўрнак қилиб кўрсатишимиз лозим. Агар сиз ҳам шундай ёшларни танисангиз бизга ёзинг.

Бугун биз юқори технологиялар оламига ақл, истеъдод ва гўзалликни ўзида мужассам этган ажойиб қиз Нодира Иброгимованинг нигоҳи билан қарадик. У ўзида билим ва ижодкорликни уйғунлаштириб, ҳаётимизни инновациялар ёрдамида ўзгартиришни мақсад қилган қизлардан.

Нодира билан технологиялар оламига босиб ўтган йўли, севимли лойиҳалари, шунингдек, технологияларнинг жадал ривожланиши ва одамларга ғамхўрлик ўртасидаги мувозанатни қандай сақлаш мумкинлиги ҳақида суҳбатлашдик.

Ушбу учрашув IT фақат алгоритмлар ва коддан иборат эмаслигини, шунчаки дунёни яхшироқ қилиш истаги билан технологиялар ёрдамида дунёни ўзгартириш мумкин бўлган энг дадил ғояларни амалга ошириш мумкинлиги ҳақида бўлди.

Нодиранинг ҳикояси - бу IT соҳасидаги ақлли қизлар илҳомлантиришга, стереотипларни йўқ қилишга ва тараққиётнинг ҳаракатлантирувчи кучи бўлишга қодирлигининг яна бир исботи.

Нодира билан суҳбатни тез кунда эътиборингизга ҳавола этаман. Ҳозирча эса мана шу эсдалик учун тушган суратимиз.

Бухоро вилоятининг Ғиждувон тумани ҳокими Шерзод Ашуровни болалар илмини қўллаб-қувватлашда биринчи рақамли ҳокимлардан деб биламан.

Куни кеча Олимпиадалар ташкил қилиш бўйича мен билган энг зўр мутахассис, KHISO математика Олимпиадаси асосичиси Сардор Базарбаев билан у ташкил қилган янги Ал Хоразмий Халқаро мактабида бўлдим. У билан қилаётган ишлари хусусида узоқ суҳбат қурдик.

Шунда Ғиждувон туман ҳокимлиги билан биргаликда математика фанидан Олимпиада ташкил қилгани ҳамда Шерзод Ашуров Бухоро бўйича энг яхши натижа кўрсатган ўқувчининг ота-онасига Дубайга бепул саёҳат қилиш имкониятини тақдим этаётгани ҳақида айтиб қолди👏👏👏

Халқ таълими тизимида фаолият юритаётган вақтимда ҳам бу ҳокимнинг ишлари ҳақида кўп ёзганман. Тўғриси, Ғиждувон ҳокими Шерзод Ашуровни шахсан танимасамда уни илмни қўллаб-қувватлаш, мактабларда таълим сифатини ошириш, ўқитувчилар салоҳият ҳамда ота-оналар масъулиятини ошириш орқали болаларни илмга қизиқтираётгани учун жуда ҳурмат қиламан.

Ёдимда 2022 йилда Ғиждувон ҳокимлиги энг фаол мактаб директорларига хорижга бепул саёҳат йўлланмасини берган эди. Бундан ташқари китоб ўқиган ўқувчиларга Ўзбекистон шаҳарларига бепул саёҳатлар, бепул репетиторлар ҳаммаси шу туманда амалга оширилаётган таҳсинга сазовор ишлардан деб биламан.

Шу ўринда эса Шерзод Ашуровдай таълимга бефарқ бўлмаган, фидойи ҳокимларимиз сафи кенгайишини истардим, ана шунда шубҳасиз жойларда таълим сифати кўтарилади.

“Ишлагим келади аммо иш йўқ, айбим ногиронлигимми?”

Ўтган ҳафтада Буйрак етишмовчилиги хасталиги билан касаллангани сабабли доимий равишда гемодиализ (Гемодиализ - бу Сунъий буйрак аппарати ёрдамида ўткир ва сурункали буйрак этишмовчилигини даволаш) оладиган журналист Фотима Уктамованинг шундай мазмундаги постлари эътиборимни тортди.

Ҳудди шу куни нодавлат нотижорат IT таълим Уюшмамиз IT Education Association томонидан амалга оширилаётган “Ўзбекистонда IT ва рақамли таълим ландшафтини ривожлантириш” лойиҳаси доирасида PR бўлимига ёрдамга қўшимча бир нафар ходим олишимиз мумкинлигини айтишганди...

“Нимага шу ходим Фотима опа бўлмаслиги керак?” деган фикр келди ҳаёлимга. Тўғри, Фотима опа Фарғонада яшайди, лекин биз IT ёрдамида инсонлар исталган ердан туриб ишлаш имкониятига эгалиги ҳақида гапиряпмизку. Нега Фотима опага ҳам шундай имконият бермаслигимиз керак дедим. Хуллас IT таълим Уюшмаси раҳбарияти билан келишган ҳолда, Фотима опага масофадан ишлаш имкониятини бериб, улар билан Меҳнат шартномасини туздик.

Фотима опа 2-гуруҳ ногирони бўлишларига қарамай жуда ҳаракатчан эканликларини илк куннинг ўзида кўрсатдилар, ўз ҳудудларида ногиронлиги бор АйТи билан шуғулланаётган шахсларни топиб, улар билан IT сохасининг имкониятлари ҳақида материаллар тайёрлашга киришиб кетдилар.

Хуллас шунақа қилиб, Фотима опа Швейцария тараққиёт ва ҳамкорлик агентлиги томонидан IT таълим Уюшмаси ННТга ажратилган Ўзбекистонда ахборот технологиялари ва рақамли таълим соҳасини ривожлантиришга қаратилган Грант лойиҳасининг бир қисмига айландилар.
Мазкур Лойиҳа келажакда ёшларнинг IT саводхонлигини ошириш, малака ошириш имкониятларини яратиш, шунингдек, қишлоқларда яшовчи ёшлар ва аёлларни иш билан таъминлашни назарда тутади. Лойиҳанинг дастлабки босқичида ҳудудларда IT саводхонлиги ва кўникмалари бўшлиқларини таҳлил қилиш, бунда мақсадли аудитория сифатида ёшлар, қишлоқ аҳолиси, аёллар ва қизлар, кам таъминланган оилалар, ногиронлар қамраб олинади.

Фотима опа билан ҳамкорликдаги фаолиятимиз кўнгилдагидек бўлади деб умид қиламиз. Агар атрофингизда Фотима опанинг қаҳрамонларига айланиши мумкин бўлган IT билан шуғулланаётган инсонлар бўлса биз билан бўлишинг. Биз IT'нинг чексиз имкониятлари барча учунлигини кўрсатмоқчимиз.