Репост из: Rabbimov Jasur (𐱅𐰇𐰼𐰜)
Millatim
(muxammas)
Toʻy qilib baxti qarosan, millatim,
Soxtalikka oshinosan, millatim,
Kalta oʻylab, shoshilosan, millatim,
Oʻz oʻzingga tosh ilosan, millatim,
Fojeali bir kinosan, millatim.
Toʻylaringda sochilur pul dastalab,
Oshlaringda kelguchi xalq rastalab,
Toʻy berursan gohi oylab, haftalab,
Qarz toʻlolmay tang yotursan xastalab,
Toʻygacha shoh, soʻng gadosan, millatim.
Soxta sharaf, soxta nom darkor senga,
May icharga bitta jom darkor senga,
Ham sahovat, ham karom darkor senga,
Kim oʻzarga zoʻr maqom darkor senga,
Ming qiliqqa ixtirosan, millatim.
Davlatingni pesh qilarsan gerdayib,
Lek jaholat domiga botding qariyb,
Dabdabadan shonu shuhrat axtarib,
Qalb koʻzi koʻr, iymonlaring boʻldi mayib,
Iblisiyga iqtidosan, millatim.
Kuymayin holingga men, ayt, qandayin,
Ming balo topding oʻzingga kamdayin,
Chun xurofotga nishonsan kun sayin,
Ey Vafoiy, yashab boʻlmas bundayin,
Tiymasang kibring - qozosan, millatim!
©️ Vafo Moʻmin
(muxammas)
Toʻy qilib baxti qarosan, millatim,
Soxtalikka oshinosan, millatim,
Kalta oʻylab, shoshilosan, millatim,
Oʻz oʻzingga tosh ilosan, millatim,
Fojeali bir kinosan, millatim.
Toʻylaringda sochilur pul dastalab,
Oshlaringda kelguchi xalq rastalab,
Toʻy berursan gohi oylab, haftalab,
Qarz toʻlolmay tang yotursan xastalab,
Toʻygacha shoh, soʻng gadosan, millatim.
Soxta sharaf, soxta nom darkor senga,
May icharga bitta jom darkor senga,
Ham sahovat, ham karom darkor senga,
Kim oʻzarga zoʻr maqom darkor senga,
Ming qiliqqa ixtirosan, millatim.
Davlatingni pesh qilarsan gerdayib,
Lek jaholat domiga botding qariyb,
Dabdabadan shonu shuhrat axtarib,
Qalb koʻzi koʻr, iymonlaring boʻldi mayib,
Iblisiyga iqtidosan, millatim.
Kuymayin holingga men, ayt, qandayin,
Ming balo topding oʻzingga kamdayin,
Chun xurofotga nishonsan kun sayin,
Ey Vafoiy, yashab boʻlmas bundayin,
Tiymasang kibring - qozosan, millatim!
©️ Vafo Moʻmin