Хонанда Дилдора Ниёзовани бюджетдан ойлик оладиган «Миллий гвардия» либосидаги ходим қўриқлаб юрибди. Қачондан бошлаб оддий одамларни МГ қўриқлаб юрадиган бўлди? Бунга қонунчилигимиз нима дейди? деган постга кўзим тушди.

Қонунчилик бунга йўл қўяди, Қўриқлаш фаолияти тўғрисидаги Қонуннинг 3-моддасига кўра, қўриқланадиган объект — белгиланган тартибда қўриқлашга олинган жисмоний ва юридик шахсларнинг бинолари, иморатлари, иншоотлари, уларнинг ҳудудлари, жойнинг участкалари, транспорт воситалари, транспортда ташиладиган юклари, пул маблағлари, моддий бойликлари ва бошқа мол-мулки, шунингдек жисмоний шахс ҳисобланади.

Яъни, нафақат мол-мулкингизни, балки ўзингизни ҳам қўриқлаш учун шартнома асосида ёллашингиз мумкин.

Маълумот учун, Ўзбекистон Республикаси ҳудудида қўриқлаш фаолиятини чет давлатларнинг жисмоний шахслари ва ташкилотлари, шу жумладан хусусий ташкилотлари томонидан амалга оширишга йўл қўйилмайди.

Ўзбекистон Республикаси Миллий гвардияси қўриқланиши лозим бўлган объектларда, шунингдек жисмоний ва юридик шахсларнинг мурожаатлари бўйича қўриқлаш фаолиятини амалга ошириш ҳуқуқига эга.

Хуллас, соққасини тўласангиз сизни ҳам ҳимоя қилади.

@generalissimo_marshal