🤦♂️Ko'p gapirib (yozib) asosiy mavzu haqida unuta yozibman, uzurli :))👇
💬Har bir inson hayotida shunday sanalar (aniq raqamlar) bo'ladiki, inson hech qachon o'sha sanalarni unutib yubormaydi (balki unuta olmaydi). Bular bo'lishi mumkin: tug'ilgan kun sanalari (o'ziniki, oila a'zolariniki va hokzao), biror bir yutuqqa erishgan kuni sanasi (shaxsiy yutuqlar, sport, ilm yoki kasb va boshqalar) yoki hayotini o'zgartirib yuborishga sababchi bo'lgan salbiy voqealar, hodisalar, xiyonat (do'stlik yoki muxabbatda, kasbda va boshqalar), og'ir dardga chalingan kuni va boshqa shu kabi yurakda o'chmas iz bo'lib qoluvchi lahzalarni...
🤔Hozir o'ylanib o'tirib, nima haqida yozishni bilmayotganimda kechagi 17-sentabr sanasi haqida yozishga axd qildim (bu o'ta shaxsiy hayotimga talluqli sana, qandaydir umum jamiyatga bog'liq emas).
❗️"17-sentabr - Huddiki Amerikadagi 11-sentabr voqealari singari mani qo'rquv, afsus, nafrat va shu paytning o'zida xotirjamlik, shukronalik va sevgi hislari qamrab oladi. Har yili sentabr oyi yaqinlashar ekan, ich-ichimni qo'rquv va alam egallay boshlaydi. Yana, o'sha oy, hayotimni bir kunda ostun-ustun qilib yuborgan, orzularimni zarra qumdek qadri yo'q ekanligini his ettira olgan, do'stlik va sevgini ham ustimdan haholab kulgandek tortib olgan, hayotdagi qarashlarimni 180 gradusga o'zgartirib yuborgan, go'yoki hayot charxpalagi Everest cho'qqisi uchidan olib, Tinch okeanining eng chuqur Marianna chuqurligiga uloqtirib tashlagan (balki ishonmassiz, lekin mana shunday bo'lgan, afsuski bo'lgan), aniq qilib aytadigan bo'lsam huddi boshqa inson bo'lib qaytadan tug'ilishim boshlangan kun sanasi joy olgan oy...
Mana o'sha kunga ham 12 yil bo'libdi (bu yil qayta tug'ilganimdan so'ng birinchi muchalim ekan🙂). Yillar juda tez o'tmoqda. O'shanda nima bo'lganiga hozir to'xtalib o'tmayman (balki keyinroq batafsil yozarman), biroq bir narsani aniq ayta olamanki o'shanda boshqacha bo'lganda, hozir mani yozganlarimni telegramda o'qimas edingiz! (balki televizorda bir marotaba bo'lsa ham ko'rgan bo'larmidingiz :)) "o'zimmi mahtamasam, biro' mahti dimidi"😄)
⁉️Nega sentabr oyidan qo'rqaman ? Bilmasam, xuddiki yana o'sha 12 yil oldingi taqdir qaytalanib, barini yana boshidan boshlashimga kuch topa olmasligimni bilganim uchun ham qo'rqarman, balki...
O'ylashingiz mumkin nega shunday salbiy vaziyatdek gapiryapsanu, yuqorida "xotirjamlik, shukronalik va sevgini his etaman", deb yozib qo'yibsan ?
💬Buning sababi oddiy, aynan 2006-yil 17-sentabr kunidan so'ng barcha narsamdan ayrildim. O'zimda bori baridan (o'shanda hatto yig'lay olmas edim, go'yoki ko'z yoshlardan ham ayrilgandim). Biroq, o'sha kungacha bosib o'tgan hayotimni sarhisob qila olish imkonini xudo manga bergan edi. O'sha kungacha qanday yashaganim, kimlarga ishonib, kimlar bilan do'st bo'lganim, aslida qanday sababga ko'ra mani sevgani (kimligini o'zi biladi, bilmasa o'qib qolsa eslab oladi :)) ), do'stlarim (o'sha vaqtgacha chin do'stlarim deb bilardim, o'zimdan ham ko'proq ishonardim ularga, keyin bilsam "chuchvarani hom sanab qo'ygan ekanman"😄) nima sababdan atrofimga to'plangani, nima sababdan ortimdan qolmay yurishlari, insonlar kuch qudrating, mansabing , hayotdagi lider pozitsiyang ortidan o'zi uchun qandaydir manfaat kelishi sababgina san bilan do'stlashishlari, sani sevishlari, sanga ergashishlari mumkinligini, hayot bir zumda sandagi kuch, sandagi mansab, sandagi pozitsiyani, sandagi dunyoni tortib olganda esa, eng ishonchli, eng haqiqiy va eng muhimi sandagi tashqi qobilyatlarga emas, ichki dunyoying sabab san bilan birga bo'lganlar qolishini amalda hayotiy isbotini ko'rdim ("Atrofingda kimlar soxtaligini bilmoqchi bo'lsang sinib ko'r" deyishgani haq gap, singaningda atrofingdagi barcha saralanar ekan, oqi oqqa, qorasi qoraga ,to'g'ri o'shandan so'ng sanoqli insonlar haqiqiy ekanligi ma'lum bo'ldi, biroq og'ir kunimda birgina man bilan qolgan odam, yaxshi kunimda ortimdan ergashgan mingtasidan avfzal ekanligini tushunib yetdim, mana shundan xotirjamman, mana shunga shukur qilaman).
