Давлатимиз раҳбарининг Қонунчилик палатасининг биринчи ва кейинги мажлисларида белгилаб берган вазифалар асосида ЎзЛиДеП фракцияси Ҳукумат идоралари билан яқиндан ҳамкорликда ишлаши бўйича аниқ чора-тадбирларини белгилаб олди.

Чунки, сайловолди дастурий мақсадларимизни амалга оширишда сифатли ва халқчил қонунлар лойиҳаларини ишлаб чиқиш борасида ташаббускор вазирликлар билан олдиндан келишиб, муҳокамаларда депутатлар иштирокини таъминласак, қонунларимиз пишиқ ва пухта бўлади.

Айниқса, сайловолди дастуримиздаги хусусий мулк дахлсизлигини таъминлашни кучайтириш, тадбиркорлик ва инвестициявий муҳитни янада яхшилаш, рақобатни ривожлантириш, ер ва ер ости ресурсларидан тежамли фойдаланиш ҳамда ижтимоий вазифаларни амалга ошириш борасида муҳим ташаббусларни амалга оширишда ижро ҳокимияти билан яқиндан хамкорлик қиламиз.

Шу билан бирга, Ҳукуматимиз яқин муддатга ва узоқ истиқболга мўлжалланган ҳаракатлар дастурини амалга оширишда фуқаролар ва тадбиркорлик субъектларининг хусусий мулк ҳуқуқи кафолатларини янада кучайтиришда фаол бўлади. Бу орқали партиямиз мақсад ва ғояларини амалга оширган бўламиз.

• Актам Хаитов
Олий Мажлис Қонунчилик палатасидаги O‘zLiDeP фракцияси раҳбари, партия Сиёсий Кенгаши Ижроия қўмитаси раиси

#uzlidep #munosabat

🖥 Расмий саҳифаларимизга уланинг