📱 Бугунги кунда 600 турга яқин электротехника маҳсулотлари жаҳоннинг 72 мамлакатига 180 та экспортёр корхона томонидан амалга оширилган

Бу ҳақда АОКАда ўтказилган брифингда "Ўзэлтехсаноат" уюшмаси ахборот хизмати раҳбари Намоз Толипов маълум қилди.

✅Электротехника саноати корхоналари томонидан ўтган 10 ой давомида 22 трлн сўмдан ортиқ маҳсулот ишлаб чиқарилиб, 116 фоиз ўсиш кўрсаткичларига эришилди.

✅Экспорт ҳажми эса 985 млн долларга тенг бўлди, бу ўтган йилнинг мос даврига нисбатан 123 фоизни ташкил этади. Хусусан, кабель-сим маҳсулотлари экспорти 649 млн долларни, маиший техника маҳсулотлари 152,6 млн доллар, кучланиш қурилмалари ва бошқа электротехника маҳсулотлари экспорти 183 млн долларни ташкил этган.

✅Инвестиция дастури доирасида 160 млн доллар инвестициялар ўзлаштирилди, шундан 145,6 млн доллар маблағ тўғридан-тўғри хорижий инвестициялар ва кредитлар ҳисобига тўғри келади. Шунингдек, ҳудудий дастурлар доирасида 50 та лойиҳа ишга туширилиб, 1800 та янги иш ўринлари яратилди.

✅ Электротехника саноатида мис хомашёси муҳим аҳамиятга эга. Бу борада тизим корхоналари томонидан ўтган 10 ойда 76,5 минг тонна мис хомашёси қайта ишланди.

✅ Уюшмага аъзо корхоналар томонидан бюджетга тўловлар миқдори 713 млрд сўмни ташкил этди.

✍️ Батафсил

Telegram | Facebook | Instagram | Youtube | Медиабанк