"Ўзэлтехсаноат" уюшмаси

➡️ #BestTen #kooperatsiya

⚡️ Elektr isitgich quvurlari (TEN) importini qisqartirish uchun kooperatsiya aloqalari kengaytirilmoqda

➡️ Elektr isitgich quvurlari (TEN) elektrotexnika mahsulotlarini ishlab chiqarishda asosiy mahsulotlardan biri hisoblanadi. Ayniqsa maishiy texnika vositalarini ishlab chiqarishda uning ahamiyati katta.

➡️ “O’zeltexsanoat” uyushmasi mas’ullari ushbu butlovchi qismlarning importini optimallashtirish bo’yicha bir qator ishlarni olib bormoqdalar.

➡️ Xususan, uyushma mas’ullari elektr isitgich quvurlari (TEN) ishlab chiqaruvchi “Best Mega Tech” korxonasi rahbari bilan birgalikda Samarqand viloyatida joylashgan, maishiy texnika vositalari ishlab chiqaruvchi “Elite Group”, “Ideal Electrolux”, “SamNurTavfiz” kabi korxonalarga tashrif buyurdilar.

➡️ Mazkur tashrifda, avvalgi uchrashuvlarda “Best Mega Tech” korxonasiga berilgan namunalar asosida ishlab chiqarilgan mahsulotlar maishiy texnika ishlab chiqaruvchi, yuqorida nomlari ta’kidlangan korxonalarga berildi.

➡️ Ushbu butlovchi qismlardan tayyor mahsulotlarni ishlab chiqarishda sinov tartibida foydalanish belgilandi. Sinov xulosalariga qarab tomonlar o’rtasida o’zaro savdo aloqalarini yo’lga qo’yiladi.

➡️ “Best Mega Tech” korxonasi “O’zeltexsanoat” uyushmasi bilan hamkorlikda olib borgan amaliy ishlari natijasida bugungi kunda “Trinity Technolgy” va “Vitech” korxonalariga mahsulotlarini yetkazib berishni yo’lga qo’ydi.

➡️ Sababi korxona tomonidan ishlab chiqarilayotgan mahsulotlar narx va sifat jihatidan xorijiy mahsulotlar bilan bemalol raqobatlashmoqda.

🔔 BATAFSIL»

🌐 UZELTEXSANOAT | Telegram

➡️ #Prezident_qarori

❗️O’zbekiston Respublikasi Prezidentining 2025-yil,
22-yanvarda qabul qilingan PQ-20-sonli qaroriga asosan:

⚡️ Yuqori texnologiyali ishlab chiqarishni joriy etgan elektrotexnika sanoati korxonalariga yuqori texnologiyali ishlab chiqarish obyekti foydalanishga qabul qilingan sanadan e’tiboran uch yil muddatga quyidagi soliq imtiyozlari beriladi:

✅ yuqori texnologiyalar asosida mahsulotlar ishlab chiqarish faoliyatidan olinadigan daromadlari qismida foyda solig’ining nol darajali stavkasi qo’llaniladi;

✅ yuqori texnologiyali ishlab chiqarish obyektlari egallagan yer uchastkalari bo’yicha yuridik shaxslarning mol-mulkiga solinadigan soliqni to’lashdan ozod etiladi.

➡️ Elektrotexnika sanoatida yuqori texnologiyali ishlab chiqarishga asoslangan mahsulotlar ro'yxati ushbu qarorning 5-ilovasida keltirilgan.

☺️ Ro'yxat bilan tanishish

🌐 UZELTEXSANOAT | Telegram

➡️ #mahalliy_tovar #uzexpertisa

⚡️ Mahalliy ishlab chiqarilgan tovar toʼgʼrisidagi sertifikatni beruvchi Yagona elektron axborot tizimi ishga tushirildi

➡️ Oʼzbekiston Respublikasi Vazirlar Mahkamasining 2024-yil 28-oktyabrdagi 712-son qaroriga muvofiq “O’zbekekspertiza” AJ tomonidan, mahalliy ishlab chiqarilgan tovar toʼgʼrisidagi sertifikatni beruvchi Yagona elektron axborot tizimi ishga tushirildi.

➡️ Ushbu sertifikatni berilishidan asosiy maqsad bu – mahalliy ishlab chiqarilgan mahsulotlarni aniqlash hamda ular bo‘yicha axborot olish tartibini takomillashtirish orqali davlat xaridlarida mahalliy ishlab chiqaruvchilar ishtirokini yanada kengaytirishdir.

🖥 Ushbu xizmatdan www.application.expertiza.uz havolasi orqali foydalanish mumkin.

〰️〰️〰️〰️〰️〰️

⚡️ Запущена единая электронная информационная система выдачи сертификатов на товары местного производства

➡️ В соответствии с постановлением Кабинета Министров Республики Узбекистан №712 от 28 октября 2024 года АО «Узбекэкспертиза» запустила Единую электронную информационную системе по выдаче сертификата на товар местного производства.

➡️ Основная цель выдачи данного сертификата – дальнейшее расширение участия местных производителей в государственных закупках за счет совершенствования процедуры идентификации продукции местного производства и получения информации о ней.

🖥 Воспользоваться услугой можно по ссылке www.application.expertiza.uz.

🌐 UZELTEXSANOAT | Telegram

➡️ #Prezident_qarori

❗️O’zbekiston Respublikasi Prezidentining 2025-yil,
22-yanvarda qabul qilingan PQ-20-sonli qaroriga asosan:

⚡️ Ilg’or texnologiyalar asosida yangi mahsulot turlarini ishlab chiqish hamda soha uchun muhandis va o’rta bo’g’in kadrlarini tayyorlash maqsadida “Eltechlab” MCHJ tarkibida "Ilg’or injiniring markazi" tashkil etiladi.

✅ Ushbu markazni tashkil etish, jihozlash hamda faoliyati bilan bog’liq xarajatlarni moliyalashtirish uchun "Ilm-fanni moliyalashtirish va innovatsiyalarni qo’llab-quvvatlash jamg’armasi" mablag’lari hisobidan 10 milliard so’m grant ajratiladi.

⚡️ Elektrotexnika sanoati korxonalari uchun yuqori malakali o’rta bo’g’in kadrlari hamda ishchi-mutaxassislarni tayyorlash maqsadida Jizzax viloyatidagi 1-son politexnikumi hamda Toshkent viloyatidagi Ohangaron shahar politexnikumi huzurida injenerlik maktablari tashkil etiladi.

➡️ Bunda:

✅ injenerlik maktablarini jihozlash,saqlash va boshqa xarajatlar uchun ushbu politexnikumlarga davlat byudjetidan har yili 5 milliard so’mdan mablag’ ajratiladi;

✅ injenerlik maktablariga soha korxonalaridan amaliyotchi hamda ilg’or xorijiy mutaxassislarni jalb qilish xarajatlari Savdoga ko’maklashish jamg’armasi mablag’lari hisobidan amalga oshiriladi.

🌐 UZELTEXSANOAT | Telegram

➡️ #Prezident_qarori

❗️2025-yil 22-yanvarda qabul qilingan PQ-20-sonli “Elektrotexnika sanoatini rivojlantirishni yangi bosqichga olib chiqishga doir qo‘shimcha chora-tadbirlar to‘g‘risida”gi Prezident qaroriga ko'ra:

⚡️ Yuqori qo’shilgan qiymatli sanoat mahsulotlari ishlab chiqarishni rag’batlantirish uchun qulay moliyaviy sharoitlar yaratish maqsadida 2025-yil 1-fevraldan:

➡️ Korxonalarning rivojlanish va tadqiqot markazlari (R&D) faoliyatini yo’lga qo’yish uchun belgilangan tartibda shakllantiriladigan ro’yxatlar bo’yicha o’z ehtiyojlari uchun olib kelinadigan, O’zbekistan Respublikasida ishlab chiqarilmaydigan laboratoriya jihozlari va anjomlari 2028-yil 1-fevralga qadar bojxona bojidan ozod etiladi.

🌐 UZELTEXSANOAT | Telegram

➡️ #Prezident_qarori

❗️Injenerlik maktablari tashkil etiladi

✅ Qarorga muvofiq, yuqori texnologiyali ishlab chiqarishni joriy etgan elektrotexnika sanoati korxonalariga yuqori texnologiyali ishlab chiqarish obyekti foydalanishga qabul qilingan sanadan e’tiboran 3 yil muddatga quyidagi soliq imtiyozlari beriladi:

🔹foyda solig‘ining nol darajali stavkasini qo‘llash;

🔹mol-mulkiga solinadigan soliqni to‘lashdan ozod etish.

🗓 Elektrotexnika sohasida investitsiya loyihalarini amalga oshirish uchun elektrotexnika sanoati korxonalari tomonidan ommaviy savdolar orqali sotib olinadigan davlat va davlat ishtirokidagi korxonalarning ko‘chmas mulk obyektlari bo‘yicha to‘lovlarini 10 yilgacha muddatda bo‘lib-bo‘lib to‘lashga rozilik beriladi.

🏢 Jizzax viloyatidagi 1-son politexnikumi hamda Toshkent viloyatidagi Ohangaron shahar politexnikumi huzurida injenerlik maktablari tashkil etiladi.

🌐 2025–2027-yillarda “O‘zeltexsanoat” uyushmasi tarkibidagi korxonalarning mahalliy kapital bozorida qisqa (1 yilgacha) va o‘rta (5 yilgacha) muddatli obligatsiyalarini joylashtirish va xalqaro kapital bozorlarida 2 ta tarmoq korxonasining yevroobligatsiyalarini chiqarish hisobiga resurs jalb qilishga ruxsat beriladi.

🌐 UZELTEXSANOAT | Telegram

➡️ #Prezident_qarori

❗️Elektrotexnika sanoati yanada rivojlantiriladi

“Elektrotexnika sanoatini rivojlantirishni yangi bosqichga olib chiqishga doir qo‘shimcha chora-tadbirlar to‘g‘risida”gi Prezident qarori (PQ-20-son, 22.01.2025 y.) qabul qilindi

✅ Qarorga ko‘ra, Elektrotexnika sanoatini 2025–2027-yillarda rivojlantirish va yangi bosqichga olib chiqishning asosiy yo‘nalishlari belgilandi.

🗓 2025-yil 1-fevraldan quyidagi qo‘llab-quvvatlash choralari joriy etiladi:

🔹 bojxona hududida qayta ishlash rejimida tayyorlangan mahsulotlarni keyingi ishlab chiqaruvchilar tomonidan sanoat kooperatsiyasi tartibida qayta ishlash uchun bojxona hududida qayta ishlash rejimiga joylashtirishga ruxsat beriladi;

🔹 korxonalarning rivojlanish va tadqiqot markazlari faoliyatini yo‘lga qo‘yish uchun belgilangan tartibda shakllantiriladigan ro‘yxatlar bo‘yicha o‘z ehtiyojlari uchun olib kelinadigan, O‘zbekistonda ishlab chiqarilmaydigan laboratoriya jihozlari va anjomlari 2028-yil 1-fevralgacha bojxona bojidan ozod etiladi;

🔹 ustav fondida davlat ulushi 50 foizdan ortiq bo‘lgan yuridik shaxslarning va davlat organlarining ma’muriy bino-inshootlarini, shuningdek ijtimoiy soha obyektlarini qurish bo‘yicha xarid qilish hujjatlariga quyidagi talablar kiritiladi:

➖pudratchilar zarur tovarlarni Ishlab chiqaruvchilar ekotizimi va Elektron kooperatsiya portalidagi mahalliy ishlab chiqaruvchilardan xarid qiladi;

➖zarur tovarlar portallarda mavjud bo‘lmasa, tasdiqlovchi ma’lumotnomalar asosida ularni boshqa elektron portallardan xarid qilishga ruxsat etiladi;

🔹 Ishlab chiqaruvchilar ekotizimida savdolar davlat buyurtmachilari va ishlab chiqaruvchilar o‘rtasida elektron do‘kon tartib-taomillari asosida, shartnoma qiymati bilan bog‘liq cheklovlarsiz o‘tkaziladi, bunda ofertalar mahalliy ishlab chiqarilgan tovar to‘g‘risidagi sertifikat ma’lumotlari asosida shakllantiriladi.

🌐 UZELTEXSANOAT | Telegram

➡️ #london_metall_birjasi

📊 23-yanvar kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #kun_hikmati #iqtibos

Boshqalardan afzal bo‘lishni emas, avvalgi holingizdan afzalroq bo‘lishni xohlang! Aqllar boshqalar bilan mashg‘ul bo‘lganda kichrayib, o‘z sohibi bilan mashg‘ul bo‘lganda kattalashadi.

UILYAM SHEKSPIR

🌐 UZELTEXSANOAT | Telegram

➡️ #Masdar #kooperatsiya

⚡️ Yashil energetika loyihalariga mahalliy mahsulotlarni yetkazib berish imkoniyatlari o’rganildi

➡️ Yashil energetika sohasini rivojlantirish davlatimiz oldida turgan ustuvor vazifalardan biri hisoblanadi. Bu borada respublikamizning ko’plab hududlarida quyosh va shamol elektr stansiyalari qurish loyihalari amalga oshirilmoqda.

➡️ Ushbu loyihalarga mahalliy tadbirkorlar tomonidan ishlab chiqarilayotgan elektrotexnika mahsulotlarini yetkazib berish bo’yicha shaxsan davlatimiz rahbari tomonidan “O’zeltexsanoat” uyushmasi oldiga qator vazifalar qo’yilgan.

➡️ Mazkur vazifalarni o’z vaqtida bajarish yuzasidan uyushma tomonidan keng ko’lamli ishlar amalga oshirilmoqda.

➡️ Uyushma mas’ul xodimlari bugun bir qator mahalliy korxonalar vakillari bilan BAAning “Masdar” kompaniyasi tomonidan Samarqand viloyati, Kattaqo’rg’on tumanida qurilgan quyosh elektr stansiyasiga tashrif buyurdilar.

➡️ Tashrifdan ko’zlangan asosiy maqsad - shu kabi loyihalarga mahalliy ishlab chiqaruvchilar tomonidan qanday tur va talabdagi elektrotexnika mahsulotlarni yetkazib berish mumkinligini o’rganishdan iborat bo’ldi.

➡️ Mazkur tadbirda “O’zelektroapparat-Electroshield”, “Nura Group”, “Sitan”, Zavod NVA”, “Procab”, “Uzkabel”, “Artikul Aziya Kabel”, Kattaqo’rg’on elektrotexnika zavodi” kabi 10 ga yaqin korxonalardan 20 ga yaqin vakillar ishtirok etdilar.

🔔 BATAFSIL»

🇺🇿 Uz 🇷🇺 Рус 🇬🇧 En

🌐 UZELTEXSANOAT | Telegram

➡️ #Jihozvent #sertifikat

⚡️ “Jihozvent” korxonasi mahsulotlariga mahalliy tovar serifikatini berish yuzasidan uchrashuv tashkil etildi

➡️ O’zbekiston Respublikasi Vazirlar Mahkamasining 2024-yil 28-oktyabrda “Mahally ishlab chiqarilgan tovarlarni aniqlash tartibi to’g’risidagi nizomni tasdiqlash haqida”gi 712-sonli qarori qabul qilingan edi.

➡️ Mazkur qarorning 1-ilovasiga asosan, “Mahalliy ishlab chiqarilgan tovarlarni aniqlash tartibi to‘g‘risida”gi Nizom tasdiqlangan.

➡️ Ushbu Nizomga ko’ra, mahalliy ishlab chiqaruvchini aniqlash yuzasidan ekspertiza o‘tkazish va sertifikat berish bo‘yicha “O‘zbekeskpertiza” AJ vakolatli organ etib tasdiqlangan.

➡️ Nizomning 2-ilovasiga asosan elektrotexnika sanoati mahsulotlari uchun mahalliy ishlab chiqarilgan tovar to‘g‘risidagi sertifikat asosida savdolarda qatnashish talablari 2025-yil 1-fevraldan boshlab majburiy etib belgilangan.

➡️ Shu munosabat bilan “O‘zeltexsanoat” uyushmasi va “O‘zbekeskpertiza” AJ mas’ullari bilan birgalikda ushbu masala yuzasidan mahalliy korxonalarga amaliy yordam ko’rsatish ishlarini olib bormoqdalar.

➡️ Bugun uyushma mas’ul xodimlari “O‘zbekeskpertiza” AJ vakillari bilan birgalikda Toshkent shahrida joylashgan “Jihozvent” korxonasiga tashrif buyurdilar.

➡️ Tashrifdan ko’zlangan maqsad korxonaning ishlab chiqarish jarayonlari, mahsulotlarining mahalliylashtirish darajasini o’rganishdan iborat bo’ldi.

🔔 BATAFSIL»

🇺🇿 Uz 🇷🇺 Рус 🇬🇧 En

🌐 UZELTEXSANOAT | Telegram

➡️ #world_tech_news

⚡️ JAHON ELEKTROTEXNIKA YANGILIKLARI DAYJESTI

➡️ Niderlandiya Xitoyga litografik uskunalar eksportini cheklashi mumkin

➡️ Argentina AQSh bilan savdo kelishuviga erishish uchun MERCOSURni tark etishi mumkin

➡️ Rossiyaning Kubanida metall qismlarni 3D bosib chiqarish majmuasini ishlab chiqarish yo‘lga qo‘yildi

➡️ Jahon alyuminiy ishlab chiqarish 2024-yilda 2,9 foizga oshdi

➡️ Yevropa Ittifoqi Rossiyadan platina importini oshirdi

➡️ Avstraliya yashil alyuminiy ishlab chiqarishga 1,2 milliard dollar sarmoya kiritadi

➡️ Batareya ishlab chiqaruvchi CATL yillik sof foyda 20% ga o'sishini kutmoqda

🔔 BATAFSIL»

🌐 UZELTEXSANOAT | Telegram

➡️ #Big_5 #Construct_Saudi_2025

⚡️ "Big 5 Construct Saudi 2025" xalqaro ko'rgazmasi bo'lib o'tadi

➡️ Saudiya Arabistonining Ar-Riyod shahrida mintaqadagi eng yirik qurilish ko'rgazmasi "Big 5 Construct Saudi 2025" bo'lib o'tadi.

➡️ Ushbu ko'rgazmada "O'zeltexsanoat" uyushmasi mas'ullari boshchiligidagi elektrotexnika sanoati korxonalari vakillari ham o'z ko'rgazma stendi bilan ishtirok etishi rejalashtirilgan.

➡️ Joriy yilning 15-18-fevral kunlari bo'lib o'tadigan ko'rgazmada dunyoning o'nlab davlatidan minglab tashrif buyuruvchilar, ikki mingga yaqin ishtirokchi kompaniyalar qatnashishi kutilmoqda.

➡️ "Big 5 Construct Saudi 2025" Saudiya Arabistonining qurilish sanoatidagi eng muhim tadbirlardan biri bo'lib, u mamlakatning $1.7 trillionlik loyihalar portfelini qo'llab-quvvatlash uchun tashkil etiladi.

➡️ Ko'rgazmada ishtirok etish niyatidagi mahalliy elektrotexnika sanoati tadbirkorlari quyidagi telefon raqamlariga murojaat qilishlari mumkin:

📞 +99871-207-44-66 (711)
📞 +99897-700-50-00

📍 Manzil: Ar-Riyod shahri, "Riyadh Front Exhibition & Conference Center" (geolokatsiya)

🖥 Ko'rgazma rasmiy vebsayti: www.big5constructsaudi.com

🌐 UZELTEXSANOAT | Telegram

➡️ #london_metall_birjasi

📊 22-yanvar kuni bo'yicha jahon bozoridagi rangli metallar savdosiga oid statistik ma'lumotlar bilan tanishing.

⚡️ Ma'lumotlar LONDON metall birjasi ko'rsatkichlariga asosan tayyorlandi.

🌐 UZELTEXSANOAT | Telegram

➡️ #kun_hikmati #iqtibos

Sizni kim deb hisoblashlari emas, siz o‘zingizni kim deb his qilishingiz muhimdir.

AYZEK AZIMOV

🌐 UZELTEXSANOAT | Telegram