Toqpaq_ata_uz

#мусылман_әдеби
УЯТСЫЗЛЫҚ – БУЛ АПАТ

Дүньяны уятсызлық бәлесинен не қутқарады? Ҳүкиметлер ме? Қарарлар ма? Нызамлар ма? Яқ! Дүньяны уятсызлық бәлесинен ер адамның әдеп-икрамлығы қутқарады! Зулайҳаға қарамаған Юсуфлар қутқарады. Азаннан кешке шекем жолын күтип турған гөззал қызлардың қасынан жерге қарап, сессиз өтип кеткен Мусъаблар қутқарады. Ҳаяллар қатнасқан мәжилислерде аяқ кийиминиң ушынан басқа жерге қарамаган Усманлар қутқарады. Бузықшылық тамырларын қопарып таслаған Умарлар қутқарады.
Бирақ олар қайда? Бүгин өзиниң ҳаялын ар-намыс орнында көретуғын, басқалардың ҳаялын аң орнында көретуғын Әбиў Ләҳәблар көбейди.
Әзелден өз дәлилин таўып киятырған бир ҳақыйқат бар: «Басқалардың намысына көз тигиўшиниң өз намысын сақлаўға имканияты болмайды».
Имам Шафиий ер адамларға былай нәсият берген: "Өзлеринизди тыйың, сонда ҳаялларыныз да ҳарам нәрселерден өзлерин тыяды..."
Ар-намыс ҳәм уят тек ҳаялларға тән деп есаплаўға көнлигип қалынғаны ушын да бүгин қаншама арсыз, қаншама әдепсиз еркеклер дүньяны патаслады...
...Мераж түнинде ҳәзирети Умардың жәннеттеги ҳәўлиси ҳәм ондағы ҳүрлер көрингенинде: «Сениң қызғаныўыңды билгеним ушын ол тәрепке қарамадым, ҳәй Умар...» деген Расулуллаҳ саллаллаҳу алайҳи ўа салламның көшедеги ҳаял-қызларға көзин салып, тигилетуғын еркек үмметлери арасындамыз...
Ал, Аллаҳ таала Қураны кәриймде былай ескерткен: «Сен мөминлерге айт: «Көзлерин (намәҳрам ҳаялларға қараўдан) тоссын!..» («Нур» сүреси, 30-аят).
Ҳәзирети Әлий разыяллаҳу анҳу өз дәўиринде ер адамларға бир нәсиятты қайта-қайта тәкирарлаған: "Тасаттур тек ҳаялларға тән деп ойламаң. Ер адамның тасаттуры оның көзлеринде!" Ийманыңыз кеңейген сайын кийиминиз де кеңейеди... Ҳаял ушын қандай гүна болса, еркек ушын да сондай.
Ҳаял-қызға аўыр ҳүким, еркекке жеңил ҳүким жоқ. «Еркекшилик» ақланған аят да жоқ. Ҳәммеси ушын Аллаҳтың ҳүкими тең.
Айша анамыз разыяллаҳу анҳа былай рәўият қылады: «Мен Расул алайҳиссалам менен әкем жерленген үйге алдын биреўин күйеўим, биреўин әкем деп жапқышсыз киретуғын едим. Умар разыяллаҳу анҳу жерленгеннен кейин, оннан уялғаным ушын жапқыш пенен киретуғын болдым».
Салман Фарсий разыяллаҳу анҳу былай деди: «Егер Аллаҳ бир бендесине апатшылықты қәлесе, бәринен бурын оннан уятты алып қояды. Егер Ол бендесинен уятты алып қойса, онда сиз ол бендени Аллаҳтың нәзеринде жеркенишли ҳәм пәс ҳалда көресиз. Қашан, бенде Аллаҳтың нәзеринде жеркенишли ҳәм пәс болып қалса, оннан садықлықты (исенимди) тартып алады. Аллаҳ оннан садықлықты алып таслағаннан кейин, сиз сол бендениң сатқынлығының гүўасы боласыз. Сатыўшы болған бендесиниң қәлбинен Аллаҳ мийрим-шәпәәтти алып таслайды. Енди сиз ол бендени мийримсиз ҳәм тасбаўыр ҳалда көресиз. Тасбаўыр ҳәм мийримсиз болып қалған бендениң мойнынан Аллаҳ исеним түйинин (ийманды) шешип алады. Иймансыз адам нәлетленген шайтанға айланып қалады ҳәм оған тынымсыз нәлетлер жаўылады».
Ибн Аббас разыяллаҳу анҳума былай дейди: «Уят пенен ийман бир-бири менен өз ара байланыслы. Егер олардан бири жоғалса, изинен екиншиси де кетеди».

Шайх Әлий ТАНТАЎИЙ

Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz

#шәўўәл_айы_оразасы

ШӘЎЎӘЛ АЙЫ ОРАЗАСЫНЫҢ ПАЗЫЙЛЕТИ

❓Бул оразаны қашан тутқан мақул?

Шәўўәл айы ҳижрий сәнениң оныншы айы болып есапланады. Бул айда саламатлығы ҳәм мүмкиншилиги болған адам нәпил оразасын тутса, Аллаҳ таала ол бендеге көп әжир-сыйлықларын бериўин ўәде қылған. Бул ҳаққында Пайғамбарымыз саллаллаҳу алайҳи ўа саллам мынандай деген:
“Ким Рамазан оразасын тутып, изинен Шәўўәл айынан алты күн ораза тутса, жыл бойы ораза тутқандай болады” Имам Мүслим рәўияты).

Бул алты күнди Шәўўәл айының екинши күнинен баслап тутыў мүмкин.
Рамазанда базы бир себеплерге көре айрым күнлери ораза тута алмай, мойнында қазасы бар адамлар биринши сол қазаларын тутып алып, кейин Шәўўәлдың нәпил оразасын тутса мақсетке муўапық болады. Уламалардың көпшилиги Рамазан оразасының мәртебеси парыз, ал Шәўўәл айы оразасының мәртебесин нәпил екенини итибарға алып, биринши қазаны тутыўды усыныс еткен.
Керисинше, биринши Шәўўәлдың 6 күн оразасын тутаман, кейинги айларда Рамазаннан қалған қаза оразаларды тутаман, десе де орынлы болады.

Көпшилик уламалар Шәўўәл айындағы оразаны избе-из емес, ҳәптеде еки-үш күннен тутыўды усыныс етеди. Әсиресе, дүйшенби ҳәм пийшенби күнлери тутса, сүннетке де әмел еткен болып, 2 есе саўапқа ийе болады инша Аллаҳ. Алты күн избе-из тутса да инша Аллаҳ саўабынан ҳеш нәрсе кемейтирилмей бериледи.

Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz