Бугунингни орзу қилишга ҳам қўрққан кунларингни эсла.
Мана шу қуёш остига чиқиш учун  зулматга чўккан тунларингни эсла.
Йиқилганингда, чил-чил синганингда бўлди энди туролмайман, бутланолмайман дегандинг.
Сўндим, битдим бу ғамларни кўтаролмайман дегандинг.
Лекин ҳозир қаддинг баланд, бутсан, ғолибсан.
Ўлимгача билки, сен ҳар доим йўлнинг бошидасан.
Тугади деб ўйлама.
Сенинг олдингда ҳали қанча босилмаган қадамларинг бор, ўз қадамларинг!