Самарқанд вилояти ҳуқуқни муҳофаза қилувчи органлари раҳбарлари ҳамда мутасадди идоралар раҳбарлари иштирокида Пайариқ туманида аҳоли билан бевосита ва очиқ мулоқот қилиш, аҳолини қийнаб келаётган тизимли муаммоларни аниқлаш ҳамда уларни қисқа муддатларда қонуний ҳал этиш мақсадида Пайариқ, Жомбой, Булунғур, Оқдарё ва Қўшработ туманлари аҳолиси учун оммавий сайёр қабул ўтказилди.

Сайёр қабулда жами 40 нафар жисмоний ва юридик шахсларнинг вакиллари турли муаммоли масалалар юзасидан ўз мурожаатлари билан иштирок этдишди.

Шу жойнинг ўзида ҳал этиш имкони бўлган мурожаатлар юзасидан талаблар қаноатлантирилди. Ўрганиш талаб қиладиган мурожаатлар юзасидан ечимини топиш бўйича мутасадди корхона ва ташкилот раҳбарларига аниқ муддат белгиланиб, назоратга олинган ҳолда топшириқлар берилди.

Вилоят прокуратураси томонидан жисмоний ва юридик шахслар вакилларини қабул қилиш ҳамда мурожаатларини кўриб чиқиш борасидаги ишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook | Veb-sayt