Нигора Алимова

Мингта кўр одам бўлса, бунинг минглаб сабаби бор.

Донишманд ҳикояси👇

Касалликни келтириб чиқарган сабабини билиб билмай, ҳаммани бир хил даволаш мумкинми?

Ибн Синонинг ниҳоятда тиришқоқ янги шогирди бор эди. Бир куни буюк аллома, бетакрор табибга кўзи ожиз одамни олиб келишди. Устоз кўзни даволаш учун шогирдига ҳар турли гиёҳлардан малҳамли "кулча" тайёрлашни буюрди. Шогирд худди устоз айтгандек "кулча" тайёрлади. Сўқирнинг кўзига ҳалиги "кулча"ларни ёпиштириб қўйишди. Эртаси куни унинг кўзи очилди.

Шўрпешона шогирднинг "бахти"га қўшниси ҳам кўр эди. Дастлабки муваффақиятидан эсанкираб қолган шогирд ўша "кулча"дан яна тайёрлаб қўшнисининг кўзига қўйди. Эртаси куни қўшнининг кўзи бутунлай оқиб тушди.

Ҳалол, виждонли, лекин аҳмоқ шогирд кўзёшини тўкиб:"Устоз, ахир аввалги сафар Сиз қандай буюрган бўлсангиз, ўша тартибда малҳамли "кулча" тайёрладим-ку? Нега бундай бўлди?"-деб сўради.

Чуқур қайғуга ботган донишманд шундай жавоб берди: "Кўзнинг кўрмай қолиши иссиқдан, совуқдан, қуруқликдан, намликдан ва бошқа кўплаб сабаблар туфайли юзага келади. Мингта кўр одам бўлса, бунинг минглаб сабаби бор. Боравер, ўғлим, сен энди кулчаларингни ясаб новвойлик қилавер".

Донишманд ҳикоясидаги реал воқелик ҳозирда ҳар соҳадаги кўр кўрона ишларга ҳам оид эканлигини кўрдим.

Ушбу ҳикоятдаги воқеалар ҳозирги вақтга ҳам мос экан...

https://t.me/Nigora_Alimova

#Ширинлик #егиси #келган #бола... Қаҳрамоним 11 ёшлик Умиджон.

Тошкент шаҳар #Tag_Qurtoba ресторанига боргандим, кечки пайт.

Овқатланиш жараёнида мактаб ёшидаги бола ресторанга кириб келди, мулойимлик билан ресторан ходимлари билан саломлашди қадрдонлардек.

Уст бошлари эски, оёқ кийимлари яроқсиз.

Болакай аста атрофга қаради, ёш гўдакларни яхши кўрса керак ичкаридаги гўдакка меҳр қувонч кўзлари билан қараб кузатди.

Болакай аста туриб витринада турган ширинликларга 🥞 қаради, ресторан ходимларидан нарҳини сўради, қимматлигини билди ва яна рўпарамдаги жойга аста ўтирди...

Болакай яна туриб 🥞 ширинликларга борди.

Бу ҳолатга жим қараб тура олмадим ва ресторан ходимини чақирдим.

Лаббай опа, деди ресторан ходими.

Имкон қадар хоҳлаган ширинликларини танлаб олишига имкон беринг, хоҳлаган ичимлигини олсин ва шу ерда есин, дедим.

Ресторан ходими, ҳўп бўлади, деб, болага меҳр билан муносабат кўрсата бошлади.

Болакай ўзида йўқ хурсанд бўлиб қайси ширинликларни олиш керак деб ўйланиб ўзи хоҳлаган ширинлик ва ичимликни ниҳоят олди.

Рўпарамда иштаҳа билан ширинликларни еди, ҳотиржам бўлдим ва болага савол бердим.

Исминг нима, ота онанг борми, қайси мактабда ўқийсан, нечанчи синф, деб.

Исми Умид, ёши 11 да, отаси йўқ, онаси ёлғиз Аёллигини айтди, аммо мактаб ҳақида ҳеч бир сўз айтмади, ман ҳам мактаб ҳақида чуқурлашмадим, лекин албатта таълим муҳимлигини айтиб ўтдим.

Умиднинг қадрдон жойи шу ресторан экан.

Бу ерга ҳар доим келиб ресторан ходимларига ва меҳмонларига беминнат ёрдам берар экан.

Кимгадир эшикни очиб, қарияларга ёрдам бериб.

Ҳар қалай кўча безориларига қўшилмай ўзини инсонларга ёрдам бериш учун ошиқаётганини кўриб билиб ҳотиржам бўлдим.

Мани ҳам машинагача олиб бориб, машина эшикларини очиб, яхши етиб олинг опа, сизни кейинги сафар ҳам шу ерда кутаман, деб, табассум билан кузатиб қўйди.

Тошкентнинг мана ман деган Ҳурматли #Окаларим, #Укаларим, #Опаларим, #Сингилларим, сизлардан илтимос 11 ёшлик Умиджоннинг ҳолидан хабар олишни имкони бўлса хабар олиб туринглар.

Бир ёш гўдакни хаётини гўзалликка, яхшиликка буркасак ҳаммаси яхши бўлади👍👌

Балки Умиджон келажакда буюк инсон бўлар, Худойим қўлловчи...

Iwash uz
YANGI UYLAR Baraka
Мурад Назаров
Саодат Абдузакирова
Нурмухаммад Карим
Акмал Саиджонов

https://t.me/Nigora_Alimova