Type to search
Advanced channel search

Telegram Analytics

Subscribe to stay informed about TGStat news.
img
ad

SearcheeBot

Your guide in the world of telegram channels
img
ad

TGAlertsBot

Monitoring of keywords in channels and chats
img
ad

TGStat Bot

Bot to get channel statistics without leaving Telegram
img
ad

NamDTU • NamSTU • НамГТУ

@namdtuuz
Channel's geo and language: Uzbekistan, Uzbek
Category: Education

Namangan davlat texnika universitetining rasmiy telegram kanali
Official Telegram channel of Namangan State Technical University
Официальный Telegram-канал Наманганского государственного технического университета

Related channels
Channel's geo and language
Uzbekistan, Uzbek
Category
Education
Statistics
Is this your channel? Confirm Channel history
1k
714
565
613
555
550
Posts filter

NamDTU • NamSTU • НамГТУ

4 Oct, 08:52

Open in Telegram Share Report
📣📣📣📣📣
“BIR IXTIRO TARIXI” — YANGI RUKN

Namangan davlat texnika universitetida “BIR IXTIRO TARIXI” rukni yo‘lga qo‘yilmoqda!

Ushbu rukn orqali universitetimiz professor-o‘qituvchilari, olimlari, ixtirochilari va yosh tadqiqotchilarining ilmiy ishlanmalari, ixtirolari hamda amaliy yechimlari keng jamoatchilikka taqdim etib boriladi.

Ruknda ixtironing:
🌷 nomi va muallifi;
🌷 yaratilish tarixi;
🌷 qanday muammoni hal qilishi;
🌷 yangiligi va amaliy ahamiyati;
🌷 erishilgan natijalari;
🌷 mavjud bo‘lsa, patent, guvohnoma yoki boshqa tasdiqlovchi hujjatlari haqida ma’lumotlar yoritiladi.

O‘z ixtirosi yoki ilmiy ishlanmasini ushbu ruknda namoyish etishni istagan professor-o‘qituvchilar, olimlar va yosh tadqiqotchilar @Sevara_Komiljonovna ga murojaat qilishlari mumkin!

Har bir ixtironing o‘z tarixi bor. Biz esa uning yaratilish yo‘lini va amaliy natijasini jamoatchilikka yetkazamiz.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
1k 2 9 9
NamDTU • NamSTU • НамГТУ

4 Oct, 07:35

Open in Telegram Share Report
✍️ Erkin Vohidov
📋 "Baxt nima?"

🎙 Nodira o'qigan

Hamma yerda Baxtlaring sochiq...

Ming bo‘lakka bo‘lib dunyoni
Tug‘ilgandan baxtni izlaymiz.
Qo‘llaridan tutib ro‘yoni
Atrofda baxt, ba’zan bilmaymiz!

Baxtlar bilan bezatilgan taxt,
Xudoyimga yetsa bas zoring
Kimdir seni sog‘insa, shu Baxt,
Baxt aslida dunyoda boring!

Kimlarnidir Sevib, Sog‘inib,
Intizor-la uni kutganing.
Baxt aslida tomog‘ing bilan
Shu bir qultum suvni yutganing!

Hamma yerda Baxtlaring sochiq
Bahorlardan go‘zallik yiqqan,
Baxt emasmi? Ko‘zlaring ochiq?
Osmonga boq, ko‘kka oy chiqqan!

Senga yana nima yetmaydi?
Hattoki Baxt – yelib tolmoqlik
Hammaga ham nasib etmaydi
Tongda turib nafas Olmoqlik!!!

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
907 0 5 12
NamDTU • NamSTU • НамГТУ

3 Oct, 21:02

Open in Telegram Share Report
Forward from: Edu.uz
"Ta’lim sohasidagi bugungi yangilanishlarning asosiy mazmun-mohiyati nimada?" degan savol tug‘ilishi tabiiy.

Prezidentimizning ikki vazirlikni birlashtirishdan ko‘zlagan asosiy g‘oyasi quyidagilardan iborat:

– Ta’lim va ilm-fan vazirligi barcha bog‘cha, maktab, professional va oliy ta’lim muassasalari faoliyatini tashkil etishi va ularning operatsion jarayonlari uchun mas’ul bo‘lishi, ta’lim faoliyatiga qo‘yiladigan talablarni belgilashi, akkreditatsiyalash va litsenziyalash bilan shug‘ullanishi kerak;

– Ta’lim sifatini ta’minlash milliy agentligi o‘quv dasturlari, qo‘llanmalar va metodik materiallarni ishlab chiqadigan o‘ziga xos laboratoriya vazifasini bajarishi, ularni amaliyotga joriy etishi, natijalarini kuzatishi va aniqlangan kamchiliklar asosida takomillashtirib borishi kerak. Bu ishlar Prezidentimiz belgilab bergan "o‘zbek maktabi bitiruvchisining portreti"ga tayangan holda olib boriladi;

– Prezident Administratsiyasi va uning huzurida tashkil etiladigan alohida ishchi guruh yangi vazirlikning tuzilmasini ishlab chiqadi, ish jarayonlarini qayta ko‘rib chiqadi, ularni takomillashtirish yuzasidan takliflar tayyorlaydi hamda islohotning umumiy strategiyasini belgilaydi;

– oliy ta’limda davlat aralashuvini keskin qisqartirish, oliygohlar mustaqilligini kengaytirish va nodavlat sektor uchun imkoniyatlar yaratish lozim, qaysi oliygoh sifatli ta’lim berayotganini esa erkin raqobat va bozor talabi ko‘rsatishi kerak.

Facebook | Instagram | YouTube|Telegram
929 0 1
NamDTU • NamSTU • НамГТУ

3 Oct, 19:26

Open in Telegram Share Report
Forward from: Prezident matbuot kotibi | Sherzod Asadov
O‘zbekiston Respublikasi Prezidentining farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va ilm-fan vazirligi sifatida qayta tashkil etildi.

Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat.

Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan.
— 
Указом Президента Республики Узбекистан Министерство дошкольного и школьного образования и Министерство высшего образования, науки и инноваций реорганизованы в единое Министерство образования и науки.

Целями данной реформы являются организация единой системы образования, воспитания и науки в стране на основе современных требований, выведение на новый уровень работы по повышению качества и эффективности образования и развития человеческого капитала.

Предусматривается обеспечение взаимной интеграции и преемственности между всеми видами образования и внедрение единой эффективной системы управления, охватывающего все этапы от дошкольного до высшего образования, а также научную деятельность, и повышение подотчетности системы перед общественностью.

Facebook|Instagram|X
833 0 8 4
NamDTU • NamSTU • НамГТУ

3 Oct, 17:54

Open in Telegram Share Report
Video is unavailable for watching
Show in Telegram
📰📰📰📰📰📰📰📰
O‘QITUVCHI VA MURABBIYLAR — E’ZOZ VA EHTIROM MARKAZIDA

Namangan davlat texnika universitetida O‘qituvchi va murabbiylar kuni munosabati bilan o‘tkazilgan bayram tadbiri “Namangan axboroti” informatsion dasturida maxsus lavha orqali yoritildi.

Lavhada ustoz va murabbiylarning ta’lim-tarbiya jarayonidagi o‘rni, universitet jamoasining bayram tadbiridagi ishtiroki hamda ustozlarga ko‘rsatilayotgan e’tibor va ehtirom aks ettirildi.

“Namangan axboroti” — NamDTUdagi bayram tadbiridan lavha.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
1.2k 0 10 8
NamDTU • NamSTU • НамГТУ

3 Oct, 17:44

Open in Telegram Share Report
Yashil transformatsiya va texnologiya fakultetida profilaktik yig‘ilish o‘tkazildi

Namangan davlat texnika universiteti Yashil transformatsiya va texnologiya fakultetida professor-o‘qituvchilar ishtirokida talabalar o‘rtasida jinoyatchilik va huquqbuzarliklarning oldini olishga qaratilgan profilaktik yig‘ilish bo‘lib o‘tdi.

Yig‘ilishga fakultet dekani Odiljon Mallabayev rahbarlik qilib, unda talabalar o‘rtasida sog‘lom ma’naviy-axloqiy muhitni shakllantirish, jinoyatchilik va huquqbuzarliklarning oldini olish, talabalarning bo‘sh vaqtini mazmunli tashkil etish hamda ularning muammolarini o‘z vaqtida aniqlash va bartaraf etish masalalariga alohida e’tibor qaratildi.

Shuningdek, “Bir nafar professor-o‘qituvchiga — bir nafar talaba” tamoyili asosida “Dolzarb 10 kunlik” tadbirlarini samarali tashkil etish bo‘yicha vazifalar belgilandi. Mazkur jarayon doirasida bitiruvchi talaba-yoshlarning bandligini ta’minlash, talabalar bo‘sh vaqtini mazmunli tashkil etish hamda ularning yashash sharoitlarini o‘rganish yuzasidan professor-o‘qituvchilarga tegishli topshiriqlar berildi.

Yig‘ilish davomida PF-209-son Farmonning mazmun-mohiyati ham professor-o‘qituvchilarga yetkazilib, belgilangan vazifalarni ijro etish va talabalar bilan individual ishlashni kuchaytirish bo‘yicha tavsiyalar berildi.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
906 1 4 3
NamDTU • NamSTU • НамГТУ

3 Oct, 16:49

Open in Telegram Share Report
Talaba qizlar bilan davra suhbati o‘tkazildi

Namangan davlat texnika universiteti Axborot texnologiyalari va sun'iy intellekt fakultetining talaba qizlari bilan ma’naviy-ma’rifiy va psixologik yo‘nalishda davra suhbati tashkil etildi.

Tadbirda Namangan davlat texnika universiteti birinchi prorektori Ma’rufjon Kayumov, fakultet dekani o‘rinbosari G'ayratjon Tuxliyev, hamda fakultetning xotin-qizlar raisasi M.Madraximova ishtirok etdi.

Suhbat davomida talaba qizlarning universitetdagi o‘zaro munosabatlar, psixologik barqarorlik, shaxsiy rivojlanish hamda yuzaga kelishi mumkin bo‘lgan turli muammolarni bartaraf etish masalalari yuzasidan fikr almashildi.

Shuningdek, talaba qizlarga o‘z huquq va manfaatlarini bilish, bo‘sh vaqtlarini mazmunli tashkil etish, bilim va ko‘nikmalarini rivojlantirish hamda ta’lim jarayonida faol ishtirok etish bo‘yicha tavsiyalar berildi.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
951 0 4 9
NamDTU • NamSTU • НамГТУ

3 Oct, 15:36

Open in Telegram Share Report
TALABALAR TURAR JOYIDA ISSIQLIK TIZIMINI YANGILASH ISHLARI DAVOM ETMOQDA

Namangan davlat texnika universitetida kuz-qish mavsumiga tayyorgarlik ishlari izchil davom etmoqda.

Xususan, 1-talabalar turar joyining issiqlik ta’minoti tizimini yangilash va mustahkamlash maqsadida qo‘shimcha issiqlik quvurlari yetkazib berildi.

Avvalgi bosqichda 1,3 kilometr uzunlikdagi yangi quvurlar olib kelingan edi. Ayni paytda keltirilgan quvurlarni o‘rnatish va issiqlik tarmog‘ining tegishli qismlarini yangilash ishlari olib borilmoqda.

Mazkur ishlar qish mavsumida issiqlik ta’minotining barqarorligini ta’minlash hamda talabalar turar joyida qulay sharoit yaratishga qaratilgan.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
990 0 4 6
NamDTU • NamSTU • НамГТУ

3 Oct, 14:29

Open in Telegram Share Report
BOSHQARUV KENGASHI YIG‘ILISHIDA MUHIM MASALALAR KO‘RIB CHIQILDI

Namangan davlat texnika universitetida navbatdagi Boshqaruv kengashi yig‘ilishi kun tartibida universitet faoliyatining milliy reytingdagi natijalarini yaxshilash bilan bog‘liq masala ko‘rib chiqildi.

Milliy reyting bo‘yicha Ta’lim sifati nazorati bo‘limi boshlig‘i, Abduvali Akramov 2026/2027 o‘quv yilida kafedralar kesimida bajarilishi lozim bo‘lgan vazifalarni taqdim etdi. Yangi reyting tizimi 25 ta indikatorni qamrab olib, akademik, ilmiy, xalqaro faoliyat, bitiruvchilar sifati va raqamlashtirish yo‘nalishlarini baholaydi.

Taqdimotda ilmiy darajali professor-o‘qituvchilar salmog‘ini oshirish, PhD va DSc himoyalarini ko‘paytirish, Scopus jurnallarida, jumladan Q1–Q4 kvartillarida maqolalar chop etish, iqtiboslar va h-index ko‘rsatkichlarini yaxshilash, patentlar hamda ilmiy loyihalar sonini oshirish bo‘yicha aniq vazifalar belgilandi.

Xalqaro faoliyat yo‘nalishida xorijiy professor-o‘qituvchilarni jalb etish, talabalar va pedagoglarning akademik mobilligini kengaytirish, xorijiy OTMlar bilan qo‘shma ta’lim dasturlarini rivojlantirish masalalariga e’tibor qaratildi.

Rektor maslahatchisi G‘anijon Xusanov tomonidan jamoada sog‘lom muhitni ta’minlash, talabalar va professor-o‘qituvchilar bilan ochiq muloqotni kuchaytirish, murojaat va takliflarni o‘rganish, aniqlangan muammolarni o‘z vaqtida bartaraf etish masalalariga e’tibor qaratildi.

Yakunida belgilangan vazifalarni ijro uchun mas’ullarga yetkazish, natijalarni aniq ko‘rsatkichlar asosida monitoring qilish va har bir yo‘nalishda amaliy natijadorlikni ta’minlash bo‘yicha tegishli topshiriqlar belgilandi.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
895 0 3 6
NamDTU • NamSTU • НамГТУ

3 Oct, 13:32

Open in Telegram Share Report
BOSHQARUV KENGASHIDA DUAL TA’LIMNI RIVOJLANTIRISHNING YANGI MEXANIZMLARI MUHOKAMA QILINDI

Namangan davlat texnika universitetida navbatdagi Boshqaruv kengashi yig‘ilishi o‘tkazildi. Yig‘ilishni Boshqaruv kengashi raisi, universitet rektori Oybek Ergashev olib bordi. Kun tartibidagi muhim masalalardan biri dual ta’lim tizimini universitetda yangi talablar asosida yo‘lga qo‘yish masalasiga bag‘ishlandi.

Masala yuzasidan o‘quv ishlari bo‘yicha prorektor Rustam Soliyev tomonidan O‘zbekiston Respublikasi Prezidentining 2026-yil 29-sentabrdagi PF–209-son Farmonida belgilangan yangi mexanizmlar, ularning mazmun-mohiyati hamda universitet oldida turgan vazifalar haqida ma’lumot berildi. Yig‘ilishda dual ta’limni “korxona – universitet – maqsadli kadr” tamoyili asosida tashkil etish, ta’lim jarayonida amaliy tayyorgarlik ulushini oshirish, ish beruvchilar bilan hamkorlikni kuchaytirish va talabalarni ishlab chiqarish jarayoniga keng jalb etish masalalariga e’tibor qaratildi.

Shu bilan birga, universitetda dual ta’lim yo‘nalishlarini aniqlash, korxonalar bilan hamkorlikni tizimli yo‘lga qo‘yish, talabalarni amaliyot bilan ta’minlash, uch tomonlama shartnomalar asosida ishlarni tashkil etish hamda CareerEdu platformasi orqali ta’lim jarayonini monitoring qilish bo‘yicha vazifalar belgilandi.
Muhokamada korxonalarni dual ta’limga faol jalb etish masalasi ham ko‘rib chiqildi. Yangi tartibga ko‘ra, tegishli yo‘nalishlarda dual ta’lim talabalariga ish haqi to‘lagan korxonalarni 50 foiz subsidiya mexanizmi orqali rag‘batlantirish imkoniyati mavjudligi qayd etildi.

Yig‘ilish yakunida dual ta’limni universitetda samarali tashkil etish, korxonalar bilan aniq hamkorlik mexanizmlarini ishlab chiqish, amaliyot bazalarini kengaytirish va mehnat bozori ehtiyojlariga mos kadrlar tayyorlash bo‘yicha mas’ullarga tegishli vazifalar belgilandi.

NamDTU rasmiy axborot kanallari:
Web-site |  Telegram |   Instagram  X
Facebook |  YouTube |  LinkedIn
1.2k 0 5
10 last posts shown.