Ijtimoiy ish: turli sohalar

🧠 Bundan buyon “Ayollar daftari” va “Yoshlar daftari” orqali ijtimoiy yordamlar “Kambag‘al oilalar reyestri”ga kirgan oilalarga ko‘rsatilishi belgilanmoqda.

💻 Bu haqida kuni kecha Prezident Shavkat Mirziyoyev huzurida bo‘lib o‘tgan ijtimoiy yordamlarning manzilliligini oshirish, nogironligi bo‘lganlarni parvarishlashning yangi tizimiga oid taqdimotda aytib o‘tildi.

✅ Oilaning kambag‘al deb e’tirof etilishi uning a’zolaridan qo‘shimcha ariza va hujjatlarni talab etmagan holda ijtimoiy yordamlar ko‘rsatilishiga asos bo‘ladi.

✅ Shu bilan birga, samarasiz va talab yuqori bo‘lmagan ijtimoiy yordamlar maqbullashtirilib, 28 turdagi ijtimoiy yordamning yagona ro‘yxati tasdiqlanadi. Ijtimoiy daftarlar hisobidan ajratiladigan davolanish va jarrohlik amaliyoti xarajatlarini Davlat tibbiy sug‘urta jamg‘armasi orqali moliyalashtirish tartibi joriy etiladi.

✅ Tuman hokimliklari huzurida yuridik shaxs bo‘lmagan “Infratuzilma va ijtimoiy barqarorlik” jamg‘armalari tashkil etiladi. Uning mablag‘lari hududni rivojlantirishga va shuningdek ekologiya va atrof- asrash tadbirlariga sarflanadi.

✅ 3-18 yoshdagi nogironligi bo‘lgan bolalar uchun davlat-xususiy sheriklik asosida kunduzgi parvarish xizmati yo‘lga qo‘yiladi

✅ Unga bolalar ota-onalar bilan tuzilgan ijtimoiy shartnoma hamda Psixologik-tibbiy-pedagogik komissiya xulosasi asosida qabul qilinadi. Ota-onalarning kunduzgi parvarish xizmatidan foydalangani uchun oyiga 3 mln so‘mgacha bo‘lgan to‘lovlaridan soliq olinmaydi.

✅ Joriy yil yakuniga qadar bu xizmatlar bilan 2 mingga yaqin og‘ir nogironligi bo‘lgan bolalarni qamrab olish rejalashtirilmoqda.

✅ “Bolalar salomatligi” axborot tizimi ishga tushirilib, har bir farzandga qo‘yilgan tashxis tahlil qilib boriladi. Ularga tibbiy, reabilitatsiya, ta’lim, ijtimoiy xizmatlar kompleks ravishda ko‘rsatiladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

🇺🇿🧑🏻‍🦽O‘zbekiston tarixida ilk bor Qonunchilik palatasi deputati etib nogironligi bo‘lgan shaxs saylandi

Jismoniy nogironligi bor va nogironlar aravachasidan foydalanuvchi 1984-yil tug‘ilgan Jumayev Jasur Alimboyevich O‘zLiDeP Liberal-demokratik partiyasidan saylangan. Bu haqida Prezident Shavkat Mirziyoyev yangi tarkibdagi Oliy Majlis deputatlariga qilgan murojaatlarida alohida ta’kidlab o‘tdilar:

"Tariximizda ilk bor nogironligi bo‘lgan Jasur Alimbayevich qonunchilik palatasi deputati etib saylandi. Bu parlamentimizni tom ma’noda inklyuziv organga aylantirib ushbu qatlam manfaatlarini yanada keng ifoda etish yo‘lida navbatdagi muhim qadam bo‘ldi desak to‘g‘ri bo‘ladi."

Jasur Jumayev Toshkentdagi “SANVIKT” ilmiy-tadqiqot, san’at markazining eng muvaffaqiyatli rassomlarimizdan biri bo‘lib, u dunyo bo‘ylab somon bilan ishlash bo‘yicha masterklasslar beradi. U “Behzod” nomidagi san’at institutiga kirib, uni namunali bitirib, o‘qituvchi bo‘lib ishlagan. 2018-yil, Jasur mamlakat prezidenti tomonidan “Jasorat” medali bilan taqdirlandi. O‘zbekiston Respublikasi “Hunarmand” uyushmasi a’zosi.

2023-yildan boshlab Ijtimoiy himoya milliy agentligi tomonidan nogironligi mavjud fuqarolarga ishga kirishda taqdim etilayotgan imtiyozlardan foydalanib Agentlikning Katta yoshdagilar uchun ijtimoiy xizmatlarni rivojlantirish va monitoring qilish boshqarmasi yetakchi mutaxassisi lavozimiga ishga kirgan edi.

Jasur Jumayev ijtimoiy tarmoqlariga obuna bo‘ling:

📱 Instagram: https://www.instagram.com/jasur.jumaev_art/
📱 Facebook: https://www.facebook.com/jasur.jumaev.9/

Video manbasi: O‘zbekiston 24.

@dilmurad_me

🔮“Keys menejment” nima?

🖋 Keys menejment – ijtimoiy xizmatlar va yordamlar ko‘rsatishning qat’iy belgilangan tartibi bo‘lib, bunda xizmat oluvchining ehtiyojlarni baholash, keng ko‘lamli ijtimoiy xizmatlarni rejalashtirish, boshqarish va ularning ko‘rsatilishi va olib borilayotgan ishlar samaradorligini va erishilgan natijalarni tahlil qilish.

🤝 Keys-menejmentning asosiy maqsadi – ijtimoiy himoyaga muhtoj shaxslar va oilalarning og‘ir hayotiy vaziyatidan chiqishiga yordam beruvchi kompleks xizmat va yordamlarning sifatli, samarali hamda o‘z vaqtida ko‘rsatilishidan iborat.

✅ Keys-menejment vaziyat va holat yuzasidan ishlarni yuritish, vaziyatni boshqarish deb ham ataladi.

💚 Keys-menejment usuli orqali ijtimoiy xizmat va yordam ko‘rsatish ijtimoiy xizmatlarga muhtoj shaxslar va oilalar hayotining yaxshilanishiga yordam berib, mahalliy jamoatchilik va jamiyat farovonligiga erishilishiga xizmat qiladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz