Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Orif Tolib

@oriftolib
Channel's geo and language: Uzbekistan, Uzbek
Category: Linguistics

Soʻz. Tahrir. Savodxonlik.
Reklama boʻyicha:
👉 https://bit.ly/3nHSpI6
Murojaat uchun:
👉 @oriftolib_xatlar_bot
Donat:
👉 8600572904072506
👉 tirikchilik.uz/oriftolib
Ijodiy ishlardan oʻgʻrincha foydalanilishiga rozi emasmiz.

Related channels  |  Similar channels
Channel's geo and language
Uzbekistan, Uzbek
Category
Linguistics
Statistics
Is this your channel? Confirm Канал в реестре блогеров РКН? Confirm Channel history
Posts filter

Orif Tolib

22 Feb, 10:30

Open in Telegram Share Report
Xo‘jag‘at nima-yu qorag‘at nima? – Biz biladigan yeguliklarning biz bilmagan nomlari

Ayrim rezavor mevalar, don-dun va sabzavotlarni tez-tez isteʼmol qilamiz-u, o‘zbekcha nomini bilmaymiz. Ko‘proq ruschasini ishlatamiz. Bizning mintaqamizda kam yetishtiriladigan yoki umuman o‘smaydigan baʼzi o‘simliklarning chindan o‘zbekcha nomi yo‘q, ammo ko‘p o‘simliklarning nomini shunchaki unutganmiz.

Ana shunday unutilgan yoki ko‘pchilik bilmaydigan so‘zlar haqida “Daryo” nashrida oʻqing:

👉 daryo.uz/rlyVeAQ4

🌐 Sayt    🛜 Telegram    ▶️ YouTube
1.2k 0 12 20
Orif Tolib

20 Feb, 11:00

Open in Telegram Share Report
Video is unavailable for watching
Show in Telegram
Talaffuzi sabab imlosi qiyinlashgan so‘zlar | 5️⃣9️⃣-dars | Oʻzbek tilidan savodxonlik darslari

👉 YouTubeʼda koʻrish

🌐 Sayt 🛜 Telegram ▶️ YouTube
2.1k 0 13 19
Orif Tolib

20 Feb, 07:46

Open in Telegram Share Report
​​Yogʻ boʻlmasa, chalpak qil, un boʻlmasa — patir

Sh. Shomaqsudov va Sh. Shorahmedov muallifligidagi “Hikmatnoma. Oʻzbek maqollarining izohli lugʻati”da maqolning tarixi haqida shunday deyiladi:

Bu maqol xalq oʻrtasida yuradigan bir latifadan kelib chiqqan: «Bir maqtanchoq odam oʻz odatiga koʻra choyxonada maqtanib oʻtirgan ekan, bolasi kelib: “Dada, uyda yogʻ tamom boʻlibdi, yogʻ olib berarmishsiz”, debdi. Shunda dadasi: “Bor, onangga borib ayt, yogʻ boʻlmasa, chalpak qilsin!” degan ekan. Oʻgʻli: “Iye, dada, chalpak qilishga uyda un yoʻq-ku!” debdi. Haligi odam atrofdagilarga sir boy bermaslik, oʻz mavqeini saqlash uchun: “Un boʻlmasa, patir qila qolsin”, degan ekan, choyxonadagi odamlar xoxolab kulib yuborishibdi».

Mazkur maqolni quruq maqtanchoq odamlarga nisbatan istehzo bilan aytadilar.


🔄 Mavzuga aloqador:
🔹 Bir balosi boʻlmasa, shudgorda quyruq na qilur?
🔹 Dunyoni suv olsa, oʻrdakka nima gʻam?
🔹 Men nima deyman-u, qoʻbizim nima deydi?!
🔹 Notavon koʻngilga qoʻtir jomashov
🔹 Oʻgʻil yeb oʻrga ketar, qiz yeb qirga ketar
🔹 Qazisan, qartasan, asl zotingga tortasan
🔹 Qudaning oshi bilan qudagʻayni siylabdi

🌐 Sayt 🛜 Telegram ▶️ YouTube
2.3k 0 29 27
Orif Tolib

19 Feb, 14:00

Open in Telegram Share Report
Yolgʻoningdan emas, meni unga ishontirganingdan hafsalam pir boʻldi.

Boshnoq maqoli

🌐 Sayt 🛜 Telegram ▶️ YouTube
2.5k 2 10 55
Orif Tolib

19 Feb, 14:00

Open in Telegram Share Report
Agar doʻstingga otingni bersang, avaylashini uqtirma.

Boshqird maqoli

🌐 Sayt 🛜 Telegram ▶️ YouTube
2.4k 0 13 43
Orif Tolib

19 Feb, 12:30

Open in Telegram Share Report
Turk tilidan milliy sertifikatga tayyorlanayotganlar diqqatiga!

Hilol Edu til markazi milliy sertifikat boʻyicha sinov imtihoni oʻtkazyapti ekan.

Sinov imtihoni yordamida bilim va koʻnikmalaringizga tashqaridan baho bera olasiz. Oʻzim ham bunday imtihonda qatnashganman, natijasi yaxshi boʻlgan.

👉 Qiziqqanlar uchun batafsil

🌐 Sayt 🛜 Telegram ▶️ YouTube
2.5k 0 11 13
Orif Tolib

18 Feb, 17:23

Open in Telegram Share Report
Boʻtakoʻzni koʻrganmisiz?

Chingiz Aytmatovning “Boʻtakoʻz” qissasini oʻqiganmisiz? Boʻtakoʻz oʻzi nima? Izohli lugʻat uni murakkabgullilar oilasiga mansub, binafsha yoki havorang gulli bir yillik begona oʻt deya taʼriflaydi.

Internetni varaqlayotib shu gulning rasmiga koʻzim tushib qoldi va sizlarga ham ilindim. Balki, togʻ-qirlar, dalalarga sayrga chiqqanda boʻtakoʻzni koʻrgandirsiz.

🌐 Sayt 🛜 Telegram ▶️ YouTube
2.9k 0 30 106
Orif Tolib

17 Feb, 09:21

Open in Telegram Share Report
Talaffuzi sabab imlosi qiyinlashgan so‘zlar

“Ibrat farzandlari” loyihasida savodxonlik boʻyicha navbatdagi dars eʼlon qilindi. Lavhada yozishda koʻp xato qilinadigan soʻzlarning maʼno-mazmuni, qoʻllanishi, imlosidagi eʼtiborli jihatlar tushuntirilgan.

Darsda faqat imlo emas, soʻz qoʻllash va tahrir boʻyicha ham maʼlumotlar olasiz.


👉 youtu.be/5uzuFcRB9lA

🌐 Sayt 🛜 Telegram ▶️ YouTube
3.1k 0 8 30
Orif Tolib

17 Feb, 09:17

Open in Telegram Share Report
Savodxonlik darslarini koʻringlar deyman-u sizlarga ))
Video is unavailable for watching
Show in Telegram
O'zbek tilidan savodxonlik darslari
Share your videos with friends, family, and the world
3k 0 4 24
Orif Tolib

16 Feb, 20:26

Open in Telegram Share Report
✅ Qay biri toʻgʻri?
Poll
  •   Tatqiq qilmoq
  •   Tadqiq qilmoq
337 votes
7.9k 1 33 49
Orif Tolib

16 Feb, 20:22

Open in Telegram Share Report
✅ Qay biri toʻgʻri?
Poll
  •   Tatbiq qilmoq
  •   Tadbiq qilmoq
412 votes
7.9k 1 37 57
Orif Tolib

16 Feb, 20:20

Open in Telegram Share Report
✅ Qay biri toʻgʻri?
Poll
  •   Taʼmagir
  •   Tamaʼgir
  •   Tamagir
438 votes
7.6k 1 37 43
Orif Tolib

16 Feb, 20:19

Open in Telegram Share Report
✅ Qay biri toʻgʻri?
Poll
  •   Hujjat
  •   Xujjat
449 votes
7.2k 1 33 35
Orif Tolib

16 Feb, 08:00

Open in Telegram Share Report
Video is unavailable for watching
Show in Telegram
Ziyolilarni ham adashtiradigan so‘zlar | 5️⃣8️⃣-dars | Oʻzbek tilidan savodxonlik darslari

👉 YouTubeʼda koʻrish

🌐 Sayt 🛜 Telegram ▶️ YouTube
8.7k 1 73 30
Orif Tolib

15 Feb, 16:15

Open in Telegram Share Report
✅ Qay biri toʻgʻri?
Poll
  •   Chiroyli hulq
  •   Chiroyli xulq
3.9k 0 15 56
Orif Tolib

15 Feb, 16:15

Open in Telegram Share Report
✅ Qay biri toʻgʻri?
Poll
  •   Hushyor
  •   Xushyor
3.7k 0 20 64
Orif Tolib

15 Feb, 12:49

Open in Telegram Share Report
Forward from: Bolalar yozuvchisi
Video is unavailable for watching
Show in Telegram
Prezident bilan uchrashish katta masʼuliyat, ayni vaqtda, katta imkoniyat.
3.6k 0 13 106
Orif Tolib

14 Feb, 09:45

Open in Telegram Share Report
Xalqaro konferensiya axborot xati.pdf
336.2Kb
Xalqaro konferensiyaga maqolalar qabuli boshlandi!

Alisher Navoiy nomidagi Toshkent davlat oʻzbek tili va adabiyoti universitetida oʻtkaziladigan “Turkiy xalqlarning maʼnaviy integratsiyasi: tili, adabiyoti va madaniyati” mavzusidagi xalqaro konferensiyaga maqolalar qabuli boshlandi.

Konferensiyaning asosiy yoʻnalishlari:

1️⃣ Turkiy xalqlar adabiyoti va xalq ogʻzaki ijodi masalalari.

2️⃣ Hozirgi turkiy tilshunoslikning dolzarb muammolari.

3️⃣ Madaniyatlararo muloqotda turkiy tillar va tarjimashunoslik.

4️⃣ Turkiy xalqlarning umumiy madaniy merosi.

5️⃣ Madaniy hamkorlikning taʼlim tizimidagi oʻrni: til va adabiyot.

6️⃣ Turkiy tillar taraqqiyoti va zamonaviy lingvodidaktika masalalari.

7️⃣ Turkiy xalqlar adabiyotini oʻqitishda zamonaviy yondashuvlar.

Oʻtkazilish sanasi: 30.05.2025
Maqola qabul qilish tugaydigan muddat: 10.05.2025

Kengroq maʼlumotni axborot xatidan olishingiz mumkin.

🌐 Sayt 🛜 Telegram ▶️ YouTube
5.7k 0 82 24
Orif Tolib

13 Feb, 10:40

Open in Telegram Share Report
Uch daryodan suv ichgan dengiz

Erkin Vohidov “Soʻz latofati” kitobida yozadi:

Oftob chiqdi, quyosh chiqdi, kun chiqdi,
Mehr-u shams-u xurshidi gardun chiqdi.

Bir zamon bolalar uchun aytilgan shu joʻngina va gʻoʻrgina ikki satrning oʻzida quyoshning oltita nomini topasiz! Sanoqni yana davom ettirish mumkin. Olimlar, topib bering, qaysi tilda quyoshning oʻndan ortiq ismi bor! Qaysi tilda osmonni kamalak ranglaridek yetti xil nom bilan ataydilar? Osmon, falak, samo, charx, gardun, fazo, koʻk… Bular dafʼatan xayolga kelganlari xolos! Arsh, davvor, minu singari kam ishlatiladigan xos soʻzlar ham sanalsa roʻyxat yanada uzayadi.

Maʼnodosh soʻzlarimizning koʻpligiga sabab bor. Oʻzbek tili uch daryodan suv ichgan. Diniy, ilmiy, ijtimoiy atamalarimiz asosan arab tilidan, koʻpgina ish qurollarimiz, jomadon, xokandoz, dastshu, jomashu, dazmol, qogʻoz kabi hunarmandlikka oid soʻzlarimiz, shuningdek, yuksak sheʼriy uslubga xos suxanlar fors tilidan kelgan. Lekin bu qatʼiy qoida emas. Aksar holat desak toʻgʻriroq boʻladi. Arab tilidan oʻtgan narsa va buyum nomlari ham tilimizda koʻp: aroba, musallas, istehkom, qalam singari. Shuningdek, fors tilidan kirgan falsafiy atamalar ham talaygina. Javonmard, sarbador, charxi kajraftor, oyinayi Iskandar va hokazo...

Navoiyning soʻz boyligi beqiyos. Sababi hazrat fors tilini qanchalar mukammal bilsalar – oʻz eʼtiroflari boʻyicha: “fors alfozin kishi mendin koʻprak bilmaydur” – arab tilini ham shu qadar barkamol egallaganlar va ularni toʻla istifoda etganlar...

🌐 Sayt 🛜 Telegram ▶️ YouTube
4.6k 1 23 60
Orif Tolib

13 Feb, 10:32

Open in Telegram Share Report
Oʻz oyogʻiga bolta urish

Oxirgi paytlarda arab tilini, baʼzan fors tilini kamsitish, bu tildan kirgan oʻzlashmalarga olayib qarash kabi holatlar uchrayapti. Tilimizga tabiiy singgan, oʻzbekcha boʻlib ketgan soʻzlar, qaysi tildan kirgan boʻlishidan qatʼi nazar, hurmatga arziydi. Agar arabcha soʻzlarni ishlatmaymiz desak, lugʻatimizning juda koʻp qismidan ayrilamiz, hatto eplab gapira olmay qolishimiz ham mumkin.

Erkin Vohidov oʻzbek tilining soʻz boyligi, ifoda imkoniyatlari haqida gapirar ekan tilimizni uch daryodan suv ichgan dengiz deya taʼriflaydi va bu daryolarsiz oʻzbek tili Orol dengizi kabi qurishini taʼkidlaydi.

Til tozaligi uchun kurash boshqa, oʻz oyogʻiga bolta urish boshqa. Til sandigʻimizdan munosib joy olgan arabcha, forscha soʻzlar oʻz soʻzlarimizdir. Bunday boylikdan voz kechish yoki voz kechishga chaqirish farosatli odamning ishi emas.

🌐 Sayt 🛜 Telegram ▶️ YouTube
4.5k 0 27 91
20 last posts shown.