Digital.uz

❇️ Saudiya Arabistonida IT Park Uzbekistan vakolatxonasi ochildi

✅ 16-dekabr kuni Saudiya Arabistoning Ar-Riyod shahrida IT Park Uzbekistan vakolatxonasining rasmiy ochilish marosimi bo‘lib o‘tdi, bu O‘zbekiston va Saudiya Arabistoni o‘rtasida axborot texnologiyalari sohasidagi hamkorlikni chuqurlashtirishda muhim bosqich bo‘ldi. Tadbir Ar-Riyoddagi The Garage innovatsion maydonida Plug and Play Riyadh ko‘magida bo‘lib o‘tdi.

Ochilish marosimida O‘zbekiston raqamli texnologiyalar vaziri Sherzod Shermatov nutq so‘zladi.

💬 "O‘zbekiston va Saudiya Arabistoni innovatsion ekotizimlari o‘rtasidagi ikki tomonlama aloqalar jadal sur’atlar bilan rivojlanib bormoqda, bu mintaqadagi sheriklarning mamlakatimizning jadal rivojlanayotgan texnologik sektoriga bo‘lgan qiziqishini aks ettiradi," – dedi Sherzod Shermatov.

📌 Vazirning ta’kidlashicha, bunday tashabbuslar nafaqat iqtisodiy hamkorlikni mustahkamlaydi, balki yangi ish o‘rinlarini yaratishga ko‘maklashadi, mahalliy mutaxassislarning kasbiy o‘sishi va rivojlanishi uchun imkoniyatlar ochadi.

Batafsil: 👉 https://digital.uz/news/view/30571/

📩Telegram 📱Facebook 📱 Instagram 📺Youtube 🌐 LinkedIn 🐦 X

✅ Raqamlashtirish vaziri “Internet Governance Forum”ida ishtirok etdi

🔴Raqamli texnologiyalar vaziri Sherzod Shermatov Saudiya Arabistonida bo‘lib o‘tayotgan “Internet Governance Forum”ida qatnashdi. 

💬 Vazir Forum doirasida tashkil etilgan “From Summit of the Future to WSIS+20” yalpi majlisida nutq so‘zladi.

📌 Ma’lumot uchun: “Internet Governance Forum” (IGF) – BMT tashabbusi bilan 2006-yilda tashkil etilgan platforma bo‘lib, unda internetni boshqarishga doir masalalar muhokama qilinadi. Forum internet foydalanuvchilari, hukumatlar, xususiy sektor, fuqarolik jamiyati va akademik doira vakillari o‘rtasidagi muloqot uchun ochiq maydon vazifasini bajaradi.

Batafsil: 👉 https://digital.uz/news/view/30570/

📩Telegram 📱Facebook 📱 Instagram 📺Youtube 🌐 LinkedIn 🐦 X

🔵 Datavolt kompaniyasi Bosh ijrochi direktori bilan O‘zbekistonning IT autsorsing salohiyatini targ‘ib qilish bo‘yicha qo‘shma tashabbuslarni amalga oshirish masalalar muhokama qilindi

🏷 Raqamli texnologiyalar vaziri Sherzod Shermatov Saudiya Arabistonida Datavolt kompaniyasi Bosh ijrochi direktori Rajit Nanda bilan uchrashdi.

📝 Unda hamkorlikda amalga oshirilayotgan ma’lumotlar markazini qurish jarayonlari va malakali mutaxassislarni tayyorlash bo‘yicha muzokaralar olib borildi.

➡️ Uchrashuvda kompaniya bilan hamkorlikda “Yashil” ma’lumotlar markazi loyihasining 1-bosqichi bo‘yicha amalga oshirilayotgan ishlar yuzasidan fikr almashildi.

Batafsil: 👉 https://digital.uz/news/view/30518/

📩Telegram 📱Facebook 📱 Instagram 📺Youtube 🌐 LinkedIn 🐦 X

👍 Oktabr va noyabr oylarida 112 ta eksportga yo‘naltirilgan kompaniya IT Park a’zosi bo‘ldi, ulardan 59 tasi AQSh, Kanada, Buyuk Britaniya, Yaponiya, Xitoy, Shveytsariya va boshqa davlatlardan xorijiy kapitalli kompaniyalar

📈 Asosiy faktlar:

- Yangi eksportchilar asosan IT va biznes xizmatlarini taqdim etishga e'tibor qaratmoqda.
- Dastlabki yil ichida 2,500+ yangi ish o‘rni yaratiladi, jumladan, mintaqaviy hududlarda – mahalliy mutaxassislar yetakchi xalqaro kompaniyalarga qo‘shilish va global bozorda ishlash imkoniyatiga ega bo‘ladi.
- Asosiy eksport bozorlari: AQSh, Kanada, Yevropa va Osiyo.

Batafsil: 👉 https://digital.uz/news/view/30499/
______

👍 During October and November, 112 export-oriented companies have become IT Park members, including 59 companies with foreign capital from the USA, Canada, the UK, Japan, China, Switzerland, and other countries

📈 Key Facts:

- New exporters mostly focus in providing IT and business services.
- 2,500+ new jobs will be created wihin the first year of activity, including in regional areas -- local specialists have the opportunity to join the leading international companies and work on the global market.
- Main export markets: the USA, Canada, Europe, and Asia.

In detail: 👉 https://digital.uz/en/news/view/30499/

📩Telegram 📱Facebook 📱 Instagram 📺Youtube 🌐 LinkedIn 🐦 X

⚖️ “Korrupsiyaning oldini olish va unga qarshi kurashish sohasida davlat siyosatini amalga oshirish” mavzusida targʻibot tadbiri bo‘lib o‘tdi

📌9-dekabr – Xalqaro korrupsiyaga qarshi kurashish kuni munosabati bilan respublikada o‘tkazilayotgan Aksilkorrupsiya oyligi doirasida Raqamli texnologiyalar vazirligi rahbariyati, shuningdek, vazirlik tizimidagi korxona, tashkilot, muassasalarning rahbar-xodimlari ishtirokida “Korrupsiyaning oldini olish va unga qarshi kurashish sohasida davlat siyosatini amalga oshirish” mavzusida targʻibot tadbiri tashkil etildi.

📝 Tadbirda “Raqamli texnologiyalar vazirligi va uning tizimidagi tashkilot va muassasalarining 2024 yildagi faoliyati sarhisob qilindi.

🔒 Kelgusida korrupsiyaga qarshi kurashish tizimi samaradorligini oshirish, korrupsiyaviy harakatlarni o‘z vaqtida aniqlash, ularga barham berish, ularning oqibatlari, keltirib chiqaruvchi sabab va shart-sharoitlarning oldini olish hamda ularni o‘z vaqtida bartaraf etish masalalari muhokama qilindi.

Batafsil: 👉 https://digital.uz/news/view/30334/

📩Telegram 📱Facebook 📱 Instagram 📺Youtube 🌐 LinkedIn 🐦 X

🇺🇿 Gender tenglik va boshqaruv indeksi (GEGI) da Oʻzbekiston 103-oʻrindan 52-oʻringa koʻtarildi

Gender tenglik va boshqaruv indeksi (GEGI) beshta asosiy sohada gender tengsizlikni baholab kelmoqda.

Boshqaruv, taʼlim, IT, mehnat, tadbirkorlik va zoʻravonlikni oldini olish sohalarida erishilgan ijobiy natijalarga koʻra Oʻzbekiston 103-oʻrindan 52-oʻringa koʻtarildi.

Ushbu indeks 158 mamlakatni qamrab olib, gender tenglikka erishish yoʻlida muvaffaqiyat va kamchiliklarni aniqlash imkonini beradi.

Oʻzbekistonning mazkur xalqaro reytingda yuqori oʻringa koʻtarilishida quyidagilar asosiy omil sifatida qayd etilgan.

1. Taʼlimga teng imkoniyatlar yaratish:

• Onlayn taʼlim platformalari orqali qishloq va chekka hududlardagi qizlarga zamonaviy bilim olish imkoniyati yaratildi.
• Bir million o’zbek dasturchilar loyihasi va boshqa loyihalar qizlarning IT sohasida bilim olishiga yordam bermoqda.

2. Ayollarni iqtisodiy jihatdan mustahkamlash:

• Elektron tijorat va frilansing platformalari xotin-qizlarga yangi ish imkoniyatlari ochmoqda.
• Ayollar uchun onlayn tadbirkorlik treninglari tashkil qilinmoqda.

3. Gender zoʻravonlikka qarshi kurashda texnologiyalar:

• Maxsus ilovalar va issiq liniyalar ayollarga zoʻravonlikdan himoya boʻyicha yordam koʻrsatmoqda.

4. Gender maʼlumotlarining ochiqligi:

• Oʻzbekistonning ochiq maʼlumotlar portali gender tengsizlik boʻyicha statistik maʼlumotlarning ochiqligini taʼminlab, Open data watch reytingida yuqori oʻrinlarni egallashiga yordam berdi.

5. Ayollarning IT va STEM sohalarida faolligini oshirish:

• IT Park va boshqa tashabbuslar ayollarni IT va STEM sohalariga jalb qilish uchun keng imkoniyatlar yaratmoqda. Texnologiya gender tenglikni taʼminlashda qudratli vosita boʻlib, Oʻzbekistonning xalqaro reytinglardagi oʻrnini mustahkamlashda hal qiluvchi ahamiyat kasb etmoqda. Ayniqsa, ayollarning IT sohasidagi ishtirokini kuchaytirish davlatning strategik maqsadlari qatoriga kiradi.

📩Telegram 📱Facebook 📱 Instagram 📺Youtube 🌐 LinkedIn 🐦 X