Исмоилова Дилдора Уктамовна

#Қутлов

8-март — Халқаро хотин-қизлар куни муносабати билан давлатимиз раҳбарининг Фармонига кўра, мамлакатимизда аёлларимизга муносиб эҳтиром кўрсатиш ва уларнинг давлат ҳамда жамият ҳаётидаги роли ва нуфузини мустаҳкамлаш мақсадида бир гуруҳ фаол хотин-қизларимиз юксак мукофотлар билан тақдирланди.

Улар орасида ўзининг кўп йиллик самарали меҳнати, юқори касбий маҳорати ва ибратли ташаббуслари билан Янги Ўзбекистонни барпо этиш, халқимиз фаровонлигини ошириш, оилаларда маънавий-ахлоқий муҳитни мустаҳкамлаш шунингдек фарзандларимизни Ватанга муҳаббат, садоқат ва умуминсоний қадриятларга ҳурмат руҳида тарбиялашга муносиб ҳисса қўшаётган аёлларимиз кўпчиликни ташкил этади.

Аҳамиятлиси, II даражали «Саломатлик» ордени билан тақдирланганлар сафида Хоразм вилоят Кенгаши депутати Дилдора Исмоилованинг ҳам эътироф этилгани барча партиядошларимиз учун қувончли янгилик бўлди.

Дилдора Исмоилованинг фидокорона фаолиятига эътирофни барча депутатларимиз ва партиядошларимизга бўлган катта ишонч, деб биламиз. Шу боис, ушбу юксак мукофот партиямиз аъзоларини янада фаол бўлишга ундайди.

Фурсатдан фойдаланиб, Дилдора Исмоиловага партиямизнинг нуфузини юксалтириш, ғоя ва мақсадларини амалга ошириш йўлида минглаб партиядошларимиз учун ибрат бўлиб, куч-ғайрат билан фидойилик кўрсатиб келаётгани учун самимий миннатдорчилик билдирамиз ҳамда келгуси фаолиятида бундан-да улкан ютуқлар тилаб қоламиз!

👉 @dildoraismoilova1

#Депутат_фаолиятидан

Халқ депутатлари Хоразм вилоят Кенгаши депутати Дилдора Исмоилова Ўктамовна 

Қўшкўпир туманидаги  "Чаманзор" маҳалласида яшовчи сайловчилари билан учрашиб, уларни ўйлантириб келаётган муаммоларини ўрганди.
Сайловчилар билан суҳбатлашилганда, Чаманзор махалласидан ўтган захкашларнинг кўмилиб колганлиги сабабли аҳоли томорқаларига захнинг ва шўрланишнинг ўтиб қолиши оқибатида, томорқа экинлари нес-нобуд бўлаётганидан азият чекаётганликларини таъкидлаб ўтишди. Маҳалла драйвери деҳқончилик ва чорвачилик эканлиги аммо аҳолининг қишлоқ хўжалик маҳсулотларини етиштиришда суғориш учун оқар сув етишмовчилиги муаммосидан қийинчилик ва муаммоларга дуч келинаётгани аҳоли томонидан баён этилди.
Шунингдек, аҳолининг оқова-ичимлик сувининг марказий-магистрал  кувирлардан  маҳаллаларга ўтган ички водоправод қувурларининг чириб-эскириб кетганлиги, таъмирталаб ахволда эканлиги сабабли аҳолининг ичимлик суви билан таъминланишида бир қатор қийичиликлар юзага келаётганлигини эътироз этишди.
Маҳаллада истиқомад қилувчи 2-гуруҳ ногирони Аллаберганова Элнур юрак клапанлари етишмовчилиги-стенози  билан жарроҳлик амалиёти ўтказишда, шу билан бирга, иктисодий ва ижтимоий кам таъминланган оилалар рўйхатидаги Саидовлар оиласининг қизи Саидава Дурдибийини Қалқонсимон бези ва бўйин лимфа тугуни ҳавфсиз ўсмасида жарроҳлик амалиёти ўтказишда амалий ёрдам олиш,  Каримова Маҳлиё ва Усмонова Моҳиралар ҳамширалик иши мутахасислиги бўйича, Болтаев Ражаббой ишсизлик юзасидан  ишга жойлаштиришда ёрдам сўраб қилган мурожаатлари депутат томонидан эътиборга олинди ва ечимини топиш чоралари оғзаки ва депутатлик сўровлари орқали  бошлаб юборилди.

Бизни кузатиб боринг

👉 @dildoraismoilova1

Мурожаатлар ижобий ечим топади
          Халқ депутатлари Хоразм вилоят Кенгаши депутати Дилдора Исмоилова  Қўшкўпир туманидаги  "Баҳористон" маҳалласида яшовчи сайловчилари билан учрашиб, уларни ўйлантириб келаётган муаммоларини ўрганди.
     Депутат даставвал  маҳалла фаолияти билан танишди, жумладан, маҳалла таркибида 703 та хонадон, 996 та оила,  ногиронлиги бўлган фуқаролар 79 нафарни,  ишсизлар сони 50 нафар, шундан 40 нафарини аёллар ташкил қилади.
       Сайловчилар билан суҳбатлашилганда, маҳалла драйвери деҳқончилик ва чорвачилик эканлиги аммо аҳолининг қишлоқ хўжалик маҳсулотларини етиштиришда суғориш учун оқар сув етишмовчилиги муаммосидан қийинчилик ва муаммоларга дуч келинаётгани аҳоли томонидан баён этилди. Шунингдек, Ойбек кўчасининг йўли таъмирталаб аҳволга келиб қолгани боис, аҳоли ва йўловчилар ёмғирли кунларда азият чекишаётгани тўғрисида эътирозлар бўлди. 
        Соҳиба Саидованинг боқувчиси йўқлиги, қарамоғида 2 нафар фарзанди борлиги битта фарзанди туғма ногирон экани лекин доимий яшаш жойи  ва доимий иш жойи йўклиги, ажримдан олдин ва кейин алимент учун суд ижроси таъминланмаганлиги, ижтимоий аҳволи қониқарсизлиги аммо “аёллар” ёки  “темир” дафтарга киритилмаганлиги тўғрисида баён этиб, амалий ёрдам сўради.
      Юлдуз Бобожонованинг тикувчилик қилиши учун тикув машинаси, Ҳолида  Давлетованинг бокувчиси йўқлиги ва қорамоғида туғма касалманд  фарзанди борлиги сабабли қулай бўлган  ишга жойлаштир, Оқилжон Ражабованинг 3-гуруҳ ногирон фарзанди  Иноят Қаҳҳоровани ногиронлик гуруҳини қайта кўриб беришларини сўраб қилган мурожаатлари депутат томонидан эътиборга олинди ва ечимини топиш чоралари оғзаки ва депутатлик сўровлари орқали  бошлаб юборилди.
     Бир сўз билан айтганда,  депутатнинг бу каби саъй ҳаракатлари  сайловчиларнинг ўз ҳаётидан рози бўлиб яашлари учун хизмат қилади.

                                                                                                     Замира АБДУЛЛАЕВА,
                                                                                                                   “Адолат” СДП                                                Хоразм вилоят Кенгаши матбуот котиби.

бизни кузатиб боринг

👉 @dildoraismoilova1