Чуст тумангаз булими

#Биласизми

Жисмоний ва юридик шахсларнинг мурожаатлари тўғрисидаги қонунни бузган мансабдорларга қандай жавобгарлик бор?

✅ Қонунчиликка кўра, қуйидаги ҳаракатлар жисмоний ва юридик шахсларнинг мурожаатлари тўғрисидаги қонун ҳужжатларини бузиш ҳисобланади:

• мурожаатларни қабул қилиш ва кўриб чиқишни қонунга хилоф равишда рад этиш;
• мурожаатларни кўриб чиқиш муддатларини узрли сабабларсиз бузиш;
• мурожаатларга ёзма ёхуд электрон шаклда жавоб юбормаслик;
• мурожаатлар тўғрисидаги қонун ҳужжатларига зид қарор қабул қилиш;
• жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик.

🔺Ушбу ҳаракатларни содир этиш мансабдор шахсларга 223 минг сўмдан 669 минг сўмгача миқдорда жарима солишга сабаб бўлади.

Каналга уланиш👇👇👇
https://t.me/huquqiyaxborot

❗️Бир қатор йўналишлар фаолиятини қайта бошлаш учун рухсат берилади

Инқирозга қарши курашиш республика комиссияси қарори билан эпидемия шароитида иқтисодиёт тармоқларининг барқарор ишлашини таъминлаш, аҳоли ўртасида ишсизлик ошиб кетишининг олдини олиш ҳамда бюджет тушумларини таъминлаш учун иқтисодиётнинг қатор йўналишлари фаолиятига рухсат берилмоқда:

✅қурилиш материаллари бозорлари, шу жумладан, қурилиш материалларининг чакана ва улгуржи савдоси фаолияти билан шуғулланувчи хўжалик юритувчи субъектларга (майдони 500 кв.м дан кам бўлмаган);

✅йирик ишлаб чиқарувчи субъектларнинг ўз маҳсулотларини сотишга мўлжалланган ҳудудлардаги тармоқ дўкон (магазин)ларига (санитар нормаси 10 кв.м га 1 нафар харидор тартиби асосида);

✅ҳунарманд ва усталарга – улар томонидан ясалган буюмларни бозор расталаридан ташқари алоҳида жойлашган жойда (дўкон) сотиш фаолиятига;

✅уруғ ва кўчат етиштириш ҳамда уларни сотиш фаолияти билан шуғулланадиган тадбиркорлик субъектларига (мулкчилик шаклидан қатъий назар);

✅тижорат банкларининг объектлардаги шаҳобчаларига (кассалари);

✅автомобилларга эҳтиёт қисмлар сотиш фаолияти билан шуғулланадиган тадбиркорлик субъектларига (мулкчилик шаклидан қатъий назар);

✅автомобиллар, қишлоқ хўжалиги ва қурилиш техникаларига сервис хизмат кўрсатувчи ташкилотларга – 1000 кв.м дан кам бўлмаган майдонга эга субъектлар, шунингдек, вулканизация хизматлари кўрсатувчи субъектларга;

✅кимёвий тозалаш билан шуғулланувчи тадбиркорлик субъектларига;

✅нотариал идоралар ва суғурта компанияларини фаолият юритишига;

✅тўхтаб қолган инвестиция лойиҳалари ва ижтимоий соҳа объектларини қуриш ишларини давом эттиришига ижозат берилгани шулар жумласидан.

Батафсил

Эҳсоннинг ўзгача усули

Мажбурий ижро бюроси Тошкент вилояти бошқармасининг хабар беришича, вилоятда фаолият юритувчи ва истиқомат қилувчи бир нечта саҳоватпеша тадбиркорлар эҳтиёжманд аҳолига эҳсон қилишнинг ўзига хос усулини қўллашаётган экан.

Жумладан, тадбиркорлар кам таъминланган деярли 150 та хонадоннинг 100 миллион сўмга яқин коммунал тўловларини амалга ошириб беришибди.

Ҳозирги мураккаб бир даврда саҳоватпеша инсонлар аҳолига нафақат кундалик озиқ-овқат маҳсулотлари олиб беришмоқда, балки ҳар куни фойдаланадиган энергия ресурсларининг ҳаққини тўлашга амалий ёрдам кўрсатишаётгани таҳсинга лойиқ.

Зора ушбу хабардан кейин юртимизнинг бошқа чеккаларида ҳам савобталаб ҳамюртларимиз бу каби ташаббусни давом эттиришса не ажаб...
 

👉 @xushnudbek 👈