Vazirlar Mahkamasining “Davlat organlari va tashkilotlarining ochiqlikni ta’minlash sohasidagi normativ-huquqiy hujjatlarda belgilangan majburiyatlarga rioya etilishini masofadan monitoring qilish tartibi to‘g‘risidagi nizomni tasdiqlash haqida”gi qarori imzolandi

Korrupsiyaga qarshi kurashish agentligi tomonidan ishlab chiqilgan Qaror bilan davlat idoralarining ochiqlikni ta’minlash sohasidagi majburiyatlarga rioya etilishini masofaviy monitoring qilish tartibi to‘g‘risidagi nizom tasdiqlandi (910-son, 30.12.2024 y.).

Nizomda masofaviy monitoring qilish, natijalarini rasmiylashtirish, ko‘rib chiqish tartibi va muddatlari belgilandi.

Shuningdek, Qaror bilan Ochiq ma’lumotlar sifatida joylashtirilishi kerak bo‘lgan ijtimoiy ahamiyatga molik ma’lumotlarning namunaviy shakllari tasdiqlandi.

Namunaviy shakllar O‘zbekiston Respublikasi Prezidentining PF-6247-son farmoni bilan tasdiqlangan Ochiq ma’lumotlar sifatida joylashtirilishi kerak bo‘lgan ijtimoiy ahamiyatga molik ma’lumotlarning ro‘yxatiga kiritilgan 40 toifadagi ma’lumotlar asosida ishlab chiqilgan.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt