Bibliofil | Akmal Turdaliyev

Habromania – o’zini baxtli his qilish illyuziyasi.

Kitob sovgʻa qilgan men 😉

Bugun Zakovat Quizda birinchi oʻrinni oldik. Ikkita kitob berdi menga,(qolganlarga bittadan) oʻsha kitoblarni ertaga oʻyinlar oʻtkazib silarga beraman 😉

Ertagacha reaksiya bosib, kommentda tabriklab tursalaring boʻladi 😁

@bibliofilllll

Camila – Qayerga ketayotganimni bilmayman, ammo aynan hozir, bu yerda to’xtolmayman degan o’y.

@bibliofilllll

Lekin foydali postlar oʻqib qoʻysangiz zarar qilmaydi 😉

Bunaqa postlarimga ozgina chidab tursalaring yangi kanalga olib chiqib ketaman. 🦷

#tish_duxtir_kundaligi

Yuvenil gingivit – bu o‘smir yoshdagilar orasida keng tarqalgan milk (gingiva) yallig‘lanishi bo‘lib, asosan gormonal o‘zgarishlar, yomon og‘iz gigiyenasi va bakterial infektsiyalar sabab bo‘ladi. Bu kasallik 10-25 yosh oralig‘ida ko‘proq uchraydi.

Sabablari

1. Gormonal o‘zgarishlar – o‘smirlik davrida jinsiy gormonlar (estrogen va testosteron) ko‘payishi milkning yallig‘lanishga moyilligini oshiradi.

2. Og‘iz gigiyenasining yaxshi emasligi – tishlarning yaxshi tozalanmasligi natijasida tish toshlari va blyashkalari yig‘ilib, bakteriyalar ko‘payadi.

3. Ortodontik muolajalar – breketlar yoki boshqa ortodontik qurilmalar tishlarni tozalashni qiyinlashtirishi mumkin.

4. Vitamin va minerallar yetishmovchiligi (ayniqsa, C va D vitaminlari) gingivit rivojlanishiga sabab bo‘lishi mumkin.

5. Genetik moyillik – ayrim odamlarda gingivitga nisbatan irsiy moyillik bo‘lishi mumkin.

Belgilari

– Milklar qizarishi va shishishi

– Qonash – asosan tish yuvish yoki ovqat chaynov paytida paydo bo‘ladi

– Og‘riq va noqulaylik

– Og‘izdan yoqimsiz hid kelishi (galitoz)

– Tishlar atrofida blyashka va tish toshlari to‘planishi

Davolash va profilaktika

1. Og‘iz gigiyenasini yaxshilash – kuniga kamida ikki marta tish yuvish va ip yordamida blyashkalarni tozalash kerak.

2. Professional tozalash – tish shifokori tomonidan har 6 oyda bir marta tishlarni tozalatish tavsiya etiladi.

3. Sog‘lom ovqatlanish – vitaminlarga boy mahsulotlar iste’mol qilish (sabzavotlar, mevalar, sut mahsulotlari).

4. Ortodontik konstruksiyalar – agar breket bo‘lsa, maxsus tozalovchi vositalardan foydalanish kerak.

5. Antiseptiklar bilan chayish – yallig‘lanishni kamaytirish va bakteriyalarni yo‘qotish uchun dorivor eritmalar bilan og‘iz chayqash tavsiya etiladi.

@bibliofilllll

#tish_duxtir_kundaligi

Perikaronarit – bu tish atrofidagi yumshoq to‘qimalar, ya'ni milkning tish chiqishi jarayonida yoki boshqa patologik holatlar sababli yuzaga keladigan yallig‘lanishidir. Ko‘pincha bu holat aql tishlari (uchinchi molyarlar) chiqishi paytida kuzatiladi.

Perikaronaritning asosiy sabablari

1. Tish chiqishi qiyinlashishi – tish to‘liq chiqa olmay, milk ostida qolib ketganda, yallig‘lanish jarayoni rivojlanadi.

2. Og‘iz gigiyenasining buzilishi – bakteriyalar yig‘ilishi sababli infeksiya kelib chiqadi.

3. Travma – tish chiqarish hududidagi milkni qattiq oziq-ovqat yoki boshqa sabablar bilan shikastlanishi.

4. Immunitetning pasayishi – tananing infeksiyaga qarshi kurashish qobiliyati susayganda.

Simptomlari

– Milkning shishishi va qizarishi.

– Og‘riq, ayniqsa chaynash paytida.

– Milk ostida qattiq yoki suyuqlik bilan to‘lgan yiringli joyning paydo bo‘lishi.

– Og‘iz ochishda qiyinchilik.

– Tana haroratining ko‘tarilishi (og‘ir holatlarda).

– Yoqimsiz hid yoki ta’m sezilishi.

Davolash

1. Gigiyenani yaxshilash – tish va milkni toza saqlash.

2. Yallig‘lanishga qarshi preparatlar – og‘riqni kamaytirish va yallig‘lanishni bartaraf qilish uchun.

3. Antibiotiklar – infeksiya tarqalishini oldini olish uchun (faqat shifokor tavsiyasi bilan).

4. Jarrohlik aralashuvi – og‘ir holatlarda milkning bir qismini olib tashlash yoki yiringni tozalash.

5. Tishning olib tashlanishi – zarurat bo‘lsa, to‘liq chiqa olmayotgan tish olib tashlanadi.

@bibliofilllll

Eccedentesiast – Dardini ichiga yashiradigan odam.

P.s.Bir nimalar oʻqib yuramanda, hech foydasi tegmasa kerak shularni.

Nyctophilia – tun, yo zulmatni sevish, qorong’ulikdagina o’zini hotirjam sezish.

Ilunga – O’ziga nisbatan qilingan yomonlikni birinchi va ikkinchi marta kechiradigan, ammo uchinchi marta hech qachon kechirolmaydigan odam.

Ya'ni men 🌚

Agape – Muhabbatning eng yuksak ko’rinishi. O’zini va hatto sevgilisini ham unutib sevish. Sevgi bu hamma narsa deb o’ylash.

P.s. Bunaqa sevgi faqat kitoblarda boʻlsa kerak, yoki kimdirda boʻlganmi shunaqasi?

Drapetomania – muhitdan, o’zi yashab turgan joydan hech bir sababsiz olislarga qochib ketish istagi.

P.s. Hech yoʻq bir marta boʻlsa ham hayolizga kelgana...

Atelophobia – men hech qachon odam bo’lmayman, mendan tuzuk shaxs chiqmaydi, deya o’zini ishontirish va qo’rqish

P.s. Kimda shunday qoʻrquv bor?

🤔 bu stikerni bosganlar meni tish doʻxtirligimni bilishmaydi shekilli.

😁

Mana silar tish doʻxtir tish doʻxtir deysilar. Tish doʻxtirlarga mazza deb o'ylashadi. Bitta tishni minde olasan i vsyo. Soqqangni bosasan.
Bo'lmagan gap. G'iybatchilarni g'iybati bu.
Aslida bizga buning uchun tekin sut va sigaret berishlari kerak. 😏

@bibliofilllll

Hayot deganlari o'n sakkiz yoshgacha ekan. Ha ana, nari borsa yigirmagacha davom etadi. Yigirmadan keyin qolgani tirik qolish uchun jangdan boshqa narsa emas...

Miyam to'lgandek, ma'no undan toshib chiqayotgandek, o'qiganlarim og'irlik qilayotgandek tuyulyapti, biroq qani bu kitoblardan kelgan bilim? Men ularni ko'rmayapman, rosti. Men hamon o'sha 15 yashar bolakayligimcha qolgandekman. Shuncha kitob meni aqlli qilib qo'ymadi. Ichimda hamon fitnakor isyonlar, arzon xayollar, ahmoqona savollar uchib yuribdi.

Tushundimki, kitob aqlli qilib qo'ymaydi. U hatto bilim ham bermaydi. Kitob dunyoqarashni o'stiradi, kengaytiradi, xolos. Chunki mening dunyoqarashimga qattiq ta'sir qildi u.
Endi Kant fikrlarini Aristotel fikrlari bilan solishtirib, o'zimni qiynamayman. Ortiq toqatim qolmadi. Nega voqea bunday bo'ldi ham demayman. Fikrlarim o'zimga yetarli, ularni ortiqcha zo'rlash, kitob o'qiyapman, demak aqlli bo'lishim kerak deb o'zimdan daho yasash majolimni so'rib oldi.

Endi faqat o'zga odamlar-qahramonlarning dunyolariga sayohat qilish uchun, tinchlanish va dunyoqarashimning kengayayotganini sezib huzur tuyish uchungina o'qiyman. Zotan, bu huzur ham oddiy narsa emas. Mutolaada ham biroz realist bo'lish kerak ekan.

@bibliofilllll