***

Ўткан ҳафтанинг энг қизиқарли янгиликларидан бири Кембриж университети домлалари томонидан 75.000 йил олдинги бир неандертал аёл юзининг 3D кўринишда тиклангани бўлди.

Ироқ Курдистонинг Шанидар ғоридан 2018 йил қазиб олиниб тикланган бу неандертал шартли равишда Shanidar-Z деб номланади. 1960 йил, бу ғордаги илк қазишмалар бошланганда ўрам шаклида қўмилган 4 дона неандертал қолдиқлари топилган (тортишмали таҳминларга кўра, уларнинг устидан гулчангидан ҳам қўйилган экан).

Shanidar-Z ҳам қазиб олинган тадқиқотлар эса 2011 йилдан бошланган бўлиб, Shanidar-Z – бу тадқиқотларда топилган неандерталларнинг бешинчиси бўлади. Айтилишича, Shanidar-Z'нинг жинси ва ёши (40 ёшлар атрофида) тиш эмали оқсилларидан аниқланган.

Шанидардан неандерталлардан сўнг ўзимизникилар (homo sapiens) ҳам фойдаланишган. Бу эса, инсон эволюциясидаги катта саволларни ечишда идеал лаборатория бўлиб хизмат қилади, дейилмоқда.

Shanidar-Z ҳақида батафсил: https://www.cam.ac.uk/stories/shanidar-z-face-revealed

👉Туркистон кутубхонаси👈