"AGORA" o‘quv markazi

#Kun_tarixi

Bugun aslida xotirlash kuni edi...

17-noyabr Xalqaro talabalar kuni 1939-yilgi fojeaviy voqealar xotirasiga bag‘ishlangan. Bu sana talabalar huquqlari, demokratiya va erkinlik uchun kurashni ifodalaydi.

1939-yil 28-oktabr kuni Pragada Chexoslovakiya mustaqilligi kuni nishonlanayotganda natsistlarga qarshi talabalarning norozilik namoyishi bo‘lib o‘tgan. Ushbu voqeada tibbiyot talabalari Jan Opletal va ishchi Václav Sedláček og‘ir yarador bo‘lgan, Sedláček darhol halok bo‘lgan, Opletal esa 11-noyabr kuni hayotdan ko‘z yumgan. Opletalning 15-noyabr kungi dafn marosimi yana yirik norozilik namoyishiga aylangan.

Shundan so‘ng, 17-noyabr kuni natsistlar Chexoslovakiya oliy ta’lim muassasalariga bostirib kirib, 1200 dan ortiq talabani hibsga olib kontslagerlarga yuborgan va to‘qqiz talabani qatl qilgan. Universitetlar esa urush tugaguncha yopilgan​.

1941-yilda ushbu sana Praga talabalariga hamdardlik timsoli o'laroq Londonda Xalqaro talabalar kuni sifatida e’lon qilingan va talabalarning erkinlik va ta’lim uchun kurashini yodga olish uchun nishonlanadi. Bu kun dunyo bo‘ylab talabalar birdamligi va inson huquqlari uchun kurash ramzi sifatida qabul qilingan.

@agoraoquvmarkaz

🗣️ #FIKR

Farzandingizga tanlov qilishni emas, qaror qabul qilishni o'rgating. Bu ularga ikkilanish o'rniga mas'uliyatni o'z zimmasiga olishni o'rgatadi.

@agoraoquvmarkaz

Dars qoldirishlar ko'paymoqda!

Bu hayotda istalgan sohada aniq tizim va intizomsiz hech narsaga erishib bo'lmagan va bo'lmaydi ham. Ayniqsa ta'limda!

Shunday vaqt keladiki, dars qoldirgan, bo'shashib o'qigan, e'tiborsizlik qilgan, hechqisi yo'q bir darsku nima qilibdi deb sekin-asta bir nechta darslarni qoldirgan, ustozning ko'rsatmasini bajarmaganlar albatta hayotning achchiq ko'rsatmalarini indamay bajarishadi...

Qachondir imtihon kuni keladi!

Qachondir ota-onang ham dunyodagi manaman degan yaqining ham test vaqti ko'chada qoladi. Ular umid bilan kutishadi.
Sen va test kitobi yuzma-yuz kelasizlar. Testni varaqlaysan. O'qiysan. Nimalargadir tushunmaysan, eslolmaysan, xatolar qilasan. Boshqa joyda o'tirgan tizimli va intizomli abituriyent bu testni yorib tashlayotgan bo'ladi. Sen ko'zingni pirpiratib uyoqqa qaraysan, buyoqqa qaraysan, o'qimaganingni, hammasi endi bilinishini his qilasan. Kech ekanligini tushunib yetasan. Tashqariga chiqasan, ota-onang umid bilan nima bo'ldi degan ma'noda senga qarashadi. Sen hammasi yaxshi bo'ladi deysan. Ammo ich-ichingdan sezasan, sen hammasini rasvo qilding. Natija esa yana chiqadi. Hammaga ko'rsatib chiqadi.

Natijangni ko'rasan!!!

"Mening nima aybim bor, nima gunohim bor, nimaga aynan men o'qishdan yiqildim" deysan. Eplolsang yig'laysan, yoki ich-ichingdan yig'laysan.

Ota-onangdan so'rashganda ular ham alday boshlaydi. "Qizim, o'g'lim kontraktga kirdi o'qitmadik, xususiy universitetga hal qildik, super qilamiz deyabmiz, endi boshqacha o'qiydi, endi unday, endi bunday" deyishadi.

G'oliblar, tizimlilar, intizomlilar esa kulgancha davom etaveradi...

Sen esa hammasini tushunib yetasan. 😊

@agoraoquvmarkaz

#olimpiada_2024

⚡️ Tarix fanidan olimpiadaning II (tuman, shahar) bosqichi 22-oktabr kuni, III(viloyat) kuni bosqichi 2-3-dekabr boʻlib oʻtadi.

@agoraoquvmarkaz

Nega maslahatlarga amal qilmaymiz?

Onam yoshligimizda doim sovuqda qalpoq kiyib yur deb aytardilar, shamollab boshimni og‘ritganimdan keyingina kiyib yurishni boshlaganman.

Xarajatlaringni yozib, hisoblab yur deyishgandi. Yozib yurilmagan keraksiz xarajatlar ortidan pulsiz qolgunimgacha yozishni boshlamadim.

Sababi maslahat bizga ta’sir qilishi uchun ikkita joyda bog‘lanish yuz berishi kerak:

1. Mantiqiy ratsional miya. Maslahat mantiqan to‘g‘ri bo‘lishi kerak. Misol: Sohangda 4-5x tez rivojlanmoqchi bo‘lsang shu yo‘lni bosib o‘tgan insondan maslahat so‘ra. Chunki xaritasiz yo‘lovchi manzilga kech yetib boradi.

2. Limbik emotsional tizim. Hayotda shu vaziyat boshimizdan o‘tgan va qiynalgan bo‘lishimiz kerak. Misol: Imtihonga tayyorlanamiz, katta ma’lumotlarni eslab qolish kerak, hamma usulni ishlatib ko‘ramiz. Yodlab qololmaganimiz uchun imtihondan yiqilamiz. Bu og‘riq! Endi yodlab qolish haqidagi maslahatlarni diqqat bilan eshitadigan bo‘lamiz.

Biror ishni qilishga rosa qiynalib, keyin shu ish qanday qilinishi haqida video ko‘rgan paytingiz esingizdami? Eslab qolishda muammo bo‘lmagan a?

Biror ishni qilolmay qiynalganimizda, limbik tizimda shu ishni qilish uchun kerakli ilmga nisbatan ochlik hosil bo‘ladi. Shu holatdagi o‘rganish eng samaralisi hisoblanadi. Og‘riqli o‘rganish = tez o‘rganish.

Biror ishni boshlashdan oldin maksimal ma’lumot emas ko‘proq amaliyot kerak bo‘lar ekan. Bo‘lmasa productive procrastinator bo‘lib qolamiz.

Demak, tez o‘rganish uchun ko‘proq o‘rganishga emas ko‘proq bajarishga harakat qilish kerak ekan.

Manba: tarixdan_tomchi

@agoraoquvmarkaz

Ishlanmaydigan bayram kunlari

Quyidagi kunlar ishlanmaydigan bayram kunlaridir:
1-yanvar — Yangi yil;
8-mart — Xotin-qizlar kuni;
21-mart — Navro‘z bayrami;
9-may — Xotira va qadrlash kuni;
1-sentabr — Mustaqillik kuni;
1-oktabr — O‘qituvchi va murabbiylar kuni;
8-dekabr — O‘zbekiston Respublikasi Konstitutsiyasi kuni;
Ro‘za hayit (Iyd al-Fitr) diniy bayramining birinchi kuni;
Qurbon hayit (Iyd al-Adha) diniy bayramining birinchi kuni.



@agoraoquvmarkaz

⚡️Milliy g‘oya, ma’naviyat asoslari va huquq ta’limi yo‘nalishi bitiruvchilari qanday kasblarni egallashlari mumkin?

Faoliyat obyektlari:
➡️ umumiy o‘rta, o‘rta maxsus, professional ta’lim muassasalarida;
➡️ Maktabgacha va maktab ta’limi vazirligi tizimidagi idoralarda;
➡️ O‘zbekiston Respublikasi Fanlar akademiyasi va tarmoq ilmiy-tadqiqot institutlarida;
➡️ davlat boshqaruv organlari, o‘rta, o‘rta maxsus kasbiy ta’limning davlat va nodavlat muassasalarida.

Bitiruvchilar quyidagi kasbiy faoliyat sohalari bo'yicha ishlashlari mumkin:
➡️ Huquq ta'limi fani o‘qituvchisi;
➡️ O‘zbekiston Respublikasi fanlar akademiyasi va tarmoq ilmiy-tadqiqot institutlarida hamda mustaqil tadqiqotchi sifatida ilmiy-pedagogik tadqiqot ishlari bilan shug‘ullanish;
➡️ direktor:
➡️ laborant;
➡️ kabinet mudiri;

📌 @agoraoquvmarkaz