#hayot
Yoshligimdan
“Seni dars o’tishga qobiliyating bor, biror sohani mahkam ushlagin-da, shu sohadan dars ber!”, “Bo’y-bastingga, gavdangga oq xalat yarashadi, doktor bo’lishing kerak”, degan gaplarni eshitsam, yuzim burishardi. Chunki, istaklar boshqacha edi…
Oradan yillar o’tdi, o’z yo’limizni qidirib ko’p yurdik. Ko’p yumishlar bilan shug’ullandik, qilib ko’rmagan ishimiz deyarli qolmadi. Taqdir taqazosi bilan, o’sha payt ishlaydigan sohamni yaxshiroq o’rganay dedim. Shu orada
Najot Ta’lim reklamasini ko’rib, ochiq darsga bordim va haligacha o’sha jamoa bilanman! (Allohga shukur!)
Shu kungacha jami 300ta atrofida o’quvchilar bilan ishlab qo’yibmiz. O’qitdik, o’qityapmiz.
“Yomon ko’rgan narsang oldingga keladi”, deb bejiz aytishmagan ekan )) Lekin hozir, odamlarga bilim berish kasbini yuqtirgan
Allohga beadad hamdlar bo'lsin deyman!
Sizlar yaxshi natijaga erishsangiz, ota-onangiz bilan birdek quvonadigan inson — ustozingiz bo'ladi deyishardi. Yaqin-yaqinlargacha bu gapning mag'zini chaqa olmasdim. Boshdan o'tkazgan bilar ekan...
Ikki yillik mentorlik (o'qituvchilik desa ham bo'ladi) faoliyatim davomida kursdan keyin hayotlari yaxshi tomonga o'zgargan, kasb borasida o'zlari uchun yangi dunyoni ocha olgan o'quvchilarimizdan minnatdorchiliklar eshitdik, mamnun ota-onalardan qo'ng'iroqlar bo'ldi, ota-onalar meni ko'chada ko'rib, xursand kayfiyatda suhbatlashdilar, o'zlari bilan aloqalasha olmasakda, o'quvchilarimiz yaxshi natijaga erishayotganlarini eshitib, ko'rib boryapmiz...
Bilasizmi, eshitgan gapimiz haqiqat ekan! Siz ozgina bo'lsa ham ta'lim bergan kishingiz qandaydir yaxshi natija ko'rsatsa, o'zingiz yutuqqa erishgandek quvonar ekansiz! Bu xursandchilikni telegram satrlarida ta'riflab berish juda mushkul... Lekin hozir men shunaqa a'lo kayfiyatdaman. Kuni bo'yi to'plangan charchoqlar
Davron Ibrohimov sharofatlari bilan bir deganda yo'qolib ketdi!
Barchasi Allohning inoyati bilan bo'layotgani hech shubha yo'q! Yaratgan bu yog'iga ham barchamizning ishimizni rivojini bersin!
O'rtoqlar, shunchaki ishingizni seving!
abalog.uz |
@abalog