Ўзбекистон техник жиҳатдан тартибга солиш агентлиги | Расмий канал

🔈 23-aprel, chorshanba kuni Toshkent, Nukus shaharlari hamda respublikaning barcha viloyatlari markazlarida navbatdagi “Avtomobilsiz kun” aksiyasi o‘tkaziladi.

✅ Shu kuni barcha davlat tashkilotlari rahbarlari va xodimlariga, yurtdoshlarimizga shaxsiy transport vositalaridan voz kechib, atrof-muhitni ifloslantirmaydigan jamoat transporti, velosiped va boshqa texnika vositalaridan foydalanish tavsiya etiladi.

🟢 “Avtomobilsiz kun” aksiyasiga qo‘shiling! Atrof-muhit, salomatlik va qulay sayohat foydasiga tanlov qiling. Toza havo va atrof-muhit farovonligiga hissa qo'shing!

✅ Texnik jihatdan tartibga solish agentligi mas’ullari Xorazm Ma’mun akademiyasi rahbariyati bilan uchrashuv o‘tkazdi.

✅ Uchrashuvda ikki tashkilot o‘rtasida mutaxassis va olimlarning ilmiy-tadqiqot yo‘nalishidagi hamkorligi, ilmiy loyihalar tayyorlash, Agentlik tizimidagi yosh olimlarning ilmiy-tadqiqot ishlariga Akademiya olimlarining ilmiy rahbarlik qilishi masalalari muhokama qilindi.

✅ Shuningdek, Milliy metrologiya instituti tomonidan “Buyuk sharq allomalarining metrologiya fani rivojiga qo‘shgan hissasi” to‘plami, “O‘zbekistonda ilmiy-sinov va mahsulot sifatini ta’minlash tarixi” bo‘yicha olib borilayotgan ilmiy tadqiqotlarda hamkorlik qilish, institut tomonidan ushbu yo‘nalishda erishilgan ilmiy yutuqlarni keng jamoatchilikka tanishtirish ishlarini olib borish bo‘yicha ham kelishuvlar amalga oshirildi.

✅ Ma’lumot uchun, bugungi kunda, Agentlik tizim tashkilotining xodimlari Akademiyada mustaqil tadqiqotchi sifatida ilmiy izlanishlar olib borishmoqda.

✅ O‘zbekiston texnik jihatdan tartibga solish agentligi direktori Akmal Jumanazarov rahbarligida Dallasdagi Texas universitetining Nanotexnologiyalar instituti direktor o‘rinbosari, fizika-matematika fanlari doktori, Amerika olim-materialshunosi, Amerika Fizika Jamiyati a’zosi Anvar Zaxidov ishtirokida ilmiy-amaliy seminar bo‘lib o‘tdi

✅ Seminar doirasida professor A. Zaxidov O‘zbekiston Milliy metrologiya institutida amalga oshirilayotgan dolzarb ilmiy-amaliy ishlar, shuningdek zamonaviy laboratoriyalar faoliyati bilan yaqindan tanishdi. Shu bilan birga, yurtimizda ilk bor tashkil etilayotgan kvant laboratoriyalari va ushbu yo‘nalishdagi ilmiy loyihalar muhokama qilindi.

✅ Xususan, tadbirda ilmiy metrologiyani rivojlantirish, ayniqsa, Markaziy Osiyodagi birinchi “Kvant metrologiya markazi”ni yaratishga alohida e’tibor qaratildi.

✅ Shu o‘rinda ta’kidlash lozimki, “Kvant metrologiya markazini yaratish” loyihasi O‘zbekiston Respublikasi Prezidentining 2024 yil 24 dekabrdagi PQ-454-sonli qarori bilan tasdiqlangan “O‘zbekiston Respublikasida 2025 — 2027 yillarda ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi dasturga kiritilgan.

Texnik jihatdan tartibga solish agentligi direktori Akmal Jumanazarov respublikadagi mavjud qishloq xo‘jaligi mahsulotlarini eksport qiluvchi eksportyor korxona vakillari bilan uchrashuv o‘tkazdi.

Uchrashuvda, Sanitariya-epidemiologik osoyishtalik va jamoat salomatligi qo‘mitasi, O‘simliklar karantini agentligi, Eksportchilar uyushasini, O‘zbekiston oziq-ovqat sanoati uyushmasi, Bolalar o‘yinchoqlari ishlab chiqaruvchilar uyushmasi va eksportyor korxona rahbarlari ishtirok etdi.

A. Jumanazarov Yevropa bozorlariga mahalliy mahsulotlarni eksport qilish imkoniyatlarini oshirish, GSP+ imtiyozlaridan foydalanish v xalqaro standartlarni joriy etish hamda sertifikatlashtirish ahamiyati xaqida taqdimot qildi.

Shuningdek, eksport jarayonlarida yuzaga kelishi mumkin bo‘lgan muammolarni tezkorlik bilan bartaraf etish yuzasidan mutaxassislardan amaliy ko‘mak olish imkoniyatliri tushuntirib berildi.

Uchrashuv yakunida eksportyor korxonalarni qo‘llab-quvvatlashni kuchaytirish, ularning muammolarini hal etishda ko‘maklashish chora-tadbirlari belgilab olindi.