🟡 Ijtimoiy tarmoqlarda Piskent poligonida avtomobillarning tekshiruvi bilan bog‘liq asossiz xabarlar tarqalmoqda.

🔵 “O‘zbekiston ilmiy-sinov va sifat nazorati markazi” davlat muassasasi, jamoatchilik fikrini chalg‘itadigan mazkur lavhani noto‘g‘ri talqin qilgan holda keng ommaga tarqatgan bloger faoliyatiga huquqiy baho berish uchun tegishli organlarga murojaat qilishimizni ma’lum qiladi.

⛔️ Ijtimoiy tarmoqlarga sizdirilgan videoda 2024-yilning noyabr oyidagi holat aks etgan bo‘lib, u hozirgi tekshiruvlar bilan mutlaqo bog‘liq emasligini ma’lum qilamiz.

⚠️ “Tekshiruvlar o‘tkazilmayotgani” haqida xabarlar asossiz va haqiqatga to‘g‘ri kelmaydi.

🟢 Vazirlar Mahkamasining 2017-yil 25-apreldagi 237-son qarori bilan tasdiqlangan “Muomalaga chiqarilayotgan g‘ildirakli transport vositalarining xavfsizligi to‘g‘risida”gi umumiy texnik reglamentga asosan M1 toifadagi avtotransport vositalari elektromagnit mosligi bo‘yicha muvofiqlikni baholashishlari BMT Qoidalarida belgilangan tartibda amalga oshiriladi.
Ushbu bandda, yurtimizga kirib kelayotgan M1 toifadagi har bir dona yoki bir to‘pdagi transport vositalarini sertifikatlashtirishda, ular elektromagnit mosligi bo‘yicha sinovlardan o‘tkazilishi belgilangan.
Reglamentning 5-bandiga asosan muomalaga chiqarilayotgan transport vositalarining muvofiqligini tasdiqlovchi hujjatlar transport vositasi turini ma’qullash hujjati (seriyali ishlab chiqarish uchun) va muvofiqlik sertifikati (yagona avtotransport vositasi uchun) hisoblanadi.
Mazkur talab Yevropa Ittifoqi hamda Yevroosiyo Iqtisodiy Ittifoqida avtotransport vositalari turini maʼqullash uchun qoʻshimcha talablardan biri qilib belgilangan.

🟤 Texnik jihatdan tartibga solish agentligi rahbariyati “Hongqi”, “Dongfeng”, “Lixiang” va boshqa ko‘plab ishlab chiqaruvchilar bilan uchrashuvlar o‘tkazib, ularga O‘zbekiston qonunchiligida belgilgan tartibda rasman ishlash hamda rasmiy dilerlar ochishlari takliflar bildirilgan.

❗️ Shuningdek, avtotransport vositalarini rasmiy vakilsiz olib keltirgan fuqarolar avtotransport vositasiga kafolatga ega bo‘lmaydi hamda ular o‘zlari yaqinlarining hayotini xavfga qo‘yishi mumkin.

⚠️ Hurmatli fuqarolar kafolatlangan, xavfsiz va barcha sinovdan o‘tgan avtomobillarni Rasmiy dilerdan xarid qilish tavsiya etiladi.

Norasmiy dilerlar, importyorlar, hamda ularning deklarantlari tomonidan odatda sizdan elektron kalit taqdim etish so‘raladi va sizning nomingizga aylanma yo‘l bilan, shu jumladan avval foydalanishda bo‘lgan avtomobillar rasmiylashtiriladi.

⚠️ Bundan ogoh bo‘ling, aldanib qolmang.
O‘zbekiston Respublikasining “Iste’molchilarning huquqlarini himoya qilish to‘g‘risida”gi Qonuni bilan belgilangan huquqlaringiz poymon bo‘lishiga yo‘q qo‘ymang!