ДАДАМНИНГ ЙЎҚЛИГИ БИЛИНДИ

Бугун дил чунонан тилинди
Ўтган кун кўп ëдга олинди
Уй тўла мехмону мезбонга
Дадамнинг йўқлиги билинди.

Қуш эдим қанотим юлинди,
Ҳасратдан юрагим тилинди,
Бир ками тўлмаган дунёда,
Дадамнинг йўқлиги билинди.

Ҳаққи бор ҳар тузу, нонимда,
Бир армон қисилар қонимда,
Қувончли кунда йўқ ёнимда,
Дадамнинг йўқлиги билинди.

Суймади боламни эркалаб,
Ўксидим тақдирдан ўпкалаб..
Бу алам юракка ўт қалаб,
Дадамнинг йўқлиги билинди.

Дўстларим менга панд берганда,
Душманим кўксини керганда,
Волидам иқболим кўрганда,
Дадамнинг йўқлиги билинди.

Тўй қилдим тўйимда турмаган
Қурган саройини ўзи кўрмаган
Бугун шод кунимда бирга бўлмаган
Дадамнинг йуклиги билинди

Шодонман лек кўнглим кулмайди,
Дардимни ҳеч кимса билмайди,
Қалбимни бир чети тўлмайди,
Дадамнинг йўқлиги билинди.

Жойлари болсинлар жаннатда
Жигарларим йиғламанг ғурбатда
Бугунги кунимиз бир бахтда
Дадамнинг йўқлиги билинди

🕊🕊🕊Дил озорим (Дилноз)
Обуначимиз томонидан юборилган шеър
@sheriat_olami