Katta xotin

Bir kun koʻrdim bitta xotinni,
Semiz, qizil yuzlari loʻppi.
Oʻgʻilchasi turtkilar uni,
Kichik boshda turardi doʻppi.

Zimdan qarab kelar men tomon,
Oʻxshatgandek meni kimgadir.
Yaqinlashib yonimga hamon,
Tikilardi hayron negadir.

"Yaxshimisan" dedi quvonib,
Lol edim men unga boqqancha.
Soʻzlayverdi yuzlari yonib,
Qalbimdagi chogʻni yoqqancha.

"Tanimading meni xoynaxoy -
sinfdoshing Zebinisoman.
Qizim ham bor, ismi Gulchiroy,
Sen oʻzgarmas, oʻsha-o'shasan!"

Hayolimda qildim sayohat,
Oʻn besh yillar oldinroq vaqtga.
Va qalbimda alamli rohat,
Xotir etdim alamli dardda.

Nahot oʻsha boʻlsa bu xotin,
Bu yillarning toʻfonin qara.
Takrorlardim u vaqtda otin,
Hayolisiz yasholmay sira.

Qanday xushroʻy qizcha ediya,
Kiyinardi turli har hafta.
Oʻn bir yigit oshiq edik biz,
Navbat-navbat sevardik sinfda.

Roʻzgʻor unga ogʻirlik qipti,
Ranglari ham uringan ancha.
Qirqqa kirmay kampir boʻlibdi,
Goʻyo qurib qaqrabdi g'uncha...

Kulib ahvol soʻradim undan:
"Yaxshimisan Zebi, qandaysan? -
Koʻr shuncha vaqt oʻtgan oradan,
Men oʻshaman, sen oʻzgaribsan!"

"Uylandingmi oʻzing ohiri,
Balki mendek bolalaring bor?!"
Yoshga toʻldi uning koʻzlari,
Bu koʻzlarda mening aybim bor.

Menda koʻngli bor edi uni,
Men ham emas edimda befarq.
Men afzalroq bildim orzumni,
Orzularga boʻldim butkul g'arq.

Yuzlashtirdi taqdir ham mana,
Katta xotin u endi jisman.
Men surati bolakaymana,
Ruhiyatan qarigan qisman.

Shu on davomladim yoʻlimda,
U ham ketdi shitob-la arang.
"Kurs ishi" der qogʻoz qoʻlimda,
Voqeadan boʻldim koʻp garang.

Ortiqzoda sizga aytadi,
Orzularning ortidan chopmang.
Yer yumaloq, bir kun qaytadi,
Muhabbatni koʻzini yopmang...

Kattalikni xohlab bo'zlikda,
Ohir topdik shuncha muammo.
Biz ham katta boʻldik yakunda,
Katta boʻlish yoqmadi ammo.

@Sherali_Ortiqzoda ✅