Яқинда “Самарқанд сув таъминот“ корхонасига янги раҳбар тайинланди. Кўпчилик ҳоким Бобоев билан “сувчи” Бобоевнинг фамилиясига эътибор қаратиб, ундан аввалги раҳбар нима сабабдан ишдан олинганлигини эътибордан четда қолдирди.

Қисқаси, тайинланиши ҳам эълон қилинмаган, “Водоканал”да қисқа муддат раҳбар бўлган Лазиз Ҳамидовнинг келиб-кетиши сир тутилди. (Ҳудди кичкина одаму, кўзга кўринмайдигандек.) Ўзи кўринмаса ҳам “рухсат” берилган “дом”ларнинг ҳайбати, лойиҳаси, сифати ҳар кўз тушганда Ҳамидов қаерда деган саволни бот-бот эслатадику? Қолаверса, саволлари туғилиб қолган қурувчилар, қурилишга қизиқадиганлар, қурилиш қиламан деб югурганлар бор! Уларда ҳам бир китоб саволлар бор эди.

Хўш, ростдан ҳам Лазиз Ҳамидов “Самарқанд сув таъминот“ акциядорлик жамияти раҳбарлигидан нега олинди.

Қизиғи, Ҳамидовни Самарқанд вилоят қурилиш бош бошқармаси бошлиғи лавозимидан кетганлиги ҳам яширилган эди. Уни ишдан кетганига бир ойга яқин бўлиб қолганидан сўнг гап-сўзлар тарқалганди.

Ўз вақтида Самарқанддек вилоятни бутун бошли қурилишига масъул бўлган одамни қисқа вақт ичида раҳбарликка тайинланиб, ишдан олиниши сир тутилишига сабаб нима?

Айни шаҳар ва туманлардаги қурилишлар тўғрисида саволлар бериш вақти келганда ишдан олинди. Кейин “Водаканал”га келдию-кетди.

Ахир, кўпчиликни, Еврокотежлар, шаҳарнинг турли бурчакларида қурилган “дом”лар, уларнинг лойиҳалари бўйича саволлари бор эди.

Инсайдерлар турли маълумотларни айтмоқда. Мен бўлса, йўғ-а, деб турибман. Маълумотларга аниқлик кирилмоқда.

Сизда бирор хабар бўлса бизга ёзиб юборинг!

✅ @Samarqand_live – Юзинг қийшиқ бўлса ойнадан ўпкалама!