Samarqand_LIVE – Юзинг қийшиқ бўлса ойнадан ўпкалама!

Самарқанд вилоят Болалар кўп тармоқли тиббиёт марказига овоз беришингизни сўраймиз!

✅ @Samarqand_live – Юзинг қийшиқ бўлса ойнадан ўпкалама!

Айни пайтда таълимга Шуҳрат Садинов, Мамлакат Равшанова, Азамат Курахмедов каби соҳанинг фидойилари керак.

Улар ходимларини қаттиқ уришсада, аммо ҳуда-беҳуда одамни текширишга киришига йўл қўймасди. Директор ва мудираларни бегона ташкилот тугул, ҳатто раҳбарият олдида ҳам ҳимоя қилаоларди.

Ҳозиргилари эса ўлиб кетсангизда иши йўқ. Ўзига тегмаса, биров ёзмаса бўлди. Миллиардларни деворга суваб юраверади.

Тоза подахона бўлди таълим. Яна булар таълим сифатини оширишармуш.

✅ @Samarqand_live – Юзинг қийшиқ бўлса ойнадан ўпкалама!

“Газ”ини берадиган комиссия...

Ўзэнергиоинспекция Самарқанд вилоят бошқармаси ходимлари “Ёқилғи-энергия ресурсларидан фойдаланиш соҳасида давлат назорати самарадорлигини ошириш чора-тадбирлари тўғриси”даги Ўзбекистон Республикаси Президентининг 2023 йил 13 февралдаги ПҚ-54-сонли қарорининг 3-бандига асосан Самарқанд шаҳридаги боғчаларда текшириш олиб боришган.

Текширув давомида инспекция ходимлари юридик шахслар томонидан табиий газдан нооқилона ва самарасиз фойдаланганлиги ҳақида далолатнома ҳам ёзишган. Далолатномага кўра, назорат тадбири натижасида Маъмурий жавобгарлик тўғрисидаги Кодекснинг 103-моддаси 2-қисми талаблари бузилганлиги қайд этилган. Яъни, газ ёниш жараёнини автомат тарзда бошқариб турувчи қурилмаларнинг бўлмаслиги ёки ўрнатилмаганлиги деб киритилган.

Ушбу моддага кўра, қайд қилинган камчилик учун жарима миқдори мансабдор шахсларга базавий ҳисоблаш миқдорининг бир бараваридан икки бараваригача миқдорда кўрсатилган.

Жаримани ким тўлайди?

Ана энди савол туғилади, хўш, бу жаримани ким тўлайди? Вилоят ҳокимими ёки “Облоно” мудирими? Йўқ албатта. Иккаласи ҳам тўламайди. Инспекцияни эса бу масала умуман қизиқтирмайди.

Аслида таълим даргоҳларидаги аҳволнинг “протокол”даги ҳолатга келиб қолишига асосий айбдорлар улар эмасми? Ўша раҳбарлар охирги маротаба қачон болалар боғчаси ёки мактабга бориб у ердаги ҳолатни реал кўз билан кўрганлигини эслолармикан? Қишлоқларни эмас, шаҳарда ёрдамга мухтож боғчалар борлигини билишармикан?

Текширувлардан силласи қуриган боғчаларнинг дардига чипқон бўлиб яна битта инспекциянинг пайдо бўлиши таълимнинг илдизига болта уриш эмасми? Икки дақиқа бекор ўтирган одам ё мактабни ёки боғчани текширгиси келади. Ўзи бу тизимни эгаси борми? Ёки “облоно” деган ташкилотни туманларга мудир тайинлашдан бошқа иши йўқми? Ёки мақсад таълим ва тарбияни чўктиришга қаратилганми?

Вилоят ҳокимининг таълим бўйича маслаҳатчиси бўлган Саидаҳмад Усмонов ҳокимга қандай маслаҳат бераяптики, таълим тизими энасиникига қараб аразлаб кетмоқда.

Битта “облоно” мудирининг масаласи коридорда ҳал бўлиб кетилаётган даражадаги муносабатдан сўнг боғчалардаги газ ёниш жараёни автомат тарзда бошқариладими йўқми кимнинг нима иши бор.

Бўрининг тиши бўғирсоққа ўтади...

Бу гапимиздан ажабланманг! Сабаби қанчадан-қанча абгори чиқиб ётган, техник хавфсизлик жиҳатдан талабга жавоб бермайдиган “заправкалар”, газдан фойдаланиш қоидаларини мутлақо менсимайдиган ошхонаю, ресторанлар, газни “гази”ни бериб ишлатаётган иссиқхоналарга киришга “духи” бўлмаган ташкилотга бўғирсоқдек боғчаларни жаримага тортиш осон.

✅ @Samarqand_live – Юзинг қийшиқ бўлса ойнадан ўпкалама!

Ҳусанов ўйинга қўшила олмаяпти. Хато қилиб қўймаслик учун жуда эҳтиёткорлик билан ҳаракат қилаяпти. Ва бу ҳаракатларида ҳам билинмоқда.

✅ @Samarqand_live – Юзинг қийшиқ бўлса ойнадан ўпкалама!

❗️Президент фармонига биноан:

Иккинчи жаҳон уруши қатнашчилари ва ногиронларининг ҳар бирига 10 000 доллар миқдорида;

Иккинчи жаҳон уруши қатнашчиларига тенглаштирилган шахсларнинг ҳар бирига 25 000 000 сўм миқдорида;

1941–1945 йиллардаги уруш давридаги меҳнат фронти қатнашчиларининг ҳар бирига 3 000 000 сўм миқдорида бир марталик пул мукофоти берилади.

✅ @Samarqand_live – Юзинг қийшиқ бўлса ойнадан ўпкалама!

Нефтназорат инспекция боғчаларни текшириб юрибди Карл!

Кейинроқ тўхталамиз бу ҳақида

✅ @Samarqand_live – Юзинг қийшиқ бўлса ойнадан ўпкалама!

Аҳоли томорқаси ва ижарага берилган ер майдонларидан самарали фойдаланиш бўйича ҳоким ёрдамчиси томонидан ҳар чоракда ўрганиш олиб борилади.

Ўрганиш давомида хонадондаги томорқа ва ижара ерларида экин экилмаган ва қаровсиз қолдирилган бўлса қуйидаги чоралар қўлланилади.

1. Имтиёзли кредитлар ажратилмайди.
2. Ижтимоий ҳимоя ягона реестрига киритилган фуқаролар учун ёрдамлар (моддий ёрдам ёки бола пули каби) тўхтатилади.
3. Ер солиғи уч карра юқори миқдорда ҳисобланади.

✅ @Samarqand_live – Юзинг қийшиқ бўлса ойнадан ўпкалама!

#сарказм

— Кулги умрни узайтириши ростми?
— Бу кимнинг устидан кулишингга боғлиқ. Масалан, Гондурасда баъзи амалдорларнинг устидан кулсанг, умрингни қисқартириб қўйиши мумкин...

✅ @Samarqand_live – Юзинг қийшиқ бўлса ойнадан ўпкалама!

#сарказм

ЗАРБУЛМАСАЛ

Тулки деди Бобикка:
— Кел, оғайни бўламиз.
Мен товуқни ўғирлай,
Ўртада тенг бўламиз!..

Хуллас, икков бир неча,
Товуқ бошига етди.
Ферма тафтиш қилингач,
Бобик қамалиб кетди.

Йўлдош СУЛТОНОВ

✅ @Samarqand_live – Юзинг қийшиқ бўлса ойнадан ўпкалама!