БЎШАШМА ЮРАК...

Чарчадингми,
Не ҳол, юрагим,
Кардиограмма,
Тўлқинли чизиқ..
Бош чайқайди шифокорим жим!
Юрак хаста,
Нечун,бу қизиқ...
Асабийсиз...
Сира хуш эмас,
Ўзни ўйланг, кас раҳмат демас...
Ўйга толдим, айтгин юрагим,
Не кунларни
Босиб ўтдик биз!
Эл бахтини кўрмоқ тилагим,
Мухбир эдик,
Бахтни кутдик биз...
Чарчадингми,
Не ҳол юрагим..
Қизиққонмиз,юролмаймиз жим,
Тилни тийиш одатимиз йўқ,
Айтилган сўз,
Зотан,мисли ўқ...
Чарчадингми,
Йиғлама юрак,
Ҳа,ҳаётда, ҳақ бироз озроқ.
Бироқ алам қилар кишига
Юз ўгирса, «дўст» деган бироқ..
Чарчадингми,
Бўшашма юрак,
Эзгу кунлар олдинда аниқ,
Зеро, яшаш бизга кўп керак,
Кўзлар тийрак,
Юраклар ёниқ!
Чарчадингми,юраккинам,айт,
Ёвузлик бор,зулмлар бисёр,
Юраккинам,
Сен фикрингдан қайт!
Яхшилар кўп,
Оллоҳ бизга ёр!
Шу боиским,
Бўшашма юрак,
Бизга ҳали,
Умр,
умр кўп керак!

✍Озод Хушназарзода.
31.01.2025 йил.


@Ohangaronim_hayoti