«Don Kixot» Servantesni qashshoqlikdan tortib chiqarolmagan...
«Don Kixot» romani Yevropada juda tez mashhur bo‘lib ketdi. Bu asarning dunyoga kelishi shu darajada qudratli bo‘ldiki, u parodiya qilgan ritsarlik romanlari asar chop etilgandan so‘ng Ispaniyada, keyin nashr etilgan mamlakatlarda o‘z o‘quvchilarini butunlay yo‘qotdi va boshqa nashr etilmadi. Bu romanning dastlabki g‘alabasi edi.
Ammo asar adibning yo‘qchilik zulmati cho‘kkan hayotini yorita olmadi. Roman ko‘plab nusxada bosilayotgan bo‘lsa-da, tovlamachi noshirlar o‘zlarining cho‘ntaklarini qappaytirish bilan shug‘ullanishdi, asarni maqtab, ko‘z-ko‘z qilishib, qayta-qayta nashr qilishdi, ammo muallif ham, uning haqi ham butunlay unutildi.
O‘sha yillarda senzor-amaldor bo‘lgan shaxsning xotiralarida bir voqea qayd etilgan. Asardan juda mutaassir bo‘lgan va ilhomlangan Fransiya elchisi senzordan: «Servantes deganlari kim, o‘zi?» – deb so‘raydi. Senzor unga: «Bir qashshoq odam», – deb javob beradi. Elchi bu xabardan bag‘oyat ajabalanadi va: «Nima, Ispaniyaning Servantesday buyuk odamlarni boyitishga qurbi yetmaydimi!?» – deb so‘raydi.
Butun mamlakatning, qirollikning faxriga aylangach ham Ispaniya Servantesni qashshoqlikdan tortib chiqarolmadi. Ammo uning yozgan romani dunyoning eng ulug‘ romanlaridan biriga aylandi va milliy hamda dunyo adabiyotiga ulkan va benazir boylik bo‘lib qo‘shildi.
📘 NAZAR ESHONQUL: «KITOB BANDASI»
📚 @kitoblar_apk
«Don Kixot» romani Yevropada juda tez mashhur bo‘lib ketdi. Bu asarning dunyoga kelishi shu darajada qudratli bo‘ldiki, u parodiya qilgan ritsarlik romanlari asar chop etilgandan so‘ng Ispaniyada, keyin nashr etilgan mamlakatlarda o‘z o‘quvchilarini butunlay yo‘qotdi va boshqa nashr etilmadi. Bu romanning dastlabki g‘alabasi edi.
Ammo asar adibning yo‘qchilik zulmati cho‘kkan hayotini yorita olmadi. Roman ko‘plab nusxada bosilayotgan bo‘lsa-da, tovlamachi noshirlar o‘zlarining cho‘ntaklarini qappaytirish bilan shug‘ullanishdi, asarni maqtab, ko‘z-ko‘z qilishib, qayta-qayta nashr qilishdi, ammo muallif ham, uning haqi ham butunlay unutildi.
O‘sha yillarda senzor-amaldor bo‘lgan shaxsning xotiralarida bir voqea qayd etilgan. Asardan juda mutaassir bo‘lgan va ilhomlangan Fransiya elchisi senzordan: «Servantes deganlari kim, o‘zi?» – deb so‘raydi. Senzor unga: «Bir qashshoq odam», – deb javob beradi. Elchi bu xabardan bag‘oyat ajabalanadi va: «Nima, Ispaniyaning Servantesday buyuk odamlarni boyitishga qurbi yetmaydimi!?» – deb so‘raydi.
Butun mamlakatning, qirollikning faxriga aylangach ham Ispaniya Servantesni qashshoqlikdan tortib chiqarolmadi. Ammo uning yozgan romani dunyoning eng ulug‘ romanlaridan biriga aylandi va milliy hamda dunyo adabiyotiga ulkan va benazir boylik bo‘lib qo‘shildi.
📘 NAZAR ESHONQUL: «KITOB BANDASI»
📚 @kitoblar_apk