Type to search
Advanced channel search

Postal

Мульти-бот с премиум emoji Постинг+приветствие!
img
ad

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

Mobil kutubxona

@Kitoblar_apk
Channel's geo and language: Uzbekistan, Uzbek
Category: Books

Dunyo kitoblari cho‘ntagingizda!
Aloqa: @kitobxonrobot
Reklama xizmati:️ t.me/reklama_servis/139

Related channels  |  Similar channels
Channel's geo and language
Uzbekistan, Uzbek
Category
Books
Statistics
Is this your channel? Confirm Канал в реестре блогеров РКН? Confirm Channel history
Posts filter

Mobil kutubxona

18 Dec, 08:50

Open in Telegram Share Report
​​Ijtimoiy tarmoqlarda o‘tirish odatini mutolaa zavqiga qanday qilib o‘zgartirsa bo‘ladi?

Qarshilikni kamaytiring. Ijtimoiy tarmoqlardagi postlarni o‘qishdek kitob o‘qishdan zavq olishimiz psixologik jihatdan qiyinroq. Kitobni ochganimizda qandaydir katta majburiyatni o‘z zimmamizga olamiz, chunki bu uzoq va uni o‘qishga ham ko‘p vaqt ketadi. Ammo o‘zingizni ko‘ndirishingiz mumkin. Buning uchun o‘zingizga kichik qismlarda kitob o‘qishga ruxsat bering.

Qo‘zg‘atuvchi sababni almashtiring. Har safar ijtimoiy tarmoqlarni tekshirish istagi paydo bo‘lganda kitobni qo‘lga oling. Yangi boshlanuvchilar uchun bosma kitob yaxshiroqdir. Elektron qurilmada o‘qish paytida juda ko‘p chalg‘ituvchi signallar bo‘lishi mumkin. Agar telefoningizdan o‘qishga to‘g‘ri kelsa, barcha ijtimoiy tarmoq va messenjerlar ko‘rinmas rejimga o‘tkazing. Kitob ilovalarini esa smartfon ekranida ko‘z tushadigan qilib joylang.

Faoliyatni o‘zgartiring. Mutolaa qiling! Kerakli sahifani oching va o‘qishni boshlang. Kitobni majburiyat degan fikrdan xalos bo‘lishga harakat qiling. Dastlab qisqa bo‘limlarga ega bo‘lgan kitobdan boshlang.

📚 @kitoblar_apk
390 0 0 2
Mobil kutubxona

17 Dec, 14:11

Open in Telegram Share Report
761 0 0
Mobil kutubxona

17 Dec, 09:02

Open in Telegram Share Report
📖 Yaqinda amerikalik olimlar kitob mutolaasi va umr davomiyligi o‘rtasida bog‘liqlik bormi degan savolga javob berishga harakat qilishdi.

Natijada kitobxon odamlar kam o‘qiydigan yoki umuman o‘qimaydigan kishilardan o‘rtacha 2 yil ko‘proq yashashi ma’lum bo‘ldi.

📖 Siz ham uzoq umr ko'rmoqchimisiz? Unda hoziroq kitob mutolaasiga kirishing.

📚 @kitoblar_apk
929 0 0 16
Mobil kutubxona

16 Dec, 11:05

Open in Telegram Share Report
Quyonlar saltanati.apk
15.0Mb
✍ Xudoyberdi To'xtaboyev 
📖 "Quyonlar saltanati"

Bolalar adabiyotining chinakam fidoyi ijodkori Xudoyberdi To‘xtaboyevning bolajonlarimizga atalgan navbatdagi tuhfasi ham o‘ziga xos badiiy qimmatga sazovor asar, desak mubolag‘a qilmagan bo‘lamiz. Ikki yosh o‘spirin yigitning orzulari, ularni tengdoshlaridan ajratib turadigan fazilatlari, qalamga olingan har bir voqea-hodisaning zamiridagi yaxshilikka, ezgulikka undash istagining mavjudligi, о‘ylaymizki, bu gal ham kitobsevar muxlislarimizni quvontiradi. Shu bilan birga kitob qahramonlariga o'xshash istagi ularning ham qalbida paydo bo‘lsa, biz oldimizni maqsadimiz sari bir qadam oldinga tashlaganmiz, deb hisoblaymiz.

📚 @kitoblar_apk
1.2k 0 0 3
Mobil kutubxona

14 Dec, 20:27

Open in Telegram Share Report
📚 Hozirda shu kitoblar ko‘p so‘ralyapti. Shu sababli ularni bitta ro‘yxatga jamladik:

1️⃣. Izlash
2️⃣. Dunyoni anglash kitobi
3️⃣. MEN: Bas qil, ey nafs!
4️⃣. SIR: Oshiqlar o‘lmas
5️⃣. LOL: Har shaharning o‘z egasi bor...
6️⃣. Hech bir uchrashuv tasodif emas
7️⃣. Kaktuslar ham gullaydi
8️⃣. Qalb iffati
9️⃣. Qaytganimda uyda bo‘l
1️⃣0️⃣. Duo taqdirni o‘zgartiradi
1.4k 0 0 5
Mobil kutubxona

14 Dec, 14:28

Open in Telegram Share Report
«Mazaxchini o‘ldirish» — eng «instagrambop» kitob

Britaniyaning «On Buy» internet-do‘koni eng «instagrambop» kitoblar reytingini tuzgan. O‘ziga xos reytingda ijtimoiy tarmoqda suratlari eng ko‘p joylashtirilgan kitoblarga yuqori o‘rinlar berilgan.

«On Buy»ga ko‘ra, Harper Lining «Mazaxchini o‘ldirish» kitobi instagramda eng ommalashgan kitob deb topilgan.

📚 @kitoblar_apk
1.4k 0 0 1
Mobil kutubxona

12 Dec, 11:00

Open in Telegram Share Report
Chiqindixonadan topib olingan kitob auksionda 40 ming dollarga sotilgan

2020-yili Angliyada “Garri Potter va falsafiy tosh” kitobi auksionda 40 ming dollar evaziga sotilgan.

Kitobning mazkur noyob nashrini britaniyalik 65 yoshli o‘qituvchi ayol 12 yil avval maktabning orqa hovlisidagi chiqindi konteyneridan topib oladi.

Uning yonida kitobning yana ikkita yumshoq muqovali nashri ham bo‘lgan. Qolgan ikkita kitob esa 3000 va 3400 funt sterlingga sotilgan.

📚 @kitoblar_apk
1.7k 0 0 27
Mobil kutubxona

11 Dec, 19:19

Open in Telegram Share Report
1.7k 0 0
Mobil kutubxona

11 Dec, 13:12

Open in Telegram Share Report
«... ijodkorning erkinligi uning matonati bilan, irodasi bilan, iymoni bilan chambarchas bog‘liq. Ijodkorning balig‘i suvsiz ham yashay oladi. Agar u quruqlikda sudralib yurishni o‘rgansa... Bu istehzo emas. Balki ijodkorning taqdiri ekanini eslatish uchun keltirdim. Chunki ijodkor erkinlik bo‘lsa ham, bo‘lmasa ham yozishga mahkum. U – Xudoning, Yaratganning odamlar orasidagi, bizning ko‘nglimizdagi, adashgan manzilimizdagi nigohi. U hamisha va har qanday vaziyatda yozishi shart. Do‘zaxiy sharoitda ham u ijod qilishga, insonni matonatga undashga, uning ko‘nglidan do‘zax kullari ichida ham bir chimdim cho‘g‘ topishga, ana shu cho‘g‘ orqali uni xalos qilishga, yetaklashga majbur. U shunisi bilan ijodkor. Shart bo‘lsa, zarur bo‘lsa, suvdan chiqib, sudralib, o‘rmalab, tirmalib yurib yozishi shart. Chinakam iste’dodlar, chinakam ijodkorlar ana shunday qilishadi. Ana shuni qismat deb bilganlar haqiqiy ijodkorlardir».

Nazar Eshonqulning «Kitob bandasi»dan

📚 @kitoblar_apk
1.7k 0 0
Mobil kutubxona

10 Dec, 16:35

Open in Telegram Share Report
​​Yoshlar kitob o‘qimay qo‘ydimi?

Ko‘pincha katta avlod vakillaridan «yoshlar kitob o‘qimay qo‘ydi» degan tanbehni eshitamiz. Yaqinda bosma kitoblarni elektron kitoblardan judayam qizg‘anuvchi bir ziyoli akamiz e’tirof etib qoldi: «Metroda, avtobusda yoshlar telefoniga termilib, nuqul o‘yin o‘ynaydi deb o‘ylarkanman. Keyin kuzata boshladim. Telefonida kitob o‘qib ketadigan yoshlar ham ko‘p ekan».

Ba’zi katta yoshli ziyolilar orasida internet va elektron kitoblardan hayiqish hali ham mavjud. Mutolaaning shakli o‘zgargani bilan sifati o‘zgargani yo‘q. Aksincha, keyingi yillarda informatsiya miqdori keskin ortib, mutolaa ham ortayotganini statistika ko‘rsatmoqda.

Dunyodagi eng katta kitob sotuvchi kompaniya – «Amazon»ning xabar berishicha, hozirda dunyoda
bestseller bo‘lgan kitoblarning 25 foizi hali nashriyotlar tomonidan chop etilmasdan turib mualliflar bevosita internetga joylagan asarlardir. Avval internetda mashhur bo‘lgan kitoblar bosma holida ham chop etilib, bestseller bo‘lmoqda.

Jahonda kitobi eng ko‘p sotilgan mualliflardan biri Paulo Koelo ta’kidlaganidek, «Kitoblarimning internetda elektron versiyasi tarqatilishi ularning bosma nashrini bestseller qildi»...

«Kitob haqida kitob»dan

📚 @kitoblar_apk
1.8k 0 0
Mobil kutubxona

10 Dec, 14:36

Open in Telegram Share Report
«Yolg‘izlikning yuz yili»: Markes bu asarni o‘n sakkiz oy davomida yozdi.

U bu haqda shunday eslagandi:

«Ikki o‘g‘lim va rafiqam qo‘limga qarab o‘tirishardi. Kinossenariylar tahrirchisi va ommaviy menejer bo‘lib ishlardim. Zo‘r kitob yozish uchun barchasidan voz kechish kerak edi. Mashinamni garovga qo‘ydim-da, pulini Mersedesga berdim. Xotinim har kuni menga tamaki va qog‘oz olib kelib turardi. Kitobni yozib bo‘lganim-da biz qassoblarning o‘zidan juda katta pul – 5000 peso qarz bo‘lib qolgandik. Baxtimga, ko‘chamizda mening judayam muhim va zo‘r kitob yozayotganim haqida mishmish tarqagandi. Shu sababli barcha do‘kondorlar menga qarz berishdan qochishmasdi. Kitob tayyor bo‘lgach, matnni jo‘natish uchun 160 peso kerak bo‘lib qoldi, bizda esa bor-yo‘g‘i 80 peso bor edi. O‘shanda men xotinimning mikseri va fenini garovga qo‘yib, kerakli pulni topdim. Xotinim: «Endi bu asarning yomon chiqishga haqqi yo‘q», – degandi alam bilan».

📘 "Kitob bandasi", Nazar Eshonqul

📚 @kitoblar_apk
1.6k 0 0 10
Mobil kutubxona

6 Dec, 06:33

Open in Telegram Share Report
​​📖 "Mazaxchini o‘ldirish" romani haqida yozuvchining o‘zi ham bilmaydigan besh ma’lumot

1️⃣ To‘liq ism-sharifi Nell Xarper Li. Kitob yozuvchining Alabama shtatida o‘tkazgan bolalik davri voqealariga asoslangan. Lekin bu “Mazaxchini o‘ldirish” to‘laligicha avtobiografik roman degani emas. Asar voqealari Xarper Li tug‘ilib o‘sgan Monrovill shahri prototip bo‘lmish xayoliy Meykomb shahrida bo‘lib o‘tadi. Nell Xarper Li ham qizlarning nazokatli va itoatkor bo‘lishi kutilgan bir paytda bosh qahramon Jin Luiza Finch singari xarakterga ega edi. Jinning akasi Nellning ukasi bilan tengdosh, bosh qahramonlar esa muallifning onasi bilan bir xil familiyaga ega.

2️⃣ Dill obrazining prototipi Xarperning bolalikdagi do‘sti, “Tiffanida nonushta” asarini yozgan yozuvchi Trumen Kapot hisoblanadi. U Xarperlarning xonadoniga qo‘shni uyda yashar edi, ular birga o‘ynashardi va hatto yozuv mashinkasini ham almashib ishlatishardi. Kapotning tarjimai holi haqida yozgan muallif uning Xarper Li bilan do‘stlik rishtasi haqida shunday yozadi: "Li ko‘pchilik qizlar uchun juda yovvoyi edi, Trumen esa ko‘pchilik o‘g‘il bolalar uchun juda yumshoq tabiatli hisoblanardi". Trumenning "O‘zga ovozlar, o‘zga xonalar” kitobidagi qahramonga Xarper Lining xarakteri asos qilib olingan.

3️⃣ Yozuvchini do‘stlari qo‘llab yuborishadi. Chunki do‘stlari unga romanini yozishi uchun yetarli sharoitni qilib berishadi. Li o‘rta maktabni tugatgach, u Nyu-Yorkka ko‘chib o‘tdi va 1950-yillarda aviakompaniya xodimi bo‘lib ishladi. Yangi yil bayramida do‘stlari unga katta pul berishdi. Kitob ustida ishlashi va bir yil hech narsani o‘ylamay yashashi uchun yetarli pul. "Biz sizga ishonamiz, deyishdi faqat. Men ularni tushkunlikka tushirmaslik uchun qo‘limdan kelgan bor imkoniyatni ishga soldim", deb yozadi Nell.

4️⃣ Li avvaliga "yozgan kitobim mashhurlikka erishmaydi", deb o‘ylagan. 1964-yil u kitobning muvaffaqiyatli chiqishi yetti uxlab tushiga kirmaganini tan oldi: "Men kitobni sotilib ketishini umuman kutmagandim". Ammo kitob kutilmagan darajada muvaffaqiyatga erishdi.

5️⃣ 1962-yil roman asosida film suratga olingan. Bosh rolni Gregori Pek o‘ynagan “Mazaxchini o‘ldirish” filmi “Oskar” mukofotini qo‘lga kiritdi.

📚 @kitoblar_apk
2.3k 0 0 3
Mobil kutubxona

5 Dec, 08:16

Open in Telegram Share Report
​​Bosma kitoblarning afzalliklari

▪️Bosma kitob sizning moddiy boyligingiz hamdir. Elektron kitoblaringiz soni bilan esa maqtanolmaymiz. Kitob javoni – haqiqiy ziyolining eng ardoqli davlati.

▪️Kitobdan taralayotgan yoqimli hidni elektron nashrdan topib bo‘lmaydi.

▪️Bosma kitobni varaqlash asnosida moʻjaz sahifalarning sirli shitirlashidan ko‘nglingiz cheksiz zavqqa to‘ladi.

▪️Voqealar ayni kulminatsiyasiga kelganda, riderning zaryadi tugab o‘chib qolsa bormi?.. Bosma kitob o‘qish uchun har xil sim va qurilmalar, elektr energiyasi, telefon yoki internet kabi daxmazalarga zarurat yo‘q.

▪️Bosma kitobni o‘qish payti inson miyasi ko‘plab qimmatli ma’lumotlarni qabul qiladi. Elektron kitoblar mutolaasida esa elektromagnit to‘lqinlar ta’siri tufayli ma’lumotlarni eslab qolish ko‘rsatkichi
kamayadi.

▪️Bosma kitobni texnik uquvsiz mutolaa qilish mumkin. Deylik, 70-80 ga kirgan buva-buvilarimizga elektron kitob o‘qish tartibini tushuntirgunimizcha, ular bitta an’anaviy kitobni xatm qilib qo‘yishadi.

▪️Bosma kitobda chalg‘ituvchi elementlar yo‘q. Zamonaviy o‘quv qurilmalarida esa musiqa va videopleyerlar, o‘yinlar va o‘quvchini chalg‘ituvchi boshqa imkoniyatlar mavjud. Elektron kitob mutolaasida diqqatni bir yerda jamlash qiyin.

📘 "KITOB HAQIDA KITOB"

📚 @kitoblar_apk
2.4k 0 0 8
Mobil kutubxona

4 Dec, 20:46

Open in Telegram Share Report
1.9k 0 0 1
Mobil kutubxona

4 Dec, 13:07

Open in Telegram Share Report
Yozish men uchun o‘yin o‘ynash deganidir...

«Menga asarlaringizda bolalar va hayvonlar dunyosi va fe’l-atvori juda yaxshi tasvirlangan deyishadi. Buning sababi shundaki, ularning xatti-harakati tabiiylikka, o‘zlari o‘ylab topib, keyin o‘zlari ishonadigan, o‘ylab topilgan o‘yinning haqiqiyligiga shubhalari qolmagan o‘yinga qurilgan...

Men uchun adabiyot – ma’lum shartlarga bo‘ysundirilgan, voqelikni ramziy qabul qilishga moslashgan, ishonch, halollik va shavqdan iborat katta va tuganmas o‘yin. Chunki o‘zimiz uni yaratib, unga o‘zimiz ishonamiz va u bilan beg‘uborlashamiz... O‘yinsiz hayotni tasavvur qilolmayman... Yozish men uchun o‘yin o‘ynash deganidir».

— Xulio Kortasar

📚 @kitoblar_apk
2.1k 0 0 10
Mobil kutubxona

2 Dec, 08:50

Open in Telegram Share Report
Nasroniy atirguli.apk
14.8Mb
✍ Amina Shenlikoʻgʻli
📖 "Nasroniy atirguli"

Koʻhna davrlarning insonlari bilan oʻzimizni solishtirsak, maqtashga arzigulik hech narsamiz yoʻqligiga guvoh boʻlamiz. 
Ulardan ortiqroq oʻldiryapmiz! 
Ulardan koʻproq janjal koʻtaryapmiz! 
Ulardan ancha qoloqmiz! 
Boshqa dinlarning vakillari, yaʼni butun dunyo bilan aslida qarindoshmiz. Barimiz ilk insonning avlodlarimiz. Shunday ekan, qaysi dinga eʼtiqod qilishimizdan qatʼi-nazar, bir-birimizga tuhmat toshlarini otmasligimiz, bir-birimizga gʻov boʻlmasligimiz, boshqalarning yashash huquqini cheklamasligimiz darkor. 
Bir xalqning uch-toʻrt vakili xatoga yoʻl qoʻysa va bu xatoning badali butun boshli xalqdan soʻraladigan boʻlsa, insoniylikdan ogʻiz ochish mumkinmi?..
Bir-birimizni oʻz dinlarimizga chaqirishimiz mumkin, biroq bu chaqiriq javobsiz qolsa, bir-birimizni shundoqligimizcha qabul qilishga majburmiz.
Bu kitobni oʻqib bitirmay turib u haqida fikr bildirish uchun yo noxolis, yoki johil boʻlish kerak...

📚 @kitoblar_apk
2.5k 0 0 6
Mobil kutubxona

1 Dec, 17:40

Open in Telegram Share Report
💖 Aqlli bo'lish uchun kitob o'qish shartmi?
💖 Endi kitob tanlashda adashmaysiz
💖 Kitobxonlikni shu kitoblardan boshlang!
💖 Hayotingizni o‘zgartiruvchi 3 kitob
💖 Qanday qilib kitobni to'g'ri o‘qish kerak?
💖 Speed reading - Tez o'qish sirlari
💖 Yaxshi o'qishning 8 ta siri
💖 Hayotingizni o‘zgartiruvchi 3 kitob
💖 Siz O'qishingiz Kerak Bo'lgan 15 Kitob
💖 Tong sehri. Qanday qilib kunning birinchi soati sizning muvaffaqiyatingizni belgilab beradi
💖 Atom Odatlar: Kichik O'zgarishlar - Yirik Natijalar
💖 Dunyoqarashimni o'zgartirgan kitob
💖 Bu ikki kitobni o'qimagan talaba, talaba emas!
💖 Oʻqilgan har bir kitobni qanday eslab qolish mumkin?
💖 Diqqatni kuchaytirish usullari. Diqqat kitobi. Dofamin detoks.
💖 Atom odatlar: Qanday qilib hayotda katta natijaga erishish mumkin?
💖 O‘qilishi shart bo‘lgan kitob
💖 Qanday kitob o‘qish kerak?
💖 Gap qancha kitob o'qishda emas: kitob o'qishning oltin qoidasi
2.3k 0 0 4
Mobil kutubxona

30 Nov, 08:50

Open in Telegram Share Report
Video is unavailable for watching
Show in Telegram
💖 "Qonunlar ruhi" kitobi haqida

📚 @kitoblar_apk
3k 0 0 1
Mobil kutubxona

29 Nov, 14:01

Open in Telegram Share Report
3.1k 0 0 3
Mobil kutubxona

29 Nov, 08:15

Open in Telegram Share Report
#Bir_kitob_haqida

📘 Harper LI: "Mazaxchini o'ldirish"

Frans Kafkaning "Otamga xat" asarida o'g'ilning otaga nisbatan samimiy iztiroblari tasvirlanadi. "Mazaxchini o'ldirish"da esa farzandlar tomonidan otaga bo'lgan hurmatning yuksak namunasini ko'rishimiz mumkin.

Ota o'z farzandlariga to'g'ri tarbiya berish uchun hayotida uchragan har qanday qiyinchilikni mardonavor yengib o'tishga harakat qiladi. Insonparvarlik, rotgo'ylik uchun boshini baloga qo'yishga ham tayyor bo'ladi. Ommaviy fikrlash tarzidan qochadi va o'z o'rnida ularning ta'qibiga ham uchraydi.

Inson hayotida onalar kabi otalar ham mukammal tarbiyachi ekanligining guvohi bo'lamiz. Chunki mutolaa jarayonida anglashimiz mumkinki, mitti qahramonlarimizning onasi vafot etgan...

Kichik jussali, ammo katta yurak sohib va sohibalari bo'lgan Jem va Skaut Finch — uzoq yillardan beri Meykomb shaharchasida Finchlar sulolasining mitti vakillari. Ularga doim sirli va qo'rqinchli ko'rsatib kelingan Redlilar bilan ham alohida qiziqib ko'rishadi. Bu ajoyib aslida, inson yuragi buyurgan ishni qilishi kerak. Yaxshilikni sevgan qalblar esa hech qachon adashmaydi!

Bilasizmi nima demoqchiman? Biz yashayotgan dunyo... shunday dunyoki, bundan qochish uchun odamlar o'zlarini har turli ermaklarga uradilar. Ko'zlarini berkitib boshqa narsalarni ko'rishni istaydilar ba'zan. Ba'zan shunday tanlovlarning biri albatta kitob bo'ladi. Ammo kitoblarda yaratgan olamimiz ham mukammal bo'lavermaydi. Balki bu hayotning i'nikosidir.

Shu kitobda yuragizmizni ezishi kerak bo'lgan bir joyi bor:

"U hali devor oldida edi. Men xonaga kirganimdan beri u devorga suyanib, qo'llarini chalishtirib turardi. Men uni qo'lim bilan ko'rsatganimdan so'ng u qo'lini tushirib, devorni ushladi. Uning qo'li hech qachon quyosh ko'rmaganday oppoq edi, shu darajada oq ediki, Jemning nim qorong'u xonasida ham qaymoqrang devorda uning oqligi bilinib turardi.

Qo'lidan keyin men uning changga belangan moshrang shimini ko'zdan kechirdim; ko'zlarim uning yirtilgan ko'ylagiga tushdi. Uning yuzi qo'li kabi oq edi, lekin iyagi ko'rinmayotgandi. Yuzi kirtayib ketgandi; og'zi katta, chakkalari ichiga botib ketgan; ko'k ko'zi oqarib ketganidan uni hatto ko'rmikan deb o'ylabman; boshining tepasidagi rangsiz siyrak sochlari parga o'xshar edi."

Bu jumlalar kitob xulosasi edi. Nimaga bunaqa? Bir insonning tanazzuli uchun kim aybdor? Jamiyat? Ota-ona? O'zimi? Taqdirmi yoki?

Nimaga bir negr shunchaki otib tashlanishi kerak? Aslida janob Yuelning qizini kim zo'rlagan? Qizni otasi zo'rlagan, jamiyat ma'naviy qoloqligi uchun ezgan, taqdir shunday tuqqan desam ishonasizmi?

Xastaginam, bu bilan men o'zimni sog' demoqchimasman, bunday qabihliklardan qanday qochish mumkin?

Boring, hamma qo'rquvlaringizni Redlilar uyiga o'xshash bir uyga qamang. Xoh orzungizni qamang, xoh o'zingizni. Shunda Artur alvasti kabi keraksiz oltinchi barmoqqa aylanasiz va sizni kesib tashlashadi! Hammasi tugaydi! Tugaydi...

... Bundan keyin o'zingizga "Qanday qochaman?" emas "Qanday barham beraman?" deb savol bering.

© Dilrabo Tursunqulova

📚 @kitoblar_apk
2.3k 0 0 4
20 last posts shown.