Muhandislik fakulteti | Qoʻqon davlat universiteti| Rasmiy kanal

#Qonunchilikdagi_yangiliklar

❗️Bitiruvchi kurs talabalariga Universitet diplomi beriladi

⚡️ Qarorga ko'ra, Universitet tibbiyot sohasi uchun oliy ma'lumotli mutaxassislar va ilmiy kadrlar tayyorlash, qayta tayyorlash va ularning malakasini oshirish bo'yicha yetakchi oliy ta'lim muassasasi hisoblanadi.

🗓 2025/2026-o'quv yilidan magistraturada bosqichma-bosqich xorijiy tillarda o'qitiladigan alohida guruhlar tashkil etadi.

🏢 Ixtisoslashtirilgan tibbiyot markazlari va Toshkent shahridagi tibbiyot muassasalari Universitet talabalari uchun klinik amaliyot bazalari etib belgilanadi.

🎓 Universitetga talabalarni o'qishga qabul qilish 2025/2026-o'quv yilidan boshlanadi.

📕 2025/2026-o'quv yilidan Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya institutida tahsil olayotgan barcha talabalar o'qishini Universitetda davom ettiradi hamda bitiruvchi kurs talabalariga belgilangan tartibda Universitet diplomi beriladi.

📁 Universitet tuzilmasida homiylik xayriyalari hisobidan to'ldiriladigan Toshkent davlat tibbiyot universitetini rivojlantirish jamg'armasi tashkil etiladi.

#Qonunchilikdagi_yangiliklar

❗️Toshkent davlat tibbiyot universiteti tashkil etiladi

“Tibbiyot sohasida kadrlar tayyorlash tizimini tubdan takomillashtirish chora-tadbirlari to'g'risida”gi Prezident Qarori (PQ-149-son, 22.04.2025 y.) qabul qilindi

🔰Qarorga ko'ra:

🔹Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya instituti negizida Toshkent davlat tibbiyot universiteti tashkil etiladi;

🔹Toshkent tibbiyot akademiyasining markaziy ilmiy-tekshirish laboratoriyasi negizida Tibbiyot ilmiy-innovatsion tadqiqot instituti faoliyati yo'lga qo'yiladi;

🔹Toshkent tibbiyot akademiyasining Urganch filiali Urganch davlat tibbiyot instituti etib qayta tashkil etiladi;

🔹Toshkent tibbiyot akademiyasining ko'p tarmoqli klinikasi, Toshkent pediatriya tibbiyot instituti klinikasi va Toshkent davlat stomatologiya instituti klinikasi Toshkent davlat tibbiyot universiteti klinikalari etib qayta nomlanadi;

🔹Toshkent tibbiyot akademiyasining Termiz va Chirchiq filiallari Toshkent davlat tibbiyot universitetining Termiz va Chirchiq filiallari etib qayta nomlanadi;

🔹Toshkent tibbiyot akademiyasi akademik litseyi, Toshkent pediatriya tibbiyot instituti akademik litseyi va Toshkent davlat stomatologiya instituti akademik litseyi Toshkent davlat tibbiyot universitetining 1-, 2- va 3-son akademik litseylari etib qayta nomlanadi.

✅ Ta'lim dasturlarini xalqaro tibbiy ta'lim standartlariga muvofiqlashtirib, kompetensiyalarga asoslangan tibbiy ta'lim dasturlarini joriy etish Universitetning asosiy vazifalari va faoliyati yo'nalishlaridan biri etib belgilandi.

Manba https://t.me/huquqiyaxborot_lotin

Qoqon davlat universitetining «Kimyo muhandisligi» kafedrasi tomonidan 2024 yil 2-3may kunlari “IJTIMOIY-GUMANITAR FANLARNI O‘QITISHNING ZAMONAVIY TEXNOLOGIYALARI” mavzusida Xalqaro ilmiy-amaliy konferensiyasi o‘tkaziladi.

KONFERENSIYA MAVZUSINING ASOSIY YO‘NALISHLARI:

1-sho‘ba. Zamonaviy dunyoda iqtisod, falsafa, tarix, dinshunoslik va fiolologiyaning dolzarb muammolari.; Hakimov Akmaljon Mirzag’aniyevich +998916544637

2-sho‘ba. Jamiyat taraqqiyotida kimyo texnologiya va muhandislik yo‘nalishlarining o‘qitishning zamonaviy texnologiyalari.;
Nuriddinov Abdulxamid Xusanjon o' g'li +998916869909

3-sho‘ba. Globallashuv jarayonida raqamli texnologiyalar, innovatsion materiallar, energetika, elektrotexnika va mexatronika soha kadrlarini o‘qitishning innavatsion yechimlari;
Toyirov Normuxammad Sultonali o‘g'li +998911505095

4-sho‘ba. Avtomabilsozlik, to’qimachilik va yengil sanoatni modernizatsiyalashda muhandislik yo’nalishidagi malakali kadrlar tayyorlashning muammo va yechimlari;
Umarov Sodiqjon Ahmadali og`li +998947109939

#kun_hikmati

“Odamlar seni qanday muomala bilan sinab ko‘rishsa, sen ularga qanday munosabatda bo‘lishing bilan sinalasan.”

✍Abu Hamid Al-G‘azzoliy

#Qonunchilikdagi_yangiliklar

❗️Aholining kundalik hayotida uchraydigan savollariga sodda va qulay javob beradigan onlayn platforma ishga tushiriladi

⚡️ Farmonga ko'ra, Iqtisodiyotda korrupsiyaviy omillarning oldini olish maqsadida:

🔹davlat xaridlarida sotib olinadigan tovar va xizmatlar narxi hamda uning o'rtacha bozor narxi o'rtasidagi tafovutning eng ko'p yo'l qo'yiladigan chegarasidan chetga chiqqan holda xaridlarni amalga oshirgan mansabdor shaxslar javobgarlikka tortiladi;

🔹2025-yilning 1-iyulidan yirik investisiya loyihalarida korrupsiyaga qarshi xalqaro standartlar hamda yirik auksion shartlarini raqobatbardoshlik ekspertizasidan o'tkazish tartibi joriy etiladi;

🔹“Shaffof qurilish” milliy axborot tizimi qamrovi yanada oshirilib, bosqichma-bosqich xalqaro tashkilotlar ishtirokidagi loyihalarga joriy qilinadi.

🗓 2025-yil yakunicha:

➖xalqaro tender obyektlari bo'yicha subpudratchilar “SHaffof qurilish” tizimi orqali jalb qilinadi;

➖qiymati 2 mln AQSH dollarigacha bo'lgan xalqaro moliya tashkilotlar hisobidan moliyalashtiriladigan mahalliy tenderlar “Shaffof qurilish” tizimida o'tkaziladi;

➖xalqaro tenderlar bo'yicha jalb qilingan chet el pudrat tashkilotlari shartnoma qiymatining kamida 60 foizini o'z kuchi bilan bajarish tartibi joriy etiladi.

🗓 2026-yil 1-yanvargacha vazirlik va idoralar, mahalliy hokimliklar tomonidan ko'rsatiladigan barcha davlat xizmatlarini tuman (shahar) kesimida aholining o'zi baholaydigan tizim joriy etiladi.

Bunda aholi tomonidan “qoniqarsiz” deb baholangan vazirlik, idora rahbarlari hamda tuman (shahar) hokimlari shaxsiy javobgarligi belgilanadi.

🌐 Sun'iy intellekt asosida aholining kundalik hayotida uchraydigan savollariga mobil telefon orqali sodda va qulay shaklda javob olish imkoniyatini beradigan onlayn platforma ishga tushiriladi.

Kanalga ulanish👇👇👇
https://t.me/huquqiyaxborot_lotin