ЖУМА МАВЪИЗАЛАРИ ЎЗ

https://telegra.ph/ISLOMDA-DЎSTLIK-VA-ЎZARO-MUҲABBATGA-TARҒIB-11-13
--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
ИСЛОМДА ДЎСТЛИК ВА ЎЗАРО МУҲАББАТГА ТАРҒИБ
    Ҳурматли жамоат! Динимиз одамлар ўртасида ўзаро дўстлик ва муҳаббат алоқаларини мустаҳкамлашга тарғиб қилади. Аллоҳ таоло йўлидаги дўстлик нафақат дунёда, балки охиратда ҳам давом этади. Шунинг учун бу дўстликнинг савоби улуғ бўлиб, ҳақиқий дўстларни жаннатга етаклайди. Бугунги мавъизамизда мана шу мавзуда суҳбатлашамиз.
    Исломдаги чиройли сифатларидан бири ўзаро муҳаббат ва дўстлик алоқаларини ўрнатишдир. Бу ишлари билан мўмин-мусулмонлар ўзаро фахрланиш, насаб, обрў-эътибор ва мансаб кабиларни иккинчи даражали нарсалар эканини исботлайдилар. Одам болалари ўртасидаги тенглик ва Ислом асосига қурилган дўстлик-биродарлик ҳақида Аллоҳ таоло шундай дейди:
إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ 
    яъни: “Албатта, мўминлар динда ўзаро биродардирлар. Бас, сизлар икки биродарингиз ўртасини тузатиб қўйингиз ва Аллоҳдан қўрқингиз, шояд, раҳм қилинсангиз” (Ҳужурот сураси 10-оят).
   Ояти каримада ўзаро келишмай қолган икки мўмин-мусулмон ўртасини ислоҳ қилиш, уларни тўғри йўлга қайтаришга буюрилмоқда. Оиламизда, қўни-қўшнилар ва дўстларимиз ичида қанчадан-қанча аразлашган кишилар борки, улар ўртасини ислоҳ қилиш ва дўстлик алоқалари тикланишига сабаб бўлиш катта савобли ишдир.
    Пайғамбаримиз алайҳиссалом Ислом умматини ўзаро биродарликка, қардошликка, ҳамкорликка чақирганлар. Бунинг амалий кўриниши сифатида Мадинага ҳижрат қилиб келганларида муҳожир ва ансорларни ўзаро дўстлаштириб қўйдилар. Расулуллоҳ саллаллоҳу алайҳи васаллам шундай деганлар:
اَلْمُسْلِمُ أَخُو الْمُسْلِمِ لَا يَظْلِمُهُ وَلَا يُسْلِمُهُ مَنْ كَانَ فِي حَاجَةِ أَخِيهِ كَانَ اللهُ فِي حَاجَتِهِ وَمَنْ فرَّجَ عَنْ مُسْلِمٍ كُرْبَةً فرَّجَ اللهُ بِهَا عَنْهُ كُرْبةً مِنْ كُرَبِ يَوْمِ الْقِيَامَةِ ومَنْ سَتَرَ مُسْلِمًا سَتَرَه اللهُ يَومَ القِيَامَةِ
   яъни: “Мусулмон – мусулмон кишининг биродаридир. Унга зулм ҳам қилмайди ва биродарини душманга ҳам топшириб қўймайди. Ким биродарининг ҳожатида бўлса, Аллоҳ ҳам унинг ҳожатида бўлади. Ким мусулмондан ғам-ташвишни кетказса, Аллоҳ таоло уни Қиёмат ғам-ташвишларидан халос этади. Ким мусулмоннинг айбини беркитса, Аллоҳ таоло Қиёмат кунида унинг ҳам айбини беркитади” (Имом Бухорий ва Имом Муслим ривояти).
    Даврларнинг яхшиси – саҳобийлар даврида дўстлик катта масъулият, фидокорлик ва инфоқ-эҳсон қилиш эди. Улар ўзгаларни ўзларидан ортиқ кўрар, муҳаббатлари чин кўнгилдан эди. Дўстликнинг ажрини фақат Аллоҳ таолодан кутишарди. Улар ўзаро раҳмдил эдилар. Бор мол-мулклари Маккада қолган муҳожирларни ансорийлар бажонидил кутиб олдилар, улар жой бердилар, ҳатто таомларини баробар бўлишдилар. Мискинларнинг отаси деб ном олган Жаъфар розияллоҳу анҳу уйида бирор нарса бўлса уни муҳожирларга берар эди. 
    Ансорий Саъд ибн Муоз розияллоҳу анҳу вафотлари ҳақида Оиша онамиз айтадилар:
فَحَضَرَهُ رَسُولُ اللهِ صلى الله عليه وسلم وَأَبُو بَكْرٍ وَعُمَرُ، فَوَالَّذِي نَفْسُ محمد بِيَدِهِ إِنِّي لَأَعْرِفُ بُكَاءَ عُمَرَ مِنْ بُكَاءِ أَبِي بَكْرٍ، وأَنَا فِي حُجْرَتِي، وكَانُوا كَمَا قَالَ اللهُ عَزَّ وَجَلَّ: رُحَمَاء بَيْنَهُمْ )سورة الفتح:29(” رواه أحمد
“Унинг жанозасига Расулуллоҳ, Абу Бакр ва Умар ҳозир бўлдилар. Муҳаммаднинг жони қўлида бўлган зотга қасам, ҳужрамда туриб, Абу Бакрнинг йиғисини Умарнинг йиғисидан ажратар эдим. Улар Аллоҳ таоло: “Улар ўзаро меҳрибондирлар”, дегани каби эдилар” (Имом Аҳмад ривояти).
Ҳасан Басрий раҳимаҳуллоҳдан "Энди бизлар учун на оқловчилар ва на бирон қадрдон дўст бордир" (Шуаро сураси 100-101) оятлари ҳақида сўралганда...

  Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

https://telegra.ph/ISLOMDA-SOLIҲA-AYOL--HADIJZHA-ONAMIZ-TIMSOLIDA-11-07

--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
 АЛЛОҲ САЛОМ ЙЎЛЛАГАН ЗОТ!

        ИСЛОМДА СОЛИҲА АЁЛ – ХАДИЙЖА ОНАМИЗ ТИМСОЛИДА
    Муҳтарам жамоат! Бугунги маърузамизда Ислом динини биринчи бўлиб қабул қилган, жаннатий аёлларнинг саййидаси, Пайғамбаримиз алайҳиссаломнинг биринчи ва энг суюкли аёллари бўлмиш Хадийжа бинти Хувайлид розияллоҳу анҳо онамиз ҳақларида суҳбатлашамиз. 
     Хадийжа бинти Хувайлид розияллоҳу анҳо онамиз “Фил воқеаси”дан ўн беш йил илгари (милодий 556 йили) Маккада, эътиборли оилада таваллуд топганлар. Хадийжа онамизнинг насаблари Расулуллоҳ алайҳиссаломнинг бешинчи боболари бўлмиш Қусай ибн Килобда бирлашади. Бу зотни бизнинг диёрларда Хадича деб аталса-да, асли исмлари Хадийжадир.  
    Хадийжа онамиз олийҳиммат, дунёқараши кенг, молдор, диндор ва покиза аёл бўлганлар. Шунинг учун ҳам Хадийжа онамиз Қурайш аёллари ичида Ислом келишидан олдин ҳам Тоҳира (Покиза) деб ном олган эдилар.
    Сийратчи олим Ибн Ҳишом Хадийжа онамизни бундай таърифланганлар:
كَانَتْ خَدِيْجَةُ يَوْمَئِذٍ أَوْسَطَ نِسَاءِ قُرَيْشٍ نَسَبًا، وَأَعْظَمَهُنَّ شَرَفًا، وَأَكْثَرَهُنَّ مَالًا
яъни: “Хадийжа – насаб жиҳатидан қурайшликларнинг энг яхшиси, обрўда энг улуғи ва энг молдор эдилар” (“Сийрати Ибн Ҳишом” китоби).
    Хадийжа онамиз Расулуллоҳ алайҳиссаломга никоҳланишларидан олдин Абу Ҳола ибн Наббош, сўнгра Атиқ ибн Обид исмли кишиларга турмушга чиққанлар. Булар билан яшаш асносида ўғил ва қиз фарзанд кўрганлар. Хадийжа онамизнинг барча фарзандлари Ислом дини келгандан кейин мусулмон бўлиб, саҳобалик мақомига эришганлар. 
    Иккинчи турмуш ўртоқлари вафот этгандан кейин Қурайш зодагонлари ва бошқа обрўлик кишилар томонидан Хадийжа онамизга совчилар жуда кўп келди, лекин онамиз бирортасига рози бўлмадилар ва асосан, тижорат билан шуғулланиб, молларини Шом ва Яман диёрларига жўнатар эдилар. 
    Хадийжа онамиз шу зайлда ҳаёт кечириб турган пайтларида Русулуллоҳнинг ишончи, ростгўй ва хулқлари гўзал эканликлари ҳақида онамиз хабар топдилар. Шунда Онамиз Расулуллоҳнинг суриштириб, у зот орқали молларини Шомга жўнатиб, жуда катта фойда ва баракага эришдилар. Пайғамбаримиз алайҳиссалом билан содир бўлган ажойиб ҳолатлар ва гўзал хулқларини кўриб, У Зотга турмушга чиқдилар. Шунда Расулуллоҳнинг ёшлари йигирма беш ва онамизнинг ёшлари эса, салкам қирқда эди. Лекин......

  Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

https://telegra.ph/BIR-OYAT-TAFSIRI-ALLOҲ-TAOLOGA-SEVIMLI-BANDALAR-10-29
--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
БИР ОЯТ ТАФСИРИ: АЛЛОҲ ТАОЛОГА СЕВИМЛИ БАНДАЛАР
(Фурқон сураси, 63-67 оятлар)
    Муҳтарам жамоат! Бугунги мавзуимизда уммат учун долзарб бўлган, кундалик ҳаётимизда кўп учраётган иллатларга даво бўлган Қуръон оятлари тафсири ҳақида суҳбатлашамиз. 
   Ҳар бир мўмин-мусулмон борки, Аллоҳ таолога севимли банда бўлишни истайди. Зеро, Аллоҳ таоло суйган бандалар ҳар икки дунёда саодатли бўладилар. Уларга қиёматнинг даҳшатларида хавф ҳам йўқ, хафа ҳам бўлмайдилар. Улар соя-салқин жаннатларда, сўрилар устида кўз кўриб қулоқ эшитмаган неъматлар ичида бўладилар. Дўзах ўтидан нажот топиб, абадий саодатга эришадилар. 
   Аллоҳ таоло Қуръони каримнинг бир қанча ўринларида севимли бандаларини сифатлаган. Жумладан, Фурқон сурасининг 63-67-оятларида ҳам Аллоҳ таолонинг хос бандалари ҳақида сўз кетади. Бу оятларни ўрганиб қуйидаги сифатлар бандани Аллоҳ таолога севимли қилишини билиб оламиз:
   1. Камтар бўлиш ва жоҳиллар билан тортишмаслик;
  Бу ҳақда ояти каримада шундай дейилади:
وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ 
هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63)
    яъни: “Раҳмоннинг (суюкли) бандалари ерда камтарона юрадиган, жоҳил кимсалар (бемаъни) сўз қотганда «Саломатлик бўлсин!» деб жавоб қиладиган кишилардир” (Фурқон сураси 63-оят).
   Зайд ибн Аслам айтади: “Мен ушбу оятнинг тафсири ҳақида сўраб-суриштириб юрардим. Бу хусусда қониқарли изоҳ топа олмадим. Шу кунларда туш кўрдим. Тушимда бир киши олдимга келиб: “Улар ер юзида фасод чиқаришни истамайдиганлардир”, деди”.
    Ибн Аббос розияллоҳу анҳу: “Итоат, яхшилик ва тавозе билан юрадилар”, деб тафсир қилган бўлсалар, Ҳасан: “Нодонларга парво қилмайдилар, уларга нодонлик қилинса, нодонлик билан жавоб бермайдилар. Одамлардан ўзларини катта олмай юрадилар”, деб таъвил қилган.
    Демак, Аллоҳ таоло севган бандалар ҳилм, сакинат ва виқор билан юрадилар, кибрланмайдилар. Ер юзида фитна-фасод чиқариб, осийлик қилмайдилар. Жоҳил кимсалар уларга ёқмайдиган гапларни гапирсалар ҳам, яхши гап билан жавоб қиладилар. Яъни, уларга жоҳилона муомала қилинса ҳам, жоҳиллик қилмайдилар.
   Бошқа ояти каримада Аллоҳ таоло ёмонликни яхшилик билан даф қилиш ҳақида шундай дейди:
وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ 
   яъни: “Яхшилик билан ёмонлик баробар бўлмас. Сиз (ёмонликни) гўзалроқ (муомала) билан даф этинг! (Шунда) бирдан сиз билан ўрталарингизда адоват бўлган кимса қайноқ (қалин) дўстдек бўлиб қолур” (Фуссилат сураси 34-оят).
    Аллоҳ таоло Пайғамбаримизга ва бу орқали Ислом умматига хитоб қилмоқдаки, сизга жаҳл қилганларнинг жаҳлини ҳилмингиз билан, сизга ёмонлик қилганларнинг ёмонлигини авфингиз билан, хуш кўрилмайдигани нарсаларни сабрингиз билан даф қилинг. 
   Пайғамбаримиз алайҳиссаломнинг ҳузурида бир киши бошқасини сўкди, иккинчиси: “Саломат бўл”, деди. Шунда Пайғамбаримиз алайҳиссалом айтдилар: 
أَمَا إِنّ مَلَكاً بَيْنَكُمَا يَذُبُّ عَنْكَ كُلَّمَا شَتَمَكَ هَذَا قَالَ لَهُ بَلْ أَنْتَ وَأَنْتَ أَحَقُّ بِهِ وَإِذَا قُلْتَ لَهُ عَلَيْكَ السَّلامُ قَالَ لَا بَلْ لَكَ أَنْتَ أَحَقُّ بِهَا (رواه امام احمد )
...........
  Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

https://telegra.ph/DINIMIZDA-MUSIBATLARNI-ENGISH-VA-SABRGA-TAVSIYALAR-10-22

--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
ДИНИМИЗДА МУСИБАТЛАРНИ ЕНГИШ ВА САБРГА ТАВСИЯЛАР
     Муҳтарам жамоат! Аллоҳ таоло дунё ҳаётини бандалари учун синов майдони қилди. Бу ерда одамлар синалади: ким солиҳ-эзгу амаллар қилади, ким гуноҳлар остида қолади. Бу синовлар ичида турли қийинчилик, мусибат, касаллик ва балолар борки, мўмин киши уларни сабр билан енгиб ўтса, дунёда ҳам, охиратда ҳам саодатга эришади. 
     Аллоҳ таоло Қуръони каримда бандаларини сабр ва намоз билан ёрдам сўрашга буюради, У сабр қилувчилар билан бирга эканини эълон қилади:
يَا أَيُّهَا الَّذِينَ آَمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ
    яъни: “Эй, имон келтирганлар! Сабр ва намоз билан (Мендан) ёрдам сўрангиз! Албатта, Аллоҳ сабр қилувчилар билан биргадир” 
(Бақара сураси 153-оят).
     Кейинги оятларда эса инсон ҳаётида юз бериши мумкин бўлган хавф, очлик, молнинг камайиши, жонига мусибат етиши, яқинларидан ажралиш, ризқу рўзнинг камайиши кабилар саналади. Бу мусибатларга сабр қилганларга хушхабар берилади. У сабрли бандаларни янада очиқроқ сифатлаб, улар мусибат етганда:   
      “Биз Аллоҳникимиз ва унга қайтамиз”, дейишларини баён қилади. Ана ўшандай бандаларга Аллоҳ таолонинг фазл марҳамати ва раҳмати бўлиши ва улар ҳидоят топган зотлар экани айтилади: 
وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)
    яъни: “Сизларни бироз хавф-хатар, очлик (азоби) билан, молу жон ва мевалар (ҳосили)ни камайтириш йўли билан синагаймиз. (Шундай ҳолатларда) сабр қилувчиларга хушхабар беринг (эй, Муҳаммад)! Уларга мусибат етганда: “Албатта, биз Аллоҳнинг ихтиёридамиз ва албатта, биз Унинг ҳузурига қайтувчилармиз”, – дейдилар. Айнан ўшаларга Парвардигорлари томонидан салавот (мағфират) ва раҳмат бордир ва айнан улар, ҳидоят топувчилардир” (Бақара сураси 155-157-оятлари).
    Пайғамбаримиз алайҳиссалом мўминнинг ҳоли ажабланарли экани, у модомики сабрли ва шукрли бўлар экан доим ютуқда эканини айтиб шундай дейдилар:
عَجَبًا لِأَمْرِ الْمُؤْمِنِ، إِنَّ أَمْرَهُ كُلَّهُ لَهُ خَيْرٌ وَلَيْسَ ذَلِكَ لِأَحَدٍ إِلَّا لِلْمُؤْمِنِ، إِنْ أَصَابَتْهُ سَرَّاءُ شَكَرَ وَكَانَ خَيْرًا لَهُ، وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ (رواه مسلم)
    яъни: “Мўминнинг иши ажабланарли. Унинг ҳамма иши унга яхшиликдир. Бу фазилат фақат мўминга бўлади. Унга хурсандчилик етса, шукр қилади, бу унга яхши бўлади. Унга ёмонлик етса, сабр қилади, бу унга яхши бўлади” (Имом Муслим ривояти).
     Ансорийлардан баъзилари Пайғамбаримиз алайҳиссаломдан садақа сўрашди,...........

   Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

https://telegra.ph/ҚURON-ҲIKMATLARI-10-16
--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
 ҚУРЪОН ҲИКМАТЛАРИ:
“Кибр ва тавозеъ (Луқмон сураси 18-19-оятлар)”
    Муҳтарам жамоат! Бугун сизлар билан Луқмон сурасининг 18-19-оятларида келтирилган солиҳ банда-Луқмони ҳакимнинг ўғилларига айтган баъзи насиҳатлари ҳақида суҳбатлашамиз. 
    Инсон дунёда яшар экан унинг олий мақсади Ҳақ таолони рози қилиб, икки дунё саодатига эришишдир. Бунинг учун киши Роббиси хуш кўрадиган хулқларни эгаллаши ҳамда У Зот ёқтирмайдиган хислатлардан узоқ бўлиши лозим. Қуйидаги оятларда ҳам айнан кибрнинг ёмонлиги ва ноўрин бақир-чақир қилиш мусулмонга нолойиқ сифат экани баён қилинган:
 وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا إِنَّ اللَّهَ لَا يُحِبُّ كُلَّ مُخْتَالٍ فَخُور 
    яъни: “Одамларга (кибрланиб) юзингни буриштирмагин ва ерда керилиб юрмагин! Чунки, Аллоҳ барча кибрли, мақтанчоқ кимсаларни суймас” (Луқмон сураси, 18-оят).
    Дарҳақиқат, мусулмон киши ҳатто юриш-туришда ҳам кибру ҳаводан, такаббурликдан сақланиш керак.
    Ибн Касир раҳматуллоҳи алайҳ ушбу оятдаги “Одамларга (кибрланиб) юзингни буриштирмагин” жумласини шарҳлаб бундай деганлар: “Одамлар билан гаплашаётган пайтда кибр қилиб ёки уларни менсимасдан юзингизни улардан буриб олманг. Балки уларга эътибор ва мулойимлик билан муомала қилинг”.
     Ояти кариманинг давомида “ерда керилиб юрмагин!” дейилмоқда. Яъни киши ўзидан фахрланиб ва ажабланиб юриши ёмон иллат экани баён қилинмоқда. Тафсири Жассосда бундай дейилган: “Ушбу оятда Аллоҳ таоло киши ўзи билан фахрланиб юриши ва ўзгаларни камситиши ва менсимаслиги каби ёмон иллатлардан қайтармоқда. Бундай иллатлар жоҳил ва нодон кишиларда ҳамда ўзининг ибтидоси ва бир кун келиб тупроққа айланиб кетишидан хабари йўқ кимсаларда топилади”.......

Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q

https://telegra.ph/DINIMIZ-ЎGITLARIDA-VAҚT-ҚADRI-10-09

ДИНИМИЗ ЎГИТЛАРИДА ВАҚТ ҚАДРИ
9 октября 2024 от Жума мавъизалари Ўз
     Муҳтарам жамоат! Аллоҳ таоло бандаларига ато қилган умр катта неъматлардан биридир. Айниқса, дунё машғулотларидан ортган бўш вақтимиз биз учун жуда қимматлидир. Қайси бир шахс мана шу вақтидан унумли фойдаланса: ибодат қилса, илм-маърифатини оширса, касб ўрганса, турли савоб ва эзгу ишларни қилса, унинг икки дунёси ҳам гўзал бўлади. Агар банда бўш вақтини гуноҳ-маъсиятга, бекорчи ўйин-кулгуга ва фойдасиз нарсаларга сарфласа, ҳар икки дунёда батхсизликка учрайди. Бу ҳақда Аллоҳ таоло севимли Пайғамбаримизга шундай буюрган:
فَإِذَا فَرَغْتَ فَانْصَبْ وَإِلَى رَبِّكَ فَارْغَبْ
     яъни: “Бас, (эй, Муҳаммад!) Қачонки, (намоздан) фориғ бўлсангиз, (ўрнингиздан) туринг ва Раббингиз сари рағбат (билан дуо) қилинг!”  (Шарҳ сураси 7-8-оятлар).
     Демак, мусулмон киши дунё ишлари ва тирикчилик юмушларидан бўш вақт топса, Роббисига юзланиши, дунё ва охирати учун фойдаси тегадиган ишларни қилиши керак. Қимматли вақтини бефойда нарсаларга совурмаслиги даркор.
    Ҳақ таборака ва таоло Қуръони каримнинг “Мулк” сурасида бундай марҳамат қилади: “У (Аллоҳ), сизларнинг қай бирингиз яхшироқ амал қилишингизни синаш учун ўлим ва ҳаётни яратган Зотдир”. Ушбу ояти каримадан инсон умри бекорга берилмагани, уни ҳуда-беҳуда ишлар, кайфу сафо ва бекорчилик, дангасалик ва тамбаллик билан зое қилиш учун эмас, балки хайрли амаллар, фойдали ишлар, элу юртга манфаат келтирадиган ҳамда охират учун захира бўладиган буюк ишларни амалга ошириш учун берилган қимматли фурсат экани ойдинлашади..........

--- ∽❧❧۞🍃🕌🍃۞∽❧❧∽ ---

            НАВБАТДАГИ
           ЖУМА  ТЕЗИСИ
ДИНИМИЗ ЎГИТЛАРИДА ВАҚТ ҚАДРИ
Тезисни тўлиқ ўқиш учун пастдаги
   «TEZKOR KO‘RISH» ёки «ПОСМОТРЕТЬ» деган ёзувни устига босиш керак. Бу бошқа каналга йўналтирмай дарров очилади. Ўқишга осон тайёрланган.

🌙🕌«Жума мавъизалари Ўз»
       каналига уланиш учун
       👉  https://t.me/joinchat/AAAAAEZ6gdBWUOdHKnnL1Q