🔴Унда нега овқат ейсан?

Шайх Али Тантовий раҳимаҳуллоҳ бир бенамоз йигит билан суҳбатлашганини қуйидагича хотирлагандилар:
Йигит:
– Тўғри, намознинг фарз эканини инкор қилмайман. Мен ҳам намоз ўқишни яхши кўраман. Лекин баъзи намозхонларни кўргач, намоздан нафратланиб кетаман... Мактабимизда бир йигит бор. Беш маҳал намозини ўқийди. Лекин ўзи ёлғончи, такаббур бола, омонатдор эмас. У тўғри йўлдан оғиб кетган, – деди.
Шунда мен:
– Шунинг учун намоз ўқимайсанми? – дедим.
У:
– Ҳа, – деди.
Мен:
– Унда нима учун овқат еяпсан? – дедим.
– Нима учун емай?! – деди у ҳайрон бўлиб.
Мен:
– Чунки овқат еяётганлар ичида ҳам ўғри, хулқи бузуқ ва такаббурлари бор, – дедим. – Бор бўлса нима бўпти? Ахир организмнинг яшаши учун овқатланиш керак-ку! –деди.
Мен:
– Худди шунга ўхшаб, руҳнинг яшаши учун ҳам намоз керак! Кимдир ёлғончи бўлса, сенинг намоз ўқимаслигингга нима алоқаси бор? – дедим.

✈️ @HidoyatUz