Фарғона вилоят прокуратураси томонидан ёқилғи-энергия ресурсларини иқтисод қилиш ҳамда энергия тежовчи технологияларни жорий этилиши устидан назорат ўрнатилган.

Хусусан, вилоят прокурори ўринбосари А.А.Хасанов томонидан “Энергетика хавфсизлиги ойлиги” деб эьлон қилиниши муносабати билан мутасадди идоралар масьуллари иштирокида йиғилиш ўтказилди.

Йиғилишда энергия тежовчи технологияларни жорий этилиши, уларнинг афзалликларини кенг жамоатчиликка тушунтириш борасида масъул ҳодимлар томонидан олиб борилаётган ишлар танқидий муҳокама қилинди.

Шунингдек, масъулларга амалга оширилиши лозим бўлган ишларни янада кучайтириш ва аҳоли ҳамда кенг жамоатчилик ўртасида тарғибот тадбирларини ўтказиш бўйича тегишли топшириқлар берилди.

Ҳозирда, мазкур йўналишда ишлар давом эттирилмоқда.

👉https://t.me/FargonaViloyatProkuraturasi